時新快餐店 (已結業)

看見這間快餐店這麼受歡迎, 而本身又很喜歡burger, 昨天去了試一試。快餐店在天橋正下方, 尚算易找到, 不過最近門口因施工中被棚架遮住, 要細看一下才找到。地方不大, 且企滿了人,相當熱鬧但座位沒有逼夾的感覺。看見價錢牌的價錢很相宜, 本來不會期望太高, 但試後覺有水準。同行2人點了一個雙層芝士漢堡、雙層漢堡蛋包、一碟炸薯條和兩杯紅豆冰, 只是56元。漢堡即叫即做, 十分新鮮, 漢堡有肉汁而又不會有煎後的油煙味(且不太油), 可惜洋蔥粒大了點, 口感差一點點, 但分別配芝士和蛋又各有不同的口味和感覺。另外薯條和紅豆冰沒有甚麼驚喜, 但總括來說以這個相宜的價錢食到這種水準的確抵食!! 走的時候在門口看到"百分百香港人自己的漢堡包" 的stand, 看後覺得香港難得有一間出名香港人自製(而不是引入)的漢堡專門店又不錯, 我想我會再光顧的。

有一百五十多個好評,想必係一間好好食既店子!我試左個芝士漢堡,麵包係一般既嘉頓包,但係較鞋,當然,佢唔係一個mos burger三四十蚊一個包既質素!十四蚊一個包仲想佢點?芝士一大塊把漢堡扒完全覆蓋,味道嚟講其實又係一般既芝士,唔係特別香口,漢堡扒都係一般既味道!其實可以分兩面睇,如果係以大眾化嚟講,可以俾個ok面,因為麥記仲平過佢,如果以味道享受嚟講,可以俾個喊,因為其實我唔覺有任何享受可言!我期望有好野食,可是我失望了...

今次要了雙層漢堡, 加茄汁, 很多很多茄汁, 吃時gee 晒出來, 結果滿手都是, 味道也不錯, 但好像都是沙律汁好些。奶茶十分濃, 傳統港式奶茶, 我ok , 夠熱, 加上用厚身杯盛載, 保暖非常好。

一直都想黎試下間咁多人讚的時新, 但一直搵唔到機會,上星期五終於約到朋友黎一齊試食!首先間餐廳真係俾我有好港式的感覺!~同朋友share叫左一個雙層芝士漢堡, 魚柳包,雞脾同薯條~首先食雞脾, 一咬落去個皮真係好脆! 真係聽到朋友食到索索聲! 再食d肉, 我唔識講係點, 但係同出面食ge雞脾真係差好遠! 一d都唔粗糙~ 而且仲好有雞味tim!雙層芝士漢堡都好好味! 個包好鬆化~軟林林好好食! 塊漢堡都唔硬, 好有肉味~ 加埋溶左ge芝士更正! 原來加多$2可以加蛋! 下次試下先~魚柳包佢係用龍利柳, 而唔係m記的魚柳~一樣係好好味!不過個薯條就爭左d喇, 好普通, 而且十蚊得一小碟, 呢個唔抵!但總括黎講係值得一試! 我一定會再去第二次=]

特登黎試下係咪咁好味下午五點幾，人不太多，很快便有位同食物了兩個人叫了雙層漢堡、雙層芝士漢堡飽、炸雞腿、凍熱奶茶各一杯原來雙層漢堡係無蛋架，所以有ｄｄ失望惟有下次先試有蛋的漢堡飽啦～～漢堡飽好好味呀，很新鮮的感覺沒有ｍ記漢堡般硬身，不錯呢但雞腿就太肥膩和有點不新鮮，有ｄ硬呢奶茶還可以，不太特別下次得閒會再去食，一定要食有蛋的漢堡飽

人氣咁勁, 於是也來試試.人龍排到出餐廳外. 叫了兩個最基本的burger. 唔.... 飽是新鮮烘的, 所以很鬆軟. 芝士是片裝的卡夫芝士, 醬料也沒有什麼特別. 至於主角--牛肉...唔....肉質與平日美式餐廳食的burger好唔同. 這裡的較為稔和鬆散, 少了口感, 不太像免治牛肉的texture.總括而言, 平日貴唔經過可以一吃. 但要長途跋涉, 仲要排隊就可免了.

o係紅磡由細住到大...成日搭車/行過呢間野都因為佢外表唔多吸引...一直都冇走入去食...但係上黎見到佢原來咁出名..就儘管試一試啦...落到去因為都幾多人...(週日下午茶時間)所以就外賣番屋企食..兩個人叫左兩個雙層芝士漢堡,2隻雞脾同一個薯條+2杯奶茶..都係$78...OK抵食!拎到番屋企個漢堡入面層芝士已經溶溶地...岩岩好..個包幾軟熟..漢堡扒都幾多肉汁..唔錯..不過雞脾我覺得炸到有點過乾過老...冇人地影上黎果D炸得咁靚..薯條買果陣岩岩炸起...拎到番屋企都仲好熱...不過有少少焗"林"左了...奶茶就真係一般...唯一既不足..下次有機會一定要落去食..我諗咁樣會更加好味

