春水堂人文茶館 (創紀之城五期(apm))

營業中

休息中

3 點幾行街經過， 見到哩間人氣過江龍無人排隊，即刻拉住媽咪入去試試佢。 其實我幾鍾意食台灣野，所以帶住期待嘅心情入去。因為唔算太肚餓，又唔知佢份量嘅大小，又好想試多啲嘢。最後叫咗一碗麵，一個滷肉飯同兩個小食。 喺餐牌見到佢個滷肉飯圖片，我諗都冇諗就即刻要叫一個試吓。佢比平時出邊嘅滷肉飯多咗一啲肉鬆係上面，我本人超級鍾意食肉鬆，加上佢啲滷肉唔算太肥，係我可接受嘅程度，夾埋一齊食，暫時算係我食過其他台灣人氣店裏面最好食嘅一個。$28 細細碗，岩曬胃口細嘅女仔。XO醬辣拌麵，呢個就麻麻哋，好普通，可以放棄。鹽酥雞翼啱啱整出嚟好熱，好脆，好好食，略嫌有少少咸。滷水牛筋呢個真係不得了，超級好食，牛筋好淋，同時又好入味，正中我嘅口味。聽講呢度嘅茶好出名，所以叫咗杯紅豆珍珠奶茶試吓。 反而我覺得杯茶有啲失色，唔係好飲得出茶底未，好似太多奶，同啲紅豆遮蓋晒本身個茶味。不過啲珍珠係比平時啲珍珠細粒，煙煙un um ,有咬口，係特別嘅。下次可能會叫其他珍奶試多次。總結，鹵肉飯同滷水牛筋都係我嘅最愛。呢度嘅滷肉飯亦都係我喺香港暫時食過最好食嘅滷肉飯。😋😋

有期望，無失望，平日下午六時左右到達，無乜人等位，十幾分鐘已經可以入，唔使罰企等齊人，可以先入坐，坐住等朋友，真開心！貴為珍珠奶茶始祖，一定要試吓佢嘅拓牌名物啦~沒有味道的麻油雞，湯淡如水，很失望不錯不錯！味道正常，略嫌滷得不夠入味炸蕃薯條，基本上唔會差得去邊初試甜不辣，原來係用魚漿做嘅台式炸物值得一讚再讚，位於東九龍人流極多嘅商場內，竟然唔需要過半數或齊人先安排入坐，仲要無限用餐時間，又唔會趕客，唔怪得條人龍咁長啦！性價比太高，絕對值得再去！

一直都好想試下珍珠奶茶既始祖春水堂，但之前岩岩登陸觀塘既時候，實在太多人排隊了🥺今日終於再黎，雖然都要排隊，但好似就冇之前咁多人。我同朋友等左一陣，終於可以入座了！呢度既環境幾好，坐得好舒服😌我地叫左紅燒牛肉麵(半筋半肉)、豬手魯肉便當🍱、珍珠紅豆鮮奶茶、愛玉檸檬綠茶同埋香港限定既甜點-珍珠鐵觀音雪糕吐司🍞-🎈紅燒牛肉麵(半筋半肉)湯底好濃味，都算重牛肉味🤤至於啲麵配上半筋半肉，感覺幾好食！-🎈豬手魯肉便當我同朋友都強烈推薦呢個豬手魯肉便當🍱因為豬手實在整得太好食了，完全炆煮得好淋同好入味🥳不錯不錯👍🏼-🎈珍珠紅豆鮮奶茶呢杯珍珠紅豆鮮奶茶，飲落去口感比較豐富🙆‍♀️因為有珍珠同紅豆配上鮮奶茶，啲紅豆溶落去啲奶茶入面，飲落去好有層次。-🎈珍珠鐵觀音雪糕吐司第一啖食落去個感覺好新奇😍因為個雪糕係鐵觀音味！！再加上佢仲淋左啲黑糖係面，成個配搭都幾特別～總括而言，我個人覺得都值得一試的😊不過價錢來說，就偏貴左少少！

同朋友貪得意諗住試下香港嘅春水堂，發現原來選擇嚟嚟去去都係牛肉麵同麵線，唔食牛肉嘅我揀咗手工素麵線而朋友就揀咗手工麻香麵線，最後結論係素麵線食落香過麻香麵線同好似多料啲。最後個珍珠蛋糕得個樣，味道一般般。

