木玥巷 (已結業)

話說人生第一次旅行就係去左台灣，但自從疫情之後，已經好耐都冇去旅行，有啲掛住台灣既味道！於是就上網搵到一間好似唔錯，位於元朗呢間叫木玥巷既台灣菜。黎食台灣菜，一定要試下呢度既招牌菜—紅燒牛肉麵！裏面有超多既配料，除左必備既牛肉，仲有牛展，牛筋，炸豆卜，紅蘿蔔，白蘿蔔，而且所有配料都煮到非常之軟腍入味。麵底十分彈牙，感覺應該係新鮮手打出黎。湯底亦非常濃郁，可以感覺到廚師用左好多心機去煲，同麵底配料味道十分之夾，食完都忍唔住要飲埋啖湯！台灣除左紅燒牛肉麵，最出名就當然係鹽酥雞啦！鹽酥雞十分酥脆，仲係熱辣辣十分燙口，應該係餐廳即叫即炸。呢度既鹽酥雞同我平時食到既有啲唔同，呢度會配上一碟蜜糖，第一次食點蜜糖既鹽酥雞，又估佢唔到咁好食！另外仲點左一碟咕嚕肉，咕嚕肉同鹽酥雞一樣都非常鬆脆，外面包住一層醬汁酸酸甜甜，十分開胃。而且最特別既係呢碟咕嚕肉入面既鳳梨係用左新鮮既鳳梨肉而唔係罐頭，真係好食好多，值得一讚！我地仲叫左呢度既招牌水果茶同手搖焦糖咖啡。呢度既水果茶果然係招牌，超級大杯，十分抵飲！

由於疫情關係，近排不能前往台灣，突然掛念台灣嘅牛肉麵， 今晚約了好友去元朗嘅「木玥巷 」食晚飯！ 超級豐富嘅《木玥招牌紅燒牛肉麵》， 有牛展、牛筋、肥牛、紅蘿蔔同豆卜。湯底十分清甜，就連紅蘿蔔都特別甜。牛筋&牛展又腍又入味，非常好味。仲有豆卜吸收晒清湯，又脆口又好食， 麵底軟硬適中，口感不錯，絕對係一碗高質嘅台灣牛肉麵！叫咗小食嘅《鹽酥雞》， 肉質柔嫩，酥脆可口，配上特製醬汁，好好味！ 用了珍珠米嘅《黯然銷魂安格斯滷肉飯》，顯得特別高檔，滷肉惹味帶甜，撈埋安格斯牛肉、荷包蛋，泡菜&蘆筍， 成個配搭好豐富，味道仲好夾添！ 叫咗《白桃桂花烏龍清茶》， 味道清新，散發出少少白桃&桂花味。《雪菊蘋果茶》， 外觀特別吸引，味道清香！

覺得呢間台灣野比較有特色呢個凍既蜂蜜番薯真係幾特別，番薯上淋上蜂蜜，凍身又軟綿綿又甜糯黎到一定要試👍🏻👍🏻👍🏻👍🏻個紅燒牛肉麵，我正話喺腐皮同啲蘿蔔到，吸晒濃郁嘅湯汁，真係精華！👍🏻👍🏻👍🏻👍🏻同埋佢啲牛肉係大大又腍又入味到食台灣嘢梗係唔少得鹽酥雞，但呢個就比較普通，成日都食到，中規中矩咁，唔係話特別好或者特別差👌🏻👌🏻👌🏻但我鍾意佢係比較大件，唔係好厚炸粉

▪️$86 黯然銷魂安格斯滷肉飯平時嘅滷肉多數都係用豬肉整出嚟，但今次嘅滷肉係由安格斯牛肉整出嚟，感覺幾特別😝一上枱就見到碗飯有一粒太陽蛋同泡菜等配料，好似韓式拌飯咁我哋就將太陽蛋整爛，將蛋汁同埋其他配料撈埋一齊食食起上嚟啲飯會有啲黏口，同時牛肉味都幾香🥰.▫️$96 木玥招牌紅燒牛肉麵眼見成碗牛肉麵都好足料，有牛𦟌、牛肚、紅蘿蔔、豆腐卜同埋蘿蔔等等，感覺豐富🤩另外，要讚一讚湯底都幾鮮甜，唔會有好重的牛肉腥味而麵質都幾彈牙架整體黎講值得再encore呀😝.▪️$52 鹽酥雞去食台灣嘢，點會少得叫鹽酥雞吖🤣平時食開嘅鹽酥雞通常都會落左好多炸粉，而入邊嘅雞肉得少少但今次鹽酥雞嘅炸粉皮幾薄，入面嘅雞肉肉質幾飽滿，咬落仲有小小肉汁流出tim✨.▫️$32 黑糖茉莉花冬瓜茶▪️$32 白桃烏龍清茶冬瓜茶嘅味道比較甜😋而入面的黑糖味都好突出反而烏龍清茶嘅味道就清清淡淡咁，啱晒注重健康嘅人

