星馬茶室 (形薈) (已結業)

午市有推好多學生餐而且都係40-50蚊，所以lunch都幾多學生我已經不是學生好多年真羡慕有學生餐😂🥹今早食左大早餐，所以吾算好肚餓所以連lunch set都無叫叫左輕食炸魚柳包餐，$35有野飲加多$9有埋魚蛋銀針粉，夠晒數魚柳包好巨型，有菜有蕃茄又有魚柳，仲有好夠量既沙律醬，吾洗加魚蛋銀針粉其實都夠飽。不過我鐘意銀針粉所以加左🥰個湯係味精湯加2粒白魚蛋，$9吾好咁高要求，加小小辣椒油夠晒味，都係食晒！我都係$44食個lunch 😂

去到筲箕灣唔知食乜好，天氣又非常炎熱，於是喺商場餐廳嘆下冷氣食個麵。見到餐廳嘅餐牌有唔少馬來西亞嘅嘢食，例如海南雞飯，海鮮喇沙等等。當日見到唔少食客都有點到林林總總唔同種類嘅食物啊，於是就喺餐牌點咗個午餐，鴨胸喇沙。鴨胸嘅質素當然普普通通，本身都冇咩期望。喇沙湯底嚟講，算係濃味，如果連湯食嘅話可能會有少少過鹹。喇沙就冇乜椰香，有點可惜。至於麵底嚟講，就係摻摻麵底，包括油麵同埋米粉。麵底嘅份量可以話係非常之多，一般人食一個面一定夠飽。午餐飲品加錢，當日點咗鹹檸七，咸檸夠大個，消暑解渴。

午餐時間氣溫有成30幾度，諗住入「形薈」食個晏、歎吓冷氣降降溫。見「星馬茶室」唔係好多人就入。午餐仲好似幾抵食🥢招牌無骨海南雞飯：見好多人點，我跟，雞不過不失，無乜雞味；反而碗飯幾好食🥢馬拉藥材肉骨茶 （可選豬肋排/豬肚/三層肉）：今次我選咗三層肉，但煲到好硬😑；可能無落蒜頭，肉骨茶好淡，無咗那獨特嘅味道；迷你油炸鬼又幾脆喎；再配杯淡淡的新加坡拉茶，夠飽囉！🥪榴槤咖央鮮油多士：套餐+$18可點，榴槤味好香，多士又剛剛烤，好脆，呢個好食😋基本上可接受，但食食吓真係好熱，冷氣唔夠，天花板那風扇又唔開，差啲焗死，唔好慳冷氣錢真係會趕客㗎！

第一次幫襯，今晚去食dinner set，相信亦是最後一次。點咗個喇沙雞翼麵，一送到嚟，聞到一陣好臭好臭嘅臭腳味，聞真啲，原來係個喇沙湯傳出嚟嘅味，算，照食，麵入面夾雜好多斷左既米線，湯又咸又辣，只有雞翼係正常味; 紫菜魚蛋湯係跟餐送既，超級勁勁勁勁勁咸，咸到好似飲緊生抽加鹽湯，嘔呀，紫菜亦都好咸，口感似食膠絲咁，魚蛋正常，但浸過湯都係偏咸，盛惠$62，碗臭腳喇沙麵，我食淨大半碗响度，因為啃唔落。食物味道差，員工態度正常，落單到送單都算快，可能冇乜人。

第1次來這裡。。。看見没有什麼客人。就入來食個午餐。。。地方夠大。冷氣普通。服務更加普通。点了一個魚蛋粉+雞亦套餐。雞亦是不熟。湯粉完全沒味道。哂了我的金錢及時間

第一次叫星馬,自取, 一早落車前已禁定去到已經係收銀位放住,自己拎走時店員亦冇多問順便望一眼餐廳內係極少人,所以本身期望不大叫左海南雞(跟湯)+咖央班蘭多士海南雞($63) - 無骨滑既,5-6件左右, 有比埋3盒仔醬汁都係正路野,醬油&辣醬&蒜蓉飯就唔係普通油飯,入味既但同平時果種不同,唔會太油BUT香整體唔錯, 連埋碗湯就幾抵食咖央($22) - 多士就好食既,切開5件但唔係我既重點所以唔多講整體價錢合理,咁當然都有其他平D既選擇

今天放假,很久沒有和媽咪食下午茶,她說筲箕灣形薈商場有很多餐廳,見到有一間星馬菜式餐廳,便入去試一試,正好下午茶時段,十分經濟實惠,我點了我最愛的印尼炒飯,媽咪則是架央多士.但食物不是十分熱,拉茶味道亦十分一般.但最後我們二人食了不用一百用,在現今香港確實十分經濟,如果食物質素再提升必定生意興隆.門店裝修十分有東南亞特式味道不錯 份量亦十分重夠,可惜不夠熱度最可惜是這杯拉茶,茶老苦味,亦不是真正星馬拉茶用鍊奶做,口感實属一般.

