春水堂人文茶館 (創紀之城五期(apm))

營業中

休息中

坦白講，無試過台灣嘅總店，聽說是裝潢好有特色，而且飲品也相當出眾，見到在香港🇭🇰大展拳腳，人少少就走去排個隊。觀塘店闊落唔會太迫，服務態度友善，食物飲品種類尚算多選擇，隨便點咗幾款試試佢😌.🥣左宗堂雞便當🍱。標著明「觀塘店限定」無理由唔試，甜酸辣嘅醬汁配上酥炸嘅雞，惹味又開胃，仲有一碗貢丸湯、配菜都有6種再加上滷蛋🥚，好豐富😊.🥣紅燒牛肉麵🍜。中規中矩，未算是好驚艷，但牛肉確實好腍，湯底亦夠濃厚🤔.🥣黃金香酥雞🐔。唔油膩、而且外皮好脆，亦唔太多鹽分，不會太口渴😌.🥤紅豆鮮奶茶。奶茶確是好香滑，配上紅豆唔會太甜，可一試😏.☕️珍珠鐵觀音奶茶。茶香確實是很重要，加上細細粒嘅珍珠，容易入口😊

平日很少機會到觀塘，碰巧有天跟男友經過看到這家春水堂的人龍，很好奇是否真的美味如此，便加入其中一嚐究竟。等待了大約20-30分鐘左右的時間，終於可以入座點餐。半筋半肉蕃茄牛肉麵$92粗麵條有咬口，湯底牛味濃但頗油膩，蕃茄茄味濃郁，整體來說普普通通，這個價錢不太值。紅燒牛肉麵$82男友點的，他說一般，就普通牛肉麵。幼麵條沒咬勁不太好吃。碗邊也有湯的殘留，感覺馬虎。愛玉鐵觀音檸檬茶$35我是覺得台灣夜市的好喝太多了吧⋯⋯鹽酥杏鮑菇$38乾巴巴的，不好吃。調味料也不足。整體來說，CP值低，比同行台灣菜說價位偏貴，食物質素中下，名過於實。也令人癈解為何有大量人排隊為了這家餐廳🤔🤔可能是裝潢能見得下人。

每次經過都想食，每次經過都以為無咩人排緊隊，每次都發現條隊係對面間商店前面勁長龍今次早少少到終於俾我排到最前了！明白餐廳推介的是牛肉湯麵，但當晚卻被烏雞湯麵的相片吸引住。所以自己就叫了麻香烏雞湯麵，朋友就試了牛肉麵。麻香雞湯麵真係超勁麻油味，其實有點像出前X叮的味 其他藥材味不太出眾。雞肉好淋，都無雪味，算是不錯！但如果怕油就真的不要試了，下次都係要試紅燒牛肉麵好了朋友選的紅燒牛肉麵也不錯，份量也算OK。他叫了珍珠奶茶。我叫了香柚茶，味道好清新。

之前去開APM都見好多人排隊，今日終於見條隊短返少少，即刻黎排隊試下！不過都等左大約30分鐘先入座。由於未餓但又口痕想食野，所以就叫左珍珠熔岩蛋糕、黃金香酥雞同珍珠茉香奶茶。黃金香酥雞香脆可口，每一舊都一少舊，食下食下都忍唔住原來已經食左成碟！珍珠熔岩蛋糕，首先個cream又厚又滑，蛋糕好濕潤有honey既味道，呢個蛋糕配上珍珠同cream係非常好食！一試難忘！想下次再黎食！而珍珠茉香奶茶都好有茶香，但特別推介珍珠熔岩蛋糕同黃金香酥雞！

由入座到食完野 只係用左50分鐘然後就慢慢飲杯野然後有位女侍應大大聲咁講「後面有幾張枱齋坐」真係火都起埋入座有無講限坐幾耐 我都有叫野食 有叫野飲 都咁俾人話咁既服務態度真係無下次食物係ok 既 可惜

