望月軒

營業中

休息中

我唔係上海人,但對上海菜有一種特別的情意結,今日趁老闆唔係香港,就約咗啲小學同學去上環望月軒食個lunch time, 來個新春團拜兼敘舊。呢度裝修夠氣派,座位整齊, 坐得舒服,環境唔錯仲有海景睇,傾計晒啦!我哋5個人唔係叫好多野,叫左兩個冷盤雙冬烤麩$78同上海脆皮素鵝$78,脆卜卜腐皮, 又正又好味雙冬烤麩嘅質感就好似腐皮和豆卜,充滿豆香味之後到蘇杭東坡肉$88,炆得好入味,呢隻半肥瘦啱啱好, 口感非常有層次, 而且仲有個小蠟燭喺底暖住，一定唔會越食越凍，呢個設計真係非常貼心跟住到我至愛松子桂花魚$328,炸得外脆內嫩,勁正啊😋😋魚又大條,所以夠抵食,加上啖啖肉酸酸甜甜好開胃,值得推介!!最後係清清地清炒蝦仁$198,蝦唔算好大隻但就好爽口兼彈牙,蝦仁味道極其鮮美😋😋, 係一道我幾欣賞嘅菜式樣樣都超高水準,十分十分滿意,已經決定好下個月要帶我朋友再來希望keep住水準, 我哋一定再嚟幫襯!

今日住咗喺澳門好耐嘅四舅公過咗嚟香港玩，我哋一家人決定同佢喺信德中心入面嘅望月軒晚飯。第一次嚟望月軒，呢度環境好寬敞好舒服，主打係食四川同埋上海菜。因為四舅公本身都係四川人所以對川菜的要求都頗高。我哋今晚人唔係太多所以都唔敢叫得太多嘢食而且第一次試都希望睇吓質素如何先，啱啱坐低我哋叫咗一啲冷盤，其中一個係飄香無骨鳳爪($88)，好味、少少辣，而且因為冇骨所以啱曬我呢啲懶人，作為餐前小食，可以一路食一路傾計，主菜方面我哋點咗飄香鮮花椒牛肉($198)，呢個有少少辣味但亦都唔會太辣，而且牛肉煮得好嫩好有牛肉味，好食到唔停得口!份量亦都好夠，唔會好似出面一啲餐廳咁只係得幾片牛肉，之後嘅係宣威蜜汁火肪($198)，食嘅時候用配埋嘅夾包將蜜汁火肪、脆卜卜嘅腐皮同埋青瓜夾住一齊食，口感好有層次！另一樣值得推介嘅係老字號樟茶鴨($338)，味道唔錯而且鴨肉好嫩滑。最後我哋叫咗四川家常炒飯($98)，炒飯顆粒分明非常好味！連出名嘴刁嘅四舅公都讚不絕口！總括嚟講呢度嘅餸菜無論喺味道同份量方面都相當值得推介而且睇佢個菜牌入面亦都有重慶雞煲同埋香辣烤魚，下次嚟一定要試埋呢幾款餸！

基本上食物的味道OK La 但是服務差到不可形容，叫人攞點心紙要叫三四次 叫服務員做咩都有排叫，叫五次都可以，食物好好好好好好好貴LO 茶水同埋服務費會因應座位既位置而有所唔同，好貴

之前係到食過兩次晚飯，整體食物質數不錯。星期日，見附近酒樓都無位，不如嚟依到試試，應該唔差掛！依隻華茶館香片，不是普通下價貨，係大片茶葉來的，雖然我唔知點先係一杯頂級嘅香片，不過至少佢係又香又比飲再來鮑汁鳳爪，個汁好味，不是死咸，鳳爪也入味夠林小籠包，同集團式叮叮小籠包冇得比，如果皮可以再薄少少重正牛肉球係最有驚喜嘅，相信係自家製，少少彈好有肉味及陳皮味。多汁生煎包芋泥燉奶，唔會太甜嘅芋泥下有滑滑燉奶👍🏻高力豆沙👍🏻2個人食左$260左右，有舒服海景卡位，環境好唔太嘈。食物種類例如腸粉選擇不多（只有兩款），希望遲下會有更多款點心。