去過2次第一次抱住好期待既心情去,叫左一個餐(多士+雙蛋+漢堡扒+野飲)同埋散嗌個包我第一食,唔記得餐包d咩野食,落單時問個男人仲包d咩佢話"我點鬼知你想包d咩呀,你要食d咩就快d講唔好阻住哂"算~可能係lunchtime多人,等左20mins先齊哂d野包冇想像中好食, 但扒就good!第二次去,叫返一樣包好味過第一次,可能因為多d汁扒都仲係一樣goodbut雙蛋係凍既抵食+好食, 不過佢唔休做卦, 態度唔得!

第一次去食,已經姶孖堡芝士飽吸引,熱呼呼的好好味!雖然坐得唔太舒服,不過咁樣的價錢仲想點!老闆果然好NICE,好攪笑.

二月十四日(情人節)同老公去睇克勤演唱會前都要黎呢度試下!因為佢已經好hit喇呢排!今晚咁難忘當然要試d特別野!呢度係舊左d!不過都有另一番風味!叫左:漢堡加蛋x2,同老公每人一個,ok啦!因為個包係garden,冇咩特別,而塊肉都唔錯既!..加埋呢個價錢,都唔錯架喇!不過冇大家講得咁頂呱呱我覺得!凍奶茶,唔夠多奶,唔夠滑!一般的貨色黑椒漢堡排通粉,都ok!奶油多,唔錯架!都幾軟係!老公仔話呢個價錢已經係唔錯,但係就冇咩特別既!我會比OK!

不是食評說得那麼好,而且那個沙爹牛麵實在不好吃。

我係真食客黎架！茶餐\廳我去得唔少，但入茶餐\廳特登食漢堡GE有幾多回？又點解要叫漢堡？事實上牛肉堡加煎蛋同溶化卡夫芝士GE配搭，雖然好似易做，但呢家都算獨家啦卦。其實無論有幾多個笑面，都唔代表話個漢堡包即係叻到TRIPLE O - 幾多O\'S架.....佢\排第一次，意思都只係表示：有好多人都覺得佢\（好！食得過！）；或者可以話，佢\好大眾化，人人都愛它！希望因著佢\排第一位而試食GE朋友同平常心對待一家街坊小店啦！

年廿九同女友行開黃埔,諗起呢度有間食評唔錯既快餐店,就一齊去試下~~~點左雙層芝士蛋漢堡.炸雞肶.魚柳飽加凍飲兩杯,食物講真不算十分出色,只係比出面所有快餐店好(以同款食物同價錢比較),個重點唔太係食物既質素(咁既價錢你想點?),而係佢地唔係求其搵D料夾個飽比你(我比較欣賞用心制作呢點),我諗大家都好少係其他快餐店或茶餐廳叫漢堡飽卦~~~D比較都唔知點黎!?兩個人食左五十幾蚊,對食物既質素未必好滿意,但係比較番價錢就值回票價,好過成日食茶餐廳千篇一律既下午茶~

2月5日下午之前在中學期時期，也試過去近似傳統港式快餐店的餐廳，那是在梨木樹的，但那兒的食物水準真的不好。原來時新就是這樣子，喚起了我不少中學時代的記憶。第一次來，叫了雙層芝士漢堡配沙津汁，只是$14罷了，果真夠便宜。等了大概五分鐘，包整好了，比想象中少了一點。一咬，發覺兩塊牛肉是太多了，要很狼狽的放入口。食落感覺幾膩，因為實在有太多高熱量的配料和太少菜。牛肉漢堡扒沒甚驚喜，沒甚麼牛味；醬汁中和了膩的感覺，並提升了食慾，不錯。幹掉漢堡包後，點了隻炸雞脾。皮是炸得很脆，而食落食不到雪味就真是難得了！很久未吃過沒有雪味的港式炸雞脾了。不過吃完都幾口渴！下次有機會再來一定不會叫雙層牛肉，太膩了！

年廿九路經此地, 見OPENRICE 眾食家大力支持此店, 雖然個肚唔餓, 也走進去試一試當時5點6點左右, 店內人不多ORDER 了芝士漢堡+ 華田, 盛惠16蚊至於店內環境及個包什么味道, 我文茟有限, 已好多人形容過, 現直奔主題︰洋蔥味多於牛肉味！！我好憎食洋蔥！！華田好稀！除左平, 我都冇咩好講但見坐隔鄰個妹妹食緊炸雞脾, 好似好正看來都要去試多一次, 不過要等個肚真的餓了再試, 或者會改寫觀點