普洱

營業中

休息中

耐唔耐都會來這裡吃飯, 這裡的食品與一般的茶餐廳有點不同, 食品都幾有特色!都常都會吃焗飯, 質素不錯, 另外麵食亦幾有特色!不過最值得留意的是飲品, 跟餐會有一杯飲品, 是一些特色飲品, 果汁等, 珍珠奶茶則加$2, 價錢收費合理!環境裝修較一般茶餐廳為佳, 坐起來會較舒適, 侍應的服務一般, 但一般都不會坐太久, 感覺上影響不會太大!在這一帶食肆林立, 食物質素好之餘, 有賣點才能突圍而出, 這裡的特色飲品在這一帶可算較為突出, 午飯若三十元的價錢, 大家不妨一試!!

上個月黎呢度食晚飯, 叫左個酸辣餃子麵, 只得辣, 一d酸都無! 仲要辣得黎苦!! 仲有好多油浮面裝修都ok, 但服務勁唔得!! d侍應圍埋一齊傾計吹水, 完全唔係serve客. 態度好散漫沒有下次!!

有時lunch time都會同同事黎呢間食通常都會叫焗飯,尤其係白汁南瓜0個個清清地唔錯美中不足0既係焗飯唔係炒底,唔夠香口飲品都ok芝麻紅豆冰用原粒紅豆冇咁漏裝修算ok 略嫌位有d迫服務就一般,有時叫佢幾次先有反應但都有d笑容總括而言,耐唔耐食下都ok

昨晚行吉豬島行完發覺商場內d食店全部都準備關門(10pm未夠), 所以就走去對面搵食入左去普洱試下。初時都冇咩期望因為餐牌上都係一般台式珠珠奶茶的食物, 我叫了一個香so肉蕎麥麵加麻辣湯底, 餐飲芒果椰奶,我bf要了唔知咩野麻辣餃蕎麥麵同蜂蜜綠茶。麵很大碗我的香so肉很不錯, 杯芒果椰奶都好正係用真芒果。套餐都只係$26(包飲品)麻辣湯底要加$3,我地兩個人都係食左$51好抵呀, 好過晒d珠珠奶茶啦。

9-Apr,諗住去ikea買野,所以去左荃灣廣場附近食飯,看見呢間門面裝修唔錯喎,就係因為咁,所以入左去試(建議二至四人去,座卡位好的,因中間o的位好"big"),睇menu時唔太好,因為得一set放左起張檯度,感覺上好似要同人share咁,可能佢地驚忙起上黎唔記得比menu客人,但係放多一set就perfect啦.二人叫左煎牛扖飯同豬頸肉焗飯,一杯Aloe Kiwi同一杯pawpaw shake. 幾好味道,好新鮮,杯Kiwi幾醒胃. 個飯都ok,一般西餐水準(但點都好過大x樂啦),不過若果個飯焗耐o的o的會更加好,個碟三角形幾sharp,但係點解個碟係cracked嫁...都唔知點解仲用,比客人睇到唔太好lo,界親人點算呢?Service都唔錯,不過唔太like一位waitress,2x-3x age old啦,佢出餐唔同個客講係乜,算啦出錯的話都係佢既事...哈哈,昵樣唔太緊要.但係佢抺檯抺得好唔乾淨,幾"拿西",左右抺抺抺...竟然抺淨中間果忽,仲側側駁掃的野落地下...嘩,我見到"o"晒咀,呀姐,大排檔呀呢度,你boss比唔小錢裝修喎,你竟然倒米.佢行埋黎收我個碟都唔問我食完

個日星期一去左間野等女朋友~入左去冇乜客~咁就睇雜誌等埋女朋友要點野食~個waitress就好冇禮貌『你肯點野食未ar』星期4第2次去就仲差我朋友點左野一陣~岩岩點完冇耐ga o者~想轉通心米線~個waitress 大大聲『唉....煩』之後仲要我朋友食食下野就撞落佢度~搞到佢成面都係~態度差到冇人有~野食都唔係話好出色~野飲ok~

從來未食過大壩街這間店, 但食過大窩口那間兩,三次, 食物不錯.今次想講荃灣這間店, 名字已改, 叫"普洱". 新裝修, 門口無放餐牌, 不入去不知是滇園餐飲. 第一次食, 是晚上九點半, 和女友只叫了一個雜錦米線及一份滷水併盤, 送一杯飲品, 選了紅豆糯米茶. 合共51元. 都很好食和好飲. 上菜快, 足料夠熱. 唯一有趣地方是服務員對滇園這名字有保留, 問她們這店以前是否滇園, 服務員想了想答:"係". 再問"你們現在這店是否滇園?", 答:"普洱!", 然後轉身走了. 不理甚麼名堂, 都推薦這間餐廳.