花生大半碟得一點點雞丁，又鹹好差👎2016年11月20日晚，兩公婆去食晚飯，侍應帶左我們坐窗邊位，最後埋單先知道茶位收$25一位，問過後得知，有海景茶位貴點，沒海景茶位是$18一位，

“海馬哥”剛走的第二天就約上一幫友出來食飯，今日來到我屋企附近上環信德中心西翼的望月軒試川菜，其實，我一直對香港川菜館就沒有太高期望，總感覺少了一點什麼，但這次望月軒徹底改變了原來看法，懶散的我也開始寫食評，真心希望介紹給老饕們分享。~小食：川式棒棒雞 $108，賣相非常吸引，雞肉入味又不鞋，竹筍墊底清爽健康，香氣四溢！~主菜：飄香鮮花椒牛肉$198，清清爽爽的麻辣，不油，不膩，新鮮青花椒的麻味讓我的舌頭有跳舞的感覺，川菜就該如此                 魚香肉絲$168，泡椒味十分濃郁，酸辣搭配恰到好處，正宗；（經理推介的私房菜，菜譜上沒有）                 麻婆豆腐$88，用青銅鼎做餐具，賣相就加5分，味道麻辣鮮香，樣樣做足，又能KEEP住溫度，難得的一道好菜，簡單中見功夫，必須點讚。~主食：瑤柱蛋白炒飯$108，心形造型，鍋氣十足，飯粒乾爽，配料豐富，標準廣東菜，這個餐廳的廚師到底是四川師傅還是廣東師傅？~甜品：桂花南瓜粿，非常精緻的一道甜品，應該不算是四川菜吧。侍應生服務熱情，不停地加水換渣碟，窩心的享受！今次是我寫食評用字最多的一次，啰嗦了一點，這確實

門口裝修ok, 但門口知客態度超趕客. 等了20分入內, 點了小籠包, 燒賣, 豆沙窩餅, 蛋白炒飯,酸辣湯, 葱油餅. 整體感覺完全中伏. 炒飯涷冰冰, 找經理投訴, 她說了一句"係呀"就走開, 再叫又不理. 酸辣湯又一股辣油味, 小籠包超咸, 其他點心ok. 埋單每位hkd130.

呢間餐廳位置雖然偏僻, 但靜中帶旺, 位於上船去澳門個碼頭隔離, 澳門廣場入面. 啲夥計態度良好, 招呼殷勤, 不時問我哋有冇需要。 成枱都係餸 6個人食咗$2300 水煮貴花魚- 望落好似好辣, 其實唔辣. 最重要係佢冇骨!😍 同埋個底有"厥粉", 好入味 😍😍😍 樟茶鴨 - 有包比你一齊同鴨 一啖鴨一啖包 咁食, 冇咁油。好細心💕 蜜汁火肪 - 自制哈哈笑 😂😂😂 最後甜品叫咗酒醸丸子, 唔記得影相。一上臺就有好香嘅鮮桂花味。丸子味道遍淡, 唔會好甜。👍👍👍

信德最近開咗堆新舖，有好幾間食肆，早前同事見到有興趣，今日約埋一齊去試。睇餐牌大致係湘川滬菜，價錢比同業貴些小，亦有做午市套餐，二人前$218三樣餸，跟白飯，湯同甜品。可能因為新開張冇耐，碗碟非常乾淨，服務亦很妥貼。我地一行四人叫咗個二人餐，加多兩碗麵同一個小菜:鎮江肴肉 - 口感比食開嘅冇咁啫喱，肉絲份量多啲，明膠較少。毛血旺 - 湯底麻辣有勁，香辣惹味，大腸跟栢葉都好入味，唯豬紅味道欠奉。可以叫個陽春麵撈呢個湯，一定正!小籠包(四隻)- 湯汁好足，而且不羶不膩，肉餡冇實的的，不錯嘅小籠包。擔擔麵 - 有辣味，香料味亦足，唔會俾花生芝麻味蓋過哂，湯滑而不稠，入口順喉，係香港少見嘅質素。嫩雞煨麵 - 呢個有驚喜，普遍餐廳麵質會好稔，麵跟湯混為一團黏糊糊咁，呢度嘅麵吸到湯汁嘅雞香之餘，仲唔會稔到爛，青菜配搭佳，係色香味俱全嘅煨麵，難得!新疆孜然炒羊肉 - 呢個拎到近枱已經聞到孜然嘅香味，羊肉軟嫩唔太羶(有羊應有嘅羶味)，惹味非常，餸飯一流。隨餐奉送:瑤柱粟米羹 - 味道平平，有少許瑤柱味。椰汁糕 - 一般啦，椰味都夠，如果加啲淡奶去造，味道會香啲濃啲，不過勝在唔太甜。臨走時個知客問我地啲

