望月軒

營業中

休息中

前幾天感冒剛好，想搵一家唔凍的火鍋店打邊爐，出面火鍋店都好凍，將軍澳附近火鍋店唔多，特別讓人感覺舒服乾淨的火鍋店就鳳毛麟角，在openrice搵了好耐時間，睇到這家火鍋店食評，幾個食友都話出品好，但冷氣差，啱啱適合我，點知到了坐低，與其它火鍋店一樣凍，仲鬼死凍，多謝樓面姐姐關了一部冷氣，還是加了兩件衫，唯一可以彌補我的係麻辣火鍋湯底和配料真的很好，好特別，好好味，同出面其他火鍋店唔同，埋單時仲每人送了一支火鍋除味劑，噴在衣服上，清清淡淡的檸檬味，幾有心意。出門睇到海報話晚上九點後有火鍋任食，大食的我下次一定再來，希望唔要太凍。

澳門廣場的望月軒唔知幾時開始有火鍋了，星期一晚上收工唸住去食川菜，睇到門口幾張桌有人打邊爐，好香，火鍋配料賣相好，即刻轉為食火鍋，麻辣番茄鴛鴦鍋，紅紅的湯底，我最中意麻辣味，安格斯手切肥牛，真係唔錯，好有肥牛香味，又冇渣，黑毛肚又大又厚身，脆爽，七上八下即可食，金鼓魚起片，賣相加十分，肉質細滑，鮮甜，但不太適合麻辣和番茄湯底，如果是清湯或海鮮湯底就完美了，牛黃喉，冇睇過，脆脆爽爽，口感幾好，但沒有味道，侍應生極力推介的深海馬尾藻，有海草的香味，脆爽的口感，雜菜雜菇拼盤，份量足，也夠新鮮，這家店的火鍋配料都很特別。我們坐在靠窗邊的位置，可以看見海，但是晚上玻璃反光，影唔到像，遺憾啊！

這是第一個沒有家人陪伴的生日，本來有一些失落，有心的同事們在辦公室樓下望月軒訂了位為我過生日。叫了我最喜歡吃的酸菜魚、麻婆豆腐、乾鍋花菜、鮮菠蘿咕嚕肉、清炒萵筍絲，特別是酸菜魚必須說說，一點點辣，一點點酸，太正宗的做法了，用來泡飯簡直美味，同事們說我平時沒有煲湯，專門叫了姬松茸燉螺頭湯，滋補滋補，非常香甜美味，當喝第一口時，突然有一種想哭的衝動，我想不是因為這個湯好吃到讓我哭，而是同事們的關懷讓我感動，在此也感謝為我組織這次生日宴的好同事們，謝謝你們陪我度過一個難忘的生日！

順德新開的望月軒，同事想試許久，今天終於一試。環境是很漂亮，對著海，地方不大。但食物質素真的很差。四個人異口同聲說不會再來。我只有照了一張相，就是這個竹筒飯。樣是漂亮的，但味道不ok。我們叫了一個滑雞、一個排骨竹筒飯，不入味，飯是硬的，更不要說什麼竹筒香味了。咖哩魷魚不入味；沒有叉燒腸、牛肉腸，只有齋腸粉，所以我們沒有點。這裹是四川菜，但叫的紅油抄手，完全不行，還差過隨便一間茶樓的。還只有三粒，太離譜吧。標價看上去不太貴，但原來所有點心只有三粒。三粒的素菜餃，三粒的燒賣，味道很一般。埋單每人$132。不會再來了！

12點午膳時間人流不多，餐具都很乾淨清潔甜品點心都很精緻，但就無咩選擇例如炒飯，炒麵都沒什麼選擇，天氣炎熱最好加返一些清消暑的菜色或者飲品 至於侍應態度亦稍微劣。

They owner or the chef is extremely stingy on the food.  We order chicken with chillies....we had a lot os chillies, peanuts and a few bits of boney chicken wings...no meat at all!  The XO fish belly was basically the fins of the fish......no meat!  The cauliflower was cold!  They charged 990 for the 3 of us but we left with empty stomachs.  Never had such a poor meal before.  Very, very poor value for money.

