星海．譽宴 (鱷魚恤中心)

營業中

休息中

老人家生日飯帶佢去茶樓就最適合不過。🥢 黑蒜螺頭燉雞湯🥢 呢個黑蒜既味獨特到搵唔到野形容，好飲而且好健康。🥢 招牌胡椒蟹🥢 有冇搞錯? 晚市$298仲平過午市$468肉蟹係經油炸過，粉漿包裹肉蟹，索汁入味，第一入口你會食到淡淡既胡椒味，唔會好搶，食到肉就鮮甜。🥢 杭州香醋一口骨🥢 醬汁收到好稠密包裹住每件排骨，油炸過既排骨皮脆，甜中帶甘，上面一絲絲既係果皮。🥢 黑椒金薯牛仔粒🥢 有肉味又好有黑椒味既牛仔粒，配角薯仔炸到好香口但係太細年，呢到仲加左菇菌粒，好似食肉既口感，爽口多汁。🥢脆皮燒乳鴿🥢 乳鴿切半，手撕食就最正，D油順住手落，皮脆肉嫩多汁Juicy。🥢 乾隆石鍋炒飯🥢 呢個飯又多又簡單又好食，主要係佢個飯米做到煙韌乾爽，調味唔花巧帶出青蔥香味。

總結1. 超超超expectation嘅酒樓全包宴！一路食一邊讚👍🏻👍🏻2. 完全冇諗過好食 所以冇影相 食到最後真係覺得欠佢一個好評3. 味味餸都熱到出煙 即叫即做同老人家食 初初諗住係鱷魚恤求其搵間酒樓 見得呢一間有好評（雖然都好耐之前🤣）真係喜出望外 人人讚好叫左白胡椒蟹套餐 八餸包飲品茶芥 未計加一肉蟹唔霉 胡椒惹味黑蒜湯有藥材味 唔啱我口味鮑魚同蒸魚豉油調得好 帶出鮮味炒飯用瓦煲上 有飯焦 有驚喜一定有下次！

好耐都冇同呀媽嘆茶，今日就嚟到鱷魚恤中心搵咗間酒樓食天花有深淺紫色舖成嘅燈，好夢幻點心拼盤-兩個人叫每人一件剛好，有酒樓必食嘅蝦餃同燒賣，仲有白糖糕同粉果，蝦餃整得晶瑩剔透，白糖糕甜度啱啱好沙拉蝦球-好有驚喜！每舊蝦都好大粒夠爽口彈牙，炸粉唔會好厚，加上甜甜哋嘅沙拉醬真係忍唔到口脆皮燒乳鴿-外脆內軟，肉質唔會榎，慢慢食好滋味家常燒豆腐-有豆腐、雲耳、肉絲同菇，豆腐索曬啲汁唔錯，而個汁有啲啲辣更香口黃金海皇炒飯-飯炒得粒粒分明好有鑊氣，除咗彈牙蝦粒外仲有鹹蛋嘅咸香味，正！紅豆沙-好香陳皮紅豆味，起沙得嚟又食到粒粒紅豆，但個人覺得偏甜

今日又喺觀塘行咗一日，不過今日係同屋企人行。自然晚黑係食中餐！黑蒜螺頭燉雞湯原粒黑蒜，算味十足，未開蓋已經聞到蒜香！黑蒜帶甜香！整個湯都係蒜嘅甜味，螺頭一咬都鮮！都唔算燒味拼盤就叫左叉燒、白切雞、燒鵝同埋海蜇叉燒半肥瘦，好實淨同埋唔會燒到有黑位。白切雞係雞翼同埋雞胸位，雞胸我麻麻地，不過妹妹鐘意。燒鵝皮都脆，酸梅醬get！白胡椒蟹超級好食，唔辣但夠香！男女老少都食到！抗疫價$298超級無敵抵！膏蟹皮薄脆肉厚，新鮮！個蟹鉗大過匙羹差不多兩倍！玉環鮑魚盅節瓜鮑魚配刀叉食！節瓜清甜，鮑魚有乾鮑煮過咁。有d溏心樣但唔係好溏心，始終細細個。勝在煮得入味夠濃夠濕潤！西施蛋白蝦球蛋白上邊有一個汁，應該係高湯嚟嘅，再之後有蘆筍同埋紅蘿蔔！成個感覺好精緻健康！蝦肉大隻彈牙，西餐燉蛋咁，幾好，岩哂年輕既屋企人。福建炒飯冬菇雞粒非常多餡料！冬菇、雞粒、瑤柱、帶子、蝦仁、蛋、鴨胸肉同埋翠玉瓜！雖然佢好多料，但一啲都唔咸！非常值得稱讚，就算有埋瑤柱絲都冇呢個問題！飯粒炒得非常之爽，起粒粒！鍾意食爽硬飯人好岩！飯量4-5人，對我哋來講好多！飽到上心口！紅豆沙起晒沙之多豆，甜左少少，多豆就ok啦！

