月島 (已結業)

在大角嘴呢個比較平民的小社區，呢個餐廳有小小不起眼，價位也比較貴，小小餐廳，但服務態度非常好，食物方面，質素算中上，選擇也算多，上菜速度合理，可以再去的一間餐廳

月島係位於大角咀大同新村的小店，午巿都有很多定食選擇，而且海鮮丼仲好新鮮添。呢度雖然鋪面細細，坐位與坐位之間有點迫，但勝在食物有質素，因此午飯時間經常爆滿。原本諗住試試佢即叫即做的火炙三文魚頭，可是因為要等二十分鐘而放棄，改為食快、靚、正的海鮮丼。北海丼（$98）由甜蝦、帶子、油甘魚、三文魚幾種刺身組成的北海丼，未食都覺得很吸引。特別是油甘魚非常肥美，至於帶子及甜蝦都很鮮甜。三文魚就一貫的肥美，油脂分佈很平均。套餐仲有濃郁的海鮮湯送。

同咁多位分店同事一齊去食，霸左佢門口所有位置，睇裝修確實幾好，感覺高級，野食擺設都非常令，令人未食先有好感。因為我地方位實在太多人所以預先點好左野食，有同事要食素佢地都好好禮貌講明無咩選擇，淨係可以做到淨豉油烏冬。大家都開始食既時候 食左2啖就開始放慢手腳，因為前菜大家都覺得太咸啦，湯底都係，我叫吞拿魚丼，覺得5錯，不過前菜我食左2啖都接受5到。講反個吞拿魚其實真心5錯，如果成個set多樣前菜都配搭到就好啦，因為就算日本原口味偏重都未至於咸成咁，連個湯都係，希望佢地會改良一下個配菜令個set對得起個價錢，因為都偏貴以lunch尼講。

今日去食肆林立嘅大角嘴揾食，週未嘅lunch 靜好多，好多舖頭未開，見呢間有啲人氣入去試下先。叫左三個set lunch, 老公要築地丼，孩子至愛三文魚親子丼同我要熱食豬軟骨拉麵，set lunch包味噌湯、沙律同fruit punch。三文魚親子丼，三文魚子又多又脆卜卜，兩個仔爭住食，三文魚又肥又厚。豬軟骨拉麵，麵質軟硬適中，不會淋巴巴的，湯頭濃郁。配個温泉蛋令拉麵條更香更滑，感覺吃埋豬軟骨，骨膠原補充得滿滿的。午市池魚刺身比晚市經濟，好似$140條。大仔夾完一片又一片，厚切薄切都試晒，還是薄切過癮啲。食完兩條仲未夠喉，阿仔自己走去魚生枱點多條薄切😋😋唔記得影築地丼，一上枱細仔已經動手食蝦同刺身，好鮮甜，所以encore 左單點甜蝦熱食仲有秋刀魚，店員話日本返的唔同出面，果然燒得唔錯，肉滑又juicy ，令我有啲改觀。老公好鍾意食，但我總覺得啲肉好乾鞋。今次有驚喜芝士年糕外面香脆，內𥚃軟糯，芝士精不能錯過。餃子本是大仔之好，但這餃子略為失色，個皮好硬，餡料無肉汁，可以唔試。午餐選擇幾多，下次要試下鰻魚丼先得。同埋我地聽錯左炙燒拖羅壽司要加錢，原來係lunch set $88 以上送.