前幾日唔想去太遠，就去左筲箕灣地鐵站附近呢幢新樓-形薈入面呢間［星馬茶室］。當日我同朋友兩個人到餐廳之後，原先安排我地坐係廚房出餐附近嘅位，但由於店員要求我朋友坐入啲，因為我地張枱同後面卡位好近，坐係通道嘅話就要推好入張凳，變相坐得好迫，最後我地轉移到店舖右手邊圓枱。雖然圓枱寬闊，但變相冇冷氣，一邊食一邊滴晒汗，特別而家每日都30度左右。講返食物，我地叫左兩個小食同兩個餐，再加個肉骨茶。由好食開始講，#1 加13蚊嘅肉骨茶個人覺得肉骨茶味道好夠，唔淡，不過裡面湯渣好少，得豆卜一舊，一舊肉同一堆杞子。鐘意飲肉骨茶嘅可以一試。#2 D24榴槤炸彈本身當店員放係我面前，我抱住好難食嘅感覺。但冇諗過好重榴槤味，雖然外面炸到好乾好燶，但入面仲係好流質嘅榴槤餡，留意返18蚊兩粒係唔會有榴槤肉係入面。但朋友一咬開已經聞到一陣榴槤味，好香，當然我都有食埋一份由第3位開始，已是不太推薦系列。#3 老鼠粉店員擺低之後第一句就係叫我撈左個蛋黃先，撈完個粉有蛋花咁。我有個貼切形容，呢個粉似茶記嘅乾炒牛河個河底，即係得豉油味嘅老鼠粉。裡面有花生，好咸嘅乾魚仔，少量蝦仁，食落好似冇咩餸配襯。呢個粉

沒有自助下單 但早餐有A+B 多選擇極易出錯今次肉骨茶淡如水 連咸味都沒有平時我都唔係食好重味 煎蛋嘅普通不過上餐速度一流 服務都ok朱古力多士 第二次食 都係好乾今次叫多醬 都係一樣乾到要浸拉茶反而普通多士 完全冇問題 （如果有）下次都係唔好加朱古力多士香茅豬扒都唔錯嘅 拉茶味道一般 算可接受總體 一般 可能都係試第二間早餐短期內都唔會再食第一次寫好評 喺呢第一次寫中（偏負）評 都係呢間 餐廳真係要諗下點改善員工太忙 聽到話12點早餐都未食😅

臨近新年，準備去筲箕灣買啲花過年！行到餓餓地，梗係要坐低唞一唞，食啲嘢啦！見到呢間舖頭有下午茶，，仲有人等位，應該都唔會太差吖！所以都決定排隊等下啦！因為媽咪啱啱食完飯佢唔肚餓，但又冇理由叫一份下午茶咁樣衰㗎！所以都揀左兩份細細地嘅！一個魚蛋銀針粉拼班蘭多士，同埋一個鴨絲燕餃米線🍜飲品呢就叫咗桔仔🍊冬瓜茶檸檬🍋薏米水！食物份量一啲都唔少！班蘭多士好好食，外面好香脆，班蘭醬亦塗得剛剛好，不多亦不少！至於鴨絲燕餃米線就一般啦！米線過稔，失去口感！不過價錢相宜，食物質素同份量絕對對得住呢個價錢！而且店舖幾乾淨，真係唔錯！

總體唔錯速度服務態度良好食物價錢算抵A＋B呢個諗法幾好雖然對於落單 同製作成本增加但有得揀呢個係好難得衞生感覺唔錯肉骨茶幾好 拉茶好過好多餐廳奶茶支持多種支付係位置唔係大街但我覺得唔係問題又唔洗排隊希望疫情之下支持得住問題係信號較差 要用WIFI WIFI上到網嘅

近日試試筲箕灣較新既場——形薈食lunch，泊好車後上到G/F，見呢間餐廳幾乾淨企理，價錢唔算貴，就決定試下呢間星馬茶室。首先黎個新加坡喇沙摻摻，食材有魚蛋、魚片、蟹柳、魷魚、蝦、豆卜，湯底幾濃同埋辣，食落好暖胃。跟住有蝦頭膏櫻花蝦炒飯，鍋氣足夠，有中蝦、魷魚粒，雖然食材唔算特別，但調味唔錯，份量都夠飽。跟餐飲點咗杯凍拉茶，略為少咗奶，味道似普通凍奶茶，如果再滑啲就好了。上菜速度快，適合要速食或者返工人士！

I have ordered a chicken rice without bones, but when I got it, the chicken had bones and the chicken are not enough. I also order a fried rice with chicken skewers. The fried rice only have four shrimps, without any meat or vegetables. The fried rice was not good. I highly not recommend you to eat at here.

形薈商場細細，但開了差不多十間各式各樣的食肆。同太太經開筲箕灣，食個快餐，揀咗呢度。順帶一提，呢度前身係楚留香酒樓，我讀書時仲喺酒樓做過暑期工，而家已經面目全非。喇沙摻摻，兩種麵底溝埋，湯底香濃。配料普通的冰鮮蝦，蟹柳、魚片等等。不過$65連凍飲都OK啦。海南雞飯拼肉骨茶，海南鷄質素不錯，皮好薄，配三種醬料。肉骨茶細細碗，但湯如果能再熱啲便更好。餐廳用餐環境舒適，座位闊落，食物價錢不貴，性價比不錯。

臨時被朋友約在公司附近食飯，我通常都會選擇去形薈，新商場新餐廳，今次我揀咗呢個星馬菜為主的茶餐廳收費與大眾茶餐廳沒有什麼分別，但我睇中的是佢其中一個套餐，包括海南雞、有飯及肉骨茶，通通是我的至愛事實上，海南雞的份量並不多，但每一件雞皮都是爽，雞肉亂畫，吃下去的味道很不錯，大大碗油飯令我吃得非常滿足，另外，肉骨茶的味道唔夠龍，行燈相宜，入邊仲有兩件排骨，我覺得都幾抵食總括而言，環境上算舒適，可能新開嘅關係，在座食客並不多，我同朋友仲可以坐卡位添，唔錯架！