趁假期完結前得閒黎觀塘飲茶，來到餐廳，見好多位都坐滿，好彩訂左位，有房間坐，比較靜。菠蘿咕嚕肉外層蘇脆，表層酸甜，裡面肉滿，配搭青椒營養均衡乾隆石鍋飯香氣撲鼻而來，原來係熱烘烘，有蛋絲，帶子粒，脆肉瓜粒，無念過可以一齊中菜館可以食到石鍋飯。叉燒燒肉叉燒肉質軟嫩帶汁，色澤鲜明。叉燒肥瘦適中。四季豆香噴噴，炒得好乾身夠火候。點心四拼有四樣野，蝦餃，菜餃，燒賣和穀麥糕點。蝦餃皮晶瑩剔透，蝦肉味鮮。菜餃皮薄餡滿。整體而言，環境和食物都不錯。

呢日中午同同事去公司附近呢間酒樓食lunch，呢間酒樓午市超多人，建議早啲黎排隊。呢度既午市套餐好豐富，咩都有，首先有呢個好滋潤既老火湯，今日既湯係木瓜豬骨湯，好鮮甜，入面仲有白木耳，好潤肺。脆皮燒腩仔燒得好香。點心拼盤好豐富啊，入面有燒賣、蝦餃、菜餃同埋粗糧包，可以試咁多款點心，好滿足。主食方面，有一大碟既福建炒飯，佢非常足料，入面有好多蝦仁，又炒得好香。最後，仲有杭洲香醋一口骨，酸酸地，好開胃。食埋紅豆沙做甜品就perfect！

今日同事問LUNCH食咩好? 我就諗諗啦,發現自己好似好耐無去飲過茶,就提議去飲茶...去鱷魚恤中心睇下食邊間好,同事話譽宴好大同食物都好好,所以我地上左去,地方都好大有好多枱,我地唔洗點等位~有個午市二人套餐 $238/位 ,包埋茶芥, 另加一覺得都幾抵下好多野食咁,又唔洗自己諗叫咩好,岩曬我唔洗諗有4道餸,黃金海皇炒飯和精選甜品首先黎到既係點心併盤, 有四款點心蝦餃,燕麥糕,燒賣同粉果.蝦餃同燒賣我喜歡, 蝦肉爽口肉質鮮甜彈牙!不過呢,粉果皮厚左d有燒乳鴿呀!燒到香噴噴,咬落肉汁流曬出黎果皮脆口, 肉質嫩滑,啖啖肉YUMMY YUMMY!沙拉蝦球見到呢個沙拉蝦球好似去左飲宴咁,哈哈~平時見有炸蝦球覺得好熱氣唔會食,今次吸引到我食呀,面頭有沙拉睇落唔係好炸,果皮唔厚,一咬就好爽口彈牙好多蝦肉喔...仲有菠蘿粒,整體甜甜酸酸感覺好開胃,食到曬咁多樣野呀! 家常燒豆腐食左幾樣肉,之後黎呢個素食平衡一下,有豆腐、雲耳、肉絲、栗米,豆腐都大件呀,而且好多汁JUICY AR!黃金海皇炒飯鹹蛋味好香而且炒得很好有穫氣,每粒飯好分明, 食落好有層次,仲有蝦肉粒同蔬菜粒炒埋。食到好飽飽啦~~最後就有

財爺派錢大家都開心😃出外消費。酒樓都坐滿八成食客。我們選左晚市套餐 每位$288。燒味拼盤：👍👍👍有燒腩仔、叉燒、海蜇、豉油雞，燒腩的皮很卜卜脆，叉燒肉質腍，海蜇好爽脆有麻油香味，豉油雞嫩滑。老火湯：雪耳木瓜南北杏排骨湯，很清甜又滋潤。💕💕脆皮咕嚕肉：薄脆皮的咕嚕肉加上香甜的菠蘿，真無得輸。涼瓜肉鬆煎蛋角：薄片涼瓜爽爽地無苦味，蛋煎得香香滑滑。黃金海皇炒飯：飯炒得粒粒分明，夠鑊氣又香口，配蝦仁、帶子粒、鹹蛋黃，味道不錯。甜品：紅豆沙和椰汁馬豆糕。

