本地薑 (已結業)

🌝葵涌黃店特多，今次去這間可能是街坊才會懂得去，但也是能接駁地鐵站的商場地下。🍛老闆娘挺年輕也很有禮貌，菜式多樣，有蒸餸系列、焗飯、加了檸檬的酸辣米線等。👧雖走茶記路線，但裝修就像cafe，有漂亮的燈和闊落的空間，看得出下過心思設計。即使一個女生來吃，也是很舒服的。🥢🐣叫了最清淡的雞叉燒烏冬，感覺很健康，家中是無飯一族的話，不妨來嘗嘗家常小菜的感覺吧。▪️▫️▪️▫️▪️▫️▪️▫️▪️▫️▪️▫️▪️▫️▪️▫️📍本地薑🥰裝修算靚，一個女生去也不會侷促尷尬🤗多元化選擇，有一般茶記食物和較健康菜色😆街坊價錢@_sg_soulginger_葵芳廣場地下18號舖雞叉燒手撕雞配白雞湯日式烏冬💲6️⃣5️⃣

餐廳名叫本地薑 Soul Ginger, 個名幾特別佢裝修都好靚 成間餐廳都好光猛 最近先開既鋪薑湯泡飯 $ 56可以揀兩款肉 另外仲會有幾條菜心薑湯都好少係出邊餐廳試過 佢呢度清清地 似乎無咩放到味精鮮茄焗豬扒飯 $50可惜唔係炒飯底 不過佢焗出黎幾都香口唔會太重口味

過嚟葵芳搵食唔算多，都叫間唔時有，但大多數都喺「新都會」、「葵涌廣場」呢一邊，但以地鐵為界，另一邊屬「領展」嘅「葵芳廣場」（跟「葵涌廣場」只喺一字之差）就完全未嚟過。若非老友喺街坊，應該都唔會過嚟吧！今晚就同呢個老死聚聚舊，兩個麻甩佬，食吓小炒，傾吓近況。 餐廳門面幾光猛，裡面一室以白色為主調，以二人、四人枱為主，但樓底特別高，一眼所見，都喺做街坊生意，不時有啲街坊買外賣。 餐具、基本調味料簡單放晌枱上，依家疫情緩和就好啲，否則，無遮無掩就唔喺咁衛生。但依家基本上都會要杯熱水用嚟洗洗餐具，求個安心。單睇店名你未必估到佢賣乜，翻一轉餐牌，其實都喺新派少少嘅茶記，早午茶餐、碟頭飯、小炒……固然會有，亦兼賣吓米線咁，較特色喺一系列嘅薑湯泡飯，啱晒依家有啲天寒地凍嘅時候食。總之，一貫茶記風格，乜都有啦。椒鹽香酥雞球配白飯 $78晌出面食小炒，就梗喺揀啲唔家常嘅，屋企唔方便煮，又或唔識煮嘅，所以，小弟就揀呢一道雞球。份量唔少，炒得啲雞球一身金黃，睇見滿滿椒鹽，就好誘人。試一口雞球，掂喎，啲雞肉頗嫩滑，而且，好有椒鹽香氣，非常惹味，拌飯就啱晒。 豆腐火腩煲配白飯 $88兩個麻甩佬唔講咩浪漫，但喺，

今日到店食米線，門口四眼黑衫姐姐十問九唔認，剩係no no no，食物點好食都無用啦，所以不會再光顧。後來發現她對外賣員也一樣態度，怪不得前幾日叫餐等了很久，食物好食當然重點，但態度亦一樣，希望貴店改善。今日食左個雞叉燒手撕雞配白雞湯日式烏冬，湯好飲，烏冬煙un，叉燒較硬，咬到牙都軟，配凍奶茶，普通，冰太多，環境幾好，因為得三枱客人，我朋友食燒汁牛扒配牛骨濃湯日式烏冬，湯一樣好飲，牛扒較薄，凍檸茶，冰多。

