星海．譽宴 (鱷魚恤中心)

營業中

休息中

周六中午，觀塘一帶人流如鯽，零售市道似乎不錯。中午時份，開餐之時，這次到了鱷魚恤大廈的譽宴。由於時為父親節前夕，譽宴推出了特別限定餐牌，其實兩個字可以描述整個餐牌 - 加價 （兩日咁多）。雖然加了價，但仍有不少孝子賢孫與長輩們飲茶，可見香港有不少孝順仔女。譽宴點心保持一貫水平，味道對板，而且吃得飽，算是不錯了！如非父親節加了價，性價比會高一點。不過，父親節一年一度，而且關注度一向不及母親節。所以，貴點就貴點吧，最緊要大家開心，開開心心過節！

由於要約齊兩家人非常困難,幾經波折終於係5月尾補食到母親節飯😂今次第一次去觀塘呢間譽宴食晚飯, 揀呢度係因為之前幾日下午茶食過都覺得唔錯, 地點又近我地所有人👍我地一行7個人點左半席龍蝦晚宴另加一隻燒鵝😋, d食物唔錯, 服務都好好, 而且平日人唔多d菜唔急住上, 唯一美中不足係逐個侍應都會過黎問你買唔買糭, 有少少煩🙈燒鵝唔貴, 仲要大大隻👍個湯同例牌野唔同, 讚👍龍蝦唔錯, 不過同平時一樣, 我地都係清哂d麵先😂

一聽到譽宴第一時間就諗到電視播既洗腦廣告，個句宣傳口號“擺酒黎譽宴！ 屋企每逢星期日多數都係家庭日，今日就一早出去攞位飲茶，都唔洗等好耐，15分鐘到就有位！依間譽宴點心款式都幾多，坐得幾舒服，茶水夠熱，服務都幾有禮貌，唔錯！麻辣口水雞， 可能酒樓客路層面太廣，所以為左迎合大眾口味，唔會太麻太辣，依到既麻辣口水雞好香好野味，雞肉嫩滑！西生菜，烚好既菜倒上生油，配上甜豉油，平時係屋企烚菜都係用依個方法！菜苗餃，要趁熱食，如果唔係餃皮會變硬，影響口感！餡料有豆苗同帶子，真材實料包到脹卜卜！雞扎，飲茶必食點心之一！皮蛋廋肉粥，煲得幾綿幾入味！

今早去了這家酒樓飲茶，食物還可以，但待應態度一落千丈！今天是閒日（星期三）又不是公衆假期，攞位之後一直等待應執枱，那些待應亞姐＂黑口黑面＂，扮作聽不見，看不到。我們等了15分鐘才走過來把之前客人吃剩食物、茶具清走。跟著那位亞姐仲不停向我們說，＂我好忙吖，做極都做唔哂，你們唔好話我⋯！＂我簡直O哂嘴，我和家人一句也沒說她不是，她已經＂先落一個下馬威＂叫客人將就吓，我直頭想問她，如果茶客多，她不滿意，她可以叫她老板執咗間酒樓，她也可以日日在家，不用上班。客人來吃飯，不是吃她的黑面色！這個年頭誰人上班不用受氣就月月準時拿薪水回家？！＂不僅服務性行業受氣，返office 工都要受氣㗎…亞姐！＂最後，點心落單和茶壼加水佢都扮睇唔到，要我自己遞給服務台，這樣服務態度真係奇差。她們跟本不在意你投訴，總之一臉＂懶埋你＂態度，直行直過！

星期五晚在譽宴吃飯，點套餐，每碟菜都好大份，味道也不差，價錢還不算很貴，值得一試。我覺得套餐裡面的蘑菇忌廉汁焗龍蝦，風味拼盤，同埋燒飯呢三樣最（圖為當晚吃飯點的套餐）

