星馬茶室 (形薈) (已結業)

去到筲箕灣唔知食乜好，天氣又非常炎熱，於是喺商場餐廳嘆下冷氣食個麵。見到餐廳嘅餐牌有唔少馬來西亞嘅嘢食，例如海南雞飯，海鮮喇沙等等。當日見到唔少食客都有點到林林總總唔同種類嘅食物啊，於是就喺餐牌點咗個午餐，鴨胸喇沙。鴨胸嘅質素當然普普通通，本身都冇咩期望。喇沙湯底嚟講，算係濃味，如果連湯食嘅話可能會有少少過鹹。喇沙就冇乜椰香，有點可惜。至於麵底嚟講，就係摻摻麵底，包括油麵同埋米粉。麵底嘅份量可以話係非常之多，一般人食一個面一定夠飽。午餐飲品加錢，當日點咗鹹檸七，咸檸夠大個，消暑解渴。