今晚剛食完 9:10到店 9:25入到去 叫了紅燒半筋半肉牛肉麵 仲有蕃茄湯的 好快便覆我地無蕃茄湯個款 就轉左三寶牛肉麵 仲有魯肉飯 叫野食後望望環境 樓底高 枱與枱之間空間都闊 唔會有搭枱感 燈光柔和 適合一齊傾下偈 放鬆下入去前擔心會唔會期望過大 好多時過江龍店都係keep唔到當地質素 呢間👍🏼👍🏼 魯肉飯頭2啖好普通 食多幾啖覺得止下癮都唔錯 再食落去就覺得其實不錯 好過係台灣一d普通既魯肉飯店質素 係香港食到咁都好滿意牛肉麵 麵質軟彈 係我鍾意既質地 牛筋牛肚牛肉就普通啦 似香港食咁無咩台灣感 好本土味😅 湯亦好貼近台灣版 紅燒湯惹味 三寶牛肉麵湯底惹味之餘有少少辣味 因為想念台灣味道飲了不少湯 不錯飲品就叫左熱鐵觀音珍珠奶茶 凍珍珠奶茶 珍珠同奶茶同6月係台灣飲既一樣👍🏼為左魯肉飯我捨棄左甜品 食唔晒唔想浪費 下次再黎幫襯 滿足地離開 不過有樣野 湯底應該落唔少味精 離開店後口渴感漸漸增加 我又飲得多湯 之後都好口渴要買野飲 下次會再去 只是唔可以再飲咁多湯😅

Vegan options at Chun Shui Tang Cultural Teahouse (春水堂人文茶館) in Kwun Tong! （中文在下方）We have wanted to try Chun Shui Tang for a long time but always gave up on the idea when seeing the long queue. The chance finally came last Saturday when we passed by ard 9pm after the movies.Dishes ordered:💚Vegetarian noodles 五香素麵 $48 (vegan)💚Handmade vegetarian thin noodles 手工素麵線 $48 (vegan)💚Deep fried mushrooms 鹽酥杏包菇 $38 (vegan)💚Signature braised bean curd 招牌豆干 $33 (This wasn’t clearly marked but we were told th

高質台灣菜周六約友人一齊黎呢間想試好耐的過江龍台灣餐廳 排隊的人龍多到要分两條隊😅 幸好 安排入座速度算快 等了二十多分鐘已可入座點了推薦的牛肉麵 幾款小吃 食物質素都不錯 飲品亦幾特別 係香港都算水準之上的台灣菜 環境唔錯 坐得幾舒服 不過員工似乎人手不足 眼見很多員工都聚集在裏面 但外場由帶還位招呼我地到落單收錢都是一個紥馬尾公仔頭飾年輕女職員 值得一鑽是雖然繁忙 但該員工服務態度非常好 落單時仲主動介紹 笑容搭夠 十分親切 整體價錢偏貴 分量對男仔黎講亦偏細 幾啖已食完😅

猛龍過江春水堂開左一段時間，終於有機會黎試下喇未夠6點即狗衝去APM 間春水堂門口已經企左10 多個人不過好彩不用10 分鐘已安排入坐一坐低已經感受到台灣既氣息好掛住台灣呀奶茶同台灣主店一樣味道呀不過香酥雞略嫌炸得不夠香口滷肉飯肥瘦適中牛肉麵肉質入味湯汁濃郁環境舒適餐點速度適中黃金香酥雞麻辣牛肉麵珍珠鐵觀音奶茶滷肉飯

LUNCH TIME 12 :00 前入座, 不用等位, 30分鐘後已見排晒隊了魯肉飯細細碗 $ 28 , 超抵又好味!!慢煮豬手 $ 58 , 可以一試麻辣烏骨系雞麵線$88 , 跟台灣吃的味道一樣紅豆鮮奶茶 $ 35 , 好味

中秋節， 同同事食返餐好嘅做節！ 行遠小小去觀塘APM嘅春水堂試下。 一點去到門口已經排晒隊， 但等咗唔使十分鐘就可以安排入坐。 餐廳座位排得好闊落， 幾舒適！ 每人點咗一碗紅燒牛肉麵， 一杯珍珠奶茶。再另叫麻辣涼拌牛肚絲share, 再嚟多一個珍珠鐵觀音雪糕吐司做甜品。牛肉碗上枱時唔夠熱， 堆麵痴堆一舊， 牛肉唔入味、湯底唔夠味。 個人認為比「滿漢大碗面」更差。 珍珠奶茶就好好飲， 珍珠比平時出面飲到嘅細粒小小， 好有咬口。 麻辣牛肚絲就得個酸字， 冇麻又冇辣。 甜品個雪糕唔錯， 但整體感覺真係好普通。

平日2點黎到唔駛等位。不過都要喺門口等一陣等人帶位。想試下啲湯底。叫左兩款唔同嘅湯麵。三寶牛肉麵。紅燒湯底湯頭一般唔夠香。三寶係牛肚牛𦟌牛筋腩。夠淋夠入味。不過麵煮到太淋。有啲糊口冇乜口感。麻香烏骨雞麵線。睇個名以為個味會好補。一飲個湯淨係覺得個味好似某麻油公仔麵。完全冇雞味。幾件烏雞都偏鞋。麵條都係有過糊嘅問題。香酥雞炸得好酥脆。不過調味過甜。最好都係杯珍珠奶茶。味道最正常。珍珠甜甜地有咬口。茶香唔算好出但夠滑。可能本身真係期望過高。見佢排隊排到咁誇張。可惜連加一百幾蚊一碗麵真係與食物質素有差距。侍應都係叫一叫郁一郁。每次加水都要叫。裝修都舒適。不過新開冇耐張枱已經唔平係咁郁。十

