星海薈 (利舞臺廣場)

營業中

休息中

前晚同屋企人去咗銅鑼灣呢間譽宴·星海薈食dinner，味道都幾唔錯。鮮菠蘿脆皮咕嚕肉$148呢個咕嚕肉整得好好食，同平時嘅咕嚕肉相比會比較扁身少少，幾特別。唔會覺得自己食緊炸粉咁，外皮好香脆，入面嘅肉亦都好滑嫩。咁有心思嘅係隔離有件菠蘿，啲菠蘿肉已經切好晒，起晒菠蘿肉出嚟，但又好靚咁排返好。平時食咕嚕肉啲菠蘿成日沾滿甜酸汁，搞到好甜。但呢個啲菠蘿因為係分開擺，所以啲菠蘿仲好清甜，好味。金銀蛋莧菜$128好大兜，啲莧菜食落好鮮嫩，唔會覺得食到成口渣咁。配埋金銀蛋係個湯底入面，香得黎又唔會太濃味，幾好。砂鍋章魚雞粒飯$188呢煲飯好大煲，夠幾個人食。香噴噴嘅飯拎過黎，再即刻炒一炒下佢，就增添風味啦。呢個飯用左鮑汁，所以係一種幾有鮮味嘅鹹香。配埋雞粒好唔錯。紅燒煲仔翅$188熱辣辣咁煲滾就即刻拎過嚟，味道好濃郁，飲落啖啖滋味。入面啲翅好多，大大塊。

這酒家連鎖，近期可出名，這晚有幸被邀，要“嗒真啲”！先容許我總結一下這晚的出品：「沒有花巧、認真製作」這一人一盅的“火鍋翅”足料，湯底不錯，不會“死鹹”，上菜前還在旁邊用gas爐逐一加熱，廚房、樓面的誠意值得嘉許。小意見，已21世紀，經營方針理應重視環保、保育，魚翅這種東西，少賣為妙，免得遭人非議。“欖菜紫薑蒸班頭腩” 實在不可多得，用紫薑欖菜蒸這個做法罕見，但味道酸酸甜甜，很醒胃，不會因為龍躉的魚味太濃而有肥膩的感覺，而且在安排上，後面那味菜是“白胡椒蟹”，濃味前來較清淡但有清新感覺的蒸魚，總比蒜蓉、豆豉好得多，安排上的確窩心！“白胡椒蟹”既新鮮又大隻，可能要遷就大伙口味，略厭白胡椒輕手 了，多一點更好，而那一丁點的紫蘇葉也是神來之筆，菜端上來時，帶點紫蘇葉香的蟹味，撲鼻而來，胃酸馬上倍增！“花膠炆鵝掌”，那隻花膠個頭超大，一塊一碟，“豪”！ 這菜上桌後給我們讚嘆一番後，先拿到後面，侍應用刀叉將花膠切開，重新擺盤再端上來，蠔汁味濃，沒有那種重味精和勾芡勾得太黏口 的感覺，很好！“啫啫通菜煲”最棒的就是用了蝦乾，好香！！“脆皮燒雞雞”還很嫩滑，火候控制得好，皮脆肉不柴，夠香口，正！“蔗

醉愛點心🥰1. 蝦餃 $41大大隻 晶瑩剔透 十分足料 啲蝦好彈牙 個皮都好煙韌 2. 燒賣 $36大大粒 入面有少少香菇粒調味 蝦籽同蝦仁一樣好足料 3.香麻叉燒酥 $36芝麻味幾出 好香口 個皮整到好酥脆 層次感足 入面叉燒餡都足 啲肉有肥有瘦 唔錯4. 胡椒濃雞湯灌湯餃 $58經理十分推介 個湯真係好重胡椒味 少辣 好暖胃 冬天食一流 雞湯味都出 成個湯可以直接飲 個餃皮薄餡靚 真心冇介紹錯5. 春風得意腸 $41入面都係有好鮮甜嘅蝦肉 仲有啲西芹 個皮入面係啲脆皮 係高級版炸兩 出面個皮都好有米香 正6. 醉雞 $58花雕酒味好出 就咁聞都聞到 雞肉質嫩滑 雞皮唔算太厚 唔會太肥膩 但又幾入味 Overall推介指數：4-4.5/5成個宴會廳咁 坐得都舒服 嘢食種類多又唔錯

