木玥巷

營業中

休息中

黯然銷魂安格斯滷肉飯 $84 店家推介之包無伏系列。牛肉口感軟腍，牛味重，滷肉炒得鬆化，沒有滲出油光，加上半熟煎蛋🍳撈飯一流！台式炸物拼盤 $88有多樣小食，甜不辣（條狀炸墨魚餅）、鹽酥雞翼、花枝九、地瓜條，伴柚子醋，下面鋪了少量沙律菜，相當抵食🤩無論質感定係味道，甜不辣同花枝丸都差唔多，熱辣辣加Q彈。澎湖花枝蝦排 2件 $40較少有的菜式。肉眼可見混了墨魚粒🦑，用麵包糠炸更酥脆可口，再點上泰式酸辣醬更引人唾涎🤤木玥招牌水果茶 $42🤩見到大大一杯誠意十足！西柚、青檸、百香果、菠蘿粒，絕唔會飲到底出現味淡的情況。而且造型特別，插住枝叉令我聯想起大力水手，很快喝光了，表示本人有同水手一樣大的胃口🫣寒天多多 （白桃）$34在芒果同白桃的選項之中，因桃跟乳酸味道更夾，果斷order 咗後者，而且放咗為數不少的寒天，注入新食感！

屯門紅橋出名多美食，雖然唔算近西鐵站，但係係兆康站轉輕鐵都係兩個站就到，所以都值得過黎覓食😋今次揀左食台灣野「木玥巷」，入面座位寬敞，冷氣十分充足，大熱天時真係好需要冷氣💦💦餐廳設有洗手間，乾淨企理👍🏻▪️麻辣鴨血$70 （+$15跟麵）一送上黎已經勁香，好大陣麻辣湯既味，食落唔算太辣，麵底好吸湯好重味👍🏻鴨血大約有5舊，舊舊都大舊兼厚身，食落新鮮無腥味，配菜重有魚腐同金菇，份量一樣唔吝嗇🤭▫️蟹肉明太子炒新竹米粉 $90米粉炒得好乾身，條條分明，而且每一條都掛有明太子，食落好鮮味。用左胡蘿蔔、洋蔥、芽菜等既配料一齊炒，口感增加😋。炒米粉要煮得好食都唔容易，所以值得一讚👍🏻▪️鹽酥雞$42炸粉好薄，一口一粒，配埋柚子醬，一啲都唔油膩，而且份量好多，食極都未見底😂▫️寒天多多（白桃）$34▪️黑糖茉莉花冬瓜茶 $34兩款飲品都加左寒天晶球，甜得黎又有咬口👍🏻

呢排仲未有得去旅行但係又掛住台灣嘅嘢食，朋友就介紹我嚟呢間木玥巷到試吓。呢間舖裝修簡約有小小日式風格，坐落都幾舒服，但係作為一個食肆最重要都係啲嘢食。我地叫咗個鹽酥雞試吓，發現呢到嘅鹽酥雞非常香脆，但係又冇出面用好多麵粉包裹，只係得薄薄一層，非常有咬口又有雞味。配埋個柚子汁，簡膩一流，係我係香港食過最好食嘅鹽酥雞！正餐到就叫咗個紅燒牛肉麵同安格斯滷肉飯。個麵湯底清甜不油膩，牛肉亦都係厚切，咬落去好有質感，牛肚有鮮味爽口，個牛筋咬落去亦都好軟滑，啲骨膠原爆晒出嚟。至於個安格斯牛肉飯簡直係好食到叫出嚟，啲牛肉肉碎炒得好香，配埋個白飯簡直係絕配。最後我地叫咗兩款飲品，店員推介話係最新推出，咁就當然要試試佢啦。一個係寒天多多，乳酸飲品個味唔算特別重，個白桃又唔會太甜，有種好清新嘅感覺，啲寒天又唔會好硬但同時又好有質感。另一個係黑糖寒天歐蕾，黑糖嘅糖香加埋歐蕾嘅奶泡香滑，甜得嚟又唔膩，仲有陣陣奶香，非常推薦大家試吓。

