時新快餐店 (已結業)

專登去試因為經過呢邊有冇咁誇張呀我又唔覺得真係食洋蔥可能各人口味唔同啦~我就比較中意食啦超正~有口感牛肉味又濃~以12蚊既價錢絕對係超值~ 第二度都食唔到

今天下午去港島果頭, 就想同親愛的重溫這裡burger的味道滿心歡喜..去到竟然見到時新在(29-31/1)裝修呢.....................白行一趟....哈哈! 唯有寄望下次啦!

見到禁多食評話好, 抽時間由灣仔去紅磡食, 點知勁失望!!!! 個包只有洋蔥味, 無牛肉味, 大家唔洗去食了!

黎呢度食過3 次, 第一次食覺得呢度好特別~可能係比較舊式~果次試左漢堡蛋同雙層漢堡~覺得熱辣辣~好好食~同埋呢芝士同d沙律醬溶埋咁~果次食唔係好多人~得我地同幾個男人係度食~但食完呢次後~男朋友成日都話要黎呢度食~好彩仲係poly讀je~唔係對我黎講都幾遠~第二去,多左d人同埋後生仔~但都係得3,4枱左右~果陣差唔多都係12點島~今次叫埋波浪紋薯條~又係勁熱~攪到辣到咀~但其實無咩特別~不過又包又薯條~食得好開心~好似小朋友咁~第三次去食~wa~超多人~買野食排到出門口~以為無位坐~見男友入去望下~原來有位既~很好~今次試了漢堡包但要黑椒汁我鐘意食呢個多d~可能對沙律醬始終麻麻地~不過俾左啖男友咬~佢都係鐘意沙律醬多d 喎~男朋友食左2 個包~係咪真係咁鐘意食ar~今次加埋雞脾~但我地果隻炸得唔夠~我食果d皮唔係好脆~原來脆果d俾男友食左>.<’’不過都幾好味~果度一多人都幾窄~出去時不小心撞到人地個袋~俾人怒睥~已經講左對唔住~都係咁~好無奈~地方淺窄~行路請小心~果度d叔叔都幾好人~因為我地罐汽水一開就爆得好勁~我出去同佢講~(但無拎罐野俾佢睇)~佢都有俾過罐我~

個包係幾好食, 不過要專登走黎食就真係太專登喇, 地點真係有少少無里頭囉...講開又講, 而家d內地自由人真係仲知訂過d香港人, 時新都俾佢地發現到, 當日就有成班女青年係時新大吃所謂港式漢堡...

見到呢間野長期排第1位,尋日特登務名而去..結果..個漢堡一d都無大家講到甘好食,只係比Mc donald好食少少,叫左個雙層芝士漢堡,舊肉一咬即散開,無大家講既肉汁必出黎,無牛肉味,可能比黑椒汁搶哂d味啦,洋蔥就好少少.比起Ruby Tuesday個burger差好遠...(當然價錢都差好遠)..不過個雞脾就真係GOOD~個面炸到脆一脆,好香口,入面D肉又唔算太乾,"yip"得岩岩好~呢間野其實都幾好,不過我覺得大家好似過譽左啦..雙層芝士漢堡$12雞脾$10凍奶荼$10_______________ $32

又係因為係openrice上榜第一位，先去食...如果各位唔係附近住or 路過!!都唔洗特定山長水遠來!!食佐炸雞脾+漢堡包+紅豆冰炸雞脾- 好熱...好脆...好入味不過大快活都有以上效果，仲有香草添紅豆冰- 用花奶開，豆過硬(本人受軟唔受硬)不過大快活果杯紅豆冰，大又大過佢，好又好味過佢漢堡包- 如果用mosburger 比，實係mosburger好味，不過佢好抵食$8 ~~~ 仲有脆皮效果!! 用麥記比，又係冇得比，因為麥記sell 方便快捷!!其實，佢都係好好食架，不過去"大快活"食紅豆冰+炸雞脾，已經好開心，記住，只係"大快活"，"大家樂"冇咁好食的，同埋冇香草!!

肉汁豐富的漢堡加上溶了一半的芝士包的邊位脆脆的時新漢堡好食過M記D冇漢堡味既漢堡

由於不吃牛肉, 只好要了芝旦包和熱央,友人就吃芝士漢堡包, 大家SHARE一份薯條。芝旦包上的嘉頓包是烘過的,邊位有點脆,芝士半溶的,熱辣辣的還不錯。薯條則完全不敢恭賀, 又乾又無薯味,想不到如此失敗..... 熱央一般,啡味太濃, 沒有鴛鴦該有的百味交雜。友人說他的漢堡很不錯,牛肉味比得上TRIPLE O 的,而且更新鮮。這麼多好評, 絕對九成九是讚牛肉的, 而我, 只有旁觀的份。

由黃埔漫行至時新，見到鋪頭設計，嘩！好懐舊喎。好似自己細路仔時樓下間餐廳。不過雞肶就普通咗D，雞皮夠脆夠熱但係肉無味同鞋咗D。至於漢堡包又真係幾好味，牛肉鬆鬆地又有洋葱，個包又軟又熱、包邊脆脆地。加埋杯熱奶茶又滑又香。冬冰行入去，個心暖粒粒行番出呢。

個飽好好味, (雖然不是超級勁好)但充滿七八十年代懷舊感覺勁好feel(friday night 好多人)

好味是真的. 但過分吹捧也是真的. 是好味, 但不是好味到像伙頭智多星搬"好好味呀~~"然後心心眼那種.是日要了一個雙層芝士漢堡, 一個芝士蛋漢堡(都要了沙律汁), 一隻炸雞髀.芝士蛋漢堡比雙層芝士漢堡好吃. 蛋味很香~ 連他們自製的沙律汁實在是很好味~ 不過同樣地, 肉比較散, 洋蔥也好像多了點.雞髀比漢堡更有驚喜! 夠味, 但不會太咸. 炸得很脆~ 沒有用炸粉所以不會有"成口粉"的感覺. 炸得好之餘, 肉依然很有汁和嫩的~ 不會有"鞋口"的感覺. 吃完還想再吃呢~ =P價錢算便宜啦~ 雞髀$10, 漢堡$12. =)值得再吃~

都係因為見到咁多人話好食,所以去試試!同老公叫左個雙層芝士漢堡同凍華田,個包無錯我都認同係好juice同埋d沙律醬既味道幾好,不過真係唔覺得特別好味,仲認為漢堡太咸,如果你地自問係濃味皇既可能會buy!但係我同老公都覺得太過咸喇,返而我覺得杯凍華田幾好飲,華田濃度適中,又不會太甜!但係去一次就夠喇,唔會再去!

住紅磡...經常經過呢間時新...但竟然咁大個仔...而家先終於有咁既機會...好正....一咬落去勁多肉汁奶茶又勁好飲屈左機....

上星期同同事一行四人從漁人碼頭行左廿分鐘食漢堡飽,行到去見到個鋪面心諗"得唔得架",但到左就一人叫左一個雙層芝士漢堡飽,另一個人叫左一個雙層芝士漢堡飽+煎蛋,一口咬下去,"嘩!冇得頂",個飽內層煎香,漢堡扒有肉味,件漢堡扒夠JUICY,咬咬下再發現有一股好香口既洋蔥味,簡直係絕配;一個字講哂"掂!";唯一美中不足就是隻煎蛋太熟,如果八至九成熟就更加好啦!唔怪得禁多人專誠到訪,確係物有所值~