普洱

營業中

休息中

11/2 星期日個日同fd 一齊去左荃灣出stephy fun1530完左後就同5個fans 周圍搵下有咩食....係citywalker 附近街市中有鍋貼大王我提議去試下...佢地又話間野細....冇咩冷氣於是有個fd係荃灣友 ,,,,,,,,提議去荃灣廣場附近see see都係冇咩好食......佢話出面有間 '普洱' ........食過都唔錯門口好似唔見有寫米線下午茶餐......只有咩多士餐!!!!!!!!!入到去望下餐牌....有個$19 米線下午茶餐.....配咩野飲都得.......都幾抵星期日 都有19蚊下午茶.......ok啦......心諗碗野都唔會好大但上左台又ok...size 適中........我地叫左3個手撕雞,1酸辣肉醬,1什錦素我就叫左 官渡 燜肉 通心米線........肉都 幾入味,,,湯底淡左d...佢可以整特別d///eg:魚湯會更吸引.....!!!!!!而試下fd 個手撕雞....有d 麻醬味...又ok喎.....而什錦素 有蘿蔔絲....酸菜,,, 榨菜..........仲有 唔記得啦餐飲叫咩都得.......杯杯 標價$1

午餐同朋友去呢間野度叫左個西蘭花焗飯味道偏咸左少少，但可接受。係d侍應比較"叻"囉。我一個人吃唔晒一個飯就叫佢拎個碗比我，咁當然係同朋友share啦佢就真係拎個碗比我唔拎任何野比我"筆"黎食=_="之後唯有要佢行多次講明要筷子同紙巾啦....

同三個朋友去,叫左咸肉通心米線,二碗湯米線同喬麥冷面.我食個咸肉通心米線咸到喇~~~~個二碗湯米線唔同味,但我兩個朋友都話好淡,好淡乜味都冇.個雞絲喬麥冷面係個女仔食,見佢攪左幾野放低,唔........................D茶冇乜印像,係4個人都冇乜印像......D侍應又冇乜野喎,佢都冇乜出聲.可能同我地唔夾啦,應該唔會再見

第二次黎呢度，上次都係食米線，對佢印象不是很深刻.. 可能那天是朋友派帖的大日子，所以已不記得餸菜的味道如何了。撞岩冇飯食，放工後就不如獨自食碗米線吧﹗想過幫襯雲貴川，但懶得排隊，咁就走左過去大壩街的普洱。今晚好簡單，叫左個官渡燜肉米線，跟餐有個香蕉豆奶 ~ 夾埋 $28 ，抵﹗個香蕉豆奶好好味，蕉味豆奶味很平均，雖然唔算好滑，但勝在夠香 ~ 味道果欄我比 4 分都係因為佢 .. 至於碗米線. 湯底係幾好架 ~ 很鮮甜，喝了好幾口，但沒有口乾的感覺，而燜肉是較瘦的，是另一種食法。不過，米線就比較腍，唔夠彈牙。如果就咁個米線，味道我會比 3 分 ~ 晚市 $28 包特飲，其實真係好抵，所以唔會要求太高。見佢有焗飯，都好似幾吸引 ~ 睇下日後會否再有機會去試下。

一見到張餐牌, 就覺得同一間雲南菜店(彩雲南)有九成似! 不過呢度款式多d, 同埋感覺上無咁正宗. 價錢方面, 最平$28一個單併米線餐, 有好多款式可供配搭, 跟餐跟埋一杯台式餐飲, 即係餐牌上所有飲品都可以揀. 還有多款飯餐選擇.我食咗嗰菜肉餃通心米線, 加$3要酸辣湯底, 而餐飲就要咗木瓜糯米冰. 先講菜肉餃, 唔係自家製, 味道可以. 通心米線就幾特別, 比一般米線粗身, 因為通心的關係, 米線入面會裝咗d湯, 令到食落好似連埋湯底一齊食咁, 好淋, 不過, 我都係食唔慣, 比較鐘意普通米線嗰種偏硬身的口感. 湯底少酸略辣, 只屬一般. 木瓜冰就第一次飲啦, 其實食落都有dd怪, 木瓜拌成小粒, 撈埋d糯米, 幾得意囉. 碗米線都幾大碗ga, 幾抵食呀.

我成日都叫外賣,住在附近所以都成日叫佢,今日就同大家SHARE下啦.呢個係什錦炒通心米線$25蚊,而我就叫餐,要多杯野飲,連送埋就35蚊,我覺得好GOOD呀,因為叫左唔洗3個字就上門食得,又HOT喎.真係值得大家叫架....

呢條街都好多野食,只係我好多都係去呢間,因為佢價錢好合宜,而且好味,我最鐘意係香蕉藍梅奶,好好味.另外佢既通心米線都係必食之選!