經過一條又一條既小巷，見到呢間日式小店，望入去裝潢都幾特別，於是走左入去啦🙈 lunch set好多選擇，不過都係熟食，想食魚生刺身，就要係大餐牌揀啦🤭一坐低店員已經拎左前菜，沙律同埋飲品黎，好特別個西柚汁好好飲大餐牌既丼都會配麵豉湯😊免治拖羅蓉丼，好地道，有埋生既小鵪鶉蛋。拖羅蓉唔腥，而且份量都多，撈埋三文魚子食好正北海丼就有多款刺身，全部都好新鮮同厚切架😍有三文魚、油金魚、帶子、蝦、三文魚子店入面坐得好舒服，位置好闊落，下次會再黎試下其他野！

這家店小小的，只容得下約莫十桌客人，四周置着靠牆木架放滿各式各樣日本酒，營造出幾分日本意味。得知這裡有做文字燒甚是驚喜，大阪燒與廣島燒不難找到，偏偏文字燒似是被禁止入口的難遇，因此心裡一直惦着找天晚上來嚐嚐。 店員自動送上這個小吃，似是醋酸的味道，不抗拒吃，但也沒覺得美味。我們吃着一邊討論它到底是魚肉還是牛肉呢，因為口感像吞拿魚卻有着近似牛肉的硬度，我們下不來結論。帆立貝壽司$56兩件，以這價錢來說，體型略小，鮮甜度只屬一般，要是它定價$45，我會接受，但$56得打個不合格。雞軟骨串燒大概就四五粒，味道口感跟平常吃到的沒差，$22一串，太不值得。雞心串燒四小粒，必須提個小字，實在太瘦削，味道是好的，甜甜的很惹味，我又特別喜歡雞心軟韌的口感，但份量還是少得遠遠配不上$28這個價錢。蟹籽沙律是大眾化的日菜，不會對味道有什麼期望，就看它食材新鮮與否，份量對不對得起價錢。月島蟹籽沙律份量不少，蟹籽也明顯比常見的要大顆，蔬菜算是新鮮，用上芝麻醬拌勻，味道有保證。雖然不是什麼驚喜菜式，但終於出了一個對得起價錢，但也是當晚咱一一個。把文字燒這個主角放到最後慢慢說，這實在是滿肚苦水，必須從名字說起，全

北寄貝壽司🍣不過不失，其他方面簡單不能入口，什麼煎餅東東，問店員怎樣吃？只懂得叫我等一下，等到有焦就好好味.....？等了很久店長過來其實可以吃...... 吃落口一舊舊無咩味糊仔口感既椰菜！炒雜菜還好.....炒得好普通只係加左黑松露，但夾埋個味完全唔夾！豚肉鍋最失敗，因為先上煎餅既關係，張檯無位係唔夠空間放鍋，應該放左係廚房一段時間，內裡的豚肉已經焗熟左啦，店長上菜時說：8成熟就最好食，但問題係已經焗熟了........... 美感差，食材令到差！喬麥麵本應最易整，麵質差，吃落口勁粉！紫菜好似擺左好耐既感覺，完全唔新鮮！湯味已經差，連碗都用錯！

因為住係呢到附近 發現大角咀開左間高級既居酒屋所以一定要試下餐廳裝修得好靚好日式 好多精心既佈置坐得好舒服中拖羅非常軟滑 真係有入口即溶既口感白象拔蚌好爽口 鮮甜壽司有甜蝦、甘海老蟹味噌軍艦、蟹籽軍艦、海膽軍艦每一款都係非常新鮮 櫻花蝦文字燒平時大阪燒就食得多 文字燒都係第一次應該係香港第一間有文字燒仲係日本月島最出名既 所以專登試下店員會拎出黎教我地煮文字燒比較濕潤同軟身 口感好特別唔同大阪燒硬身做到一個餅咁大角咀居然有咁高質素既日本菜 以後又多個選擇

