有蒸氣 海鮮石鍋專門店 (已結業)

放工約咗朋友係尖沙咀食飯，佢帶我食蒸氣鍋。佢話openrice好多好評，所以想試下。坐低見佢地方好寬敞，又有卡座，朋友傾計最好。而餐方向面有幾種選擇，回我想食北海道元貝，所以叫了328餐。首先送咗個頭盆海膽，雖是加拿大海膽，但也非常鮮甜，跟住住黑松露蒸蛋。跟住有蝦，花甲，蠔，松草花鮑魚，蒜蓉粉絲元貝，自家制墨魚丸和肉丸，所有食材都很新鮮，不是一般放題貨式。最後碗粥係所有精華集於一身，在沒有加任何水而煲出。

和老婆到尖沙咀行街，晚飯到這間餐廳吃蒸海鮮。餐廳有各款海鮮套餐供應，明買實價，可按自己的預算去點餐。黑松露蒸蛋有蛋香，滑口得來黑松露味道濃郁。大連鮑魚鮑魚蒸好後有陣陣鮮味，肉質軟腍，更有蟲草香。日本元貝元貝很厚肉，伴以粉絲一起吃，口感十足。竹串海中蝦蝦非常新鮮，很生猛，記得要吃蝦頭的蝦膏，很有膏香味。沙包蜆蜆大大隻，非常鮮甜。清蒸美國桶蠔蠔口感香滑，沾上餐廳自家製的豉油，份外鮮味。薑蔥蒸鮮魷魷魚味突出，加上薑蔥味道，提升味覺的層次。手剁豬肉丸及墨魚丸豬肉丸厚實，豬肉味濃。墨魚丸則非常彈牙，有陣陣墨魚香。金銀蒜蒸勝瓜勝瓜新鮮，蒜味突出，老婆很滿意。瑤柱粥海鮮的精華都滲入粥內，且帶有瑤柱香味，簡直是完美無瑕的一餐。侍應服務周到，所有食物都親自去蒸，而且座位寬敞，有私隱度，絕對有下次。

本來想到蒸蒸日上午開餐，但蒸蒸日上市要早一天book位的， 上開飯喇參考咗意見， 話呢度質素高服務好咁就搭的士嚟啦～ 態度尚算可以，不過我經常性時間到都沒有人來幫我們打開已夠鐘的蒸籠，經常都忘記了，但店旅客人很少，只有四分一坐滿… 海鮮麵都算ok新鮮，龍蝦就太細啦得好少肉，另外個湯底一啲都唔夠鮮甜～淡而無味，雞腳都係硬掘掘嘅😛食物質素尚算可以，但偏貴， 每人一個餐，二人埋單係一千二百幾，都係蒸蒸日上又抵食又好味😗

今日同朋友尖沙咀食海鮮蒸氣石鍋，蒸海鮮係一個我幾喜愛嘅選擇，因為覺得比較健康，呢間係朋友介紹嘅，座位闊落，店員嘅服務都好好，海鮮新鮮，佢哋有幾款二人套餐選擇，由於我比較鍾意食蠔，所以就揀咗呢個啦黑松露蒸蛋😋😋第一次喺蒸氣火鍋店食到，蛋好滑，黑松露好香沙包蜆、竹串海中蝦兩樣都非常鮮味，蜆唔會有沙大連鮑魚鮑魚上面加咗啲新鮮蟲草花一齊蒸，肉質彈牙，配上淡淡嘅蟲草花香味，好味日本元貝元貝非常大隻, 用蒜蓉粉絲蒸，非常惹味清蒸美國桶蠔😍😍到我至愛嘅蠔啦, 完全冇失望, 大大隻, 鮮味無窮薑蔥蒸鮮魷除咗鮮魷之外，仲有豆卜一齊蒸, 鮮魷爽脆手剁豬肉丸👍🏼👍🏼及墨魚丸墨魚丸好彈牙，但我更喜歡手剁豬肉丸，加咗少少梅菜落去，味道豐富, 更勝一籌金銀蒜蒸勝瓜勝瓜非常鮮甜菜乾排骨粥底最後個粥底非常綿，菜乾味道濃郁，為呢餐畫上一個完美嘅句號