疫情嘅關係已經好耐冇飛台灣了，前排突然好想食台灣菜，於是就搵咗一晚過嚟呢間試了～店內環境非常唔錯，座位都幾多而且坐得舒服🦦-櫻花蝦鰻魚炒飯 $88炒飯好有鑊氣，熱辣辣🔥份量好大，而且樱花蝦都幾多下，飯入面仲有鰻魚粒，兩個人share都絕對冇問題，滿足～-黯然銷魂安格斯滷肉飯 $84牛肉好入味，有牛味又非常冧🦦肉碎份量夠多，連埋隻太陽蛋真係送飯一流！-鹽酥雞 $42勁大份，真係食極都仲有😂炸得金黃又香脆，外脆內軟，點上酸酸甜甜嘅醬汁都好夾😙-招牌水果茶 $42大大杯，甜度適中，入面仲有好多水果，十分refreshing~~-柳橙汁水果茶 $42又係十分之大杯，一定夠飲，橙味夠，連埋水果真係好健康呀🫶🏻

*戰斧鹽酥雞扒 $82*鹽酥雞扒大得好誇張，大過你塊面，仲要有成兩塊咁多，大胃王既你快啲嚟挑戰下😋另外加咗碗珍珠米飯配牛肉滷肉*鳳梨🍍咕嚕蝦球 $88*蝦🦐有成10粒咁多👍🏻，仲要係大大舊有肉食，而菠蘿唔係罐頭菠蘿嚟㗎，係真材實料，開心🥳*夜市地瓜條*外型似薯條🍟咁上碟，即時炸起上碟，酸酸地令人忍唔住一條一條咁放入口最抵飲係個*招牌水果茶 $42*😆，實在太大杯啦，呢個係西柚味，配以熱情果、青檸等等整成，好fresh好解渴，值得一讚唔會整到好甜，入面有一片西柚同埋粒粒生果俾你食，但唔算好多

阿媽好中意呢度職員有禮貌，我就中意呢度定期有新菜，保持新鮮感。🥢鳳梨咕嚕蝦球：咕嚕XX大家食得多，配脆蝦球原來幾好食！蝦仁🍤大隻又彈牙，仲少左豬油既肥膩感，個人比較中意呢個版本呢！🦪酥炸廣島蠔：蠔肉冇異味算新鮮。炸漿厚度控制到，唔會油淋淋。🍜泡菜豬肉炒拉麵：拉麵惹味，炒得更乾爽就好。🍊招牌水果茶：主要用百香果、西柚汁調味，解渴清新，仲好大杯添😳🍵金莎抹茶奶泡：粒金莎好吸睛，抹茶味濃，奶味唔重。味道：🔅🔅🔅🔅新鮮：🔅🔅🔅🔅分量：🔅🔅🔅衛生：🔅🔅🔅速度：🔅🔅🔅（5🔅為滿分）

前排去左木玥巷 雖然唔係屯門市中心內 不過輕鐵都好易到呀環境仲有點台灣的味道當日叫左2個lunch set!我叫左滷雞翼便當 雞翼汁入味 有隻蛋~記得一定要加安格斯滷肉!!! 加左D汁同肉撈飯更juicy 肉汁好香有肉碎更有有口感!另外叫左泡茶豚肉炒拉麵份量都幾多 d麵無痴埋一舊味道正常 但無滷肉飯味道咁回味另外叫左小食 !炸花枝丸 新鮮上台熱辣辣之餘 入面仲好多花枝咬落去非常彈牙!推薦一試🦑生果茶係勁大杯裝 唔怕唔夠飲

