時新快餐店 (已結業)

此店不是很難食,但只是不明白點解咁多人讚?漢堡蛋只是十分普通,炸薯條都只是普通快餐味,我本想寫一遍長長的食評,但如此平凡的店又如何提供內容給我寫?無須登門造訪!

講番先, 聽人講就多, 今日第一次去拜訪, 好後悔呀!好後悔咁遲先去呀! 早幾個月睇雜誌漢堡個專題, 已經比佢果種舊式製法吸引, 一食難忘! 相比之下m記d"機啤扒"完全唔入流, 鮮嫩肉汁多, 加上洋蔥甜味, 食完之後一路行一路好驚... 好驚第時佢收檔, 再無機會食到呢種製法既漢堡呀!

咁arm落開黃埔,於是同老公一齊去試下依間俾人讚到天上有地下冇的港式漢堡包店因為就黎dinner,所以淨係叫左個雙層芝士漢堡包+沙律汁,個包黎到係熱辣辣的,賣相不錯,食落...個包因為烘過所以幾好味,但塊漢堡扒就麻麻啦,散散地咁好似塊肉餅,個feel唔似漢堡扒囉,味道就一般啦,唔係大家講到咁好食,咁一試難忘囉..老公話老麥個至尊漢堡塊扒仲正d喎~唔會再特登去食lu.

試左個芝士蛋漢堡配沙律汁完全無其他食評中所講o既肉汁...漢堡好鬆散,可能係加左太洋蔥o既關係而且洋蔥都幾大粒下肉較少似洋蔥肉餅多d咬落好林好洋蔥纖維......唔明點解有人讚好juice......

起OPENRICE打轉左咁耐..留意到呢間野好耐想試好耐..個LOCATION又好似唔太方便咁..但原來超易去...起HUNG HOM KCR B1出口..行條橋行到尾就搵到!!!去到比我想像中冷清..星6晚..點會咁冷清??搞到個冇咁興奮...;-P1.芝士蛋漢堡+CURRY熱辣辣，好好味，對於我呢個唔食番茄/沙律汁既麻煩友，有得揀CURRY實在太好，成日食D包..走醬又好DRY，唔走又唔食得..實在太好!仲有..我係唔食ONION..但係佢\話釀起扒入面，好擔心之下食左啖，估唔到一直唔食ONION既我都覺OKAY!!實在太香~咬落去..熱騰騰既軟包配JUICY&好香既扒&煎得好香既蛋&半溶既CHEESE..仲有唔太辣既CURRY..令成個包都好香~真是一流!不過食落好淪盡!= =2.\"老\"水雞髀..佢\話冇炸雞髀我先食..幾入味..調味得幾好...D肉質都OKAY!3.檸檬茶...真是完全令我既印象蒙上污點...超苦= =完全冇甜味.......飲左1/4都冇..好難頂~勸大家飲過第樣.......叫左呢3樣野..佢\收我$31..好似唔岩數既...佢\有冇收錯?

有一日行過紅磡黃埔街，經過橋底見到時新漢堡包的易拉架，被這個快脫色的易拉架吸引，決定到入面試試。入到店內，好有童年的感覺。內裏很懷舊快餐店，連餐牌都是舊日把牌掛在牆上的那種。雙層牛肉芝士漢堡包加薯條，看似好簡單，但時新的漢堡包和薯條就是與眾不同。漢堡包內裏的牛肉，very juicy，有肉汁又有口感，絕對不會有“林”的感覺。而那塊芝士，用火燒了一燒，溶得剛剛好，與juicy的牛肉加埋就是絕妙。由於漢堡包和薯條都是即叫即做，店員上菜時都會提醒食客小心，十分細心。

我都係睇到呢度咁好評先去試下雙層芝士蛋漢堡(黑椒汁):漢堡扒鬆左d,加埋d軟冧冧既包,芝士同蛋一次過咁劑落口,有d分唔清個口裏面有d咩,但係裏面d洋蔥十分突出香口。講到d蛋就真係好正好正,介乎生與熟之間,又唔會太乾,又唔會好漏,有少少流出黎,冇得頂!師傅既煎蛋手勢真係出神入化!芝士就可加可唔加,因為d洋蔥同蛋好搶味,令芝士無立足之地XDDD不過最緊要係即叫即整,誠意搭夠。炸雞脾:好脆!d雞肉好滑!好多汁!好入味!熱辣辣!塊面有少少結鹽,但仍然好好食!比漢堡飽更impressive!奶茶:普通茶餐廳質素,不過不失。服務呀叔好精神,好好笑容,幾有親切感!環境位比較迫,D櫈好似唔係好穩陣咁,換左佢啦...

主角：芝士蛋漢堡ｘ２賣相●●○○○香味●●●○○味道●●●●○感覺●●●●●(Personal)經過時新，決定買個外賣比某人。要左２個芝士蛋漢堡，盛惠＄２４，五分鐘唔使就到手，漢堡用紙袋包好，新鮮熱辣，聞到有一種Homemade的香味。二十分鐘後去到某人家，個包仲暖暖的，我最愛佢塊蛋，蛋黃係生與熟之間，扒同醬汁都唔錯，會再去的。如果平時去連鎖店食漢堡食到好悶，可以去時新試下完全Homemade的味道，係完全唔同的。PS：雖然佢係好食，但去到榜首就似乎誇張左好多，唔好期望係超勁好食。寧願期望細Ｄ，食完開心Ｄ！

