普洱

營業中

休息中

我以前係果度做過part-time 既~我覺得d野食食極都唔厭囉~就算我宜家冇做都有成日去幫襯囉~

星期六(29/05/2005)晚兩個人行到10點幾好肚餓, 響荃灣廣場0既食肆又收得八八九九, 轉出條街就見到呢間滇園, 見佢個樣都好似幾好坐, 就諗住試下啦.我自己就要砂鍋豆腐丸子米線配芒果綠茶.先講個飲品. 佢係台式0既飲品, 唔係話有咩特別, 不過32蚊個餐, 有台式飲品做餐茶(所有飲品任揀), 又確係有d驚喜. 個砂鍋豆腐丸子米線幾好味, 米線彈牙, 湯底夠味, 惟個豆腐丸子鹹得滯, 要扣分. 所謂豆腐丸子, 即係豬肉同豆腐琢成0既丸子, 都幾得意. 最重要係個湯真係夠熱, 我都講過我出名食野慢, 而個湯底真係到食完個湯都仲係熱, 好野.男友呢, 就要0左普普通通0既咖哩雞扒飯餐, $28, 同樣飲品任揀, 真係抵食. 呢個我無試食, 俾唔到comments, 不過我見d飯唔夠熱就基本上無興趣試啦(男友話味道都ok). 後來見前面果檯有人投訴話d米生, 佢地就停0左供應飯類喇. 唔, 就係咁我又扣0左多少分,總體0黎講我都會話呢處米線係食得過, 不妨試下.

中午時份，路過想試試這裡的米線，入到坐定，想看菜菜單，料不到字體只有十號字那麼大，光線又暗，又忘了帶老花眼鏡，看了好一會也看不到菜單上的字，只依稀見到套餐中好像有三鮮米線，好像是２８元，好像是連飲品，便即管一試ｏ　所謂三鮮，原來是幾片薄紗似的魚片，有一小撮刨成糼絲的紅羅白，和一小撮切成糼絲的黑木耳，兩至三條尾指般長的小白菜，正是食之不知文味ｏ先喝一啖湯，只有醬油味，味精可幸不多，談不上好味，三鮮也可算取巧，事實上只是一些伴碟的材料，只怨之前没問清楚，但米綫方面郤不差，算很爽滑，至於套餐的涷咖啡郤不錯，大杯之餘，加了冰也很濃香和滑，算是惟一的收穫ｏ

我今朝去食早餐, 貪佢有個粥食, 仲加埋有多士同火腿旦, 其實都幾低. 又唔係大餐廳, 我都唔要求非常好既服務，所以當個黑口黑面四眼妹同我落單時, 我都冇所謂。不過，我食食發現多士上有條鼻毛，我就同個四眼妹講。點知佢仍然保持黑口黑面，碟多士同火腿旦去換，又黑口黑面咁番，一句對唔住都冇，直頭係一句野都冇講過。我以後都唔會再去既喇，貼錢買難受。

我是來大窩口分店的.叫tea set想配凍檸菜,點知店員話要跟佢地d"台式飲料"...見d款都比較少見,就叫左個豆沙奶($15).個人幾鐘意呢d有細細粒o既奶.同事要的是雙丸通心米線,竟然真係得兩粒丸only...用一個極細的乞兒兜著住..其實不太有興趣...不過佢後來話幾好食,睇落比平時粗o既米線原來中空,見加$4都成一個餐咯,又忍唔住試下.不過...我覺得湯料太淡了,雲吞也不好吃.環境幾寬敞,裝修都ok,同朋友黎坐o既話應該都幾好.不過唔知佢午晚巿有咩菜揀呢?!

今日同同事0係到食tea,食0左八十几蚊,其實都几抵食。有d人食雲吞,有d食辣雞翼,我就要個19蚊0既酸辣通粉米線餐,仲有杯飲品,我要凍奶茶.奶茶係台灣式既,都几好飲,碗米線都几特別,夠辣,但唔似雲南米線味,真係台式食品咁.d通粉米線testure都好搞笑,19蚊真係好抵食呢~雖然几抵食,不過衛生環境只屬合格,仍有待改善呢.

始終是消費，何必貼錢買難受呢！又，上環有一間風味棧，米線品種有好多選擇，而且創新又好味，值得一試！(近上環文娛中心，經常有明星出現！)

很鍾意到滇園食，雖然如其他食評所說，對客人的招呼怠慢，服務的確有待改善。但食物就無得彈！！最經常食的係"涼拌簥麥面"，好多人都唔識叫來食；不過好大碗，女仔食完再飲一杯野會覺得好飽。這裡的飲品也好好，一個餐26蚊，已經包飲品，好抵！晚飯的套餐仲有飯，猪扒飯是不錯的選擇。

呢間食店不論價錢,食物味道,裝修都很好,但唯是入去比錢幫襯佢好似乞食咁,店員既態度散漫同"好寸",如果店主知道後作出改善,此店必有一番好景象!!

相信我這一兩年已到過這兩間不下五六次了。環境好；味道算有特色，但食物似乎只是巧借雲南名義居多，不及彩雲南、阿詩瑪或觀塘某一間小店感覺正宗、質樸和有風味。(當然，可能現在食店不用sell 這些，只要裝潢有睇頭就可以吧！)無論如何，搞手亦是下過一番苦功是看得見的！但.........服務就.......不消提了！荃灣以前到過，可能那時的員工都成熟些。但大窩口那間就不知所謂了！！簡直是貼錢買難受。大部份待應都是招乎惡劣，吃得一肚子氣；桌面餐具又不潔。我看清楚不是單單我們才受如此招待，其它客人也一樣，未知攪手會否知道？我怕會白費了他一番心血！

午巿供應一些港式材料的米線,如墨魚丸/菜肉餃米線等...晚巿供應地道的如氣鍋雞/過橋米線等.....而飲品是台式的.<br />正宗與否唔知,不過幾好味,價錢好平,淸湯和酸辣湯底都夠熱和夠味...有時要等位.

米線係好抵食有埋菜同台式飲品, 而且辣米線有一層油...聽講呢d先係正宗響雲南食到0既米線,

唔似一般米線舖要自己配料, 有好多特色選擇, 餐飲都好多款揀, 唔想食米線的話, 可以免費揀蕎麥麵或餌絲, 午飯時間太多人幫襯, 成日都要等位, 所以早d 去著數d, 另外唔知點解大窩口o既分店o既套餐比呢間貴$2<br>好多款米線都幾好食, 除o左雲吞之外,

湯底好正，好夠味！我知係店主專誠由雲南訂貨，絕非一般行貨，由其個度普洱茶同咖啡，唔試下就走寶了．而家嚮熊貓酒店附近仲開左分店，裝修格局好正，又有好多特式玩意．

ok喇, 套餐都幾抵, 有珍珠奶茶送, 抵過淨飲.我覺得肉燥米線幾好食.