#我的吃貨日常🐽 想念台灣美食了 最近元朗新開咗分店收工去食台灣菜 聚一聚😈一去到每一台都會有一碟甜甜的合桃 我是超喜歡吃這些的😛😛玫瑰蜜桃果茶 $36好香花果味 唔會太甜 係養生的氣息😚😎（我杯茶）金莎抹茶奶泡 $32呢杯打卡都ok 架😌 我覺鍾意抹茶的朋友可以試吓😝😝不過嗰個金沙太甜了🤣鹽水雞 $46去台灣必食之一 呢間配上西蘭花同埋芭樂 感覺好清新 又健康🥰話說我喺台灣食過一次芭樂 之後好鍾意😝😝不過喺香港好似好少見😉整體不錯👌煎元貝干貝醬炒飯 $90份量超多 大大粒元貝👍性價比都幾高 調味也不錯👌桂花梨黑醋骨 $84呢個比較特別😉不太是我杯茶🥲桂花梨加入大量糖漿製作 所以好似甜品咁甜 但對我太甜了黑醋骨醃咗之後即炸 平時糖醋骨就食得多 黑醋骨都係第一次試新嘗試😌但也不是我杯茶😉木玥巷 元朗媽橫路9號富來花園地下17-18號舖

朗屏西鐵站附近有間台灣店我都係第一次去天氣開始凍，食麵食飯就啱啱好😍舖頭都幾大，都坐到幾多人環境整潔舒服👍🏻🎊木月招牌紅燒牛肉麵🎊一上碟已經嘩一聲香味都濃郁，未食已經聞到牛肉有三款，包括牛肉，牛筋，日本肥牛牛肉非常軟身入味，同埋厚身，好正呀👏🏻👏🏻👏🏻配菜有大大嘅紅蘿蔔同埋白蘿蔔非常鮮甜，冬天食真係一流非常暖身😂😂😂🎊黯然銷魂安格斯滷肉飯🎊第一次食用安格斯做滷肉飯肉都好香比較瘦，少咗肥膩感👏🏻如果滷肉飯再熱啲就更加正👍🏻👍🏻👍🏻🎊宜蘭三星蔥餡餅🎊細細件，好容易食！多蔥多汁都幾香👏🏻意料之外好味😊

木玥招牌紅燒牛肉麵$96湯底濃郁，大大嚿紅蘿蔔同白蘿蔔令湯底好清甜，蘿蔔冇筋又腍甜。牛筋同牛展軟腍入味，肥牛均勻爽口，仲有豆卜，索晒啲湯汁，脆口得嚟又煙韌。麵底幼滑，軟硬適中，口感唔錯。成碗麵份量十足，好滿足。黯然銷魂安格斯滷肉飯$86軟糯呢珍珠米飯配惹味又甜甜哋嘅滷肉，撈埋滑滑嘅荷包蛋，口感粘粘哋非常可口，安格斯牛有嚼口又入味，加埋泡菜同蘆筍，口感豐富又解膩。台式炸物拼盤$48有雞脾菇、魚片頭、四季豆同主角炸雞，椒鹽味鹹香可口，炸雞外皮香脆，肉質嫩滑入味，食到唔停到口。木玥招牌水味茶$38西柚係主角，仲有少量其他水果，味道偏酸但好fresh解膩。木玥柳橙汁水果茶$38柳橙汁好甜，茶味都幾出，同樣解膩一流。

