影片
更多
2023-12-21
32 瀏覽
天氣驟降，我同朋友約喺太子食晚飯，行到大南街超多餐廳，大家同時被門面低調有氣質的日本居酒屋吸引。入到店內，溫暖而寧靜嘅氣氛非常舒適，打開餐牌，有串燒、熱食及刺身，我和朋友都偏愛串燒，決定點了多款試吓。秋葵（$32）及青椒仔（$38）入口爽脆，秋葵加咗少少鹽喺表面，鹽粒半融的狀態與食物互相配合。青椒仔不會太辣，爽脆得來有鹹香。燒豆腐（$32）外脆內滑，上層放上秘製醬汁及少少蔥花，燒完出嚟好香滑。月見雞肉棒（$48）雞肉放入雞蛋與醬油內，燒雞香味與醬油配合得宜，非常香口。天婦羅紅蝦（$28@）天婦羅炸得香脆唔油膩，紅蝦入口係新鮮嘅。大䓤雞肉串 （$35）大䓤同雞肉都有香濃嘅燒烤味，雞肉入口十分Juicy, 部份雞肉汁滲入在大䓤上面，大䓤爽口之餘又充滿香濃嘅肉汁。鹽燒安格斯肉眼扒（$248）最期待嘅安格斯肉眼扒出場了，上面放上少量海鹽，配上Wasabi、檸檬汁、䓤花及乾蒜片一啖食晒，肉質鮮嫩，部份有油花喺口腔中跳舞💃，高質扒比我同朋友兩個人5分鐘K.O.晒。和牛湯烏冬（$128）天氣凍，最啱食熱湯烏冬，烏冬入口彈牙，連埋薄薄一大片嘅和牛一起食，牛肉滑而薄身，又係一啖食一塊。燒飯團（$32@）
入到店內，溫暖而寧靜嘅氣氛非常舒適，打開餐牌，有串燒、熱食及刺身，我和朋友都偏愛串燒，決定點了多款試吓。
秋葵（$32）及青椒仔（$38）入口爽脆，秋葵加咗少少鹽喺表面，鹽粒半融的狀態與食物互相配合。青椒仔不會太辣，爽脆得來有鹹香。
燒豆腐（$32）外脆內滑，上層放上秘製醬汁及少少蔥花，燒完出嚟好香滑。
月見雞肉棒（$48）雞肉放入雞蛋與醬油內，燒雞香味與醬油配合得宜，非常香口。
天婦羅紅蝦（$28@）
天婦羅炸得香脆唔油膩，紅蝦入口係新鮮嘅。
大䓤雞肉串 （$35）
大䓤同雞肉都有香濃嘅燒烤味，雞肉入口十分Juicy, 部份雞肉汁滲入在大䓤上面，大䓤爽口之餘又充滿香濃嘅肉汁。
鹽燒安格斯肉眼扒（$248）
最期待嘅安格斯肉眼扒出場了，上面放上少量海鹽，配上Wasabi、檸檬汁、䓤花及乾蒜片一啖食晒，肉質鮮嫩，部份有油花喺口腔中跳舞💃，高質扒比我同朋友兩個人5分鐘K.O.晒。
和牛湯烏冬（$128）
天氣凍，最啱食熱湯烏冬，烏冬入口彈牙，連埋薄薄一大片嘅和牛一起食，牛肉滑而薄身，又係一啖食一塊。
燒飯團（$32@）
飯團面頭以醬油煎得香口又實淨，咬開飯粒軟棉，配上紫菜食爽脆飽肚。
芝士年糕（$38）
我哋連甜品都要食熱品，超驚喜芝士年糕，面頭輕輕煎熱，咬開年糕時芝士慢慢溫柔地流出，流出的芝士不會太熱，是溫柔暖暖的，年糕皮微脆，入口完全唔油，唔似一般餐廳純以油炸嘅做法。
我哋叫咗壺熱玄米茶，在寒冷嘅天氣中吃飽飽，喝著溫和嘅熱玄米茶，好一頓和諧而幸福嘅晚餐。
張貼