*譽宴*裝潢靚。衛生做到足🙂。哈哈。。係我幫襯嘅原因😬。今次係第一次同🐽仔黎食晚飯🤩。紅燒煲仔翅～翅有兩大梳。真材實料。加埋胡椒粉同醋齊食。味道仲正wor😍。做緊優惠$188一盅。唔怪之得枱枱都點盅黎食啦😍。上湯焗澳洲龍蝦伊麵～龍蝦🦞都做緊優惠$588配埋伊麵底。伊麵濕潤索晒d汁好滿足❤️。龍蝦肉厚份量多。足夠兩個人開心share。椒絲腐乳通菜～炒得好有鑊氣。腐乳撈埋飯食我鍾意🤭。

好耐都冇試過自己一個靜靜咁飲茶，其實本身自己好鍾意飲茶，因為飲茶嘅食物真係好啱中國人食，而且我個人來講又鍾意飲茶，所以就喺公司附近嘅星海薈飲茶，嚟過一盅兩件慢慢嘆。喺呢度飲茶真係好舒服，裝修堂皇又舒適，食物質素仲好好，聽人講話呢度嘅醉雞好出名，咁我梗係要試吓啦！果然好夠味道，隻雞滑得來又唔會唔熟，真係好味道。我自己就最鍾意個金錢肚，一啲都唔鞋口，大大件又炆得好淋。然後就到素餃，入邊有芫荽香菇等素食，餃皮晶瑩剔透，仲要包得好好，點樣可以做到咬落去而入邊嘅餡唔會跌出來，真係好考功夫！但佢絕對做到！意外驚喜嘅係胡椒雞湯魚翅餃，唔好講笑，個胡椒湯底真係好好味，少少胡椒襯托，湯底濃郁，真係好正。最後，梗係要order甜品啦，佢哋最出名嘅楊枝甘露係必叫食物，呢餐真係好圓滿，其實一個嘆茶都可以食好多嘢😍

同呀媽食飯指定要食中菜，又要銅鑼灣區，搵搵下搵到呢間酒樓係利舞臺，餐廳呢排做promote「招牌白胡椒蟹$298」，呀媽話想食，咁做囡既都無得say no🤣 又估唔到隻蟹比我想像中好，濃郁嘅胡椒香味加上炒洋蔥令味道好濃厚，蟹肉結實又厚肉，易食易開，加埋個鐵板滋滋聲係唔錯既。.之後叫個「紅燒煲仔翅$138/位」，翅有四/五 梳之多，將濃湯鎖在魚翅上，抵食之選👍🏻加多個小菜「怡香茄子豚肉煲$128」，一般小菜來講價錢偏貴少少，但係好彩份量搭救返，算多料又味道不錯。.呀媽食完個翅話抵食😅下次再食，但我荷包好傷呢，下次希望隔耐啲啦🤣🤣

難得一齊平日放假lunch飲茶唔洗同人迫 唔洗趕特登出銅鑼灣譽宴星海薈一直覺得貴少少但好食, 服務又唔錯。今日...- 有輪椅搵唔到電梯, 門口有人會講清楚點轉lift- 點心出黎超級熱, 好多酒樓都只係半熱 (好難食)- 傳菜都唔想我地郁手執位, 佢自己整唔麻煩我地(叫得係有點多, 幾樣都係之前食過好食)- 見我地食完就即刻收碟, 就黎食完但碟污穢, 都主動幫我地換曬碟- 傳菜 / 執野時同我地有講有笑, 氣氛好好久違gei黑蒜湯 呢度都仲有觀塘話全線無囉... 我搵左好耐一切完美, hea到差不多三點打回府.已經離開左銅鑼灣, 問細佬頭先食左幾錢然後發覺我地... 無。埋。單。走。左!!!!!!!!!!!咁就即刻衝返去... 無謂人地白做去到一男一女部長/經理面口... 算 我唔好 我錯 我唔記得 我唔啱 唔好意思其實我地走個時都無偷偷走, 係正收錢個度等左好耐lift... 無人阻止我離開, 所以我先以為細佬埋左單zei我地好安心咁走 anyway...係我錯 受 d 負面情緒都係啱gei, 點知......全程阿男部長/經理黑曬面不斷口up up話搞到咁麻煩, 又要佢地賠錢,

