普洱

營業中

休息中

星期六要到citiwalk的馬莎買些東西, 所以在附近吃晚餐. 想起都有一段時間沒有幫趁過我的其中一間心水餐廳普洱了, 今天就決定再度回歸, 食我最喜歡的焗飯.去到時七點左右, 還算早, 所以竟然可以有卡位坐, 這兒的卡位很大很闊, 是真正的四人卡座, 所以如果兩個人各坐一邊, 實在非常寬敞. 坐下馬上看餐牌, 因之前已吃過雞扒幾次了, 因此今次改叫咖喱焗火腿豬扒飯, 而老婆今天亦不吃每次均食的撈米線, 改為跟我一起要了黑椒焗金菇牛扒飯. 另外加6元換油菜一碟, 餐飲叫了最出名的凍朱古力普洱和凍杏仁咖啡. 黑椒焗金菇牛扒飯一放下來, 立即聞到一陣強烈的黑椒味, 這兒的黑椒汁很有水準. 黑椒味很濃, 又香又有辣味, 不會像很多餐廳般"有黑椒汁的形而無黑椒汁的實". 但牛扒肉質偏稔, 應該是下了太多的鬆肉粉, 幸好薄薄哋分開數件, 在完全吸收到黑椒汁的情況下味道上還算可以. 不過, 老婆初初食的時候認為很好味, 但吃到了一半之後可能因為實在太辣了, 味蕾已經只有辣的感覺, 但份量上實在很足, 她吃不完整碟, 餘下的我幫她完成. 咖喱焗火腿豬扒飯咖喱焗飯仍然保持一貫出色的水準! 一放下來,

好少入荃灣, 朋友介紹話呢度好食, 一行4人入去食 DINNER。我叫左一碗辣子雞、脆肉米線，一心諗住會有別於一般米線, 點知不外如是... =.="辣子雞只係撈咗豆板醬嘅雞粒, 脆肉只係普通腩肉, 米線仲要煮唔熟!!!!叫 waiter 重新換一碗比我, 佢話好, 點知到頭黎都係翻煮, 米線變得好 lum 好難食!!! 仲要翻煮之後無哂 d 辣子雞!!!!! 好過份 雖然之後佢都補返比我, 但係食一碗米線都要搞咁耐 ... 仲有碟菜, 加 $6 都係得一小棵... 伴碟都有佢一半 =.="男朋友叫左蕃茄豬排焗飯, 料少, 無咩蕃茄味, 實屬一般。朋友叫左一個涼伴, 又唔凍又唔熱, 暖暖地, 唔上唔落咁, 最後佢自已加冰...=.="飲品方面, 千其唔好飲椰汁紅豆冰!!!! 一路飲,一路覺得自己飲緊稀釋椰汁水, 紅豆又唔甜, 勁難飲!!!

今晚同老公一齊去普洱食晚餐，佢話想試朱古力普洱好耐，於是乎我地凍熱都試埋一份。朱古力普洱都幾有創意。平時我飲朱古力會覺得幾甜，唔想飲哂成杯，因為好漏。但係朱古力內，加左普洱茶，中和左d甜味，另外又帶有普洱茶香。唔錯！個人較愛凍的朱古力普洱，因茶味無咁濃(我其實唔係咁鍾意飲普洱)涼拌喬麥麪，併醬烤脆肉、炸菜肉絲喬麥麪唔夠彈牙，不過加左d芝麻同麻油就好香。配菜份量都幾多，有芽菜、紅蘿蔔絲、青瓜、蔥。炸菜肉絲同醬烤脆肉(應該係豬頸肉) 味道都幾好。總括來講，成碗餸同配菜份量都夠多，食落幾豐富同滿足。$32仲可以免費加特飲，好抵食！油菜正常水準，不過都幾大碟焗咖喱雞排飯這兒的焗飯一貫出色, 這個亦不例外, 咖喱夠香, 雞排份量也很多, 絕對是水準之作！

今日查實睇我record可見一日試左4間唔同既野係荃灣..第1次試過咁狼..但後悔著第1間就搵呢度黎試正餐..即係加埋野食..有得揀多次..飲杯野算la..事關:米線真係好難食..叫左30$既 炸肉塊既米線..黎到試左一啖米線..覺得ok..之後食到一半都係急轉直下..因為d醬只係台式用慣個隻花生味既醬..米線又唔係好出色..但勝在有d紅羅白絲..xxx等伴下d米線..但主角既炸肉塊真係垃圾到..唔係肚餓肯定唔會想吞下一舊..係我行經洗手間望個下廚房放野個位側邊就有類似車仔麵咁擺哂9樣以上既送係個兜度..極度懷疑炸野就係其中一兜裡..因為黎既速度好快..食落亦主要令人厭惡係食得出係無炸..甚至乎似隔日/晨早炸哂就放哂一個兜度..無黎尊業..算..之後+6$雞翼..幾好食..有味..亦幾脆..5分比4分..重點黎la..杯芝麻普洱茶好一般..第1啖只能覺得係新鮮感...唔講普洱真係唔知落左茶味...同街邊台式店無太大分別..爭d受心情影響比笑容..叫左order後先見焗飯賣相係ok好多..再諗起唔通真係叫朱古力普洱會好過其他味???