自從同朋友食過蒸氣鍋之後，如果係外出打邊爐同蒸氣鍋嘅話，依家會多揀後者。一嚟個身唔會好大陣味，二嚟蒸氣鍋多數係蒸海鮮，唔會太過油膩，啱哂keep緊fit嘅人😂今次呢間有蒸氣海鮮石鍋專門店，上網教喺佐敦港鐵出，但google map指錯路，兜咗好耐先搵到，去到先發現原來尖沙咀站出會方便好多，喺美麗華個邊直行到婚紗街尾轉上去就見到。地方都幾大，而且唔會好似酒樓晚市火鍋坐到好迫，有好多四人卡位同多人卡位或圓枱。🔹有蒸氣石鍋海鮮餐 $328 (2位起) 有四款海鮮餐，揀咗個最平嘅，要咗鮮響螺竹絲雞湯底。之後店員會預備好哂所有食材，然後每樣幫你蒸。食海鮮前每人送咗個黑松露蒸蛋，都幾香滑，配埋黑松露醬幾特別。海鮮餐包括有：蜆、海中蝦、鮑魚、元貝、美國桶蠔、薑蔥蒸鮮魷、豬肉丸、墨魚丸同蒜蓉勝瓜。起初諗住如果唔夠飽就可以叫個小食，但原來去到最後飲埋碗湯都飽了，好彩無眼闊肚窄😂海鮮整體都好新鮮，而且都好厚肉。個人喜愛大元貝，好大隻有膏位！由於處於keep fit其間，所以盡量都無額外蘸醬油，都食到海鮮清甜味，如果鍾意重口味嘅朋友，都可以蘸醬料，令到海鮮更惹味。湯都偏向清甜，有我最愛食嘅響螺😋📍有蒸氣

其實兩個人要食海鮮，就好難話去三聖，去街市買野又要煮又要洗，最方便就係食粥底鍋或者蒸氣鍋，市面上愈來愈多餐廳、酒樓有供應蒸鍋，我地都食過好多間，昨日收工就來到尖沙咀食呢間有蒸氣。有蒸氣位於天文臺圍，斜路一上就見到大招牌，幾有規模，唔係朋友講，真係唔知有間蒸鍋喺度。餐廳位置多，大部份係卡位，亦有梳化位同大圓枱，仲有獨立房間，私隱度較高，一班人食飯更加闊落。我地坐二人枱，都闊落都不得了，仲有電視睇套餐選擇多，按個人喜好啦，當然海鮮豐富D價錢咪高D，我地揀呢個係328蚊嘅海鮮餐，包左6款海鮮、兩款丸、瓜同自選粥底，其實都好豐富。海鮮包括：沙包蜆、海中蝦、大連鮑魚、元貝、美國桶蠔、薑蔥蒸鮮魷；而粥底可以揀南瓜/蕃薯/菜乾/黃豆鮮腐竹/粟米，搭排骨或雞。如果唔食粥底，可以揀湯底，最後飲個湯，個人認為粥底會飽肚D，揀左菜乾排骨。食粥底最大好處就係坐定定等食，基本上店員唔忙嘅話，都係佢地幫手蒸嘅，蒸鍋好快滾起，有timer好方便，夠鐘就食得。海鮮類唔洗蒸好耐，但係一路慢慢食，食到最後都好飽呢落鍋前會先加左粥底材料，等陣吸收海鮮嘅鹽份同鮮味。前菜嘅花生同青瓜，青瓜整得幾好食，辣辣地，好爽脆。首先上枱係

難得嚟到佐敦呢頭，就搵左呢間蒸海鮮試下，點知都幾有驚喜，海鮮用料好新鮮又洗得乾淨，員工老闆娘都好好招呼，成個過程都有專人服務你，唔使自己落手蒸海鮮，定時定候就會幫你揭蓋開餐，不過食得蒸海鮮就要有少少耐性啦，因為呢度會係一道道咁上菜。第一道 黑松露蒸蛋，味道幾好，重點係好嫩滑～第二道 鮑魚好彈牙，食得出用料好新鮮同埋洗得好乾淨！呢個係街食比較少見！第三道 日本大元貝呢個勁大粒，我諗材料費一粒都唔平，起碼都幾十啦，同埋都係洗得好乾淨，食得放心～第四道 海蝦/蜆比一般基圍蝦好食～蜆就普通啦～第五道 清蒸美國桶蠔呢個清蒸得幾好，平時好少食蠔，但呢個可能加左啲薑，所以我又ok喎。第六道 薑蔥蒸鮮魷幾爽口不錯第七道 豬肉丸同墨丸墨魚丸都OK，但豬肉丸就唔夠實淨，加左梅菜幾特別～第八道 蒸勝瓜 差唔多結尾食返個蒸菜，清下個口，完美的句點～然後都未完架～仲有個湯飲，我揀左椰子雞，推薦！好鮮甜似係屋企飲咁，足料無加味精！個湯都講緊要百幾，所以套餐定價食到最後其實都覺得係合理既！