今日有啲懶唔想出去第度食就係屋企附近嘅商場食飯難得有得早收工就睇吓APM嗰間春水堂使唔使排隊啦咁我6:30鐘去到係唔使排隊於是就衝入去試食物嘅選擇唔算少嘅佢有好大量嘅台式小食亦都有最出名嘅牛肉麵同埋各式各樣嘅台式便當當然唔少得就係春水堂嘅嘢飲啦不過今日我就冇飲到我主力係要試吓佢嘅牛肉麵呢一個係牛骨濃湯牛肉麵我幾欣賞佢嘅湯底唔算話好鹹好油膩清清地幾好牛肉亦都炆得好冧，但係略嫌牛肉味唔夠麵底方面我就認為師傅煮得過冧我唔係幾鍾意做口感之後就帶咗一個滷水拼盤佢當中包括豬大腸牛肚同埋牛筋，我認為佢嘅滷水汁做得比較鹹，用嚟送花會好啲但係就咁食就爭啲，但係整體來講都做得唔錯

女孩子行街少不免嘆個下午茶，今次選擇春水堂。先叫個前菜，金沙芋泥丸，炸得不油膩，芋頭味不太濃郁又唔太甜，算不錯。少少餓就叫個五香素麵，五香肉都少少似肉，麵質都幾好，唔太軟亦唔硬，醬汁味都不錯，食素嘅可以不妨一試。跟住兩個人叫咗個高山培火烏龍，本以為茶味會好濃，但其實又唔係，不過可以加熱水，兩個人飲吓都唔錯。最後當然少不免叫個甜品啦！叫咗佢哋個珍珠招牌紅茶雪糕吐司，紅茶不太突出，比佢個醬味蓋過了。另外係飽肚嘅。

每次經過這間食肆門口，必定見到一條長長的人龍，因為沒有訂座服務，只有親臨排隊等位。今次為了一嚐它的人文風味，耐心站在門口排隊，終於等到了！滷肉飯是這件餐廳的招牌之一，點了、嚐了，味道不錯！還有各類小食，每一樣份量不太多，適合樣樣都食少少的朋友！

本人超鍾意食珍珠！之前仲特登去diy左珍珠pizza黎食～見到春水堂有珍珠甜品點會錯過我3點黎都要排10分鐘隊但都好過lunch同夜晚了要左個珍珠多士好好味啊！我鍾意lee隻類似天仁茗茶珍珠5太淋又5太硬不過佢比天仁細粒d！佢d麵都好味嫁～不過我目標係珍珠所以就5著墨太多啦～

不敢在它剛開幕去試，不想等位等一輩子...所以在它開了一段時間才光顧。選在三點後只等20分鐘就可入座。店舖非常光猛，空間感也很大。飲品跟小吃或正餐都有很多選擇，不過唯一不足是沒有套餐，全都要散叫！各人一杯飲品跟牛肉麵再加一兩款小吃，價錢在午餐來說算比較高！味道也跟台灣的一樣，不得不提它的牛肉麵非常出色！湯底濃郁，我點的是蕃茄牛肉麵，湯底也有蔬菜的甜味，牛肉也燉得很入味很軟，麵條也很Q,軟硬適中，值得一試！小吃點了豬手，也很入味，很好吃！不過有點過咸！鹽酥雞不過不失，正常水準！

之前係台灣係飲茶食小點感覺係食物飲品不過不失但環境唔差係香港刻意試其他嘢－－紅燒牛肉麵同四神湯份量少就預咗不過無諗過啲牛肉係一咬就散麵條係幼麵比較諗得個湯比較稍為可取不過都唔算好特別材料係足足料嘅豬腸係夠爽同乾淨不過加咗好濃嘅藥酒於是掩蓋哂原來的味道飲完成個人都有啲燥整體嚟講食物都係一般不過環境算唔錯唔算太擠逼同埋啲侍應超快手呢樣真係同台灣店最大分別不過可能由於人客唔多雖然都要等位但係好多客要趕地鐵10點收車前離開所以都唔算係好好生意