由於有個好朋友喺上環信德中心返工，而我們又有一段時間無見面，所以我們約咗今日去呢間「望月軒」飲下午茶！一入去到見到店內嘅環境裝修好光猛舒適，坐位與坐位之間亦好寬敞，而且仲有個落地大玻璃窗，可以一邊飲茶，一邊欣賞呢個無敵大海景，真係感覺好舒服，另一大享受！另外一樣最吸引到我們嘅係近廚房門口兩邊位置都掛咗「一大嚿」肥豬肉嘅玉石，寓意「家肥屋潤」，真係非常有特色！我們叫咗兩個下午茶優惠套餐：豉味涼瓜斑腩煎麵係將啲麵炸得好脆卜卜，之後再煎香，令到麵質更加香口脆身，涼瓜嘅質感好爽脆，斑腩嘅肉質亦好鮮甜嫩滑！筍尖原隻鮮蝦餃嘅餃皮好薄身，感質好煙煙韌韌，蝦肉好大隻，而且相當爽甜彈牙，真係好正呀！沙律醬脆海斑粒炸得好香脆乾身，唔會有好油膩嘅感覺，外層嘅炸粉亦唔會好厚身，入面係肉質好結實彈牙嘅海斑粒，再沾上酸酸甜甜嘅沙律醬一齊食，感覺好清新醒胃！響鈴牛肉球嘅肉質好鮮嫩多汁，食落有好清香嘅芫茜香味，牛肉味亦好濃郁！另外我們再單點咗北菇棉花鷄嘅魚肚燜得好腍好入味，鷄肉嘅肉質亦相當鬆軟嫩滑！桂花酒釀丸子嘅小丸子質感好煙韌彈牙，甜湯底有相當清甜芳香嘅桂花香味！真係值得一試！總括：呢度嘅環境相當舒適，而且食物嘅價

有朋自遠方來，說很懷念上海菜的朋友，唔知道平時係唔係食得太多西餐!!! 大學時期曾經說過以後黎香港定會帶佢一嘗香港美食，雖然我對中菜唔係好有研究，不過朋友其實要求不高,靜靜坐下食個飯能夠一起聊聊過去既少女往事已經好滿足 因為她係香港住港島區,所以我便選擇了上環既望月軒， 朋友好喜歡這裡,環境很好，食品種類又有好多 毛血旺$268 毛血旺即就是鴨血，相信鴨血大家都食得多,特別係台灣，鴨血就非常出名。不過今次黎個四川味道, 除左豬紅, 原來仲有腸仔、竹荀、菇類等等 豬紅好爽滑,入口除左無血嘅腥味,仲有帶點麻辣，並非普通麻辣,食落條脷真係麻架！吸收左辣油既腸仔呀同菇類相當入味,朋友第一次就食覺得好好味 四川回鍋肉 $138聽到個名都已經流晒口水，回鍋肉半肥瘦,食落口一D都無油膩嘅感覺，肉汁慢慢浸入口腔,非常惹味,白飯都送左2碗，特別開胃，又唔會好辣 朋友話離開香港之前都再食多一次,睇黎佢真係好鐘意，哈哈 不過講真心話,真係好味既,服務又唔差，讚!!

今日公司group lunch, 去咗樓下望月軒食, 之前未去過，點知去到好驚喜wo, 環境好好,又令,d食物又好食,而且服務質素都好高,等下次自己再黎食d新野麻婆豆腐豆腐滑嫩,加上d醬料香香麻麻辣辣地好夠味,麻婆豆腐係麻辣菜式,顏色好深,實際上唔算太咸,辣度完成接受到,豆腐切成細細塊,保持完整唔會碎灑,加上豆腐好滑同好嫩,味道真係唔錯的,雖然係好多餐廳都可以食到既菜式,但係水準令人滿意不妨一試辣子霸王肘雖然呢個爆晒卡路里,但係間唔中食一次,都唔係太過份姐, 放上檯既時候,已經香噴噴, 脆卜卜既豬皮,咬落去又唔會好油膩,好正呀! 雖然好多辣椒,但係實際食起來只有香辣既味道,仲有分量好大隻!!宣威蜜汁火肪第一次食,覺得幾特別下, 用中式飽包住金華火腿,肥瘦均既金華火腿,同片皮鴨既口感差唔多,幾好食 包可以吸收多餘既蜜汁減低油膩,係一道非常有中國特色既滋味菜式四川雞絲涼麵試咗一啖,覺得個麵質好好！上面加上了炒香既花椒及花生碎,花生脆卜卜好夾 雖然我唔係成日食無湯嘅麵,不過食開嘅同事就話呢間個涼麵做得好好！蔥油拌海蜇皮 好開胃既菜式,加上海蜇皮富含膠質,營養價值又高,熱量仲要比較低, 食多D