屯門嘅木玥巷本來都幾高人氣，前排仲喺元朗朗屏開咗分店，但我哋一直都未有幾會去試，因為好似成日都排長龍，而且位置都唔算好就腳～ 不過上星期一中午，我哋專登去咗試吓，可能加埋當日落大雨，所以竟然唔使等位🤩•🥢 紅燒牛肉麵 $65紅燒湯帶淡淡嘅藥材味，配麵都好夠味，但味道偏甜，牛肉係用咗牛肋條，入味得嚟一啲都唔嚡，好易咬開；白蘿蔔同紅蘿蔔都唔夠腍，但食落清甜無渣；配菜有酸菜、醃青瓜、炸乾蔥，3樣都幾啱配麵😌•🥢 酥炸排骨飯 $66炸排骨好大塊好酥脆，不過好薄，薄到有時唔太食到肉嘅口感，就咁食會覺得太多椒鹽過鹹，點返個酸甜帶柚子味嘅醬就平衡返少少🤏🏻不過配白飯就好乾，如果有返啲汁撈飯會好啲🤔•💬午市係有lunch set嘅，不過無配飲品，普通嘅檸茶檸水咖啡都要加$6，特飲仲要加$28或以上🫣 •

🪓戰斧鹽酥雞扒 $ 82我覺得呢間嘢真係黐線㗎 ！🤭🤭🤭點解塊雞扒可以咁鬼死大塊，兩個人食都唔過分！而且淡淡都係肉，唔會話成口粉，鹽酥味好濃，但係唔會好頸渴，唔錯！😍滷肉飯 滷肉嘅甜味好重，撈埋台灣米好下飯！而且豬肉都唔會好肥，唔會食到好油膩。🌭台灣雙色腸 (3條) $46以前去台灣夜市一定會食台灣香腸！而家雖然冇得去台灣住，不過呢度都有唔錯嘅雙色腸，好友夜市嘅風味！🍜泡菜豚肉炒拉麵 $88我朋友最鍾意食fusion 菜式，今次叫咗呢個泡菜豚肉炒拉麵，日式韓式甚至係台式大雜燴，覺得幾新鮮，而且炒拉麵好鑊氣，朋友幾開心！——————為食分界線——————📍 木玥巷 (屯門)屯門井財街7號力生大廈地下4-5號舖推介指數 🤰🤰🤰🤰🤰(5/5)好味指數 🤰🤰🤰🤰🤰(5/5)抵食指數 🤰🤰🤰🤰🤰(5/5)環境推介 🤰🤰🤰🤰🤰(5/5)人均消費： $100

一家五口有大有細, 星期日出動食個early lunch, 我哋去到都未夠12點, 所以等咗一陣一開門就可以入去唔使等, 食用叫咗:紅燒牛肉麵 x1 鹽酥雞滷肉飯 x 2滷水雞翼飯 x 1 冰烤地瓜三星蔥餡餅飲品叫咗：藍莓多多綠茶, 金沙抺茶奶泡, 橙汁水果茶食物質素keep 到, 牛肉入味又唔會太腍, 鹽酥雞就一般, 香口但偏淡冰烤地瓜係冷盤, 冰凍唧蕃薯加上蜜糖, 炎炎夏日, 大人小朋友都好鍾意食三星蔥餡餅........唔係好夠熱, 但有比較油膩, 可能煎香啲會好啲......簡單講就唔一定要試反而飲品唔錯, 我哋都係要少甜服務好好, 店員好幫手

