春水堂人文茶館 (創紀之城五期(apm))

營業中

休息中

平時午飯時間想食春水堂可謂無乜機會, 因為條人龍太長. 而家少左人返工終於可以試下.紅燒牛肉麵同牛肉湯牛肉麪各有千秋, 想食得清淡啲可以叫牛肉湯, 牛肉好腍好滑, 係碗麵比較細啲, 如果男仕食可能未必夠飽. 便當就比較豐富, 有湯又多配菜, 鹽酥雞翼都算大隻,滷汁排骨就有啲平淡. 4個人唔夠飽就叫埋招牌甜品珍珠鐵觀音雪糕吐司. 幾種味道質感合而為一非常滿足.珍珠奶茶就好睇個人口味, 對珍珠唔大興趣嘅都可以叫奶茶, 杯芽奶茶係我嘅推介.

想不到疫情嚴重期間，平日晚飯時間apm 的《春水堂》都打兩個龍餅又話留家抗疫，不過留家多天，都感納悶。一見menu，大叫特叫先來黃金香酥雞，外脆內軟，不算太鹹，而且肉質尚算豐富，值得一吃烏龍豆干大大粒，份量頗多，且烏龍香味配上芝麻，口感十足這碟鹽酥雞翼，炸到金黃色的雞翼，香口到不得了，咸香且肉汁香口冷盤 - 麻辣涼拌牛肚絲，爽口彈牙，少少芫荽味慢慢帶出麻辣香味細碗的魯肉飯，肥肉不多，肉汁香濃，面頭大量肉鬆，增強口感珍珠茉香奶茶，細細粒的珍珠十分彈牙，茶香味濃難得好飲的珍奶！

2020年2月9號，中午12點前(星期日），今日一行兩人喺APM打算幫襯春水堂，裏面鋪頭得三兩枱客人，我兩人打算坐窗邊的座位，但係店員拒絕我哋嘅要求，話呢個係四人座位，唔可以坐呢度😡。其實宜家呢個時勢，同埋呢個時間，餐廳根本都冇乜客人，咁簡單嘅要求都做唔到，如果係正常上班午飯時間，呢個道理我當然明白，我都有開餐廳做飲食，當然唔係global link 嗰啲級數啦。既然服務質素咁差，我都無謂為難佢同阻佢啲枱啦，咁咪去其他餐廳食，香港好嘅餐廳周圍都係，無需要貼錢買難受。👎🏻👎🏻

春水堂觀塘分店門外經常大排長龍，食物質素應該不俗，所以這天路過特地來嚐一嚐，可惜非常失望食物: 2.5/5▪️半筋半肉蕃茄牛肉麵麵質不錯，韌度適中有口感 。但牛肉大扣分，不是一般牛肉麵常配的牛𦟌，而是純牛腩肉或純牛筋，牛肉肉質非常柴、乾、韌，牛筋不算非常軟，但八角味偏重▪️鐵觀音珍珠奶茶珍珠比較小顆，韌度不錯但我極後悔點了鐵觀音，因為我覺得奶茶還是配正宗紅茶比較搭。總的來說，還是去台灣旅遊時才去春水堂吧

我點了一杯檸檬蜜凍飲少甜(50%糖)加愛玉,待應幫我下單成少甜少冰加愛玉，但也沒關係我也可以接受。飲品很快到了，喝了一口，不是比正常還甜嗎?待應態度不錯，解釋因為有蜂蜜所以會較甜，並幫我換一杯微甜的，我感覺很貼心。再來一杯，不是跟剛才一樣甜嗎😅感覺可以兌一杯清水味道就剛好🙈建議大家不要點這杯!