每年都會去葵芳探契媽，我以前覺得呢度係老人村，每次想去食飯除咗酒樓都冇乜選擇，今年去到竟然有驚喜，之前裝修緊嘅食肆而家全部都開晒啦！一於搵咗間夠晒人氣嘅小店試下，本地薑裝修明亮，乾淨食得安心。餐牌好多款式選擇，米線、泡飯、小菜套餐都有。Set Meals薑湯泡飯 $ 56契媽話想食清啲，薑湯泡飯可以驅寒，啱晒而家凍冰冰嘅天氣，任選兩款我哋要咗 鮮牛肉 & 滑肉片; 肉味香濃，肉質鮮嫩。加一點蔬菜🥬 菜心 特別甜美。薑湯為小店秘製的，水準之上，感覺無味精，湯底特別清甜，有機會都可以試下其他泡飯。薑味梳打 +＄5真係超級薑味，好清新辣辣地，口感豐富。期間限定鮮茄焗豬扒飯 $50黃金花枝丸＄244粒 大大粒的黃金花枝丸，口感非常彈牙，炸得黃金香脆，口感都不錯，十分推介！麻辣鴨血腩肉米線 55材料好豐富，有好多腩肉，米線質地彈牙，份量十足，大大塊腩肉肉質鮮嫩，口感不會韌，鴨血非常入味，湯底辣度可以選擇小辣夠刺激，材料吸收湯底的辣味更惹味。總括而言，小店服務態度友善，米線彈牙，份量十足，地點交通方便，良心小店之選。

透過網上外賣平台叫外賣，價格與顯示不同，強行要加錢叫飲品，送到屋企，食物分量超細，一盒牛肉炒烏冬，三啖食完，蒸魚更加搵笨，仲話係人氣之選?只得半隻手掌大，衰過兒童餐，仲要收80蚊。超級搵笨。疫情之下，餐具包裝損毀，開曬口，極之危險，而且欠缺衛生。奶茶茶底飲不出任何茶味，奶多茶少，不如飲奶。跟魚的飯只得三分一碗。蒸魚冇味小汁，物非所值。原本透過網上外賣平台見到不過50元一個餐，結果要80元，仲要分量少，這間店舖完全沒有存在價值，純粹欺騙市民。

今日去開葵芳探朋友，之後要搵晚餐食，佢哋介紹嚟呢間小店食，我們就一於試下。餐廳都好光猛，座位都有隔版，食得安心。睇左餐牌都有唔同種類嘅選擇，米線同小菜都有。我哋兩樣都要左各一。米線要左濃雞湯竹笙手絲雞雞卷粉絲米粉配飲品，要左一杯桃類嘅特飲。飲品都幾fresh, 飲落都好開胃。個米線好大碗，雞卷有用酒處理過，粉絲米粉都好多，雞就好滑。另外小菜要左啫啫雞煲，上枱都好大份，雞同豬潤都好多件，食落夠入味，又唔會太老，送飯一流。個餐仲有中湯同叫左凍檸茶，都係水準之上，無乜味精，有機會都可以試下！

今日出開葵芳，順便食下好西，今次唔食葵廣試下其他當地既餐廳，比我搵到間「本地薑」。餐廳裝修得好精緻，比人坐得舒服既感覺，而且座位都好寬落。餐廳主打米線，以各款米線做招徠，餐牌會有米線配搭推介，如果唔中意一樣可以自行選擇配菜。今次我就試左佢既招牌酸辣肥牛大腸米線，貪方便唔洗諗。米線份量都幾多，湯底睇落去都知道夠濃，間唔中食下其他小店既米線，好過成日幫襯連鎖既米線店。另外仲order左炸雞翼同加左碟菜。飲品都好值得試下，大杯得黎價錢又唔貴。

