星馬茶室 (形薈) (已結業)

午餐時間氣溫有成30幾度，諗住入「形薈」食個晏、歎吓冷氣降降溫。見「星馬茶室」唔係好多人就入。午餐仲好似幾抵食🥢招牌無骨海南雞飯：見好多人點，我跟，雞不過不失，無乜雞味；反而碗飯幾好食🥢馬拉藥材肉骨茶 （可選豬肋排/豬肚/三層肉）：今次我選咗三層肉，但煲到好硬😑；可能無落蒜頭，肉骨茶好淡，無咗那獨特嘅味道；迷你油炸鬼又幾脆喎；再配杯淡淡的新加坡拉茶，夠飽囉！🥪榴槤咖央鮮油多士：套餐+$18可點，榴槤味好香，多士又剛剛烤，好脆，呢個好食😋基本上可接受，但食食吓真係好熱，冷氣唔夠，天花板那風扇又唔開，差啲焗死，唔好慳冷氣錢真係會趕客㗎！