一個悠閒的中午相約好友一同到望月軒午膳好友貼心地預先訂了廳房方便小晴晴走動,甫進房間便看見這仙鶴神針的擺設腦海即時浮現"V混混"的畫面哈哈^0^望月軒主打上海,川菜兩個菜系都喜歡的我蠻期待呢^0^奇怪是否身在信德所以看著地上那磚飾竟有到了賭場的感覺!!看著大海用餐心情特別舒暢即時覺得好肚餓呀!!先嚐涼菜花雕醉雞$128雞件皮爽肉滑吃著花雕酒味慢慢滲出來味道醇香一個十分好的開始呢 ^0^麻醬油麥菜$78翠綠油麥菜被清爽青瓜包圍咬開更發現中心藏有油麥菜頭令整體鮮嫩爽脆不少,淋上麻醬添香吃得我萬分暢快呀!這個菜一定要試下自己做先得^0^成都耗子洞樟茶鴨$168/半隻較我吃過的樟茶鴨鬆化而且煙燻味挺香味道確令人難忘^0^宣威蜜汁火肪$188中國三大名腿之一的宣威火腿色澤嫣紅肥瘦均稱配合脆片及包子同吃鹹香甜蜜在嘴裡游走滋味非常~水煮桂魚$288端上檯時香氣不俗份量頗大墊底用上黑色的喬麥麵較為特別不過個人還是喜歡薯粉多點~野生淮山扒時蔬$98淮山肥美爽脆口感一流可惜配襯我不愛吃的小棠菜可幸有CEO拔口相助將之吃光光麻煩晒^0^甜品時間喇高力豆沙$62質地鬆軟而且輕甜我頗喜喔!!鮮奶合桃露$42香滑

這兩個星期, 不停的咳, 看了三次醫生, 真的堅辛苦. 吃的也變得清淡得多, 冷飲當然不能再碰, 但約了朋友吃飯, 還是會出席的. 更不幸的是這天文迪臨時要上班, 來不了, 就讓我做個帶子洪郎, 一個人帶著小晴晴來望月軒吃午餐.望月軒在信德中心澳門廣場, 其實就在西橋那邊再往裡走, 坦白講, 真的不帶起眼的地方, 看來要靠口碑帶動客人前來了. 店子有海景, 景觀不錯, 而新店子, 當然裝修環境也令人滿意的.花雕醉雞 $128: 8分, 由頭盤開始, 花雕醉雞, 酒香不算太濃, 淡淡然的, 雞肉肉質嫩滑, 讓我吃了好幾件呢.麻醬油麥菜 $78: 8分, 我愛吃菜, 當然愛吃這客麻醬油麥菜, 用青瓜去包著油麥菜, 質感很爽口, 清新, 加上麻醬之後, 自是更加醒胃.四川燈影牛肉 $98: 因為要戒口, 是日有不少菜式我也是齋拍照, 沒有品嚐的, 如四川燈影牛肉就是一例, 不過看上去, 又真的做到燈影效果, 相當薄身的.成都耗子洞樟茶鴨 $168: 8分, 主菜方面, 成都耗子洞樟茶鴨, 鴨肉質感不俗, 入味, 帶點茶燻香, 跟上的小包子, 就成為小晴晴主力進攻的項目, 她可是吃過不停呢.