有日要去觀塘買啲野，果日突然間好想食台灣野，就揾下有咩選擇，先醒起原來一直想試又未試既春水堂就係附近，於是拉埋👦🏻陪我食🤣.平日下午成三點，都仲要排少少隊等位，不過好彩等左十分鐘左右就有位。🔸滷香拼盤 $78啲滷水野整得幾入味，加上佢個辣油幾香（都幾辣），沾少少黎食都好惹味!🔸魯肉飯 $28魯肉飯特別既係面頭有啲肉鬆，比較少見。但同啲魯肉都幾夾~魯肉有啲肥有啲瘦，亦有細細粒既香菇。雖然唔算係食過最最好食既魯肉飯(之前係台灣食過一次仲正），但都幾不錯👍🏻🔸金沙芋泥丸 $48對於芋泥真係抗拒唔到!!個人幾鐘意依個，面頭包住係芋泥，入面係有奶皇流沙，面頭炸脆左，而咬落去係綿綿既芋泥同流沙，唔錯! 不過個人覺得，如果個流沙食住依家鹹蛋黃個勢，加少少鹹蛋黃，係甜之中帶點鹹香，肯定會更加更加正同邪惡😈🔸珍珠奶茶 $32叫慣無糖飲品既我特登今次咩甜度冰度都唔改，試試佢原本既味道。估唔到個奶茶又唔算好甜，而且奶、茶既比例的確幾好，唔會話其中一面過重。加上幾鐘意佢啲珍珠係細細粒又煙韌，好好咬😆難怪春水堂既珍珠奶茶咁出名🤓.雖然野食肯定無飛去台灣食咁抵，但係作為解下台灣癮黎講，春水堂都係個不錯既選擇😛

一開始要排隊超級多人不過最後排左差唔多15分鐘左右入左去 依間野主打台灣野食 同茶 不過台灣食物我個人覺得款式吾多小食只有鹽穌雞比較地道 其他都係涵水小食還可以 大家都可以試下而主食方面 牛肉麵一定有 今次試左紅燒牛肉麵同麻辣牛肉麵 紅燒果碗湯底比較咸 而麵身偏幼同扁 而牛肉係半筋半肉 食落去還可以 不過有啲煮過頭既感覺不過都可以既 而麻辣果碗既湯底真系唔辣（個人好食得辣） 吾係好麻辣 普通吾係好食得辣既都食到 但又吾會真系冇乜辣味 還可以而飲品有吾同既茶 佢地既珍珠係細珍珠 飲左杯綠茶珍珠 中規中矩 無乜特別

坦白講食物質素同環境的確唔錯，但輪候時間就有待改善。觀塘好多辦公室聚在一起，一到lunch 時間，一大班打工仔紛紛衝去心水既飯堂排隊等候，每次排春水堂都起碼30分鐘以上才能入坐。🙈對於放飯時間緊張既打工仔，要好好考慮一下先好排隊⋯環境方面： 光線充足，環境乾淨舒服，員工友善食物方面：珍珠鐵觀音奶茶： 茶濃唔太甜，綿滑奶泡加煙韌珍珠，口感順滑。蕃茄半筋半牛肉麵： 個人覺得略有點油膩，但味道唔錯。牛肉夠冧夠入味，蕃茄湯底幾濃香，仲有兩塊新鮮蕃茄配上。粗麵唔會太糊口（個人喜好麵爽😬）整體而言係唔錯，但價錢較為昂貴。喺觀塘用午餐都要百四蚊😅😅唔能夠成日光顧

星期日，一早游完早水🏊🏻‍♀️,就突然醒起apm 平時排哂長龍既春水堂。11:15左右到就見大約十個人排隊，餐廳11:30 開，就同男朋友倆個人排下。一開門就好快入到香酥雞熱辣辣，好鬆脆，雞肉又juicy ，唔會過咸，又唔會乾爭爭。一定要試。呢杯係珍珠鐵觀音奶茶，珍珠有少少失望，有少少林(期望珍珠會e un) 。男朋友珍珠奶茶，但係兩個覺得都馬馬地*有機會我地兩個會揀茶味多啲無珍珠既鐵觀音奶茶*叫左兩個麵，分別係麻辣牛肉麵(少辣,圖左) , 麻香烏骨雞麵線(圖右) 牛肉麵好味！麻香烏骨雞個麵線比較林身啲。所以你可以按你鍾意食麵係硬身定軟身再問下侍應有無得揀 。