我都去過食,因為住荃灣關係,想搵間坐得好又舒服嘅餐廳食下~d野食幾好食,推介:喬麥冷面,焗飯都好好食~d野飲好好味~特別你藍莓香蕉......正!d service都ok.d後生仔笑容幾好~值得再去~

很少吃通心米線,看見網友們的推介,而且價錢吸引,便於上兩星期特地抽空往!點了一個素什錦通心米線,跟一杯蘋果綠茶.素什錦米線用料也不少喔,有黑木耳,芽菜,紅蘿蔔絲,菇等,份量也夠,清清的作為一個簡餐,已很不錯了!而且服務很好,位也很舒適呢!最重要的是款式很多,眼花撩亂的,所以必定會再去呢!

我第一次食都係我朋友介紹我黎食,去左之後,我就成日自己一個去食~~~老實說...佢地d野食真係好好食,特別係o個個芝士焗西蘭花肉醬飯~~超正~~$30幾蚊個焗飯真係抵到爛呀~~~仲要跟埋杯特色野飲tim~~果汁仲要係用新鮮生果泎 tim wor~~雖然繁忙時間係有少少迫~~不過都幾好坐~而且裝修都幾好~~而且service都ok丫~茶餐廳既價錢....一d都唔茶餐廳既裝修...真係值得一試!!!總之好味又抵食啦~

是日要去荃灣大會堂演出, dinner break就0係我好日都唔去0既荃灣街頭蕩下睇下有咩食啦~~遊下遊下, 好多都係茶記, 但我又唔想食得咁多咁油喎, 見呢間個大招牌d字撩得幾好睇, 啡底紅字咁有型, 就入去試下0勒XD 我呢D...完全係以"貌"取"食" 樓面由3個後生仔打理...服務招呼都只係一般...見佢仲係AFTERNOON TEA的時段, 就要個茶餐食啦~諗住個份量都唔會係大, 0岩啦~食完無幾耐就要PERFORM, 無謂食咁多. 要個手撕雞通心米線加凍杏仁普洱, 咁佢個店名叫得普洱, 梗係試下佢D普洱系列啦~!! 先來凍杏普, 好香0既杏仁~~~~~粉味道XD普洱味都有0既, 不過真係要"DAP"得好真用齊晒味蕾先感受到普洱茶味0既存在~! ANYWAY, 呢個配搭都幾新鮮0既~個人而言係完全接受得到兼覺得好得意~~~ XD 杯0野其實都唔細杯!!!! @_@後上手撕雞通心米線, 又估唔到佢份量唔少!!!! 手撕雞0既份量都足0架喎!!! 咪睇佢只係賣茶餐, 呢個絕對係可以當晚餐0既茶餐(對本人而言)...食下佢D雞, 又估佢唔到地有雞味, 肉質都幾滑喎~真係估佢唔到.

貢丸,雞翼,通心米線,鹵水拼盤,薄荷朱古力,全部都OK,雖然冇乜特別,但我會再去.

今日晏晝同男友去食食左個炒通心米綫同牛肉、脆x肉(其實係豬頸肉)米綫飲左杯係香蕉豆奶、香蕉朱古力奶野食ok~~~炒米綫略油不過d服務真係~~~我同男友兩人坐四人位lunch hour~~我地驚搭枱~~特登擺d野係張椅度但係呀姐竟然二話不說要我地拎開d野俾人搭枱最過過份係人地根本有三個人~~點搭我地張四人枱呀-_________-"最後都係逃唔過被搭枱o既命運...人地有張枱都係兩個人坐四人枱都唔知點解成間餐廳淨係得我地被人搭枱...大細超如果d服務好d~~~我都會去多d

今晚又係自己一個人, 呢個星期又繁忙中, 無時間煮, 於是落去食下午茶餐, 好耐無幫襯佢, 又平平地, 就叫個菜餃通心米線加蘆薈糯米茶加珍珠($18 + $2), 前者既米線只係將一條米線剪開, 無特別, 我鍾意米線多, 菜餃大大隻, 不過層皮有硬, 杯飲品既味道唔錯, 但珍珠個心未熟! 呢個時間無咩人, 不過侍應既態度, 語氣就真係麻麻地, 又俾我blacklist !

平時我覺得普洱都不過不失架啵但今朝一早去?? 直情差呀!叫左魚皮餃酸辣米線D米線浸到發大..一夾起!碎濕濕既! 同埋得好少..朋友個碗都無一幸免..我杯<奇異果盧薈汁>次次都飲依個,唔錯呀但過左陣~我另一位朋友黎左佢都係叫米線,我即刻叫佢夾比我睇e! 出奇地米線1條1條架..佢仲話好彈牙, 唔通真係岩岩開舖差d??我想影相個陣,個waiter驚死我complain咁唔比我影!!!仲要好惡咁同我講<喂~小姐~唔比影相架喎>