今日我母親大人去咗銅鑼灣睇戲，睇完戲去咗利舞台飲個茶晏晝都幾多人食，一共叫咗七個點心，最後都唔係好食得晒，賣單都係四舊水鮑魚燒賣皇大大粒鮑魚擺咗喺燒賣上面，$38好抵食春風得意腸見到個名幾得意就叫黎試吓原來係腸粉包着油炸鬼再包住蝦膏，蝦膏好彈牙，配搭好match老乾媽蒸鳳爪鳳爪好林好入味，一咬落去好容易就食到層鳳爪皮蒜蓉鮮蝦春卷春拳一定要掂沙律醬，外層脆卜卜裏面包左蝦仁，點埋沙律醬就一流花鵰醉雞雞肉好嫩滑，花雕酒味好濃郁刴椒蒸雲耳少少辣辣地，魚肉超級滑，魚肉唔算多，志在食個味

今日lunch想同朋友飲茶，見呢度嘅環境幾舒適佢哋同朋友喺呢度慢慢飲茶傾計！ 咖哩薯角炆土魷咖哩非常濃味， 土魷炆得好入味， 仲有薯角大大件而且好淋！🥰 鹵水豬腳仔好大碟一共有七件豬腳仔， 而且有瘦肉不會只得肥皮，非常入味😋 星海薈蝦餃皇四件蝦非常大隻彈牙， 皮薄餡靚👍🏻👍🏻👍🏻 湯灼芥蘭芥蘭非常大碟，沒有太多醬汁，分開上，比較健康 🥰 蒜蓉鮮蝦春捲三件春捲炸得非常香脆可口，而且有大大粒蝦！😋 香麻叉燒酥三件 酥皮皮薄鬆脆，叉燒餡多👍🏻 香芒糯米卷四件芒果糯米卷唔會太甜，有一大塊芒果喺面，，幫我見中間嘅質地好似棉花糖咁， 非常特別🥰 碧玉鮮蝦腸粉特點原來碧玉係西生菜，非常爽脆！ 每一件都有隻大蝦，一共有六件！ 燕窩3.6奶凍 奶凍好有驚喜， 非常香畫好似豆腐咁，會有太濃的鮮奶味，而且都很大杯👍🏻

好朋友喺Whatsapp群組的一張相吸引我來到，為『招牌白胡椒蟹』而來的一天，原價568蚊，宜家震撼價賣298蚊，唔食就笨了。胡椒蟹以鐵板形式上，來到先至淋上胡椒醬汁，陣陣香氣飄過，係我久違了的味道，目測蟹重大約喺斤半，2斤之間，2隻大蟹鉗係大，大大，超大，同鉗蟹工具一齊比較，長差不多大，而闊就有2倍以上大，蟹肉雪白結實，啖啖肉鮮甜美味，慢慢嗒真D，真係好好享受，對一個『蟹痴』而言。除此之外，仲叫咗二個紅燒煲仔翅，因為亦做緊特價，好抵，排翅溫潤爽滑，吸收埋D湯汁，正。見到隔離檯的一味餸好吸引，原來係『松露野菌炒帶子』，跟埋叫一份，濃香的松露配野菌，仲有好多爽脆甜豆同好多大粒鮮味帶子，實在滿足。

