星馬茶室 (形薈) (已結業)

臨近新年，準備去筲箕灣買啲花過年！行到餓餓地，梗係要坐低唞一唞，食啲嘢啦！見到呢間舖頭有下午茶，，仲有人等位，應該都唔會太差吖！所以都決定排隊等下啦！因為媽咪啱啱食完飯佢唔肚餓，但又冇理由叫一份下午茶咁樣衰㗎！所以都揀左兩份細細地嘅！一個魚蛋銀針粉拼班蘭多士，同埋一個鴨絲燕餃米線🍜飲品呢就叫咗桔仔🍊冬瓜茶檸檬🍋薏米水！食物份量一啲都唔少！班蘭多士好好食，外面好香脆，班蘭醬亦塗得剛剛好，不多亦不少！至於鴨絲燕餃米線就一般啦！米線過稔，失去口感！不過價錢相宜，食物質素同份量絕對對得住呢個價錢！而且店舖幾乾淨，真係唔錯！