中秋家族歡聚餐, 長輩選擇在這酒樓訂了位飲中午茶。  一行十四人浩浩蕩蕩的走到鱷魚恤中心2樓, 在候檯處已站了很多客人在等檯等叫號碼, 連室內也坐滿大小圍的茶客, 非常熱鬧； 除了主要通道外, 椅背與椅背的距離是不足10cm。蝦餃一籠四隻，餃皮有點厚身，吃著帶煙韌口感，蝦餃餡內蝦肉爽脆，荀粒、豬肥肉樣樣有一些。燒賣又是一籠四隻，黃色燒賣皮滑溜，包著帶筋性的肉球，配合頂上爽口蝦肉，層次口感美味！山竹牛肉球最重要是沒有鹼水味，吃著不過腍，有馬蹄有芫荽香。春風得意腸可算是全餐中一致認為最好吃，腸皮粉包著脆而不油的油條，油條內釀有彈牙蝦膠，一啖放入口，多重口感但又不會滿口油。雜果船最重要是不油兼脆脆，雖然味道分明但是坊間有很多酒樓也沒有做這個了！乾炒牛河的碟底，剩下的油不算多，炒河條條上色，沒有碎斷也沒有黏成厚塊，我家某親戚極度喜歡吃這碟。

週末又係同屋企人飲茶時候，譽宴我地去過好多次，因為野食好新鮮，地方寛敞，服務唔錯，講番食物，佢全部即叫即蒸，夠晒新鮮，至於我最鍾意食佢腸粉，皮薄餡靚，牛肉嫩口多汁，肉味濃厚，加上芫茜，好清香，至於炒野夠晒鍋氣，我會食蝦仁炒飯，蛋汁包住粒粒飽滿大米，成碟飯炒得香口乾身，唔會食完成口油，有時會有新款點心，味道很好!

我媽媽是“有飯主婦”，煮得一手好菜，所以整家人都經常回家吃飯。但最近哥哥看報紙見到譽宴正推出的芝士焗龍蝦很吸引，便提意一家人外出試食~本身Book 左8點半，去到原本都係要等。店員解釋因為未有枱埋單，而佢地吾會限時要客人交枱，所以我地Book左都係要等主角終於上枱。芝士極足料，面上有微焦，而大部分芝士則於底部。芝士焗龍蝦正做推廣，~$100/隻，而且數量任叫。龍蝦肉質本身已經香甜，非常新鮮。配上焦香的芝士，口感及味道更豐富。各人嚐了，都十分滿意，只是女士剝殼有點麻煩~泡椒豬手點上酸甜汁，味道更清新。豬手的質感QQ的，微辣，非常好食~海鮮菜煲非常夠熱。湯汁微甜。糯米蟹一上枱已很香，熱騰騰。有成隻蟹。蟹肉肥厚，見圖。飯好香，比較濕軟，吾會好粘最後的紅豆沙有驚喜~! 原粒紅豆，比一般紅豆略大。吾會好甜，自然的紅豆味。煮到起沙，質感一流。正~! 值得推介環境比一般酒樓優美，仲有魚缸。 

一家大細去飲茶，唔想去咁遠就去鱷魚恤中心啦去都1點7個字，見到未人齊，咁就等兩點下午茶先入座了煎腸粉~~~夠熱，煎得好香脆，腸粉的夠滑炸雲吞~~~炸得好香好脆，雖然入面的餡料少到好似冇蛋散~~~香甜味美，蛋散夠鬆這不是春卷~~~這是什麼，其實只是係長條形春卷囉！有一點不好就係D油滴哂落底，浸住春卷，好油呢！叉燒腸粉~~~腸粉夠滑，味道GOOD粉果~~~皮有點厚，不過不失啦鮮竹卷~~~用湯浸住令腐皮好滑滑雞包仔~~~OK咁啦千層馬拉糕~~~唔夠鬆軟，太甜了豉汁鳳爪~~~好味薑葱牛拍頁~~~用豆卜墊底，牛拍頁吸引哂D汁，NICE整體不過不失咁啦！不過枱與枱真係太貼了

因為舊同事介紹，來了這裡飲茶好體貼的他們已經一早來了找位子兼落order一到我就有野食了~基本上點心做得蠻不錯炸豆腐粒超脆口既外表內裡係嫩滑得很既豆腐雪山叉燒包一咬即脆既外層入面又係熱辣辣既叉燒最特別仲有壽包挺大個的耶蓮蓉超滑身，又有蓮子香最鍾意個包，蒸到辣身更有味道

星期一夜晚唔使等位，環境唔錯，都合適一家人去食，不過份量一般般。我地3個人，好多優惠只有一半份量，例如半隻片皮鴨等等。價錢就無少到。份量以3個人來講，我地唔算食得多，都要加飯先得。

