時新快餐店 (已結業)

見大家一窩蜂的到這兒吃飽, 是日特意跟同事打的到這兒一吃, 早有心理準備為街坊老土快餐地方雜亂而且不整潔都早預到的, 阿叔的招呼都在預料之中, $12一個burger確是平易, 點了一客雙層漢堡蛋加炸著條, 加一can可樂, 都只是廿元多點, 好價等了10分鐘在阿叔叫聲之下取飽, 原來飽是這麼小型的呢, 真有點擔心飽不飽......飽就是這麼一個嘉頓飽, 即煎的漢堡扒太多洋蔥夾雜, 而且肉質很不實在, 帶著鬆肉粉的味覺, 更是充滿味精, 蛋都是一般的煎, 油油的,濕濕的.....薯條都是年幼是的快餐店水準, 果然是吃不飽的一餐.....整體來說, 本人都認為是一個玩風味, 玩懷舊的集體回憶, 順路可以一試, 但好像我儍儍的打的過去, 真的一句.....希望越大, 失望越大吃完整天口腔內都是洋蔥味, 很不好受

我今日下晝又去左時新食漢堡包喇~今次食左芝士蛋漢堡巧juicy~!上個星期六第一次去時新，三個人~一人一個雙層芝堡我仲叫左杯紅豆冰點知拎埋位果陣，我個fd倒瀉左超唔好意思咁到左清潔婆婆講佢\\\好爽快咁應我地+清理好完全冇唔耐煩後尾我地拎第2 round野食果陣個阿叔叫：「倒瀉野個o靚妹黎拎野ar!」以為做咩咁衰串我地原來係免費比過杯新既紅豆冰我ar*.*野食：雙層芝堡--塊漢堡係細塊D, 但都算厚~加埋D汁好juicy, 漢堡D肉味好出炸脾--炸得岩岩好，不過油太多，要索好多次薯條--唔夠熱，冇乜特別紅豆冰--D豆甜得岩岩好，豆既份量適中芝士蛋漢堡--睇住佢\\\煎gei~隻蛋爆黃，好爽ar~!自己本身住&做野都係九龍，會特登黎食

今日冇咩野做，想食下午茶，又口痕，專登去左時新食包，於是去左時新去到果陣就冇咩人，我都即刻點左漢堡包同雙層蛋，今次重點係雙層蛋，真係好正，上碟果時ｄ汁已經係咁流，睇到都想食呀，雖然食得好狼狽，不過真係好好味呀，好正，咁正既野食當然要繼續捧場啦！！不過時新效應都好犀利,坐左一陣已經由小貓三四隻變到全店滿座

果日去開紅磡，就同朋友試吓大家都讚的時新漢堡。我地點左雙層芝士漢堡------ $ 12芝士漢堡蛋漢堡---- $ 12 炸薯條------------ $ 10熱奶茶------------ $ 9啲漢堡抵食囉，12蚊有個烘過既包，煎過既自製漢堡，漢堡入面混有洋蔥，加塊卡夫低脂芝士。咁同中環出面熱狗比，12蚊一隻雙腸狗，我會揀漢堡既。但佢個薯條就唔係好得，首先10蚊唔大碟，外觀燶燶乾乾唔新鮮咁，食落都熱辣辣的，但就係唔會再食佢囉。不值。仲要佢比一包包茄汁我，果幾包野勁"痴笠笠"。我覺得呢度都只會係黎開口痕就會食，但唔會專程黎囉。

去左食時新..搵個地方都幾難搵..因為佢係街尾..仲要轉少少彎先見到..同男朋友叫左個魚柳包..芝士漢堡飽..仲有炸雞脾..$30..個魚柳包係用龍利柳.都幾好食..但好咸..個飽好細個..一個人食兩個就差唔多..芝士漢堡飽就麻麻..個芝士又唔溶..冇魚柳包咁好食..不過個雞脾就幾好食..但貴囉..$10..好迫呀..冇位坐..環境就唔太好啦..我地外賣出左去食

1月12號(星期六)終於都同男朋友一齊試左聞名己久的時新漢堡包！當日大約三點度去到，嘩人頭湧湧呀～好彩都搵到位堂食。食左：1.雙層芝士漢堡蛋包2.雙層漢堡蛋包3.炸雞肶唔...雖然無我想像中個隻「嘩~~好好味呀！」的感覺，不過都覺得好味，很喜歡個種濃郁的洋蔥味~~$14食到好飽。雞肶就未能試真個味，因為我都飽到食唔落，只係食左幾啖雞，的確唔o鞋o既。環境係幾迫，不過無乜所謂啦，都預左，都係食個種風味而已~~點都好，支持香港製造！

見這裡好評如潮, 我一直都很想試, 只是未有時間幾天前時間地點人物都配合, 今日唔試等幾時! 只是幾分鐘的差別, 我們見證住由30%至100% full house的情況, 勁!!雙層芝士漢堡, 芝士蛋漢堡, 炸雞脾, 凍奶茶, 凍檸茶漢堡是脆脆的, 微暖, 正肉雖然非如shake'n'bun般juicy, 但食得出不是快餐貨, 有heart的如果芝士可以再溶d就更正不過, $12一個仲咁多要求?! 以上食物己經交足功課, 值滿分啦! 如此簡單的美味, 抵佢地長期no. 1啦!

