曾三仙米綫 (花園街)

營業中

休息中

📸 曾三仙米線唔知有無同為食妹一樣係米線既big fan?今次想同大家介紹內地過江龍非常火既火鍋米線 平時好少見架食麻辣火鍋既同時食埋米線🥢招牌三仙米線可選蕃茄/火鍋（大辣）/泡椒（中辣）/酸菜（微辣）辣湯底仲可以揀正常辣定重慶辣為食妹試咗酸菜湯底（正常辣） 感覺唔太辣朋友就食咗泡椒（重慶辣） 真係唔少野架唔怕辣既朋友歡迎挑戰火鍋湯底🍲三仙米線本身已經有配料午餐肉 嫩肉絲 木耳 鵪鶉蛋 豬潤咁多料都只係$58😍想試多啲配料仲可以追加架🐷為食妹就加咗炸蛋$10 終於試到🤣成日睇小紅書都見人食索湯必點！蝦滑 $4 極度好食 後悔淨係叫咗一粒虎皮雞腳 $14 夠嫩 多汁又入味腐竹片 $9✅半價加配飲品同甜品我就試咗近期大熱既生椰拿鐵 $9無得揀甜度但又唔會太甜 🧡食後感食米線都知湯底緊要食完真係完全唔口渴架 平日雲桂香果啲完全無得比米線比平日既幼身 食落更滑更索湯📍 太子花園街228號地舖#wwh食勻旺角 #米線關注組 #香港米線 #旺角米線

本身非常喜歡食米線，在太子的選擇非常多，今次路過這間比較新式的米線，原來在國內已經開了超過1000間，在香港是唯一一間。我們用QR code落單，裏面的餐單上有很多選擇，我選擇了四仙米線，配菜有木耳鵪鶉蛋竹笙，蕃茄蟲草花豬肝午餐肉等，另外加了蝦滑。米線的質地比較特別，超幼滑，食到唔想停，而配料比較多，所以成碗米線都非常豐富。滋補酥肉米線加腐竹片及炸蛋這個米線是用當歸熬製，所以非常滋補，裏面的配料非常多，亦令到成碗米線都非常豐富。炸蛋即叫即整，浸落米線入邊，仍然鬆脆可口。鍋巴土豆 $20好好食，即叫即整，熱騰騰的，很香脆，再配上甜酸汁，非常開胃。磁粑油條 $20呢味小食非常特別，油炸鬼上鋪滿了芝麻和糖粉，用油炸鬼包住磁粑，口感非常好，一定要試。馬蹄椰子水，涼浸浸的，可以清熱。百香茉莉茶#曾三仙米線 #太子美食 #太子米線 #四仙米線

見到太子新左間米線叫曾三仙，入面食物便宜，叫到成檯都係小食都係二百零蚊。鍋巴士豆$20味道有d似炸薯角，香脆好味。重慶現炸小酥肉$25小酥肉配辣粉，非常惹味。虎皮雞腳$30豉油味濃郁，雞腳一吮就脫哂出黎。炸蛋x2 $20蛋味濃郁，同平時酒樓食既蛋散類同，值得一試。炸腐竹片$9炸到脆卜卜，帶點甜味非常開胃。磁粑油條$16油炸鬼中間夾住糯米，非常煙韌。滋補鮮蝦米線$55鮮蝦球爽口，湯底清甜，米線又煮得剛剛好爽口得黎又不會太稔。酸菜鮮魚片米線$50酸菜同米線份量都好多，湯底帶點微辣，格外醒胃。冰糖山渣$9山渣味濃郁，入面仲有椰果，口感豐富。最重要係開業期間半價！！！曾三仙米綫 (太子)📍地址：太子花園街228號地舖

去花墟附近找野食, 睇下有乜嘢好食, 見到佢新開, 於是入去試試, 佢有不同款式湯底, 唔想食辣, 睇下試滋補湯底定蕃茄湯底, 叫左蕃茄湯底, 唔想食肉, 叫左魚片, 另外加左腰花, 等左一陣, 碗野送到, 店員話要木羹, 自己出去拿, 外面有配料, 例如: 芫茜同葱, 我拿左d芫茜, 先飲啖湯, 味道好濃, 但唔係完全蕃茄味, 係好夠味但應該好口渴感覺好重味精😅, 再食米線, d米線好爽彈, 唔會好淋😋, 魚片好滑😋但唔知係乜嘢魚, 腰花食落係一舊好爽的野, 但唔知自己食緊乜嘢😅份量好足, 米線好多, 另外有韭菜木耳海帶結, 本來想叫飲品, 不過全部感覺應該好甜, 都係無叫, 下次可以試滋補湯, 蕃茄到依家都好渴🤣唔會再叫😅😅

以前食譚X之後，D米線難消化都會有胃漲問題。但呢間曾三仙真係我咁耐以黎，第一次依食完冇頂住個胃，叫左個蕃茄湯底仲要飲完唔口乾，我飲左大半碗添下次要試埋佢個藥膳米線先得

湯底係驚艷，試咗火鍋同泡椒味，腰花同蝦滑都係好味，可能因爲我好食得辣，好正！生椰拿鐵好好飲，唔甜，淡淡椰香，解辣。連飲品都咁好味，真係抵讚。好耐未食過咁好味嘅米線，酣暢淋灕。

