星海．譽宴 (鱷魚恤中心)

營業中

休息中

阿里出嫁了！恭喜晒飲多杯食多件招呼唔到。菜單比平時豐富高檔喎，多謝款待，值回票價。鴻運慶金豬全體、甜蜜彩虹海中寶、鴛鴦元貝雙翡翠、黃金百花炸釀蟹鉗、銀湖雞蓉燴燕液、蠔皇生扣南非鮮鮑魚、清蒸深海龍躉、當紅脆皮燒雞、瑤柱蛋白炒飯、鮑汁炆伊麵、百年好合、甜甜蜜蜜。場地放得酒席密麻麻，通通非常狹窄，幸好樓底夠高能夠舒緩一下。都是各路朋友們湊在一起，好采席上還有一位認識的。水仙，我是要鐵觀音的，雖然大家都係綠茶，硬係差少少，香氣味道還滿意。鴻運慶金豬全體，經過一大輪流程，奏樂、播片、進場、演講、切糕、咀咀後，第一道菜終於出現，餓死寶寶咯。色香味質素不似預期。肥騰騰，豬皮一咬粉碎，瘦肉滑但咸味強烈，落幾滴乳豬醬都不能起死回生。我都係食燒豬仔腳好過，雖然外皮嚥韌，不過肉味鮮甜，嫩過多汁，好味百倍。甜蜜彩虹海中寶，桂花蚌、珊瑚蚌、蝦球炒蜜糖豆。整體味道蠻使人喜歡，最敝而放涼接近室溫，沒有半點的鑊氣，依家食沙律咩？桂花蚌灰暗色的邊皮腍劈劈，珊瑚蚌鮮爽甜美，蝦球結實咸味稍濃，幸好襯托著爽甜蜜糖豆，頓時變得美味。鴛鴦元貝雙翡翠，用貝柱仔可能不想比起草菇太過突出，如換上帶子就更皆大歡喜，食得更開心。大量香濃瑤

來過兩次飲下午茶，都幾多人，要等位。甜品方面特別推薦呢到既蘆薈桂花果凍，唔會太甜，好清香，加埋蘆薈粒好正。另外仲有個士多啤梨桂花糕，幾特別幾好食，值得一試。另外叫左其他野食，冇一一影低，但當中有我鍾意食既七味豆腐粒，唔錯。仲有黃色果籠野唔記得係咪叫黃金馬拉糕，總之好好食燒賣/蝦米腸/叉燒包等等都係正常水準，冇咩特別。另外有個幾特別既，叫春風得意腸，不過我冇影低，但都幾好食。最後想講既係，侍應服務一般，而且有次我想叫罐可樂，問佢地幾錢，佢地唔知，答我同啲點心一樣，但點心都有好多款價錢架嘛。。最後埋單先知成16蚊。我地下午茶兩個人食，兩次都要200頭，有點貴

今日同老公去呢間試吓，帶位安排我哋坐擺放碗碟嘅門口，佢哋擺碗碟係超大聲，我前面有一張枱係無人坐，所以我向侍應要求轉另一張枱，位侍應態度懶懶散散，佢叫我自己去睇吓邊張枱唔嘈，我只係想轉前面張枱啫，呢間唔會再有下次

服務態度超差昨晚百日宴擺了15圍，侍應態度超差，一般酒樓水準都無。蛋糕都唔同我雪，攪到個蛋糕溶溶地，想影耐d相都唔得，叫侍應叫收麻雀枱都唔做，攪到賓客無位坐，主場經理都唔同我溝通，完全無話我知可以搵邊個😡😡😡絕對無下次勸喻大家無需要去幫襯佢，仲要話有10人侍應招呼，根本就無咁多人個個都係到行行企企，同佢講野要鬧交咁，仲係到鬧我d賓客超級無禮貌 經理差，服務差，招呼差，一句講晒完全不能接受。。。

差到爆，叫乜無乜，等甘耐，同我講乜都無！服務態度差到。。。我都唔想講又話燒味個咿乜都無，小籠包，鳳爪，豬手，掌翼豬腳，燒腩肉乜都無，基本張紙上差吾多乜都無，12樣食品得2樣係有，我都無野好講。。。