叫咗佢最經濟嘅刺身拼盤($288)，有原條池魚，油甘魚，三文魚，原條北寄貝 & 甜蝦係落單之前佢有極力遊說我哋，叫價錢最貴嘅拼盤，不過由於係第一次食所以都決定試吓先池魚好新鮮 下次返去都會再叫不過相反油甘魚同埋三文魚水平就比較偏低除咗刺身拼盤之外都叫咗佢晚餐368選三種配菜嘅set dinner選擇咗清酒煮蜆，走未好龍，完全遮蓋左蜆線條味道(老實講佢呢個清酒煮蜆，可以自己去買一斤蜆同埋一支清酒返屋企自己煮)仲有呢個滿到寫軍艦，佢嘅海膽都好新鮮下次可以再試，以佢嘅吞拿魚味道真係好一般分量都叫做偏細因為真係得八舊壽司3選一最後一道就係油甘魚沙律，因為波子嘅關係所以凸顯左油金魚嘅鮮甜當然唔少得帶咗支”梵” (238)總結來講刺身拼盤水準OK，價錢都好合理，但係佢嘅晚餐套餐就唔識得食因為價錢相對比較貴同少兩個人食總數差唔多＄1000認為可以再試

第一次寫食評，因為這餐吃的實在是太失望。··一向喜愛吃日本料理，不過因為不吃生冷食物所以便點了最簡單的熟食套餐試試 ( 前菜 + 生魚片 + 主食 + 飯或烏冬 + 甜品 )。只能說主菜完全不OK … 味道是一般水準，但炸雞太乾完全沒有肉汁，重點是不夠熱，吃起來完全就是回鍋再炸另一份套餐雜菜炒牛肉味道都是正常，稍微偏油，但第一口吃下去肉！是！冷！的！感覺是事先炒好然後放了很久，都不是現做，失望就連白飯都煮的不夠均勻，有的硬有的軟··最後甜品還要告訴我們沒有雪糕 …… 只給了兩個超迷你冷凍包裝糯米糍敷衍了事··兩人兩份套餐晚餐 400。素質份量完全對不起價錢的晚餐，吃了跟沒吃一樣。唯一對得起價錢的地方大概只有 … 服務態度還不錯。總之是沒有下一次

今日有同事生日, 聽聞附近有一間半新開張的日本料理餐廳, 一於拉大隊去慶祝!入到餐廳, 感覺非常乾淨, 裝橫舒適富日本風, 而且播著輕快的音樂, 令人有一種好舒服的感覺, 顿時令人暫時忘卻工作的煩憂。先看一下是日餐牌, 左右黑板主要以冷熱食為分水嶺。坐下侍應隨即時送上以下前吃: 有沙律, 芥辣八爪魚,麵豉湯, 仲有一杯一定要提既西柚特飲。特飲味道非常清新, 飲品內附有一片青瓜, 感覺好難形容, 但有種令人有置身度假既感覺。小妹今次揀左5點壽司付高湯鳥冬$78主菜到喇!! 名符其名有5款主打壽司。5款壽司都非常鮮味, 不用醮醬油亦全完問題, 食材新鮮, 擺放美觀, 令人即時食指大動。尤其一提是炙燒三文魚非常肥味, 咬下啖啖魚油, 配合蔥花簡直一流。另外, 被人擺放在一角的青瓜卷令人非常驚喜, 小卷除青瓜外竟為內有乾坤, 包含吞拿魚蓉, 如此食法非常清新, 令人一試難忘。最後, 一道清湯烏冬, 清而不淡, 讓充滿魚油的口腔回歸平靜, 亦為今次一頓豐富的午餐畫上一個完美的句號。

友人推介了一間高質日本居酒屋，仲有有多款新鮮同罕有既魚生，今次去開旺角附近就順道『拜會』一下！ 我地一早已經book好枱，因為店鋪的座位唔多，所以建議大家訂定枱會穩陣！當日去仲有一枱熟客仔食得很盡興，又有美酒伴隨，非常熱鬧！點菜時，店員已經親自過黎為我地介紹當日的新鮮運到的魚生款式同海鮮！見到牆上的黑板寫咗好多陌生的日本魚類名稱，甚至一些罕見的魚生都應有盡有。食物的種類簡直是目不瑕給！串燒…生蠔…天婦羅…鍋物…魚生…蟹… 真係要花點功夫才能下單決定！首先店員送上小碟前菜－好奇的我，吃起來發現有少許魚味，魚乾仔…加酸酸甜甜的醬汁。挺開胃！食完才細問，這款魚叫鮟康魚乾，又長知識了！帆立貝兩件 - @$56赤貝 - @$48先講刺身，呢度帆立貝口感黏黏的，鮮甜香口，又大大粒咁肥美！赤具質地爽脆，入口彈牙！三文魚籽軍艦 - @$44/2岩鹽灸燒左口魚 - @$45/2牛油果手卷 - @$36/6粒魚籽軍艦粒粒魚籽都漲卜卜，爆出黎都特別甜，可見相當新鮮！ 鹽燒左口魚就切得薄薄，燒出魚油的香味，有點爽口。牛油果手卷就普普通通，冇咩特別。牛舌 -@$68串燒雞腎 -@$28講到串燒真係造得非常