傍晚黎到信德中心食上海菜，未黎過就唔知原來係上船去澳門果邊有條長巷，裏面全部食肆林立。望月軒就係其中之一間喇。一入到餐廳，客人並不多。但對住海景食晚餐嘅機會要等下次了。點完菜後，大家等食中!醉雞搵左個碗型東西將它定型。酒味偏濃，雞肉尚算嫰滑!燻蛋，一碟四隻。蛋黃上面撒上椒鹽，突出番雞蛋煙燻味。萵筍絲，清淡之選。爽滑口感，食得多左都唔怕肥。蜜味火方 - 將金華火腿加埋青瓜，薄脆同刮包一齊食。特式係多重口感同一時間溢滿口中，本身無味但軟熟嘅包外皮可以減低金華火腿咸味。上海菜主角梗係小籠包啦 抵讚係皮薄超多汁，肉餡正常。蒜泥白肉，呢個味道一般，太多嘅青瓜放係白肉入面，已經食唔到薄薄嘅肉片究竟係咩味了。黃花魚，相信佢做法先炸外皮再炆煮，好濃稠嘅蠔油味，仲有冬菇同豬腩肉。最後想叫多個菜健康下，就叫左砂鍋津白。呢個亳無特色，無特別。太大鍋湯浸住d料，無咩味!

自小就很喜歡吃上海菜,喜歡它各種各樣的烹調方式,喜歡它的味道位於信德中心的望月軒環境寬敞舒適，而且景觀開揚，是上海菜不錯的選擇,知客安排的是 4人座位，非常好，好讓我們靜靜聊天。侍應問我們需要喝什麼茶水，我們點了香片，可是來的卻是普洱，需要再同佢講多次才換回麻醬油麥菜($88)味道和一直吃的炒油麥菜截然不同，外層再包上青瓜,脆嫩又爽甜,味道清新,配上麻醬,即時非常惹味。真是一道開胃的冷盤,超級推介和大愛身邊平常不吃菜的朋友都覺得很好吃巴蜀香辣烤魚($398)這店很細心,有2種魚給客人選擇，包括山猛海斑和桂花魚,而我們就點了桂花魚,魚骨比較少魚肉的肉質鮮嫩又有彈性，帶烤過的魚皮一起品嚐,真是一絕烤魚實在是太下飯，忍不住多點了一碗白飯配烤魚整體來說，食物很好，服務則仍有進步空間。

今日係媽咪生日,媽咪係勁鍾意食川滬菜果啲,又唔想咁普通係上海XX慶祝,咁就去上網搵餐廳咁岩見到信德中心既望月軒食評都唔錯,啲菜式又岩媽咪食,咁咪試試佢,媽咪一入餐廳已經好鍾意,因為見到環境都唔錯,又唔會太嘈,你地知啦,老人家唔鍾意太嘈架嘛望月小籠包小籠包有四件,每個小籠包肯定有湯有餡有肉,薄、湯鮮、肉餡香。師傅手工好好，啲皮咁薄，但係夾起都唔會穿，加入醋，然後一同放入口中，慢慢品嚐松子桂花魚呢個菜我都係第一次食，而且係一道好考功夫既菜，因為松子桂花魚要先將魚肉切開起骨而又唔可以切斷魚皮，呢個菜可算是酸甜適中,魚肉外脆內嫩, 顏面鮮艷，令我食得好開胃，又唔油膩。我敢保證呢一條係我食過價錢最合理而又好食既魚榨菜炒肉末(跟叉子燒餅)呢道菜雖要我地將榨菜炒肉末放旁邊既脆皮包享用,脆皮包烘得比較燶,稍稍放涼後混入配料就非常好味！用唔矖既配料仲可以用黎拌白飯或湯麵,水煮桂花魚望落好似好辣咁,其實唔會好辣,最重要係佢冇骨!老人家唔鍾意太多魚骨,同埋個底有厥粉,本身都唔知咩黎,不過媽咪識, 厥粉既口味同面差唔多,不過就顏色就係黑色呢度待應幾好又有禮貌,又不停幫我地加水換碟,食物又唔洗等好耐就有野食