假期更係要一家人去飲茶啦。平日老人家飲開呢間話呢間好食又抵食，所以就陪下佢地黎飲茶。老人家唔食得多，叫個點心拼盤就最啱，款式多又每樣兩件，一定食得晒唔浪費。飲茶煎蘿蔔糕同鮮蝦腸粉唔少得 蘿蔔糕熱辣辣。腸粉仲勁，粒粒蝦大細一致，望落好精緻，食落亦彈牙，證明新鮮。我就鐘意香口野，要食脆炸魷魚鬚🦑不過得喼汁無焦鹽，令到魷魚鬚炸皮濕左變腍，無咁好食。雞扎係全家至愛。呢度雞扎既綿花魚肚大大舊，雪白軟綿。不過我要求高，覺得如果佢有埋舊芋頭就好啦😆最後追加左個甜果小老鼠，即係外形趣緻糯米滋，裏面包滿暖甜既新鮮蘋果醬溶，甜度剛剛好，食完好滿足。😊環境一睇就知有搵室內設計師做branding，以深海做主題，天花板既燈都特別訂製，令成個場好grand，方便夜晚做埋婚宴。晏晝就已經似夜晚去飲咁，仲唔開心咩😂

一行七大一細，正月十五同媽媽慶生，因小女生翌日返學，所以近到附近的中菜餐吃飯。當晚有公司聚餐，只有數張大枱，好彩提早訂座，否則撲個空。見到單張上推介虎蝦海鮮全包宴，$1068半席(共十個餸菜)，價錢實惠，當然不妨試試。因為有8人，所以再加多兩個前菜和兩個小菜。高湯焗大虎蝦伴稻庭烏冬虎蝦爽口，加入高湯的烏冬，味濃而不膩。乳豬拼盤堂剪脆烤皇子豬，皮烤得很香脆碧綠鮑汁金錢海螺片花菇很香很厚肉啊！杞香鮑汁雲英雞雞皮和雞肉都很嫩滑清蒸海斑蒸得剛好花膠海皇桃脂燕液桃脂原來是桃膠，足料好吃啊！日式米網百花酥黑松露爆醬海中寶閩南糯米飯海鮮燴推廣價$148糯米飯很軟糯，吸收了海鮮的鮮味，更覺好味！菠蘿咕嚕肉 $108外表香脆肉質juicy 的菠蘿咕嚕肉 ，酸甜味道恰到好處。套餐中的甜品，桂花糕及椰汁糕，外貌精緻，甜度適中。白果薏米腐竹糖水豆味香濃，十分幼滑，滋陰養顏抗衰老，總括來說，整體的味道不錯，環境舒適，唯獨上菜速度快了一點吧！下次會再來！

今午二時去飲下午茶, 等候不是太久,很快有位。環境裝修好靚,好高级。點心好好味, 熱騰騰,肯定即叫即蒸,個蟹粉小籠包好好味。 價錢ok。睇見的相,已覺好好味係唔係?可惜晚上有婚宴，三時半就要走啦!

同學回港，難得有機會可以約齊一班中學死黨 聚舊，訂了觀塘譽宴、星海。假日外出食飯緊張， 要分2個時段，6 - 8 pm or 8 點之後， 搵食艱難，都無辦法啦，只有假日人齊，平日各有各忙！入到去，個個都話好靚， 環境設計夢幻浪漫， 藍色燈光反射在白色花瓣水晶燈， 猶如在深海中，感覺寧靜，中式酒樓鮮有這般西方設計，very good 餐前小食叫了京式素鵝碟身好長， 估唔到份量咁大， 腐皮炸得鬆脆， 餡料有冬菇、竹筍 、紅蘿蔔絲， 非常可口。清蒸沙巴躉略嫌蒸 over 左， 但魚都新鮮濃湯雞煲花膠雞湯味濃， 花膠腍身， 湯面上浮起一片膠質，非常滋補藍莓一口骨肉排先炸後加上藍莓醬汁 ，一個新的嘗試， 食落唔差， 況且藍莓補眼。名門帝皇蝦球買相cute, 好似分比小朋友每人一湯匙, 蝦球下面放了一小片菠蘿, 酸酸甜甜, 加上蝦球大多汁, 好醒胃 上湯時蔬秋冬季節是豆苗的上場時候， 豆苗配上湯最適合，清清淡淡， 健康又好食。可惜有時間限制，未能多坐，但能在設計好似西式餐廳食中菜，感覺良好！