朋友介紹黎呢間台式料理試下，聽聞依家係而家好HOT嘅店舖，有好多少女都好鍾意飲嘅珍珠奶茶，茶味都幾好！另外唔少得嘅紅燒牛肉麵。個人覺得好惹味，湯底都唔錯～最後食埋個甜品係珍珠奶茶pancake！好新奇好特別！

同同學仔四處覓食 ，大家都想試夏春水堂嘅堂菜 ，話要排隊喎 ，前面起碼有十幾人 結果等咗20分鐘就有得食啦。▶️紅燒牛肉麵紅燒牛肉麵的湯底要一讚 。可以飲到清甜熱濃沃嘅牛肉味， 大概係煲咗好耐湯底。▶️滷肉飯稍甜嘅味道 。瘦肉和肥肉嘅比例大概係 六比四 ，所以入口好吃。▶️鹽酥雞翼炸得好脆嘅雞翼上面加上椒鹽 ，好食到停唔到口。 同學就覺得 椒鹽落得偏多， 稍鹹咗少少。▶️麻辣涼拌牛肚絲我最鍾意呢一個 ，因為這個牛肚不是用重口味的 做法 。烹煮 處理，只有絲絲嘅麻辣味 ，麻麻鮮鮮，但又唔 會偏鹹， 所以可以不斷咁食。▶️金沙芋泥丸香脆嘅芋泥搓成圓球，中間包住鹹蛋奶黃餡。芋泥味唔勁， 中間嘅餡就幾香濃有鹹蛋黃味 ，又唔會好甜， 唔錯。

今日同朋友去春水堂食下午茶，終於都可以品嘗一次，但去到個時候已經long q左，等左幾張枱終於到我地！基於唔想食太飽所以就左一個魯肉飯share食，肉既分佈唔會過多，而且有肥有瘦，唔會太肥膩。而且面上有少有既肉鬆，令飯上面有啲咬口同兩種味道！不過我認為飯比較軟身，咬口唔太有。但整體味道9/10 ！而且魯汁唔會太咸同食完並唔會口渴，有台灣本土味道😍另外甜品叫左個珍珠烏龍雪糕吐司，超級重茶味，十分香，完全可以覆桌！如果雪糕mix cream 味道啱啱好，唔會太過甜同膩！ 不過如果單食雪糕，會有點甜。但整體10/10😍😍另外吐司即整，所以上枱時，仲會脆卜卜！

每次行過都大排長龍，今次見條龍短左，就即刻衝去排一排、試試佢！排左一輪入到去，見到其實鋪面都好大，亦有唔少吉枱，有d唔明點解要人喺出面排禁耐，之後先一次過放一大班人入去。講番正題，食物叫左魯肉飯魯肉飯細細碗，上面有驚喜既肉鬆，咸咸地甜甜地咁，令味道同質感都多層次。半肥瘦魯肉好林，夠哂入味，不錯。招牌半肉半筋牛肉麵湯底清甜不死咸，又有滿滿牛肉香，入口令人想一喝再喝。牛肉超級林，尤其係牛筋，有少少彈性，膠質感不錯！不過份量不多，男仔未必夠食鹵水大腸唔算肥美，但幾入味的！鐵觀音珍珠奶茶珍珠細細粒，一咬確係好有彈性！總括來講，可以一試，不過又未至於要排好長龍去再食了！

近年香港人旅遊熱點台灣, 所以香港也有不少台灣食店, 其中一間位於觀塘的台灣過江龍美食-春水堂。我午餐時段來到已經有10多人排隊, 等了20分鐘左右比預期快, 點了基本野試試水準如何, 魯肉飯、功夫麵、盬蘇雞、盬蘇杏鮑菇、珍珠烏龍奶茶、愛玉烏龍茶。魯肉飯有水準保留台灣原味, 肉汁相當香濃, 份量是細碗, 寫名在餐牌上, 價錢也很平。功夫麵一般。盬蘇雞ok但不特出。盬蘇杏鮑菇差勁。珍珠烏龍奶茶和愛玉烏龍茶都好飲。反而服務水準比台灣更好。

