時新快餐店 (已結業)

其實上次已經食過一次，仲俾左個喊面！會唔會係我食唔到佢地既王牌？於是我再食多次！今次轉食魚柳包加炸雞脾！其實加埋同上次既感覺都係差唔多！如果以味道計，我上次俾個喊面都有些過火，所以可能主理人不開心！或者食完今次之後我既新結論係ｏｋ啦！但係要我俾笑我俾唔落手，因為就算一蚊十個橙，個個橙都係爛又有物用？我都要蝕一蚊！味道好個人既，俾左喊面都唔好介意啦！

尋日得閒唔洗返工,特登走去試下..一食....下...當然,比得個$12,我唔會期望佢會有triple o既質素..不過,佢長期排第1,個味道都唔係普通成甘下話..呢隻漢堡,好老實講,求其走入一間荼記都食得到,唔明點解大家可以讚到甘..我唔係話佢唔好味,不過一定唔值得排第一囉..懷疑根本有打手係度吹捧呢間野..

我係尋日去食...我食左個芝士漢堡,嚟既目的好簡單,係想印證大家既睇法!試完之後,得出嚟既結論係味道一般,同一般既茶餐廳既味道差不多,只係落多左一點洋蔥!又唔係唔好食啦!

What you paid is what you get各位,你地而家只係比左12蚊總唔可以expect食到triple o's既質素掛?時新響低價漢堡方面已經超班人地開唔係預左比d食慣貴野既人去食囉

究竟一個好好食又平既漢堡包係點樣既味,我好想知,所以去左朝聖!點知食完之後,發現原來食既只係一個好普通既快餐店漢堡包,我要強調,其實我唔係話佢唔好食,只係我自己認真好多地方都食到個質素相若既包!麵包的而且確係熱辣辣加脆皮,但係味道單調,沒有驚喜,塊扒不差,十二蚊個包又唔可以要求新鮮牛肉...可能我有點雞旦找骨,但貴為第一就俾我要求高一點,如果唔係人生何來樂趣?

今日終於到此店一試個漢堡包!包本身沒有什麼特別,都沒有什麼美味的感覺可言,漢堡扒都只是一般快餐店水準!個包同在長沙灣的工廠區是但一間快餐店吃到的沒什麼分別!這是一間平凡的快餐,何故有咁多人讚?莫名奇妙!

一直都無乜時間過紅磡搵呢間漢堡店，呢日有時間出開去就哩左呢度試啦!店內好簡樸，好有懷舊快餐店feel,店內椅子有部份係爛既，坐都好危險，我地兩個叫了雙層漢堡蛋飽加芝空漢堡蛋飽加炸雞脾再加可樂同咖啡,總數36蚊!價錢平,環境不太好,幸好昨天去不太多人，有位坐,慢慢嘆!漢堡肉質ok, 蛋即煎，芝士溶解好好味!真係新鮮熱辣即食就好正!外賣太遠既話會凍左吾好味lu!下次都會再食既!

當我看到openrice咁多人話好食,好想去食!但係當我一去到用十二蚊買左嚟食,我發現原來之前我係傻!因為完全沒有任何特別,只是一個十分普通到不得了的一個快餐漢堡的味道,有什麼好,有什麼值得我專登來?漢堡扒不見得肉汁鮮美,只是很普通的一塊扒,所謂洋蔥都只是很普通,而且仲未熟透..有幾多個笑面是真的食客呢?

環境：舊式快餐店格局，不能強求。食完個身會有少少漢堡味。服務：舊式快餐店格局，人手得兩三名，多客時段，更見混亂，不能強求。衛生：舊式快餐店格局，OK啦！不能強求。食物：家常式洋葱牛肉漢堡扒加舊式快餐店漢堡包，12蚊起加每件料（例如煎蛋、漢堡扒、即食芝士）加兩三蚊。一個雙層芝士漢堡加蛋連熱飲約廿零蚊。跟M記差不多爭一個薯條添。但勝在夠哂家常味道（但自己阿媽都未必咁好氣幫你整），第度揾唔到。只此一家。食開M記又食唔起B記以上級數BURGER的話，一定要黎呢度！

近來沒有新的嘗試, 於是決定一試這間, 係就係油了少少, 但, 試一試無妨...可能油膩的食物, 口感始終特別好, 叫了兩個孖堡芝士飽, 都係要沙律醬的, 嘩, 不得了, 很好味呀...但, 又講吾出點好味法....兩杯熱朱古力.. 普通...另外再添加一隻炸雞脾, 也不錯...吾知, 和尚見了這間食物, 會否凡心也動呢?

呢一句話足以完完全全的表述高居Openrice 3個月最多好評第一位的"時新快餐"!! 今天情深深雨濛濛,天氣應該只得7,8度,我同女友一放工就即時閃去紅磡搵食!因為一早已經印埋地圖去,而且多次到附近的"上海飽餃店"幫襯,找出此名店一d都難唔到我地。店子樓上進行緊塔棚工程,擔住把傘都幾難入去;好彩今日可能天氣太凍又下著雨的關係,沒有出現人龍,新令人高興^^!入到去即時坐底,諗都唔需要多諗即叫:雙層芝士漢堡,雙層蛋漢堡,炸雞比!等左一陣就有得食,所有對漢堡的形容大家只需要細看之前各食友之陳述,基本上完全一樣(包包經烘過,有d脆口/漢堡扒好香洋蔥味/芝士味同漢堡好溶合!仲有個沙律醬!!)而炸雞脾果種炸出黎ge香味好難形容,總之係我未食過的,係好特別,而且仲唔係好油!真係好難得~一句講哂!好味到出奇^^。P.S.雖然話今日冷得出奇!但係最少店內今有十人以上是OR的食友,聽佢地點揀食物一聽就知啦!!哈哈~!!

住左呢頭咁耐日日搭車經過都無點有衝動去食爸媽話麻麻地我都堅持去希望為佢係跡爸媽心目中平反芝堡沙津醬塊肉有肉汁不過味道唔覺似大家講到咁好好普通的一塊"肉"華田正常應該唔會難飲但係唔知點解甜到喊飲左一半就飲唔落雖然多人老闆依然笑面迎人整體唔算難食只係有少許失望下次再去希望比多次機會佢

見到時新漢堡竟然成為open rice的no.1,鍾意burgur o既我當然要去一試啦~餐\\\廳係好舊式的快餐\\\店~座位好迫環境好一般,叫左個chez burgur加蛋~其他薯條雞肶望落都係好一般,無叫; 食後感係不過不失...未覺得有大家所講咁好食...漢堡扒係幾香多肉汁...不過太油, D汁醬會流到成隻手都係同埋兩塊麵包索晒d汁...變得好淋~~而優點就係即叫即整夠新鮮!本人覺得$12個BURGUR都唔可以有太大EXPECTATION, 如果去開果頭都不防o既,不過就唔值得轉程去啦~!

今日(1/2)特登諗住去買返個包包同炸雞比比honey食點知行到去天橋0既時候有好多工人係咁拆野連個招牌都拆左！佢究竟係裝修定係關門大吉呀？有冇人知道呀！

白行一趟.... 食評日期: 2008 年02 月01 日今天下午去港島果頭, 就想同親愛的重溫這裡burger的味道滿心歡喜..去到竟然見到時新在(29-31/1)裝修呢.....................白行一趟....哈哈! 唯有寄望下次啦!