好耐冇同過屋企人嚟飲茶啦🎈今次同佢哋搭車過到嚟觀塘到食下野啦，屋企人好鍾意飲茶，想搵間坐得舒舒服服，嘢食又好味嘅茶樓，於是上網見到依間茶樓評價好高，一於過嚟試吓啦，估唔到有意外嘅驚喜🤩首先餐廳地理位置好方便，喺觀塘開源道鱷魚恤中心，上2樓就到，呢度坐得好舒服，平時你最下舊都唔錯，而且嘢食好高質！首先叫咗一個點心拼盤，最鍾意係食燒賣同埋蝦餃，燒賣皮薄餡靚，餡料十足，食得出係手工制👅另外叫咗一個脆皮燒腩仔豬肉肉質好鮮嫩，皮脆肉嫩😆仲叫咗一個豐料老火湯你變落咗好多豬骨，火候十足，廚師仲要一啲都唔吝嗇，落足了，屋企都飲唔到嘅好味✌🏻最正係杭州香醋一口骨以前喺杭州都食過，味道好難忘，估唔到喺香港都可以食得番，酸酸甜甜勁易入口！另外福建炒飯同埋精選甜品都好高質🤩

今日同朋友係apm行街，朋友話想食中式野，於是去左鱷魚恤中心食野😇🍴豐料老火湯一煲都好大下，仲有好多湯渣，算好足料👍🏻一煲湯可以裝到六碗，同朋友兩個食每個人都有三碗飲🤣🤣🤣啲湯都好甜又濃郁，而且真係冇味精，好好飲🍴燒味拼盤有燒肉、叉燒、油雞燒肉肥瘦分明，而且個皮算好脆幾好食有雞同叉燒就冇乜特別，但啲雞肉就好滑。🍴脆皮咕嚕肉啲肉比平時嗰啲大嚿，食落有口感比較滿足😆個皮唔係好厚，炸到好脆😁而且啲配料都好夠，菠蘿甜甜酸酸咁，好開胃。🍴涼瓜肉鬆煎蛋角煎得幾香口，涼瓜完全唔苦澀，送飯都幾好食🍴黃金海皇炒飯呢個炒飯相當唔錯炒到粒粒分明，但係又唔係會好油而且啲料都好夠，有好多蝦粒😃調味都唔錯👍🏻🍴甜品起晒沙嘅紅豆沙，唔太甜，最岩做飯後甜品

假期輕輕鬆鬆嚟飲茶, 不過估唔到中午時間都 人山人海, 大家已經回覆之前嘅消費力😎😎。 特登同屋企人到觀塘，可以順便參觀 新開的裕民坊商場， 也可以 品嚐他最愛的 點心小吃。點心拼盤(鮮蝦餃、 蟹籽燒賣、 粉果 、燕麥糕)蝦餃皮薄餡靚， 大大隻鮮蝦， 爽彈鮮甜。 蟹籽燒賣肉質結實， 免治豬肉夾雜著少許豬肉粒 ， 層次更加分明， 蟹籽鮮艷卜卜脆。 粉果外皮煙煙靭靭， 沙葛爽甜多汁， 鬆脆花生。 最特別是 燕麥糕， 望見以為像馬拉糕的口感， 原來係清甜版白糖糕😍😍 彈牙煙韌又不失 燕麥香味。脆皮燒腩仔肥瘦均勻的燒腩仔， 外皮燒得金黃鬆脆， 肉味濃郁鹹香足夠， 配上香濃芥辣醬， 更顯惹味口感。杭州 陳醋 一口骨芳香醇厚的陳醋， 微微的酸甜 帶起了肉類的 鮮味， 醬汁濃厚包著每一顆肉排， 非常醒胃惹味。 而且 陳醋可解肉排肥膩感覺。豐料老火湯老火湯清甜潤喉， 佛手瓜紅蘿蔔 瘦肉豬骨， 清潤滋補火喉十足。 本以為套餐的老火湯是每人一碗， 原來是份量極多的。福建炒飯精選必食推介， 家人對福建炒飯有情意結， 喜歡乾爽炒飯， 沾上香濃醬汁的口感。 這裏的福建炒飯， 飯身乾身煙韌有鑊氣， 蛋絲幼身又均勻

我地一家大細黎到食飯，本身都預左係普通中菜唔會特別好食。但無諗過門口個服務員已經係態度超差，黑口黑面，語氣又差，好似想趕客咁，如果唔係就老人家，都唔想受氣。野食係貴得黎一般般，普通既屋村酒樓都好食過佢，但收緊既價錢係屋村酒樓既兩倍，真係要人均二百幾蚊人，但都未食得飽。叫左個套餐有乳豬，食落都覺得係普通貨，其他菜式都係唔好食。食過稻香富臨覺得麻麻地，點知食完譽宴先知乜野叫低處未算低，真係貼錢買難受，無食物質素，價錢同服務態度都好差。無下次