朋友知道我喜歡食蒸海鮮,每次發現有餐廳有都會通知我再研究要不要食下~ 今天餐廳地點唔係openrice搵蒸海鮮, 都幾難會去尖沙咀最入面的位置! 大家放工去尖沙咀都很方便, 便找一天去發掘美食!寶軒酒店很客易找到, 超大的招牌! 今次點了有蒜氣石鍋海鮮餐是每位$328 (2位起), 價錢中規中矩。座位寬敞舒適的, 還有大電視~首先是黑松露蒸蛋, 職員先蒸一會先再把黑松露放上面再蒸一會, 吃起來像茶碗蒸, 應該本身放了一些湯汁, 所以蒸蛋很滑而且是”有肉味”, 黑松露超級香! 職員服務超級好! 而且說他們是以7成熟為目標, 如果想再熟一點可以跟他們說! 首先蒸的鮑魚很彈牙!  然後是沙包蜆及海蝦, 很少有海蝦可以吃了! 本身的鹽味是不用沾醬油也很好吃!日本元貝超級大份!日本海產難得那麼大份量~不過我最驚喜是那個清蒸美國桶蠔!! 真的沒有腥味道!!吃蠔其實都習慣會有點腥, 不過這次真的沒有, 應該是新鮮及薑蔥吸收了~手打豬肉丸+墨魚丸一定食得出是人手打出來的!! 是比較彈牙, 豬肉丸咬開也有一點肉汁~薑蔥蒜鮮魷蒸的時間控制得不錯, 蒸到鮮魷又彈牙又易咬開!蒜蓉蒸勝瓜雖然簡單, 不過也是我很

今晚又來去食我最鐘意既海鮮粥底火鍋🍲 餐廳都幾隱蔽，我幾乎行錯路！ 跟住google map, 穿過左諾士佛臺既餐廳，行到盡頭，行到個馬路口，向左上望，就會見到寶軒酒店，地下就係有蒸氣啦！！！ 我地點左南瓜雞粥底火鍋，佢哋會先將生米、南瓜粒同埋雞肉先落石鍋，然後再開始蒸其他野！ 最驚喜係佢一開始會先蒸左個蛋🤤🤤再加上黑松露！ 因為我最鐘意食蒸蛋👍🏻👍🏻而且係第一次加黑松露落蒸蛋度，感覺幾新鮮個海鮮套餐就係有鮑魚仔、粉絲聖子、蜆等等既配料！ 最搞笑係我地食個粥時，覺得有d淡口味，我地同餐廳講佢地話因爲佢地全部都係用新鮮食材，完全冇落味精，想客人食到原汁原味。可能我平時食開重口味😂😂所以食得咸既朋友，記得可以叫餐廳幫手落小小鹽👍🏻👍🏻👍🏻另外值得一讚既係 餐廳好闊落，我地兩個人坐得好舒服，而且侍應又好細心，全程都有幫我地蒸海鮮！

話說今日約左朋友尖沙咀飲野，飲野之前大家都話肚餓，咁就決定食啲野先去飲，空肚飲好易醉😂向飲野附近行下行下，見到呢間蒸氣火鍋，咁岩我朋友又係海鮮控，佢就拉我去食，價錢都無睇就上左去😂😂入到去，個環境好寧靜，原來佢地獨立有廳房，另外出面枱與枱之間既距離同密度都設計得好好，所以坐底後感覺好舒適，吾會太迫，又吾會太噪吵👍🏻👍🏻 岩晒同friend 一路食一路吹水😀佢好多種餐，都係二人起計算，我竾點餐後就不停吹水，服務員會幫你處理晒所有野，由蒸海鮮到上碟，換碟，服務好好👍🏻👍🏻一開始會向我地面前蒸一個黑松露水蛋，好好味！蛋吾會蒸得太老，配上黑松露，口感一流😀之後啲海鮮都係好新鮮好鮮味，服務員同我地解釋要啲時間先上菜，原因係佢地會即時處理海鮮出黎比客人，確保係新鮮，好細心👍🏻所有海鮮我都無加豉油調味，務求食到海鮮最鮮既味道，我覺後啲蝦同元貝最好味，鮮甜👍🏻👍🏻食完咁多海鮮後，食返個蒸勝瓜，清下口腔既海鮮味，準備食個海鮮粥。海鮮粥可以選擇用料，有好多種，我地選擇左粟米同排骨，成煲粥無加任何調味料，只有海鮮流入粥到既汁，加埋配料味，好好食，如果想食咸啲，可以問店員攞鹽，但我覺得已經好鮮甜🥰🥰食飽晒之後