終於等到裝修完, 整左d sofa套同冷氣! 幸好只是加價了1蚊到20蚊~ 我今次都係揀番最最最鍾意既藍苺奶茶~都係一個字~~正~不過今次d通心米線無貨, 結果揀了米粉~都ok既希望下次唔好又無貨喇~每個星期六/日, 我都好期待呢個下午茶的~嘻~~

第一次黎已經係上年年頭既事喇…今日一個人o係附近食tea行街~成3點幾鐘行完個荃灣廣場都揀唔到食咩好~就行去後面街搵下啦~見到普洱~諗番起上次杯飲品確唔錯~就呢間啦~因為冇咩胃口~同埋今晚會早食dinner~所以我既late lunch係芝士肉醬磨菇厚多士+芝麻紅豆冰落單時~侍應呀姐話呢個幾好味~好似pizza咁架~咁得意既~我都冇問, 自動形容比我聽…厚多士焗得唔夠耐…芝士都未溶~係唔合格既多士..不過就落得好多餡..有青豆, 火腿, 磨菇同肉醬~~但肉醬好濕~導致塊麵包淋淋地~~口感唔多好~…但最終都係食晒~因為唔想浪費~今次同樣都係叫芝麻紅豆冰~ 要左少甜~真係唔錯~紅豆唔太甜~又有芝麻香….如果紅豆份量再多d就更好喇~…^^

午飯時候來到普洱這是一間規模小的餐廳, 台內座位不夠50個滿是學生和附近上班的職員沒有經過多久思索, 就點了碗米線和跟餐的普洱朱古力不夠五分鐘, 兩樣分別上檯老實說, 米線令我有點失望, 因為好像沒有甚麼味道不過清清的, 吃不出沒有味精, 其實又不錯主角*普洱朱古力*就100分滑滑的朱古力, 加上aftertaste茶味兩種味道混在一起, 不禁令我一喝再喝美中不足是待應忘了少冰, 喝到最底很冰凍發現了荃灣一間好味餐廳

平時都成日食, 覺得冇理由一間好味既餐廳冇人識....荃灣區太多米線喇...所以D食米線未必會黎呢間..但個人認為佢D通心米線好特別~好好味~~而且D湯清清地, 簡單得黎好味~但不得不提既都係飲品, 我自從頭幾次試完後就覺得佢既香芋奶茶真係好好飲!!! 除左呢杯, 其他既當然都好好飲!!! 比起果D COME BUY、貢茶, 真係冇得比呀~

20 Jan, 2010快食dinner,入黎食米線...個碗米線既份量都幾大,我叫了手撕雞米線,友人叫了肉排米線...還加錢點了辣雞翼,我試了普洱朱古力,他點了普洱檸檬茶手撕雞米線味道淡淡的....肉排米線的肉排似???那辣雞翼, 雞翼不辣的,但雞翼上面既粉真的很辣呢....最好味的還是那杯普洱朱古力....味道很特別..荃灣太多米線食了,會有比較...不過呢到食物選擇都多,而且這裡勝在環境比較好,不會迫,算是乾淨...

次次來普洱都係食米線..........今次就由男朋友試下D焗飯啦!!!我既選擇冇變過,都係米線,大家都係飲朱古力荀普洱~~~男朋友今次就叫咖哩雞扒焗飯~佢個個等左好耐呀...因為真係即叫即焗~來到既時候,睇落去真係"色,香"味"俱全呀!!!色,落望去D咖哩汁好正~香,一來到已經聞到好鬼香~味,未食時就唔知,但係有樣野好搞笑~就係一食落去個陣,原來好重既咖哩味就會忽然消失左架!!!唔辣,食落冇乜咖哩味,但聞就好有咖啡味~佢飯裹面有薯仔,都好正,因為佢焗到有D係脆卜卜~GOOD~d雞扒都係好正...........舊舊肉都大大舊,岩哂男朋友~

因為而家冇幫人補習,已經好耐冇出去荃灣,26號晚係同男朋友既紀念日~大家都掛住d朱古力普洱,就出左來食啦!!!佢話想試下新野,佢就食個個辣子雞米線炒飯($34)我要脆肉+烤肉通心米線($30)大家都係要朱古力普洱首先係杯野來先....大家一飲....男朋友話比以前好飲左~我就覺得以前好飲d,佢重甜味~我就鍾意苦dd~佢呢次沖得偏向朱古力~我就想偏向茶味~~~不過都好好味呀!!!!!!!!!正~~~我個碗杯線大到好似你個頭咁,超大碗............我鍾意食烤肉多d~似豬頸肉~脆肉係炸過既,脆卜卜,沉落湯一陣就會lum~~~~男朋友個個來到,我都估到就係d米線碎左再加落d炒飯度~冇乜特別~係辣左d...........男朋友食得辣都話太辣,食剩呀竟然........服務員都係咁,冇改善,算啦後生仔係咁~~