12:15p.m.到達APM排隊，足足排o左差唔多40分鐘先有得入去食入面都唔細，但因為中午真係好多人黎呢間食LUNCH...而且見佢應該係集中人手做堂食LUNCH生意，中午時段係無外賣茶飲服務好可惜，因為聽聞外賣飲料係會平過堂飲打開餐牌真係咩都想食！但黎得台式食店，點可以唔點牛肉麵呢？叫o左個應該係最貴，價值$98個大洋既御品三寶牛肉麵，入面有齊牛筋牛𦟌同牛肚，我覺得牛肚最入味，而且夠淋牛𦟌無我想像中咁爽，有D「鞋」口，不過佢勝在份量取勝，有兩大塊，真心又大又厚同事叫o左個牛骨濃湯牛肉麵，試o左一啖湯，感覺好清淡，我果個御品三寶牛肉麵個湯仲濃過佢建議重口味既朋友仔千其唔好叫牛骨濃湯牛肉麵不過個麵既份量真心少，食完都唔係好飽，食量細既女仔先會夠上次o係高鐵站分店飲過佢既珍珠奶茶，茶味好夠重而且佢既珍珠係細細粒幾有咬口所以今次諗住試下第二款，揀o左佢特別推薦既蕃茄蜜凍飲超級好飲，其實蕃茄味唔算好重，蜜糖味搶D，同事話似飲緊冬蔭公咁..笑o左...同事叫o左杯夏日限定既雙果優酪綠茶，超好飲，佢入面既成份有火龍果同MANGO我平時係一個幾唔鍾意食火龍果既人，但呢杯火龍果味唔重，好易入口而且估

去開觀塘 順手去試下珍珠奶茶嘅始祖條隊比我想像中短等咗大概5分鐘就入去啦觀塘呢間就包埋好多唔同款嘅嘢食唔止飲珍珠奶茶仲可以食下啲台灣小食價錢亦都相當之相宜不過我今次只係試咗佢個珍珠奶茶咋其他下次一定會再試吓嘅個珍珠奶茶啲珍珠十分之Q彈又細細粒香港好少何搵到啲咁高質素嘅珍珠奶茶推介呀

自從apm開了春水堂，聽聞是台灣珍珠奶茶老字號，一直都很想試牛肉麵和珍珠奶茶，這次終於有機會了。點了牛肉麵(半肉半筋)($88)及芒果珍珠奶茶($38)。牛肉麵有大大塊的帶筋牛肉及牛筋，還附上一小碟鹹菜。首先喝了一口湯頭，牛肉味非常濃鬱，沒有牛肉湯麵的通病——太鹹。湯是香的。帶少許胡椒辣味，好評。但面不夠咬口，煮得太唸，是我食過比較差的牛肉麵，有點失望。牛肉則大大舊，帶筋，很厚，充滿牛肉香味，牛筋滷得很入味，入口即化，膠質滿滿。雖然除了麵條其他都很優秀，但一碗牛肉麵即靈魂之一不合格啊！還不如八方x集既面，令人難受。而珍珠奶茶，事實證明芒果同奶茶是1+1＜2的組合，不太配合，但回味喝到的奶茶味還是有明顯茶香味的，可能是我點錯，效果不出衆，比我預期中差，下次點點其他試試。餐飯盛惠$132,呢個味道，對我而言不算物有所值。

朋友問我生完BB第一時間想食咩，我諗都唔諗就答珍珠奶茶，忍左成年，觀塘開左春水堂，真係要去試下！因為只有堂食，無淨外賣飲品，所以只想飲珍珠奶茶都要排隊入座，weekend 12點左右去等都要排到第二節既隊，還ok的，都唔算等好耐。食物、飲品唔算多，如果想食埋甜品，記住要留肚。隊長原本諗住食完再食甜品，於是叫左個魯肉飯同菜⋯⋯飯既size都似平時係屋企食果隻飯碗甘大，加埋魯肉都夠飽，D魯肉都唔係鹵到死死實實，帶少少肥糕都香軟，至於個菜，勁多油，好似油浸甘，食完真心帶點滯，飲埋杯珍奶已經飽到上心口，話雖如此，重點都係杯珍奶，隊長喜歡飲熱珍奶，貪佢茶香味重d，春水堂既珍奶無令我失望，有茶香，珍珠唔會放耐左就癡埋一舊舊，而且細粒珍珠會易入口，特別係飲凍飲。其實觀塘店都幫襯過2次，2次服務都好貼心，其中一次我孭住BB，又孭住個大尿片袋，但我講明BB不佔位的，店長好細心安排左個梳化位（其實可以坐3個人）比我，佢話方便我放野，我無諗過地方細細既餐廳都甘好，係peak hour都比張大d既檯我！