呢間米線喺大陸有1千間分店 終於喺 hk開左第一間 🍴泡椒三仙米線 🍜加海帶絲加千層肚 87 蚊米線幼身爽口 泡椒 帶 d酸辣 惹味 海帶絲好彈牙 千層肚好爽口 仲有本身係度既餐肉 豬肉 炸菜等 整體食落好有口感 🐷🍴滋補鮮魚片米線🐟🍜加蝦滑 蟹棒 腐竹片93 蚊蝦滑 好彈牙 蟹棒蟹味香 , 魚片好滑🐟仲有 d好脆既腐竹點黎食 好正 🍴炸蛋 10 蚊炸蛋有 d似蠔餅半煎炸甘 蛋味好香 可放落米線上面 半溶甘食都好正🥚🍴肥腸 28 蚊好爽口彈牙既肥腸。正 要黎撈麵一流🍴虎皮雞腳 30 蚊雞腳好肥美夠大隻🐥好入味🍴虎皮雞腿 2 隻28 蚊雞腿個滷水汁整得好惹味 雞肉夠肉味 正🍴豆腐泡25 蚊🍴冰糖山渣凍🍴生椰拿鐵🍴滋巴油炸鬼上面鋪滿芝麻同糖粉 用油炸鬼包住滋巴 口感好好 第一次食 好正🍴小酥肉🐷炸得好香脆既小粟肉 入面有 d好juicy既豬肉 加辣粉好味🍴炸土豆片🥔🔥D土豆整到一粒粒 好香脆 上面有 d甜酸汁好特別🍴酒釀豆花 18 蚊🍢個豆花比較彈牙 有 d似啫喱 上面既酒釀酒味香 仲有少少蓮子 紀子 同菊花既香味 正🍴三仙冰粉涼蝦24 蚊🍡

認真，我真係覺得好食呢間係我好少覺得米線好食嘅店舖除咗譚x同埋雲桂x之外,以前勁鍾意食雲桂香貪佢夠重口味食多咗又覺得重口味得滯好Heavy 食譚仔覺得有少少千篇一律發覺而家香港越來越多新式米線都知道好多係來自國內首先呢間嘢係個裝修裝飾吸引咗我非常自信，就食吓睇吓有幾好食勁鍾意呢啲米線嘅面質！係超滑，食都係唔想停，飽都仲想食落去我叫咗個滋補湯底，當歸fd入面嘅配料都幾多有海大師有竹笙有豬膶又豬肉我自己再加個蝦滑成件事超豐富因為個人口味鍾意食藥膳底其實呢間舖頭第一推薦係重慶有辣度嘅湯底所以我決定咗下次一定要嚟試！

見咁多人排隊就去試下啦其實見裝修咁多簡體字都大概估係大陸嘅連鎖米線叫左個三仙酸辣米線佢係完全冇得比你揀辣度我平時都唔係唔食得辣嘅人食完都覺得胃痛同頭痛而材料方面得三條酥肉，勁薄嘅午餐肉半片仲有三片薄到嚇死人嘅豬潤仲有兩三塊嘅薄切蕃茄根本就係同淨米線冇分別，完全唔知個良心去咗邊。咁就$54蚊，都唔知自己食緊乜食譚仔啊雲貴香呀其他米線都冇咁嬲仲有個湯底係一啲都唔好味酸辣根本就一啲都唔酸剩係得辣辣到我食完都有啲胃痛唔會再嚟最後想講收錢果個人，完全係唔知自己做緊乜，有時連自己有冇收錢都唔知，問左我幾次有冇俾錢。

朋友推薦，聽講新開張就去試試，店員介紹下叫左個牛油火鍋重慶辣加左豬腰同豬膶，兩樣都爽滑，豬腰出面好少食到咁爽既口感，豬膶就薄片（個人中意食厚切果種），仲叫左個炸蛋，吸湯食真係冇得輸個湯底就真係係香港未試過，用麻辣火鍋果d湯做湯底，夠哂重口味🤤但係怕油就唔好叫啦，有正常辣同重慶辣，重慶辣比得上譚仔大辣，可以接受，唔知仲可唔可以再加個重慶雙特辣咁，飲品都多花款，唔係坊間一般咖啡奶茶檸茶檸水，見個雪櫃都有好多特製飲品，我叫左杯百香果茉莉，酸甜清香，整體黎講唔錯，直得再試

我叫了一個泡椒三仙米線，上菜大約需時5分鐘。湯底濃，泡椒湯底不算太辣，配菜好特別，有豬柳肉同鵪鶉蛋。外加一個炸蛋及腰花，腰花爽脆可口，炸蛋分別上，浸完湯幾好食。飲品要了一個百香茉莉茶，味道偏甜。我老婆就叫左一個滋補三仙米線，湯底味濃，夠味，配料同泡淑三仙一樣，由於唔辣，配料嘅味道比泡淑突出，雖然味濃，但不算太咸，我老婆飲晒碗湯都無話口乾，加左大腸，大腸都好好食，相比起腰花，腰花就特別啲。飲品佢叫左椰子水，味道還好。

內容如標題，本人十分之中意食米線，係香港啲米線都係果幾味，今次呢個有新鮮感，可能佢本身個米線 同啲配料都係岩我食既野！配料 有海帶 蕃茄 木耳 韮菜，我叫左火鍋湯 午餐肉米線 加左豬腰同竹笙！冇諗過佢既豬腰咁好食 又嫩口！我老公叫豬膶，都好滑，唔似果間譚x既豬膶鞋架！平時都唔敢出面叫肉臟食，好驚有陣臭味！豬腰加分👍🏻啲米線唔係平時出面果啲偏淋身 一夾就碎就短果啲，佢呢隻米線係爽身 同幼身啲！呢隻米線好食，一分價錢一分貨，我碗成舊水既米線，但我覺得值得！

一定不會再光顧。 員工態度惡劣，不斷說粗言穢語，更大聲傾電話，更在顧客面前飛毛巾，不顧細菌傳播，不顧飛到他人身上。十分差的體驗。米線份量不足，加菜份量也不足。 飲料十分甜，沒有甜度選擇。不會再光顧。