今日去屯門搵朋友食晚餐🍽，朋友帶咗我去呢間人氣台灣餐廳😋。朋友話我知，呢間餐廳🍴係由前半島嘉麟樓廚師👨‍🍳主理。🧆 台式炸物拼盤✨ 甜不辣、鹽酥雞翼、花枝丸、地瓜條睇見個menu樣樣嘢都想食😙。索性叫個炸物拼盤😎，一次過滿足晒我地🤩幾個願望。餐廳另外提供😉酸酸甜甜嘅柑桔醬。食物本身嘅味道已經足夠🤭，蘸唔蘸醬都各有特色😎。🍍 鳳梨咕嚕蝦球有爽口嘅青椒、紅椒，甜甜酸酸嘅鳳梨同入味彈牙嘅蝦球🫠。🦐 澎湖花枝蝦排脆卜卜嘅外層🤩，包住花枝同蝦肉。再配埋酸辣醬，口感豐富😛。🍚 滷肉飯好足料嘅肉碎😎，足以撈哂一大碗飯。滷肉飯味道香而不膩🤤。🍹 木玥黃金水果茶✨ 鳳梨🍍、百香果好大杯嘅水果茶😻裝住滿滿嘅水果🤩。味道啱啱好，唔會過甜或者過酸👍🏽。🧋 玫瑰可可鮮奶原來係奶泡朱古力🍫，上面再加玫瑰花瓣🌹。

我呢個九龍人好少去屯門搭輕鐵既次數係一隻手數得晒無留意上落車都要嘟八達窿哎呀～大鄉里呀🫣✐ 優點：·份量多·定價合理·平日午餐免收加一服務費✐ 缺點·女職員粗口爛舌，好生活化🤣·午餐選擇唔多·地方偏格涉❒ 黑糖蘋果西打豬軟骨飯 — $64一上枱第一個感覺係⋯😦omg好大份，豬軟骨舊舊至少都有半個女仔手掌咁上下大細🫠不過豬軟骨唔夠稔仲夠粗鞋，個底偏油，唔知係咪就快放break有啲位唔夠熱😪😪！？份量多都挽救唔到成件事⋯⋯❒ 夜市地瓜條 — $46超讚！熱辣辣🤩粗身蕃薯條炸得外脆內嫩，夠粉夠綿，係我最愛既質地，灑上適量既梅子粉，酸酸咪咪開胃又能夠和中油膩，忍唔住一條駁一條食😎❒ 黑糖茉莉花冬瓜茶 — $28天氣大熱，我都忍唔住飲兩啖凍野降溫🤫冬瓜茶味道突出，黑糖獨有香味加唔少分，甜度適中，配熱辣辣既野食感覺幾岩🤣其實原定係黎做日本妹呀嘛🇯🇵點知做左個唔上唔落既台妹🇹🇼🤫食飽再去屯赤散步然後又用返個幾鐘出返市區🙂🙃

之前都有食過木玥巷，不過從未食過佢嘅午餐，今日星期日，同朋友二人兩點幾三點去到，竟然仲有好多人，幸好我哋坐咗最後一張枱，我哋後尾嘅人就要開始等位了😛午市冇佢招牌合桃真係好可惜😭之前食過真係食唔停，好有黑糖焦香味，好有衝動買一大包返屋企不斷食，我一定一晚就會食曬，肥到爆！同朋友叫一人一個餐~配嘢飲基本要加6蚊紅燒牛肉麵（$65）🍜影相睇唔出，但其實係好大碗麵，麵量勁多，差啲食唔曬，麵條粗粗地，有咬口，不過湯比較清淡，配埋麵唔似平時啲牛肉麵咁濃味，就咁飲個湯好清甜，食完唔會好辛苦好口渴😋至於牛肉而言，炆得好冧，好易咬開唔會痴曬喺牙罅，有香料嘅味道，不過牛肉味就比較弱😗+$6 跟餐熱咖啡唔係太特別，係一般沖粉嘅咖啡，附上一包糖🫣木玥鹽酥雞飯（$58）🍗一上枱嚇一嚇，雞嘅份量超級多！難怪友人話佢上次要打包啲雞返屋企，就咁咬落口已經好好食，唔係死咸，勁熱辣辣（當晚即刻生飛痱），鹽酥雞會配上柚子汁一齊上，點埋汁再昇華咗個味道，甜甜酸酸好清新嘅雞粒😍餸曬我成碗白飯，飯煮得正常，睇上去偏濕，但食落口感可以接受，下次會想加10蚊要魯肉一齊撈，因為始終就咁食鹽酥雞食完會有少少乾😶‍🌫️跟餐青瓜拌碟🥒叫任何餐