元朗地膽知朗屏站附近既富來花園地下開左間台灣野，無理由唔食返次！蟹肉金絲炒新竹米粉$92呢個最推薦，炒到每一絲米粉都金黃色，又唔會死咸，有好多蟹肉，仲有瑤柱絲，好有鮮味同鑊氣既一道菜😋紅燒牛肉麵 $68湯好飲，牛肉好食，麵夠彈牙，都無野好挑剔，牛肉鮮得黎仲有啲甜，調味上係幾出色。流心芋泥球 $36正過好多糖水舖丫陰公，一咬流曬芋泥，真係好滿足😋😋木玥黃金水果茶（鳳梨、百香果）$38，跟餐加28勁大杯，影相影唔到佢咁高身，好足料，多過平時去茶飲手沖店🤭玫瑰可可鮮奶 $32 黎M的我只能飲恨飲熱飲暖宮，熱度好岩一上台就飲得，呢間店好多細節位都做足，歌單都係8、90後中意聽既台灣歌曲😌

今日同同事去咗呢間木月巷食麵，當然係有嗌佢哋招牌嘅牛肉麵啦，我就要咗個安格斯滷肉飯，唔少得嘅當然係加多個鹽酥雞，再加左兩杯例牌嘅水果茶！水果茶我朋友就揀咗個菠蘿味味道正常，而我飲嘅就係百香果，冇乜特別。但係髯鬚雞真係一流，外脆內院熱辣辣非常好食，而滷肉飯就比我想像中好食比普通滷肉飯特別，但係價錢比較貴唔計價錢係覺得非常好食！

之前一直都想去屯門分店，知道係朗屏開咗分店太開心了，今晚立刻同朋友去吃晚餐。朗屏西鐵站行過來都係5min，好方便，吃過嘅朋友都讚，點可以唔去試。🌸黯然銷魂安格斯滷肉飯每次吃滷肉飯都好怕有肥豬肉，今次好有驚喜，完全吃唔到肥肉，口感有點似燜到好淋嘅豬軟骨，黯然銷魂點少得隻流心蛋，仲有少少泡菜提升味蕾。🌼蟹肉金絲炒新竹米粉米粉炒得夠乾身，雖然係炒，吃落口一點都唔油膩，幾乎每一口都吃到蟹肉，自己可以吃到一碟。😋🍀台式炸物拼盤炸物有四款，包括雞腿菇、鹽酥雞、甜不辣及百葉豆腐，特別推薦鹽酥雞，炸到外層酥脆，雞肉嫩滑，鹹味啱啱好。🍹木玥招牌水果茶，木玥柳橙水果茶🍊水果茶用咗大量新鮮水果調製，飲落特別清甜，百香果同茶底配合得好好，仲飲到啖啖果肉。

錯信YouTube Mill Milk Channel, 呢間好難食!因為佢哋係前Apple Daily員工，我有follow 佢地Channel, 就跟佢地嘅介紹入元朗搵食，第一間就食呢間「木玥巷」，點知即刻中伏。首先個紅燒牛肉麵個樣係好睇嘅，牛𦟌厚切靚仔，點知一飲個湯就知中招，係清湯溝水咁，再試埋下白蘿蔔係冇渣嘅，但係同紅蘿蔔一樣係白烚咁，大佬我食緊乜嘢呀，雖然係$68➕1⃣️，即係$75！我以為自己味覺有問題，即刻叫朋友試吓味，佢哋試完都話冇下次！我嬲到去佢哋Mill Milk嗰段片退訂閱同埋留言，大佬希望佢哋可以老實少少介紹，唔好再老點人！

繼續元朗尋找美食，今次係人氣台灣麵店，好彩醒目專登預早啲到，因為餐廳真係很早已經full場了。到我吃完的時候，門口已經很多人等位了，建議大家真的去拎位。一場嚟到，當然必試最愛招牌紅燒牛肉麵」，紅燒牛肉麵當然要有紅燒牛肉啦，一啖咬落去，嘩 ～ 炆得腍香入味。另外，再配上大大件鮮甜的紅、白蘿蔔，口感清甜帶有肉香，十分正。此外仲有牛肉，要一提附有一件很有特色脆脆長形三角腐皮，上枱時店員還溫馨提示，建議先用湯浸軟才進食，後來就明白啦，那湯底濃厚超好味，腐皮吸收了湯汁入口超級滿足。其實食台灣麵牛肉麵嘅精髓最緊要係酸菜呀，加埋碟酸菜，整個麵立即再提升了層次。另外，加了一份「炸花枝丸」，花枝丸新鮮炸製，彈牙有嚼口，配點特別醬汁，好食到不能停口。最後，再飲埋白桃桂花烏龍清茶，完滿！