上星期去找呢間野~~都搵左一陣就搵到...其實都係慕名而來..入去之前...比佢古舊既裝潢吸引住...確實未試過去d咁舊既地方食漢堡包~試左芝士漢堡同薯條~加多杯野飲...即叫即整...我最鍾意呢一種~!薯條熱辣辣~都唔覺得油...好食..芝士漢堡登場!睇住佢塊芝士慢慢咁溶...好不興奮的心情~個飽其實都幾大個的..我個人覺得..第一口咬落去...自製的漢堡..真係唔錯..多汁~好食!值得一試呀~不過要應該要好耐先會翻兜~

本來想放埋芝士魚柳包既相，但只可以送三張...*雙層芝士漢堡包*配沙津汁。包有少少脆，芝士一般啦，漢堡扒肉汁算多，洋蔥味頗重，可能洋蔥多得滯所以塊漢堡扒唔夠實，趁熱食感覺不錯。*雙層漢堡蛋包*配沙律汁。與'雙層芝士漢堡包'差唔多，只不過係芝士轉左做蛋，但本人覺得有蛋好似好d，因為食落去個包有陣蛋既香味，同洋蔥個味夾d。*芝士魚柳包*配沙律汁。外觀唔錯，但塊魚扒唔夠厚，食個陣唔係好食到有魚味。*炸雞脾*炸到塊雞皮好脆，但唔知點解隻雞脾有陣'穌'味，攪到本來應該不錯既炸雞脾變得怪怪地。*炸薯條*唔抵，同樣$10但炸薯條份量少好多之外，薯條本身同出面既茶餐廳無分別，炸得好唔係特別好味。其實本人唔多鍾意食沙律汁，但見佢寫係自製沙律汁，未試下羅，沙律汁算唔錯。價錢算平，可能因為地點唔旺，今次都係專登過去，整體質素唔錯，雖然有少少名過於實，如果有食過半百既漢堡包甚至係過百...有陣時食下呢d十幾蚊但又唔錯既漢堡都唔錯，會再去食。

住左hall幾年都冇聽講呢間店,最近先知...見到大家講到咁正,我已經期待左好耐,終於sem break完左同d落左堂去食~~最後,失望而回....我嗌左個雙層芝士漢堡,薯條同可樂~先講個雙層芝士漢堡,好似屋企ar媽自己整煎蛋三文治果種風味,油左d,塊扒唔係真係好多汁,反而我覺得楊蔥味重左d...薯條,好碎好燶,可能我果碟係尾la,我見我個fd果碟幾靚~總括果日食果d普普通通,我心諗應該唔會再特登去食~今日行過,我想試吓炸脾,但冇,就嗌左炸亦,等左超耐...真係勁失望,炸得耐得滯,好乾好硬,一d都唔脆,而且一d雞味都冇,希望炸脾唔會都係咁咖la...

見係openrice長期第一，超越澳洲牛奶公司，滿懷期望，可惜實際只算不過不失，無預期咁好，不過以呢個價錢，唔應該有要求咁高~炸雞脾、炸薯條同好多街邊小食店差不多，而且無隔油，非常油膩...雙層芝士漢堡包都算唔錯啦，不過都係個句，名過於實...

雙層芝士漢堡包- 正，好味，多汁，漢堡肉唔錯！炸薯條- 唔得，凍既！炸雞翼- 一般，淡口，冇乜特別！炸雞脾- 賣晒！下次經過可以再去，唔會專登去。

看到有餐廳超越澳洲牛奶公司躍升成為第一位和大家的好評令我很忍不住立刻去試一下何況只是位於宿舍附近的紅磡區呢試了後很失望今天再試confirm了也是失望不是好吃只是普通店內的椅子桌子有著舊快餐店的味道頗特別但又頗狹窄看你的喜好是寬敞舒適還是懷舊吧第一次去叫了炸雞脾和雙層芝士漢堡(茄汁)炸雞脾ok的但不能說特別大隻或好味油油的個人覺得和canteen的差不多而已...雙層芝士漢堡漢堡真的是自制的這是我appreciate的但它的漢堡豬肉比例比較多個人比較喜歡吃牛的漢堡... 但失望的是漢堡扒很散和沒有肉味而且偏咸而芝士只是普通的卡夫芝士... 在漢堡扒的咸味下完全吃不出芝士味... 而且也沒有把芝士整溶, 只是靠剛煎好的漢堡扒的熱力弄溶它... 但在完全沒有芝士味之下... 芝士仿似一件多餘的裝飾品...它令我好想去吃ruby tuesday的漢堡好吃多了...但一分錢一分貨我是知道的價錢是十倍不能比較的但這裡真的麻麻只能說普通今天再去吃　想confirm一下上次的看法有沒有錯不能就這樣定它死罪結果今天也吃了雙層芝士漢堡(沙律汁) 很confirm了還是很咸其他的也依舊...只是環境沒星期

這間最多好評的餐廳,喚起了我想食好野既意欲呢!但係今次似乎係雷聲大雨點少的例子了,因為這店只係一間平凡的快餐!可幸的是又不是很難食,只是不明白點解咁多人同時讚好?我點了炸雞脾和漢堡蛋包加炸薯條, 炸雞脾我很懷念十年前的美心雞脾,即使現在去美心都吃不回嗰種味道…這店的炸雞脾唔算差,但同美心是差了一截!漢堡包都唔係差,洋蔥很多,水準普通而已! 薯條都只是一般快餐的味道!如果我係街坊,我都會間唔中食,但無須特登造訪啦!