從餐牌來看，午市不會特別的平或抵食，在葵芳來說，這類型的食肆比較，這店屬中等價格。今次試了滷水豬手拼豬腸飯，$62，包熱飲，凍飲加$5。一送來，感覺很豐富，滿滿的豬手和鹵腸，還有分兩半的一隻鹵蛋。旁邊還伴有兩棵幾新鮮的白菜仔和鹹酸菜。本身我怕鹹，所以叫了走汁，是正確的，因為鹵物味道入味。我先要讚酸菜，葉同莖都不會過鹹，味道得宜。伴著無味的新鮮白菜仔食不錯哩！講返主角鹵物，鹵腸肥美，厚身。豬手也夠淋和入味，肉不會過鞋。不過，若不能接受點點肥就不要叫這，我覺得這裡的豬手略略肥多了。凍奶茶，大杯，茶味特別，不會淡淡，但我不愛這茶味。店座位不多，想久坐是難的，不過生意難做，食飽就只好讓位啦！有機會，下次再試湯米線吧！

假期約了朋友去葵芳行街,於是醫一醫肚仔先,葵芳廣場地下有間裝修得很簡約很光亮的店鋪,於是就入去食。餐牌上有好多選擇,有米線,飯,烏冬和all day breakfast。我們嗌左米線和小食。腩肉鷄絲炸醬小鍋米線材料好豐富,有好多腩肉和雞絲,腩肉好軟身,入口即融,老人家小朋友都好容易食得到,沒有其他配料,湯底比較清淡 麻辣腩肉鴨血米線朋友食得辣,因此點了麻辣腩肉鴨血湯底,辣度普通,不過鴨血就好入味,吸收左湯底的辣味,腩肉一樣好唸身,如果可以加些配菜就更加好了。 黃金墨魚餅裡面是白色的墨魚蓉,外面是經過煎炸的外皮,口感都不錯,幾重墨魚味 最後我們點了兩杯飲品,一杯是百香玉露,飲落有好香的百香果香味,很清新的感覺,味道清清地,可以解膩,不錯另一杯是蜂蜜柚子茶,味道正常。

成日響葵涌廣場行完街都唔知食咩好～去新都會又怕好多人等位又唔想企響度掃街今日開心大發現咁近有另一個商場呢頭嘅餐廳唔算好多人而且價錢好親民呢間好多款式選擇就幫襯佢～朋友想食酸辣粉～不過可以轉米粉都係第一次見🤣🤣酸辣粉嘅湯底好惹味～仲點咗滷水牛展炆到好腍好入味我就點咗鑊氣小炒晚餐粟米魚柳一向係我最愛食落個汁好好送飯～～魚柳個炸漿唔會好厚，抵讚呢度甲最特別係可以唔要白飯轉米線～金銀蛋白菜🥬呢味就好香麻油味～～香菜仔份量好多～而且好新鮮佢地嘅肉碎堅係瘦肉冇肥豬肉食得勁放心跟餐仲有湯同飲品

呢間喺葵芳廣場地下既餐廳，用薑做主題，都算幾特別。我自己本身都幾鍾意食薑，特別係冬天，所以經過就去試下。黃金墨魚餅$28呢個係加配嘅小食，炸得剛剛好，唔會過晒火，而且咬落去個墨魚餅好彈牙，而且有粒粒墨魚，增加左口感，加埋泰式酸辣醬，酸酸辣辣，作為前菜好開胃。鵝肝肥牛滑蛋飯$82鵝肝配肥牛嘅配搭相當新穎，一咬落鵝肝食得出好甘香，再加埋滑蛋同肥牛，好順滑，而且重點係份量好大，好足料。薑湯泡飯$56呢個薑湯泡飯係一開始我就target要食。我揀咗豬膶同鮮牛肉，佢嘅湯底好清，而且食到滿滿薑味，再加埋芫荽感覺好下火，已豬潤亦都咬落去好粉，唔會過熟，成碗湯飯都清曬。黃金時代（特飲）黃金時代原來係用薑再加芒果。呢杯飲品非常解渴，因為有芒果嘅酸酸甜甜，亦帶有少少薑嘅辛辣味，所以好刺激。