今日專登12:00前去apm春水堂食lunch，因為平時過了12:00都會大排長龍，一坐低叫了魯肉飯（小碗），豬手魯肉便當，珍珠鐵觀音奶茶及珍珠苿香奶茶。 魯肉飯（小碗）$28⭐️⭐️⭐️⭐️魯肉肥瘦適中，肉汁用來撈飯美味非常👍🏻豬手魯肉便當$92⭐️⭐️⭐️⭐️豬手炆得好淋好入味，無豬腥味，美味可口，肉質嫩滑。珍珠鐵觀音奶茶$34⭐️⭐️⭐️好香鐵觀音味，甜度適中。珍珠苿香奶茶$34⭐️⭐️⭐️茉香味濃，幼滑可口。值得再試，味道好及價錢可以一個好選擇。回味指數⭐️⭐️⭐️⭐️

絲打相邀，她提議到春水堂吃台式料理。二個女生吃得不多，所以共點了一碗麵、一碟小食及一個甜品分享，再各自一杯飲品。紅燒牛肉麵是半筋半腩的，牛肉腍得來有嚼勁，蕃茄湯底中和了台灣湯麵的甜味，較令人接受。麵條也並非過腍，可謂軟硬適中。黃金香酥雞真的很酥脆，雞肉仍是嫩滑的，除了佐麵外送酒一流。雪糕吐司的麵包烘得脆而不硬，鐵觀音與雪糕、忌廉和糖漿的配合是完美的組合。最上的珍珠粒粒卜卜脆，帶有茶香，更加滋味！之不過食物多美味，我們最欣賞的還是這杯鐵觀音珍珠奶茶！茶香奶滑，甜是甜了些，但連同珍珠一起入口，感覺是喝著另一道甜品！絲打和小人皆給了讚！

豬腳味道濃郁，有一點點花椒味，很香甜美味。估計配素麵應該非常好吃滷肉飯的米飯粒粒飽滿，很好吃，但是滷肉味道普普通通，沒有什麼特色。茶是春水堂的本業，鐵觀音的味道還是很突出的。值得一提的是這裡一個人吃要搭檯，但是安排好像有點刻意要把所有人擠在一起⋯⋯其實花一百幾十又吃又飲，可唔可以安排得好一點呢？我被安排到一張四人檯，一邊是卡位一邊是椅子，由於有一個女士坐在卡位（只喝一杯珍珠奶茶），而隔離檯又離得很近，不方便我坐到卡位，結果我就要全程坐椅子了。其實還有好幾檯空，我之後又只有一個人排隊，有必要這樣嗎？下次一個人就不去了⋯⋯多幾個人就可以去。

今年除夕冇特別節目，去左apm漫無目的咁行，經過春水堂見已經開始排隊，就排定食晚，驚再夜啲唔知等幾耐呀。春水堂係台灣食得多，香港真係第一次，坦白說比預期差，同埋性價比較低。凍鐵觀音珍珠奶茶，冇咩茶味，不過好多珍珠兼好軟熟👍🏻👍🏻熱姜母珍珠奶茶，好香薑味呀，尤其今個除夕凍凍地，飲呢杯野就成個暖哂啦。滷肉飯（小碗）$28一碗，都冇咩期望。都係肉少飯多。不過佢滷肉加咗肉鬆所以比出邊嗰啲較特別。黃金香酥雞，推介！炸到金黃色，一咬啲肉好juicy，兼熱辣辣，正👍🏻👍🏻XO醬辣拌麵，好咸🤭不過啲麵幾彈口兩個人食左$226，唔叫特別貴，不過如非必要...應該冇下次。

2019年最後一天，下午有空想去啲新地方試吓，經過APM見到未食過嘅春水堂，決定排隊一試！排隊都幾耐，差唔多20分鐘，中途想走呀，不過見到啲茶幾香就排下去！坐低左之後叫咗推介嘅紅燒牛肉麵，本身不抱特別期望，因為一般茶店只會重茶不重食物，估唔到麵好滑料多而且好夠味，真係喜出望外！茶方面都幾多選擇，叫咗珍珠鐵觀音奶茶，珍珠細細粒都幾得意，香味俱全，不過我本人覺得茶味唔夠濃，俾d奶蓋過咗。Anyway 下次會早d黎希望唔使排咁耐隊啦⋯⋯