呢晚約咗長輩食飯，食中菜就最啱佢心水，想搵個好啲環境嘅地方食，醒起鱷魚恤有唔同嘅酒樓，之前亦食過譽宴都好唔錯，比較有信心。✨燒味拼盤拼盤有叉燒、燒肉、油雞、海蜇；叉燒肥瘦適中，微微脆燶邊，蜜味香濃；燒肉皮脆！入口油脂甘香，肥瘦相間，肉質彈牙鮮味；油雞好入味，肉質滑溜；海蜇爽口彈牙，好想自己一個人食晒佢😂✨黑蒜螺頭燉雞湯黑蒜湯有種獨特嘅香甜味，配埋螺頭同雞，味道濃郁得嚟好清甜！✨玉環鮑魚盅節瓜玉環夠腍身，入口融化，鮑魚彈牙，加上香濃嘅鮑魚汁，非常鮮味。✨西施蛋白蝦球蝦球大大隻爽口彈牙，底下蛋白好滑溜，蒸得啱啱好，而且吸收埋蝦球嘅鮮甜味！✨福建炒飯非常足料嘅炒飯，入面有大量蝦仁、珍珠帶子、雞粒；飯粒炒得均匀，粒粒分明。✨精選甜品呢晚嘅甜品係陳皮紅豆沙，陳皮味道醇厚突出，紅豆煲到起哂沙，好正！個人認為可以再少甜更好！

今日同個客去觀塘鱷魚衫中心2樓譽宴商務午餐。午市酒樓生意很好，多街坊，但沒有影響服務和食物質素。點心拼盆熱騰騰好新鮮，見到都想食。蝦餃燒賣都出色，蝦爽脆，切肉有肉味，不肥膩。潮洲粉果清新，有沙葛、花生、中芹等，不糊口。蒸米糕微甜彈牙。燒味美味。义燒肥瘦適中有肉味，海蜇爽彈，燒肉皮鬆化。估唔到中午時段的小菜也甚有鑊氣和水準。我愛脆皮咕嚕肉，外皮脆肉質好，酸甜開胃。欖菜肉鬆四季豆好惹味，濃淡適中，平凡中顯出不平凡。乾隆石鍋炒飯足料，有蝦、帶子、蛋和翠肉瓜，炒得乾身香口。石窩好夠熱，放到最後吃，仍熱騰騰。吃到窩底竟然有香脆的飯焦，大滿足。甜品紅豆沙為今餐劃上完美句號。在這裡感受到久違了的熱鬧，大家都吃得開心。侍應很有效率，主動服務客人。餐牌所見，晚餐都有很多超值選擇。中秋來買個盤菜也不錯。

Happy Friday! 今晚收工去食好野，地點係觀塘嘅譽宴 • 星海。星期五晚飯時段黎到，人山人海，好彩有訂位。廢事諗，叫左個餐，包好多野食，分別有脆皮燒乳鴿一隻，黑蒜螺頭燉雞湯兩盅，杭州香醋一口骨，黑椒金薯牛仔粒，乾隆石鍋炒飯，同精選甜品。每位$328另加一，茶芥已包。脆皮燒乳鴿脆皮燒乳鴿一隻開邊，上枱嘅時候見到隻乳鴿出哂煙，果然係新鮮熱辣燒起。乳鴿皮脆而肉汁豐富，唔洗點另上嘅喼汁都夠味，我特別欣賞佢唔過鹹。黑蒜螺頭燉雞湯黑蒜螺頭燉雞湯原盅上，熱辣辣，要擺一陣先飲得。先飲一啖湯，超香濃黑蒜味，甜甜哋好正。湯料足，黑蒜㷛到稔哂，又有螺頭同好幾舊豬肉同雞肉，我清哂全部湯料。杭州香醋一口骨(例)杭州香醋一口骨份量好多，眼見嘅都係骨冇配菜，全部食得，啲骨有大有細，都係一口食得哂。個皮係脆嘅，而入面有軟骨有硬骨，細軟骨都食得，肉嫩而味道甜甜酸酸，好好味。骨上面仲撒上果皮絲，伴碟仲有鮮花，賣相不俗。黑椒金薯牛仔粒 (例)牛仔粒都好多，食落嫩口又有牛味。其他配料就有三色燈籠椒，洋蔥，爽又稔嘅菇粒，蔥，同軟稔薯仔粒。呢味餸黑椒味極重但唔過鹹，又有多重口感。乾隆石鍋炒飯 (例)乾隆石鍋炒飯果然成個