本地薑💛少有的葵芳黃店可以有位、舒服慢慢坐(o^^o)🥢超多特色🍨雪糕特飲❤️‍🔥❤️‍🔥❤️‍🔥❤️‍🔥❗️🥢除了港式小炒，還有米線🤤🥢店裡的姐姐人很好(⁎⁍̴̛ᴗ⁍̴̛⁎)🥢如果我住在附近，一定會變成我日常飯堂🌞————————▪️咕嚕魚塊 $78超級多塊魚的，下面還有很多片！😆😆😆❤️醬汁很剛好，甜甜酸酸，最重要的是味道不會重到很像濃縮醬汁的感覺（有些店會這樣）❣️發現這很像是我第一次吃咕嚕魚，跟咕嚕肉最大差別的一定是它表皮很軟❗️沒有咕嚕肉那種嚼勁，我兩種都很喜歡🤣！真的很喜歡咕嚕肉/京都骨🥰 最特別是這間可以轉米線/米粉‼️不喜歡米飯的我真的很開心他們有這種選項😆💕▪️魔鬼炒飯 $58是豆豉鯪魚炒飯！整個炒飯都是濃濃的豆豉味，所以每一口都帶有鹹香、和炒出的香氣！▪️西部牛 🤎朱古力➕曲奇脆脆雪糕🍪雪糕不會融得快～因為雪糕夠冷凍！朱古力不會太甜，剛剛好🥰配上雪糕大開心大滿足🥰🥰🥰只是雪糕的曲奇味不是特別的濃～喜歡超冰凍飲的人/在熱到融化的夏天喝🍹一定超爽！還有超多種雪糕特飲

又喺葵芳呢頭放工 近近地就嚟咗呢間本地薑 聽個名都知夠晒本地 夠晒Hong Kong Style🙊餐廳舖面唔係好大 店員都係一腳踢 見到佢一路工作 一路伸隻手去背脊𢱑痕 真係戥佢辛苦 又戥我個腸胃擔心🥴 今晚叫咗個兩人餐 有兩款小菜 兩碗飯 同兩杯飲品黑椒茄子牛仔骨煲 望落牛仔骨份量唔少 不過都係一般菜餐廳水準 啲牛仔骨乸得太勁😕 牛仔骨下層墊咗茄子 唔怪得望落咁多牛仔骨 雖然有茄子吸油 但係仍然見到大量嘅油😟 呢碟非常重口味 好鹹粟米魚塊 魚塊大概有十嚿咁多 食落口食得出胡椒粉味 但係依然掩蓋唔到陣雪藏味 不過層炸粉唔算好厚 都係一碟好普通嘅小菜😮 粟米汁都算幾好送飯整體成個二人餐又唔算好差 但係又唔算好平 只係叫好正常嘅一餐 唔係特別好推介

係20:45入坐，有個肥店員帶眼鏡嘅矮呀姐，佢已經好粗聲粗氣，又逼我地快啲落單，但事實上坐底一分鐘都未有，未打開menu就已經催我地。好啦，係睇嘅過程中，佢來回行咗3次都不定催我地落單，又話炒野，米線要煮好耐。好似想趕我地走咁。之後到上食物，我地有個朋友將想將米粉轉米線，佢落單有寫到。但係出到嚟，份食物冇轉到米線。之後個好差態度嘅店員呀姐，話米粉係米線，喺度指鹿為馬，之後我哋同佢解釋咩叫做米線，咩叫做米粉。佢仲喺度扮傻，話唔知我哋噏乜，之後好西咁串我地，仲入翻廚房大大聲串我地。之後廚房換翻啱嘅米線，佢就死死遞返俾我哋。之後佢冇幾耐又喺度催我哋走，話：「我哋閂門啦喎，你哋食快啲」，我朋友就問返佢請問你哋幾多點收，佢話10:00，但嗰陣先21:25(｡ ́︿ ̀｡)佢就即刻話我都係「溫馨提示」姐。