實在, 大壩街係一條食街, 以往比較專注對面荃灣廣場d 食肆, 皆因夏天時, 怕熱, 行商場搵食肆無可厚非, 但總有'全場食晒'既一日, 係時候要'擴張版圖', 夾岩冬季來臨, 上街搵食絕對岩時候.呢晚又係睇戲, 散場走出去, 如常會見到對面大壩街成行成巿既食肆, 好, 總有第一次, 就去大壩街地鋪搵食, 唻到間雲南野試試, 見到菜牌果真有特色, 什鑊仔米線, 已經按奈不住, 不加思索就order, 但注意係成兜野滾住上, 伙記都極少心捧唻, 食時, 小心灼口, 一啖一啖吹涼d至食, 米線入口, 嗯, 應彈則彈, 彈牙果隻, 配料有豬肉, 豆腐, 雪菜, 芽菜, 但湯底少少油膩, 其實, 最好表現就可能只係米線, 只要叫米線類食品就已經有所保證, 埋單兩人不過60蚊, 小型晚餐尚可.另外, 雲南特色只限食物, 餐飲大多係台灣特色飲品. 其實連裝修都帶有台式味道, 不過空氣唔太流通, 而鋪仔細細, 唔見有禁煙區, 若保證好空氣, 可能惟有又係等到20070101.

我去既係大窩口分店o係創意無限個商場度去到見仲有早餐食(供應至11點半)選擇係幾多可以有唔同既配搭我揀左流沙包拼雲腿素鮑魚(鮑魚菇)粥($16)朋友仔要左鹵水雞翼通心米線配凍泡沫咖啡($19)鹵水雞翼通心米線～色水幾靚,但據朋友仔講味道一般,唔係特別好食或者難食,試左一條通心米線,口感介乎通心粉同米線之間,份量唔太多,只係用個砵仔裝賣相特別d凍泡沫咖啡～朋友仔話唔似泡沫咖啡,只係一般茶餐廳既咖啡流沙包～等左好耐先同煲仔粥一齊上,新鮮用籠仔裝住上,本來無乜期望,但結果令我好surprise,飽身鬆軟,入面d餡仲真係流沙,金黃色,甜度適中,食完覺得呢個點心值4分雲腿鮑魚菇粥～配料份量一般,叫呢個只為清清地,粥底幾綿,好在唔太多味精,食完成個下午都唔覺口渴,不過d鮑魚菇有部份淋身,但有部份就未煲軟身,如果可以改善呢點會更好!waitress態度唔好問佢toilet o係邊時只係好求其咁應我o係商場一d都唔helpful食物幾好都趕客啦另外人客唔多食物都出得咁慢

左為大理離錦蕎麥麵,右為雞涼伴蕎麥麵,兩個都好多配菜,媽咪覺得依間好過大窩口, 但我就覺得果邊好d

食過幾間滇園, 荃灣呢間算係幾差, 上次食左個甜酸排骨飯, 加珍珠奶茶三十蚊, 荃灣lunch黎講唔算平, 用料普通, 汁無乜味排骨炸過癑, 係個奶茶幾唔錯第二次去食過下午茶, 整左個貢丸米線, 淡而無味...個湯好似水咁...唔惦, 連埋野飲成26蚊個下午茶, 唔值!!總括: 諗唔到理由再幫襯

兩個人分一個麵一個小食，都食唔晒。唔想彈，其實唔關食物事。係因為鬧緊交，所以基本上都無咩mood食。

After shopping at Ikea at Tsuen Wan, my bf and I were looking for a place to eat lunch. We were attracted by the look of the place - stands out from the rest of the restaurants on the same street. We went in and found a table for ourself - the service of the staff are not that good. Bf ordered lunch set of white sauce fried chicken rice and kiwi soft drink, while I ordered white sauce fried fish rice and a aloe papaya juice. The presentation and taste of food are both good. The drinks are OK la

我一個星期都會去到1至2次lunch, 我次次都叫酸辣榨醬雞絲通心米線, 真係好正, 但係服務就好似其他人咁話, 個個waiter都黑口黑面, 不過我都接受到既,間舖既環境幾好, 都會keep住去食

因為住荃灣既關係, 我經常同朋友來依間, 特別係大窩口既分店, 我覺得佢既食物質素比荃灣果間好, 而荃灣廣場果間全新裝修左, 真係好想去試下...講番今次, 帶左兩個朋友黎食,我地叫左:--雞絲涼伴喬麥麵(必食), 依然係咁好食, d配菜好豐富, 雞絲又夠入味同好香,係我食過最好既冷麵--鮮蝦雜菌肉餃米線, d餃好實, 仲要一碗有5粒大餃, 非常抵食架--砂鍋豆腐丸子米線, 丸子好滑, 湯底都幾甜--我地每人叫左一杯芝麻珍珠, 亦係我飲過最香芝麻味既食夠$100仲送其中一款煎餅