經不少OR食家提供的食評認識到普洱，大多都對其特飲有不少著筆，早就想找機會來一試。是日應約與B到荃灣並一嚐其特色飲品！三點左右到達荃灣，咬牙的是記錯了街名，於炎炎大熱天下在荃灣廣場外圍走（找）了約半個小時！最後要問善心的路人小姐指點迷津，原來目標是這麼遠卻又那麼近......其實以前亦曾路經此店，雖然食店的外觀挺有特色（特別是招牌部份），但在眾多食肆的大街上並不是十分突出。食店內的裝潢有點殘舊，檯椅雖也有特色，但椅子的皮套大多都是破破爛爛的，與食店外觀相配度差上一段距離！食店的水吧位就在門口的當眼處，可整潔度看上去真的有點馬虎，如非事先看了食評，看了此景觀，真的有點失去信心。食店主打都是麵食，飯類，特色飲品及小食類，選擇還算滿多的！下午茶套餐絕對是十分便宜，不用廿元就有通心米線或吐司及特色飲品一杯。是次點餐要了手撕茄子：茄子是原條水煮過再撕開，再拌上酸酸甜甜有一丁點辣的醬汁及白芝麻，冰涼涼的，作為夏日餐前小菜一流！可惜怕熱的茄子煮過後變成啡啡的，很不精神，如果作此菜時多下少許功夫保持茄子的艷麗紫色，就真的是色香味俱全，另外如果醬汁的分量再多一點會更好！雞絲通心米線＋朱古力普洱（下午茶餐

今早行黎行去也不知吃什麼早餐, 去大家樂又好多人, 找 panash...為何遲了營業?? 在大壩街一帶找間另類早餐 (平日是蛋治奶茶)!原以為是台式食店, 因為主打飲品, 於是看了長形餐牌, 叫了芝麻吐司 + 熱茉香奶茶 (少甜), $17, 等了約六七分鐘, 整份早餐一起上, 吐司比一般小, 約只有兩三吋, 芝麻薄薄鋪面, 外只微脆, 內不夠煙韌, 芝麻香又不足! 茉香味足夠, 奶味就無啦, 最老實是真的少甜, 想必只有平時的 2 - 3成! 健康, 健康!

今日同朋友去食下午茶，其實都食過呢間幾次。下午茶好抵食，$19 有通心米線一碗，包一杯台式飲料唔洗加錢!!! 出面買杯野都要十蚊啦~~ 而且佢D 飲品絕對唔馬虎!!! 有糯米香茶、試過檸檬普洱都幾特別 (係用普洱做O既檸茶，好香)，最愛飲咖啡點子，佢D 咖啡沖得她香濃，有炭燒味~~食物方面，通心米線係好似意粉咁粗O既米線，米線中間係空心好有咬口，雞絲米線湯底好甜，朋友叫左芝士雞絲厚吐司，可惜吐司唔太厚，而且仲古怪地加上一PAT 白汁，弄至吐司下陷而不脆。都係佢D 出名野好D。可惜O既係，一如其他食家所講，佢O既員工態度散漫而且服務惡劣，想問有關乾拌通心米線有咩野材料係入面，竟遭冷對。作為食店不只是提供食物，而且還有服務。如此一間有質素食店如果因為員工態度問題而令顧客減少實在可惜，朋友說不再光顧，因為無須所氣。希望可多加改善吧。

要到大會堂聽Concert,6點幾就要食dinner~未係好肚餓~因為唔慣咁早食飯~就叫D開胃既食物啦~我要左個什錦涼拌喬麥麵($28)配芝麻紅豆冰, 同枱仲有4個fd,分別要左雞絲涼拌喬麥麵($28)配朱古力奶茶, 雲吞米線($28)配檸檬普洱, 三吋骨+墨魚丸米線($30)配朱古力普洱, 芝士什菌肉燥飯($34)配朱古力咖啡套餐可另加小食炸雞翼(兩隻)+($6), 油菜)+($6)服務都唔錯~侍應都會介紹下咩野好食~雖然佢未食過~因為佢地冇得食番餐廳入面既食物~雲吞米線: 好大碗~望落去幾清~有6隻唔太大既雲吞..朋友食淨左一隻同埋d米線~唔知佢係覺得唔好味定太飽呢…?兩餸米線-(三吋骨+墨魚丸), 每款餸有兩件..相比之下~好似單餸抵食d喎…芝士什菌肉燥飯-即焗~等左約5-10 mins~好大碟~飯好多~朋友食淨左大半碟~其實唔係唔好食~可能芝士令到佢太滯啦~我食左幾啖就覺得唔錯喇~有雜豆, 金菇, 同肉燥…什錦涼拌喬麥麵: 賣相靚~有花生粒, 紅蘿蔔絲, 青瓜絲, 芽菜仔, 九菜,蔥, 鹵肉燥,仲有好多汁o係底~絕對夠撈d麵..呢個麵有少少辣~好開胃~而且喬麥麵麵質幾好食~唔好