上星期六朝早約左個fd飲茶,因為佢之後要過澳門玩,所以就去左信德中心入面既望月軒喇~~見佢平時夜晚做開川滬菜,又估唔到佢朝早有廣東點心食喎!入到去環境都唔錯2個人於是知客帶咗我哋去個半圓形卡位,靜靜地幾舒服‧叫左幾樣野,即叫即蒸上到檯仲熱辣辣,香噴噴! 超級推介既有呢幾樣:「筍尖原隻鮮餃」絕對係"皮薄餡靚"黎形容, 蝦餃皮做得夠薄, 蝦肉夠晒彈牙,每一啖滿滿蝦味道,好正「安蝦咸水角」外面脆口 內裡煙韌,而且入面既餡料,平時係酒樓食開既咸水角都係用豬肉,呢個就特別D,用蝦做成,食既時候仲有淡淡的香蝦味「黑椒金錢肚」爽口好食既金錢肚,吸收灑醬料既精華,好好食,咬落去淡淡都回味整體黎講,今餐都食得幾滿足下, 而且侍應服務好好,加水又快,值得讚賞

我唔係上海人,但對上海菜有一種特別的情意結,今日趁老闆唔係香港,就約咗啲小學同學去上環望月軒食個lunch time, 來個新春團拜兼敘舊。呢度裝修夠氣派,座位整齊, 坐得舒服,環境唔錯仲有海景睇,傾計晒啦!我哋5個人唔係叫好多野,叫左兩個冷盤雙冬烤麩$78同上海脆皮素鵝$78,脆卜卜腐皮, 又正又好味雙冬烤麩嘅質感就好似腐皮和豆卜,充滿豆香味之後到蘇杭東坡肉$88,炆得好入味,呢隻半肥瘦啱啱好, 口感非常有層次, 而且仲有個小蠟燭喺底暖住，一定唔會越食越凍，呢個設計真係非常貼心跟住到我至愛松子桂花魚$328,炸得外脆內嫩,勁正啊😋😋魚又大條,所以夠抵食,加上啖啖肉酸酸甜甜好開胃,值得推介!!最後係清清地清炒蝦仁$198,蝦唔算好大隻但就好爽口兼彈牙,蝦仁味道極其鮮美😋😋, 係一道我幾欣賞嘅菜式樣樣都超高水準,十分十分滿意,已經決定好下個月要帶我朋友再來希望keep住水準, 我哋一定再嚟幫襯!

今日住咗喺澳門好耐嘅四舅公過咗嚟香港玩，我哋一家人決定同佢喺信德中心入面嘅望月軒晚飯。第一次嚟望月軒，呢度環境好寬敞好舒服，主打係食四川同埋上海菜。因為四舅公本身都係四川人所以對川菜的要求都頗高。我哋今晚人唔係太多所以都唔敢叫得太多嘢食而且第一次試都希望睇吓質素如何先，啱啱坐低我哋叫咗一啲冷盤，其中一個係飄香無骨鳳爪($88)，好味、少少辣，而且因為冇骨所以啱曬我呢啲懶人，作為餐前小食，可以一路食一路傾計，主菜方面我哋點咗飄香鮮花椒牛肉($198)，呢個有少少辣味但亦都唔會太辣，而且牛肉煮得好嫩好有牛肉味，好食到唔停得口!份量亦都好夠，唔會好似出面一啲餐廳咁只係得幾片牛肉，之後嘅係宣威蜜汁火肪($198)，食嘅時候用配埋嘅夾包將蜜汁火肪、脆卜卜嘅腐皮同埋青瓜夾住一齊食，口感好有層次！另一樣值得推介嘅係老字號樟茶鴨($338)，味道唔錯而且鴨肉好嫩滑。最後我哋叫咗四川家常炒飯($98)，炒飯顆粒分明非常好味！連出名嘴刁嘅四舅公都讚不絕口！總括嚟講呢度嘅餸菜無論喺味道同份量方面都相當值得推介而且睇佢個菜牌入面亦都有重慶雞煲同埋香辣烤魚，下次嚟一定要試埋呢幾款餸！