.呢間好耐之前已經想食今次終於去到啦😀好近朗屏站 一落西鐵好快就到.呢間係台灣食店今次叫咗個拼盤 有鹽酥雞 豆腐 仲有啲豆鹹鹹地 幾香幾惹味.之後仲有一個紅燒牛肉麵 牛肉都幾大塊 有兩塊 好林上面嗰串豆卜都好大串 浸一浸 給少少湯仲好味.最後仲有一個干貝炒飯干貝超大粒 有成三粒 不過不失 感覺上普普通通.我哋叫咗兩杯嘢飲🧃一杯係金沙抹茶🍵 真係有一粒金莎㗎！另外就係玫瑰鮮奶 玫瑰味都幾濃.🥢木玥巷 (元朗)📍元朗媽橫路9號富來花園地下17-18號舖

今日有個財主請我食飯, 佢話佢最近食過呢一間台式餐廳嘅午餐話幾好食. 咁我哋放工就即刻過咗嚟, 估唔到於平日時間六點半到, 裏面已經滿座要等兩張枱. 講真餐廳唔算大, 但裝修都幾有台式文青風格. 其實佢嘅食物唔算多. 主食有六七個左右, 我覺得咁先可以精深煮到每一款食物都好食. 台灣嘢我例牌都食台灣牛肉麵. 佢牛肉麵湯底唔算太鹹, 所以會畀咗啲梅菜你加落去. 我第一次食台灣牛肉麵會有白烚肥牛同埋炸豆卜串, 同埋鹵水過牛展. 其實幾樣嘢夾埋一齊都唔覺得奇怪仲好食, 尤其是嘅豆卜串脆卜卜. 至於朋友就食咗個黯然銷魂安格斯魯肉飯. 聽過名真係唔知佢牛定係豬. 其實係用牛肉粒再加煎蛋仲有少少免治牛肉, 我試咗啖真係唔錯, 尤其是佢隻煎蛋煎到蛋邊有少少焦燶. 至於鹽酥雞係連皮一齊咋, 雞脾炸到香脆但係肉質又保持到嫩滑, 加埋柚子汁仲有種清新嘅感覺. 最後同朋友各有一杯特色飲品, 柚子同埋菠蘿嘅水果茶, 裏面水果都係夏天水果為主, 我覺得特別係加咗啲百香果, 咬落去啲核都幾有得意. 價錢方便就見仁見智, 我朋友覺得ok我就覺得有少少貴. 如果想抵食嘅話可以午市來食下.

出色台灣店風味正宗，味道優秀，價錢便宜，大人小朋友都喜歡，12點食午餐，已經十多人排隊，果然好東西！提外話，話說揸車入元朗，友人街尾先放低我，我路痴到兜一大圈，沿路問了三位路人，明明一分鐘路程行了十多分鐘😂入到餐廳，之後友人告訴我，原來是剛剛放低我的位置😑😩😭內心好多小劇場不斷湧現…不過食到好好味的食物已經忘記了🥰人均：$140.鹽酥雞有擺盤，酥香肉嫩，份量好足又大件！！細食的食完可能飽了兩成！.蜂蜜冰烤地瓜哇，第一次食！原來凍食的口感真不錯，冰涼軟身，有點似食甜品，所以剩兩三四件留到最尾食完再食！驚喜小食。.紅燒牛肉麵哇！牛展四大塊，好似不用錢一樣，$68絕對性價比高，肉腍入味，湯頭清甜，配菜的紅及白蘿蔔都同樣入味和腍！隨麵附上的茄子同樣入味，高水準！食完好想再追食。.麻辣鴨血寬粉超級吸味，麻辣香和辣度不會讓你食得辛苦，恰到好處，質感Q彈有厚度，撈一撈，底下有一堆金菇和芽菜，增加口感，有心思！.木玥招牌水果茶兩杯水果茶好吸睛，這杯主要是西柚，百香果為主調，酸酸甜甜，非常解膩和舒服，又健康。.木玥黃金水果茶鳳梨，百香果夾雜其他水果，好大杯好足料，由頭飲到尾都可以繼續飲！鳳梨味道好出！.