自己一個人...只係買外賣上車食~買左個「芝士漢堡+蛋」,講得無錯,落單個叔叔真係幾nice,笑住問我要咩...比$都比得順d,哈!!好快就有得拎...透過膠袋都見到個包好juicy,同埋溶化左既芝士~一口咬落去,已經食到漢堡牛肉既洋蔥,亦都感受到牛肉既質感好新鮮同埋鬆化~個包都好軟熟...味道方面,最好係無陣「穌」味,d醬都好好味,同d芝士混埋一齊...由於太juicy,再加埋隻荷包蛋,o係車度食有d手忙腳亂,不過都好enjoy,哈~!!下次試下第二樣野先...所以話,親切感都好重要,笑容服務+美食=絕配!!!

系Rice見佢排行榜NO.1專程同fd 1齊試下有幾好味法~傳說中最好味既<孖芝>無論外型同味道.....都真係好普通冇1眾網友評得咁好食口感方面:覺得佢塊漢堡同阿媽整既''肉餅''異曲同工...雞脾亦都只能夠講炸得均勻...沒什麼太特別的地方!~

今日我專登同細妹去試，雖然好多人，但係都好快搵到位坐；佢啲漢堡食得出係有擺心機去做，個飽好軟，塊扒好多洋蔥同肉汁(食時要小心，因好易散晒)，不過薯條就真係麻麻啦，炸到好乾又無咩味，又係名過於實。專登搭車去食就唔使啦，行開果頭又餓餓地都可以一試。

芝士漢堡蛋飽&炸雞脾都好好食, 但炸薯條太乾

看完食評, 便襯星期六放工, 和老公來試一試, 一早已經計劃要漢堡蛋包, 老公就要了雙層芝士漢堡蛋包, 另加薯條, 炸雞脾, 漢堡包漢堡蛋包選用嘉頓, 無乜黑椒汁, 另個包偏乾, 但塊漢堡好新鮮, 煎得好香漢堡包配茄汁一流薯條, 炸雞脾反而無乜特別, 兩者偏淡, 雞脾油多, 但勝在無油益味雙層芝士漢堡蛋包唔夠fresh, 有蕃茄生菜會好D, 可能至尊漢堡感覺會比較好

尋日同朋友在土瓜灣及紅磡行完開倉, 特登行黎呢度試試! 落單的師父笑容滿面, 好和藹. 叫左雙層芝士漢堡包、雙層漢堡蛋包、魚柳包、炸脾、熱檸水同熱檸茶. 我地唔知可以揀醬, 佢地落左沙律醬, 好好味! 下次一定要試黑椒醬. 睇住塊芝士慢慢溶喺漢堡肉上面, 感覺好新鮮. 塊魚大過包, 煎得好香. 最勁係炸脾, 我落order後廿秒即有. 我問"點解咁快嘅?", 師父話"驚你肚餓嘛!" 佢都幾搞笑^_^ 大大隻脾炸得岩岩好, 無炸過籠, 正! 最驚喜反而係杯檸茶同檸水, 檸檬睇得出好新鮮, 無苦味! 一定會再黎幫襯, 試埋意粉先得.

早排響一個論壇介绍呢間野,上星期日上完大陸搭火車去到紅磡,個肚餓餓地～想起近近地不如去試下,由往紅磡方向天一直行,過咗半島豪庭落樓梯就見到！去到門口感覺好殘舊,一入去地方好细好責！望一望餐牌後叫咗 隻雞脾、一個芝士漢堡包同一杯奶茶！夾埋大約＄30左右～個包好軟身,牛肉多汁好好味。杯奶茶唔錯,但係隻雞脾就勁多油,整到成張餐纸都係油！漢堡包有好多種漢堡包＄8芝士漢堡包＄10蛋漢堡包＄10雙層漢堡包＄10芝士蛋漢堡包＄12雙層芝士漢堡包＄12雙層漢堡蛋包＄12重有牛扒包豬扒包等等,可以選茄汁沙律汁同咖喱汁！

一個漢堡飽，怎麼好吃都不過是一個漢堡飽不想太苛刻，我還是給它一個笑臉叫了漢堡蛋飽＋沙律汁豬扒飽＋沙律汁炸薯條可樂很好味薯條其實屬普通好吃但討厭油膩的朋友可能會嫌太油不過我則十分喜愛另外豬扒飽賣相一般不過朋友都話好吃店內的阿叔心情好好,服務不錯......唔知係咪早已知道自己躍登榜首!