春水堂人文茶館 (創紀之城五期(apm))

營業中

休息中

今日黎試下尼排幾有人氣嘅春水堂。聽聞係台灣都幾有名氣，所以黎同朋友食生日飯💁🏻‍♀️尼個鴨舌幾唔錯。味道濃郁，而且口感爽口又有咬口。令人越食越想食，份量適中，但價錢就貴左啲。推薦大家試下👍🏻滷水拼盤。味道還好，沒有太特別。可叫可不叫😂牛肉拌麵。味道濃郁而且帶少少辣，好惹味👍🏻👍🏻但份量少得可憐，如果份量多啲就好了。蕃茄牛肉麵。蕃茄味一般，但牛腩煮得幾淋。我中意佢地個麵質，好中意尼啲闊條麵，好有咬口。

初初大鄉里，以為只是賣珍珠奶茶的舖頭，原來係有台灣食物的！由於友人不太肚餓，所以只點了小菜、一碗麵和甜品，當然還有必叫的珍珠奶茶。牛筋十分有驚喜！入口即融，不是爽的那一種，應該是炆製了很久，且很入味。裡面加上了一點香油、帶有微辣的醬汁和香菜，令其食落更香，更開胃。烏雞面線，雖其貌不揚，但味道還是不錯的。面放了一會兒，都吾會淋哂，很入味，湯底都有少少藥膳味，但吾算太濃。想健康點，當然要叫一碟生菜食，估吾到上面都會有肉燥，更顯台灣風味。原本十分期待甜品的環節，一砌開會有很多珍珠流出來⋯原來只是上面一層而已。裡面整個是雪芳蛋糕，偏甜的，食落有點濟。如果時間允許，就早點來，因為要排隊，沒有預先訂位喔😊環境很大，很舒服，因為樓底高，沒有壓迫感，食飯都食得開心點～

過江龍春水堂黎香港，係APM開左春水堂一段時間，所以又試下。仍然排長龍。《香港限定》鐵觀音雪糕吐司吐司都幾脆，而黑糖珍珠都好重味，鐵觀音雪糕亦很重茶味，都幾好味！魯肉飯好味，添加肉鬆，魯肉不會全部係肥肉，有肥肉瘦肉，感覺冇甘邪惡。但$28一小碗，價錢上有點貴。慢煮豬手雖然不是什麼特別菜色，八角味重鹵得好入味，好軟好淋😍。珍珠鐵觀音奶茶對我黎講，茶味淡，奶味重，唔算甜，應該係台灣特色黎，珍珠屬細珠，好彈牙煙靭。

難得有一日要去觀塘附近開會, 即刻諗起趁時間早一定要去春水堂, 否則真正晚餐時間一定排長龍有排等😎 ($34) 🤤 ~ 春水堂必叫珍珠奶茶, 有好多款口味可選, 茉香甜味適中, 茶味出, 而且細粒珍珠好咬有口感 ($78) 🤤 ~ 麵好味, 但份量唔多, 牛肉份量都唔多. 雖然係咁，但絕對好食過茶木. ($38) 🤤 ~ 好食又熱辣, 絕對值得一試 ($58) ~ Ummm.. 實物同menu張圖好似有d 出入咁, 吐司口感一般, 但個雪糕係ok的整體所有食物都好好味, 一定會再去試埋其他小食🤭 ❤店舖 : 💙地址 : 觀塘apm 一樓L1-1號鋪

春水堂呢個名早喺前幾年去台中旅行已經聽過當年台中試過之後都念念不忘💭所以近日見香港都開分店喇當然要去試下啦! 呢間店真係比想像中大😯環境係個人幾鍾意嘅簡約裝修, 樓底高❗️呢次同朋友黎食野傾計, 雖然滿座但完全唔覺嘈呀黎得當然要試下杯珍珠奶茶啦🥤鍾意飲珍珠奶茶都係因為茶味夠香♨️所以發現有呢隻鐵觀音味即刻試下果然係茶底香濃, 幼滑☺️奶同茶嘅比例👉🏻茶係佔多一d☕️泡沫都算厚而珍珠比起出面飲嘅係有d唔同比較細粒少少同彈少少😆除左等嘅時間耐左d (我諗每枱都必叫一兩杯, 單太多)係值得我由台中期待左咁耐😍 另外推介呢個芋米糕,食之前係唔知咩黎純粹嗌個小食, 點知係幾吸引口感似蘿蔔糕, 但稍為再香d, 煙韌一d仲有就係皮係脆嘅👍🏻好香口, 好好味16小片好快就被我地KO了掛住台灣嘅便當🍱整整齊齊一盒,好治癒（整齊控）初試慢煮豬手🐷3大舊豬手,肉質好嫩滑彈牙,骨少肉多配埋少少嘅魯肉,好送飯但便當嘅其他配菜,椰菜花,雞蛋等等略嫌淡味,談唔上特別🤔差不多每枱都叫嘅香酥雞🐔去台灣都會食嘅小食呢度嘅香酥雞調味適中,唔會太鹹呀重點係有肉汁,唔係炸到超乾嗰種好快食完一碟p.s.要有心理准備排隊呀呢次我地係平日晚