對上一次同一大班朋友黎呢到食蒸氣鍋已經係半年前既事喇!今次同老公兩個黎食中菜!服務正正常常啦！食物就好有驚喜😍😍我地叫左4樣野黃金鮮淮山,初頭仲以為會好油膩,食落口又唔會喎唔會太咸!覺得好特別😋魚香茄子煲好野味唔算好多油夠哂熱!最想講係粟米斑塊,完全唔係出面食嗰啲龍脷柳又厚粉......呢到真係用斑起肉黎整切得厚薄適中👍👍啲斑塊走左油先淋粟米汁上去👍我老公超鍾意食呀😝😝勝瓜炒鮮尤正常,真係冇諗過食蒸氣鍋既地方會食到咁高質既中菜😀下次再黎試其他野😄

D野好新鮮，加上有人服務，甘嘎價錢度差唔多了食得好飽飽啦，食完買單總有甜品，店員總好好笑容，又有電視睇總點左個咕嚕肉外表脆脆的口感在家裡做唔到，食新鮮野～係甘上下了～服務俾個下次再來～～～～～～～～～

超級伏!!!!同朋友慶祝生日,3人叫左3個$328套餐, MENU LIST左好多樣海鮮, 以為好抵。點知每人每樣得1-3件, 女仔都食唔飽, 成本唔使80蚊, 仲要無味! 好意思收人茶錢同NUTS錢! 超級唔抵, 每人要$400, 但一D都唔飽! 唔明點解咁多好評, 大家樂60蚊火鍋都好味, 同多料過佢!

早兩日同幾個朋友飯聚 朋友話去尖沙咀嗰間有蒸氣海鮮石鍋專門店食飯 我話早兩個禮拜先食過蒸氣火鍋咋喎又食？ 佢話除咗蒸氣火鍋啲小菜都好好食 咁就決定去試下啦 上到去叫咗兩個餐前小食 一個藥膳雞腳 一個金沙鮮淮山 藥膳雞腳好入味 又滋補 金沙鮮淮山係用鹹蛋黃包住啲淮山咋 又香口又脆 食完餐前小食就食主菜 我哋叫咗清蒸海斑 條魚蒸得啱啱好十分鮮味 xo醬露筍炒蝦球 蝦球係用新鮮蝦做 爽口彈牙 醃生蟹又多膏又新鮮 鴛鴦蒜霸王雞都係用新鮮雞 雞肉又滑又嫩 薑葱魚雲煲同蠔仔粥都份量十足又好食 最後不得不提嘅係淮山響螺花膠燉竹絲雞湯 非常足料 湯味濃郁但完全唔油膩 真材實料兼絕對無味精 熱烈推介 聽講呢度會不斷推出新菜式 我非常期待 有蒸氣值得一試

冬天梗係要同屋企人食d暖笠笠嘅野啦😁所以決定黎有蒸氣食蒸氣鍋😋上年食過已經覺得好正👍🏻滿懷期待 果然無令我地失望👏🏻👏🏻食材一樣咁新鮮 服務一樣咁周到😌今日食左蟶子 蟹 蝦 蠔等等🦀🦐我地叫嘅海鮮種類唔算多 但係勝在新鮮所以個粥底都夠曬味 而且好綿😌仲叫左幾樣小菜(不過唔記得影相😅)雖然呢度主打蒸氣鍋 但係小菜都整得好好食仲有好多菜式 非常值得讚賞👏🏻👏🏻期待下次黎有蒸氣再試下其他種類嘅小菜😏