以往到信德，十次有十次都係過大海，但百分之九十九點九九也不是入賭場搏殺，而是品嚐美食，飽到學子淇咁，要封肚，否則會獲利回吐。話時話，好耐無去澳門了，各位阿哥阿姐，各位老友，有無人會搞個濠江美食團? 去酒店/ 星級餐廳擦番餐又好，掃街頭小吃亦可，即日來回都OK喎!言歸正傳，這次踏足信德，是唯一一次，目的地不在澳門，而是光臨主打上海菜和四川菜的新食肆，望月軒。滬菜與川菜，兩者均是筆者喜歡的菜系，無理由唔去探索下。擁180度海景的望月軒，地方不大，卻也有幾個廳房，我哋幾隻嘩鬼有房內嘈嘈閉，又有小朋友在場，也不怕打擾其他客人。依例由涼菜開始，在口水雞與醉雞之間掙扎，最終選來後者。皮爽肉嫩滑，味道佳，滲出陣陣酒香，是好開始。然後是四川的樟茶鴨，半隻。四川用的鴨，一般會比滬菜的細隻一點，作涼菜 (上海菜很多時是當熱菜)。這出品，肉嫩之餘，散發點點燻香，我毫不客氣地拿起鴨髀，慢慢去齒。四川其中的經典菜色，燈影牛肉，在這裡也可品嚐。夾起一片，果真是薄得能透光，咬落自是香脆，微甜又微辣的味道，很醒胃，我吃了不少。又來一款較健康的，麻醬油麥菜。以薄薄的青瓜片包裹著油麥菜，口感爽脆，有汁，亦嚐到青瓜的清新，

光蔭似箭, 原來人在上環工作不知不覺巳有兩年的時間, 這期間因為多是外出午飯, 附近的餐廳食店巳試得七七八八, 每天中午的煩惱就是: 到底午餐吃什麼好呢? 早幾天差不多中午時分, 同事們又開始像平日一樣研究著這個題目, 突然同事C就說昨天經過信德中心看到那邊開了幾家新餐廳呢~聽到有'新'這個字, 大家亳不猶疑就一致讚成來這家望月軒試試.這家中菜餐廳就位於上環信德中心的3樓. 其實平日也會來信德中心吃午飯, 但因為餐廳大多聚集在2樓, 所以也很少會上3樓那邊. 不過這天來到, 發現原來這層的盡頭居然全部番新過, 除了新開了幾家小賣店, 亦有些港式小食店, 還有茶餐廳. 而走到盡頭則是這家新開張不久的望月軒. 門面跟其他中菜酒樓無異, 不過內裡原來主打上海及川菜的.中午來到WALK-IN也不用等, 但其實餐廳都巳坐滿了6-7成左右, 以這個位置再加上新開, 其實有這樣的入座率巳算不錯. 餐廳內裡比想像中小, 大約只有十多枱, 不過座位比坊間酒樓寬敞舒適一點, 裝潢也夠企整. 侍應帶了我們一行4人坐在角落的一張半梳化卡座, 的確是比平常酒樓的座位更舒服的.甫座下侍應馬上奉上餐牌, 不過午餐單

一過不惑之年，總覺得時間過得很快，2016年又迫不及待地到了。約埋一班老友去澳門輕鬆下，信德中心買飛人山人海，下午3時才有船，於是附近搵嘢食先，入船閘口旁的澳門廣場（有好多舖裝修緊）有家望月軒川滬菜館，新開的，人不多，因為有我最中意的四川菜，即刻入內埋位，哇，裝修清雅，無敵大海景，靚，主還是要看食物行不行，叫了四川口水雞，麻婆豆腐，麻醬油麥菜，四川水煮魚，蜜汁火舫，四川紅糖鍋盔（原來在四川餅叫鍋盔）。四川口水雞一嘗就知道用新鮮雞製作，有雞味，正宗四川味（我在四川4年），贊一個；麻婆豆腐下面有小蠟燭保溫，保持了麻婆豆腐的麻、辣、燙、鮮的特色，用心之作，好食；麻醬油麥菜就是中式沙拉，好得意，清脆爽口，就是價格貴了些；四川水煮魚是必食的，也沒有讓我失望，有一定水準，如果紅油再多點就完美了；蜜汁火舫對於我唔食甜的人，不做評論；四川紅糖鍋盔幾有特色，細細個，但我唔食甜，非常慷慨地讓給了我的老友，總的感覺菜品正宗，環境舒服，就是價格有點貴，希望推出優惠時再去試試。