今天到春水堂嘗試一下，試了最有名的珍珠奶茶 $32/堂食，原來茶底是以斯里蘭卡紅茶混合其他茶葉沖製，香濃的茶味，加上適量的珍珠、奶精、蔗糖和冰，調茶師會為每杯奶茶沖完更要用機器量度其糖和濃度的指數，確保奶和茶的比例完美👍🏻另外試了一款招牌飲品珍珠紅豆鮮奶茶 $38/堂食 ，蜜紅豆布滿整杯奶茶，入口更香甜，更會吃到紅豆粒，連埋Q彈珍珠，口感及味道好豐富。當然要品嚐一下台灣小食-香辣牛肚絲，味道很不錯！

早前在台北桃園機場試過春水堂，印象良好，今天和妹妹逛apm, 當然要來香港分店捧場。去到餐廳入口，已見有兩個人在排隊候位，望入餐廳，環境裝修很有台式文青風，見有兩張4人位的吉枱，但職員仍沒有安排候座的客人入內。等了約十分鐘，店員先請排我們後面的三人入座，我和妹妹仍須等候。再過了十分鐘，後面出現了一條小人龍在排隊。待店員處理好客人付款後，便領我們入座。原來餐廳地方不小，裡面有很多吉位，可能因侍應人手不足，有位也不放客人入座。接着，為我們點餐的侍應態度散漫，完全不似台店的風格，令我們有點失望。我和妹妹點了三款小食：黃金香酥雞、金沙芋泥丸和台式芋米糕。我選了熱的珍珠茉香奶茶，妹妹飲涷的珍珠鐵觀音奶茶。侍應把食物送上前，每次都很大力的掉放上枱，聲音很大。幸好此店的食物和飲品優質，黃金香酥雞既燙口熱辣，又香噴噴，外層脆，裡面肉質軟滑；金沙芋泥丸圓碌碌，脆卜卜，內層是軟綿綿的甜甜奶皇心；台式芋米糕已切開成小小長方形，每片也香脆可口，外脆內軟，三款小食也非常好吃。至於飲品，我的珍珠茉香奶茶很香滑，珍珠細小而軟滑，很彈牙；妹妹的珍珠鐵觀音奶茶很有茶味。我們用餐完出去付款，發現門外已有一條長長的人龍。雖

星期六又黎春水堂食晏，每次都俾佢條龍嚇一嚇！其實15-20分鐘左右就有位！都可以既！今日我老婆叫左鹽酥雞翼魯肉便當，呢個便當適合三心兩意既人！乜都有 🤣 個雞翼好脆，但鹽酥味唔出！魯肉多少少會好d，依家兩頭唔到岸！中間個醬以為係都係魯肉，但又唔係，有少少辣，好開胃！蔬菜都唔少 👍🏻仲有個貢丸湯跟埋，份量都真係唔細！鹽酥菇，唔夠脆口同鹽味，可以重手少少！麻辣牛筋，呢個好有咬口，微麻辣，都好好味，配蔥仲多左重爽口同辛辣既感覺，幾好！我叫左個細既魯肉飯，反而呢碗既魯肉係夠！汁亦唔會過多！我地叫左鐵觀音奶茶茶同埋檸檬愛玉鐵觀音

聽說係第一間賣珍珠奶茶既舖頭，所以點都要試下。 當日係星期日既中午，有一定人龍，基本上排20至25分鐘左右就有得入，唔算等得耐，同其他舖頭等位既時間差得唔遠。我同朋友點左珍珠奶茶、紅燒牛肉麵， 仲有香酥雞。 點完餐好快就有得食，相信呢個就係佢即使有人龍，但都唔洗等太耐既原因。個人覺得杯珍珠奶茶係值得飲既，有奶味亦有茶味，奶同茶配合得剛剛好，唔會太甜，而且珍珠有咬口，份量亦都適中，唔怕飲哂杯奶茶都未食哂d珍珠又或者咬珍珠咬到牙軟。而牛肉麵同香酥雞就正正常常，試過一次唔會有特別想再食返既感覺，下次再食應該會試其他食物。

春水堂 ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ 珍珠招牌紅茶雪糕吐司 $58呢個有啲失望 本身紅茶雪糕幾唔錯好濃紅茶味又唔會太甜 但係上面嗰劈cream太多影響咗紅茶雪糕嘅味道 而且黑糖糖漿太甜 整體上味道配搭唔合格 甜到脷都痛👅茉香珍珠奶茶$34珍珠奶茶果然好好飲 好香茉莉花茶味 珍珠細粒好有咬口好彈牙 茶味奶味都好足夠 ！⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ 📍觀塘觀塘道418號創紀之城五期apm一樓L1-1號舖⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ #春水堂 #珍珠奶茶 #紅茶雪糕 #茉香奶茶 #觀塘美食 #tw #bestie #candid #goodvibestribe #ootd #HashmeApp #bubblemilktea #wecute #matcha #suppliertea via #HashMeApp