觀塘 譽宴·星海鳯梨甜心老鼠仔🐭好像真❤️真係一隻好可愛既老鼠仔喲❤️糯米皮暖暖的，包住好似鳯梨酥既鳳梨饀🍍做甜品唔錯架🤣😋😚

星期六11點幾黎到飲中午茶，星期六日公眾假期的中午飲茶價錢幾乎係最貴。食左個蝦腸，皮薄又滑，好食！一個咩菇鮮竹卷， 菇味鮮美，腐皮薄，好食一個雙拼燒味飯，油雞拼燒肉，份量較少，味道正常，燒肉好細粒2粒蟹粉小籠包， 好食，但一粒要28蚊仲有一樣食物，但忘記左食過啲咩兩人飲茶包茶介加一 一共食左200蚊價錢黎講算貴，好彩佢食物有質素裝修方面保留番個魚缸 同埋因爲係婚宴場地，多左啲花牆設計在室內同露天都靚既，裝飾左環境自然好左

應要求落訂金，但是去到留座亦要等一小時以上。如果係咪都要等位，就吾好要求客人比訂金。浪費人的時間。要第一輪食完才可以。浪費時間😡😡😡食物質素又差,花膠似豬皮，又碎又少。乳豬好肥😓。人手吾夠，單又亂。有些餸菜黎完一次又再送來，有些餸又無黎😂吹單就成半小時才再有。最後結帳都係要等.等.等。因為有些員工已經下班喎，人手唔夠。一定吾會再黎😞😡

今天我又和我老母大人飲茶 去了譽宴～上午12點前下單都有特價點心其實好大份亦好平我叫了蟹籽燒賣王（中下）＄8．8懷舊春蛋燒賣（中下)＄8．8蟲草老棉花雞（因為本人本来就不太愛吃棉花雞⋯再加上它的味道⋯⋯我只可以說：難食！)＄10．8牛肉球味道不錯，以＄9．8來說好抵食，再叫了＄22．8的皮蛋瘦肉粥＋豉汁蒸鳳爪粥棉好吃，真的是有米粥鳳爪味道不錯再＄36春風得意腸（好好味）雖然大部分點心好一般，但都不失為一個飲茶好去處我下次叫個春風得意腸+牛肉球+粥的話，如果細食小小都夠飽了

星期日難得早起身，陪下屋企人出街飲個茶都好，搞搞下十二點先出到觀塘，就快手快腳簡左呢間喇。好好彩地，只係等左五分鐘就有得入去喇！落左單，又係等左五分鐘左右，啲野食都開始黎了！可能係午市關係啦，啲野食都準備好哂，費事要客人等丫嘛total埋單四百幾，每人都係百零蚊，做孝子既梗係自己俾哂啦！唔經唔覺坐左兩個鐘，雖然坐啲位有點迫 （感覺呢張枱係夾硬加落去既）但野食都ok, 下次可以再黎試過丫！當然希望下次會更好食啦！

今日同屋企人慶祝生日，見有團購劵四人套餐$498有鮑魚花膠又有燕窩幾抵食就去試吓。全個套餐包4餸1湯羹1甜品同4罐汽水或啤酒。叉燒皇有驚喜，肉質夠厚夠juicy，肥瘦適中。金湯蟹肉燴燕液清清甜甜幾順口，唔錯蝦球同清蒸沙巴龍躉斑就普通（唔記得影條魚）至於個雞煲，主菜鮑魚同花膠都好稔夠入味，菇仔同薑都好好味，唯獨雞肉較遜色，肉質唔滑鞋口。另叫白飯一碗，埋單加收茶芥加一，每人$160，算係唔錯抵食。侍應都無因為你用團購劵白鴿眼，服務都ok。唯獨當晚有人包半場（有房），但開咪講嘢時個喇叭全場人都聽到，但無職員去理。