TGIF!!! Lunch食好d係大角咀返工其實唔係淨係得佬飯 都有日本菜食既今次去左食刺身定食5點刺身付紫菜壽司飯有: 油甘魚 章紅魚 赤身 三文魚籽 三文魚(我唔食三文魚轉甜蝦) $88好食指數:6.8/10我無expect刺身咁厚身 一上枱心諗今次gg了 不過以我既食量 ko佢都係無難度慶幸有得轉走三文魚 因為我好鐘意食甜蝦 肉質都鮮甜 唔錯 其次我都好鐘意油甘魚 同章紅魚 好肥美 唔腥 係個三文魚籽麻麻地唔夠脹卜卜 唔夠新鮮 所以都無乜點食壽司飯portion都幾大 調味適中重點一提成個餐仲會包左沙律同前菜同lemonade 而前菜係生醃三文魚頭骨(第一張相碗飯既隔離果碟)🙄 我原本唔知係生既 食左😐 其實無咩野既 食落無咩feel 如果你鐘意食三文魚 一定覺得無問題 但我覺得三文魚好多蟲好有陰影😐呢個三文魚頭骨really made my day

同幾個朋友好耐冇見，諗住揾間好食既餐廳傾吓計，睇過好多人讚好，所以揀咗來呢度。最抵食係油甘魚沙律刺身！九成油甘魚一成沙律！叫咗個刺身併盤，有三文魚，吞拿魚，劍魚腩同蝦。我真係未試過食D咁唔新鮮既魚生。吞拿魚完全冇味，劍魚腩好似未解凍，仲有雪水出…好反胃。從來冇試過一碟刺身都食唔晒！分別同兩個侍應反映，都毫無反應，只係冷冷的話：係呀！仲叫左個文字燒，超級難食！食完唔知自己食緊乜😑😑甘既質素同服務態度都竟然每人食幾百蚊！最後搞到個飯局好冇Mood囉真係不知所謂！究竟D好評係點來架呢??

有幾年無特別安排「情人節晚餐」，因為印象中呢種活動係逼、趕、低質素。所謂在家千日好，留在家中吃飯就最正。今年少奶臨時臨急想玩返出街食飯。出名的西餐廳已經滿座，最後去了較偏區域的日本餐。典型小店格局，檯擺得好密，好細張檯，勝在無限定用餐時間。牆上有是日推介，單價不便宜。後來知道份量頗大的。最後點了「情人節餐」，加了幾個小食。自帶了一瓶波爾多 Pauillac 區列級酒莊 Chateau d’Armailhac 2007（右下角為店長推介俾我的紅白酒，唔啱飲當然無開到啦）。但係食日本嘢，始終都係要飲Sake。開了一瓶店裏的 Sake ， 就可以免我紅酒的開瓶費。食物方面不過不失啦。始終唔可以太奢求。其中印象較深的是前菜「墨魚汁腸粉」，幾得意。雞翼都唔錯。始終大時大節，客量超負荷，服務亦不能太苛求。我地算好，隔離檯的夫婦等極都無嘢食，有嘢食時食物順序亂晒。店長除左道歉都無咩可以做到。