又來到我最鍾意既「木玥巷」！由前半島廚師的煮出台灣地道美食。食咗幾次，幾次都食左唔同菜式，款款叫人驚喜！今次又試新野！下次一定再來。🌸🌸🌸🌸🌸🌸🌸🌸🌸🌸🌸🌸🌸🍀 咕嚕肉👍店員今次特別推介新菜式，甜酸咕嚕肉！本身覺得呢道菜成日都有得食，應該無咩特別！但「木玥出品，必屬佳品」！我同朋友都真心覺得好有驚喜，餐廳用蝦球取代排骨，蝦球更為彈牙，略帶酸甜，仲有菠蘿、青椒、紅椒配菜，更不會油膩，份量幾多！🍀蟹肉明太子新竹炒米粉👍本身本人不太喜歡米粉，覺得米粉煮得唔好嘅話就會一嚿嚿，但這個絕對誠意之作！！！相信喺香港都好難搵到一個米粉可以超越到佢！呢個米粉不會太過乾，而且條條分明！而且選用蟹肉明太子呢個配搭真係好新鮮，殺你一個措手不及！😘米粉夠鹹香，蟹肉鮮味滲出 ，而且蛋絲、洋蔥 夠多！好豐富！🍀戰斧鹽酥雞扒首先讚吓佢個份量係超級足夠，大過我隻手掌好多！外皮10分香脆，炸皮夠薄，就咁食都夠味，肉都算係嫩滑，而切開的時候肉汁滲出，加上柚子醋 ，更能解膩！🍀茉莉綠茶如果唔鍾意飲太甜或者減肥嘅人士，可以選擇呢一款嘅茉莉綠茶茶濃無揸流攤，而且因為係凍飲，更為清新。🍀綜合水果茶 👍一上枱嗰陣時真係呆咗！因為係極

♡♡♡📍木玥巷 (屯門)屯門井財街7號力生大廈地下4-5號舖之前去元朗嗰陣都知道呢間舖頭，因為嗰陣諗住食嘅時候真係超級超級多人，🫣因為每一次去到嘅時候都要排勁長條隊，都知道應該會幾好味🥰🥰😻。依家食完之後終於知道點解啲人會去到，覺得排隊真係幾值得唔怪得知咁多人去🫶🏻。呢度嘅環境都幾好，側邊仲會有勁大嘅窗，變咗成個feel都可以勁chill😝😜～🍽泡菜豚肉炒拉麵因為耐冇食過炒拉麵，咁既然呢度有嘅時候咁梗係想試吓😂。真係啱啱炒出嚟會出哂煙果種，而且豚肉嘅脂肪比例啱啱好🤩🤩，而且仲係幫薄切，勁易入口👅！🍽蒲燒鰻魚飯鰻魚超級肥美，啖啖肉好正😻😻！而且無腥味，油而不膩～加埋D飯真係好好味😜！另外仲加左滷肉，成碗鰻魚飯簡輕香氣撲鼻🤩🤩，真係令人難以抵抗！超推🫶🏻～！🍽蜜糖芥末雞翼雞翼都好大隻同埋都勁香🫶🏻！蜜糖芥茉醬係sauce on side，即使冇點醬都好就咁食雞翼都幾好味🤩！如果點埋蜜糖芥茉醬仲有另一番風味，都幾惹味🤣。🍼木玥黃金水果茶鳳梨百香果店員落枱真係嚇親，因為真係超級超級大杯🫣🤭！睇到咁大杯應該都似飲唔哂😂。就咁睇入邊已經有勁多生果喺入邊，以呢個價錢嚟講真係超抵😆！真係兩個人shar