今天在APM發現開咗春水堂，即刻要試試，因在台灣吃過，價廉好吃，隨即點了喜愛的胚芽奶茶，魯肉飯，牛肉麵，香酥雞，辣豆干，滷水大腸等香酥雞咬落脆而帶汁，味道很好，辣豆干入口帶少許麻辣，好醒神，滷水大腸有芽菜伴碟，不太肥，都可以，但牛肉麵則一般，牛肉無味，魯肉飯，飯多無乜肉，味道也可接受，到我最祈待的胚芽奶茶，則比較失望，茶甜少胚芽，相比在台灣吃比較遜色，但如無比較，則算唔錯

因為有人推薦所以就試下，食完覺得正常味，唔會再突登排隊去試（7點幾食晚市，排隊排左成45分鐘以上，冇得拎籌，要企係到排隊等）同fd夾份食，試左呢幾樣，好壞參半紅燒牛肉麵（半筋半牛）本身想食蕃茄湯，但指定一定要配粗扁麵，無得轉，所以就試左呢個，我鍾意食幼麵，個湯底係超濃郁，好香紅燒牛肉味，麵質偏軟，掛湯，食落不錯！牛肉同牛筋煮到好「林」，好入味，牛肉食落唔鞋口，牛筋係煮到就溶咁，呢個我覺得可以。麻油烏雞麵線呢個係用烏雞去煮，一上枱好香麻油味，個湯係麻油同雞嘅精華所在，麵線幼細，食落好滑口，同個湯都夾，雞肉都滑，雞份量可以再多d，一切味道都正常魯肉飯個魯肉有肉有肥又有皮，仲有肉鬆點綴食落口係高質嘅，但呢個價錢就太貴對比起台灣，我覺得平民食物唔需要咁貴可以試下咁我地三個每人叫左杯野飲鐵觀音珍珠奶茶：呢個係三杯中最好飲，茶底同奶最夾珍珠係細粒珍珠，覺得太甜抹香珍珠奶茶：係濃郁版嘅lipton茉香奶茶，都ok啦，正常味紅肉火龍果特飲：個火龍果好酸，成杯野都係酸生果味，生果問題，但$5x一杯，其實好貴唔會再飲！！兩杯奶茶都每杯都要$4x呢到野飲真係好貴，唔值珍珠溶岩蛋糕：係蛋糕上面加左cream同

慕名已久，今日專登過咗嚟食，諗住試吓呢間所謂第一間嘅珍珠奶茶。叫咗一碗紅燒牛肉麵，一份鹽酥雞粒，一杯茉香珍珠奶茶同一杯鐵觀音珍珠奶茶，連埋服務費一共$213，不算便宜。紅燒牛肉麵其實唔錯，湯底夠濃，面都幾煙韌；鹽酥雞粒一般，粉有少少多；茉香珍珠奶茶尚可，茶味幾重，珍珠也有特色，但不算驚喜；鐵觀音珍珠奶茶推薦，鐵觀音好香，完全沒被奶味蓋過，d珍珠細細粒，幾好咬，而且量不算少，都幾良心，可惜就係一定要坐低飲無得外賣。

😐長人龍的春水堂🤭—🧐整體來說，食物不太差，但不是很驚豔的程度，我自己冇係台灣食過春水堂，冇得比較。🍵珍珠綠茶（💲32）綠茶味十分重，碎冰令杯綠茶冇咁易淡，珍珠粒粒分明。☕️珍珠奶茶（💲32）茶味唔夠重，奶味為主，甜度適中，但珍珠加左唔少分，好彈煙韌。🍅半筋半肉蕃茄牛肉麵（💲88）材料包括牛筋、牛肉、蕃茄、青菜和白蘿蔔，牛筋和牛肉入口軟淋，扁麵軟硬度適中，仲有掛麵嘅效果。🍜手工麻香麵線（💲48）一放上枱就好香麻油味，麵線食落嘅感覺有啲似米粉。🐓鹽酥雞翼魯肉便當（💲88）便當好豐富，除左三隻雞翼，仲有蔬菜雜菌，魯肉份量多，仲有一個貢丸湯，雞翼熱辣辣，咬落仲有唔少肉汁。🍰珍珠熔岩蛋糕（💲58）蛋糕上面有珍珠和忌廉，但熔岩就消失左，蛋糕帶黑糖味，也算軟熟。🥜花生三沾小麻吉（💲38）小麻吉好濃黑糖味，外面係軟淋淋的麻糬，入面就有大大粒花生，口感十足。—

珍珠熔岩蛋糕 hkd$58🤘🏻香港限定既甜品心定要試試,製作時間要20分鐘即叫即製,蛋糕面上鋪滿晒珍珠同黑糖漿,珍珠細細粒又Q彈黑糖漿濃得黎又唔會太甜,cream食落都幾幼滑.💪🏻蛋糕有少少失望,本來預期戚風蛋糕好輕盈出到黎口感好結實同好乾焗得過左火.