食物質素一般~但服務態度真係難以接受!竟然剛食完野，就有個"知客"問: 野食都齊啦?埋單啦~有人等緊你張檯!完全唔明點解可以咁囉？一食完就要埋單走？飲埋杯茶都唔得？應該無咩機會再幫襯~

無記錯嘅話，上次去食生日飲茶飯應該係上年１２月果次喇，之後公司係節日期間都有去飲茶Lunch食做節飯嘅，不過次次都係去「XX王」食，其實質素已經好一般，又唔再抵食咯，所以今次阿頭就提議去鱷魚恤中心2樓嘅＜譽宴﹣新世代婚宴專家＞，佢食過話ＯＫ喎，就去試吓啦。第一次上鱷魚恤中心飲茶，因為呢到有好多間都係for擺婚宴嘅，相信裝璜應該會唔錯，上到去＜譽宴＞裡面四四方方，樓底高好光猛亦有天然光照入，枱與枱之間空間足唔迫，最側邊又有個長長的珊瑚缸，環境都很好。　我不嬲都唔飲茶呢，見到張點心紙咁多選擇都幾難Click要乜野呀，記得同事一定食蝦餃鳳爪燒賣.....，就Click咗呢幾款先啦，之後點咗最抵食原價係頂點的<蝦餃之王>$16兩籠，其餘嘅當然係正價啦，叫完點心後，因為同事極力推介一款脆脆麵+肉絲喎，睇過餐牌後原來係另外一張套餐的餐牌，有幾Ａ與Ｂ款揀，點咗咁多點心，當然只揀Ａ款最少野食嘅套餐啦，主要都係食脆脆麵，同埋點了佢地都鍾意食的雪山飽。① 蝦餃之王 (頂) x 2② 春風得意腸 (大)③ 白灼田園時蔬 (廚小)④ 沙嗲金錢肚 (大)⑤ 醬皇蒸鳳爪 (中)⑥ 上湯鮮竹卷 (中

這酒樓的服務真的如樓下食家說的超差!9月13日打電話去訂14日早茶6位，很多酒樓也老實的說公眾假期不設訂位，但這家說沒問題。到達後取位，才說沒空檯，等一下有人結帳就會馬上安排。在等候的35分鐘期間很多遲來沒訂位的2人檯及4-5人檯也有位，問了知客姐姐很多次也說等等，又說訂了檯也要等，但熟客就可打尖，深感被騙。最後要大罵才給我們檯，經理很努力，但一個壞知客已經叫人對整間酒樓人反感。全程只吃點心，味度不差，腸粉已切成小件，方便。蝦餃皮比較差，很淋，唔彈牙。最大好處是所有點心都不油膩，最適合怕肥的人。價錢不算平宜，等位又難，應該不會再去了。

平時上班會帶飯,因為觀塘搵食都幾困難,人又多,價錢都唔平三、四十蚊閒閒哋.今次要歡送一個同事,去咗譽宴飲茶,未訂位之前我上嚟OPENRICE睇下D食家點寫佢.食評麻麻咋喎!但有同事話食過都OK架!咁就訂位試下喇!我早小小出門口去攞位先,到咗地下大堂等升降機超多人,上到譽宴竟然無人等位喎,同知客講我訂咗位,佢話未有位叫我等等.係我後面有幾位OL無訂位,點解個知客就話:「5位要等好耐架喎!我哋會先安排訂咗位既客人先入坐架!」都差唔一點鐘喇!我見四野無人,都無人係度等位,點解會話要等好耐呢?當我諗緊呢句話既時候,說時遲那時快我就有位喇!原本係我後面個幾位OL都有位喇! 其實我坐既位置係可以清楚望到知客同埋見到有冇人等緊位.但一直未見人潮.同事陸續嚟到,有位同事今日好想食义燒飯,但點心紙上無,於是就同一位年青既服務生講要加一碗义燒飯.等咗十分鐘點心同埋粉麵都陸續上枱,傳菜既嬸嬸唔理三七二十一就放係枱上,然後就離開.大家都趕快消滅枱上食物,好讓後上既食物可以有位置放.义燒飯遲遲都未到,第一次向男服務生追,再等咗十分鐘,再向女服務生追,女服務生返嚟講係早十分鐘前先落單,要再等等添..... 期待已