銅鑼灣利舞臺星海薈， 地方便利不在話下， 整個環境也是高尚得無法形容， 樓底高的大禮堂， 引進太陽光的落地大玻璃， 坐得舒服， 又雍容華貴， 無論是午餐款客， 或是晚上宴會擺酒，都無可挑剔。這天午市時份，同事想叫籠點心吃中菜，星海薈當然是夠體面的選擇吧。和風長春捲先來脆口小食作開始吧， 以餐廳最自豪的和風醬作餡料， 帶點 芥末 味， 脆口小咸，得意！ 招牌胡椒濃雞湯灌湯餃  即叫即蒸，是浸湯餃， 也吃得出 師傅的功力。 湯底滿滿的濃雞湯， 帶點胡椒的小辣， 非常暖肚也有滿滿骨膠原。灌湯餃皮薄有蛋香，材料也高貴，杞子、鮮蝦、瘦肉、雞肉等等，味道甘甜之餘有肉骨的鮮味。  碧玉鮮蝦腸粉  皮薄餡靚，生菜爽脆而碧綠，鮮蝦大隻爽甜，無可挑剔。   姬松茸野菌翡翠粉果   粉果外皮透明而薄，入口 姬松茸味道滿滿的，好香好味。 還有其他珍貴的野菌，香味俱全，滋潤養顏又養生。   砂鍋章魚雞粒炆飯    一打開蓋已經聞到炆飯香味飄來， 飯粒炆得超入味， 而且又有章魚粒和雞粒與菜粒， 口感與味道都十分一流， 足料！ 而且窩底仲有飯焦，師傅功力無得彈！   

同屋企人周不時都會夜晚係酒樓到食晚餐 之前都有打聽過銅鑼灣呢間譽宴嘅裝修同埋嘢食都不錯🤩就同屋企人嚟試吓 裏面又大又多位置 侍應亦都好熱情招呼😌近排呢到既招牌白胡椒蟹做緊大特價仲要極推介就一於試吓😛•招牌白胡椒蟹🦀•-上到菜真係好大隻同埋熱辣辣出晒煙好夠火候獲氣 肉質鮮美又好香胡椒味 食完都唔夠候😚應該係肉蟹但就冇咩膏既•鮮菠蘿咕嚕肉🍍•-之後就必點呢到既鮮菠蘿咕嚕肉👹好少餐廳酒樓咁有心思整新鮮菠蘿 仲要擺得超有心思 而咕嚕肉嘅肉質鮮嫩唔鞋 食落一啖接一啖好啱餸飯 酸甜比例平衡剛好！🤤•金銀蛋菜心🥬•-仲有個金銀蛋菜心😌本身我都好鍾意食有湯嘅菜 勁juicy 每條菜都會掛住啲湯汁 金銀蛋唔會煮到過火老左 溝埋一齊食實吸引到食多幾條😛.呢到既店員招呼周到 不時會幫我哋換碟 令枱面保持潔淨食得舒服👍🏾

早前和好友到銅鑼灣逛街，來了呢間譽宴．星海薈飲茶午膳🫖，環境典雅華麗，相當舒適。📌蜜汁燒排骨🐖$48📌胡椒濃龍雞湯灌湯餃🥟$58📌碧玉鮮蝦腸粉🦐🦐$41📌蓮蓉大蟠桃🍑$28📌姬松茸野菌翡翠粉果🍄$36📌小籠包🐷$36🌟 很推薦他們的灌湯餃，雞湯相當香濃，湯餃內裏餡料豐富，有豬肉、雞肉、蝦肉、菇和杞子等👍🏻😋⭐️ 鮮蝦腸也相當高質，包了生菜和大量鮮蝦，生菜爽脆，增添口感，蝦仁新鮮脆口，不錯👍🏻😌⭐️喜歡菇菌類的朋友，一定要點姬松茸野菌翡翠粉果，粉果皮煙韌有嚼勁，餡料極多姬松茸野菌，香味十足🍄🍄

今日同長老們食飯！我們去了銅鑼灣利舞台"譽宴"這間我們之前都食過，覺得咁多間分店，這一間的師父煮得最好味！味道，濃淡，鍋氣都是剛剛好！我們今次點了我最喜歡的上湯澳洲龍蝦伊麵😝龍蝦好新鮮，肉質鮮甜爽口彈牙！肉好多啖啖肉！好好味！伊麵吸收曬龍蝦的精華！好鮮甜！🤤🤤紅燒魚翅～一扇扇的魚翅嘩好爽口，湯汁濃郁！松露雜菌炒帶子帶子大大粒，好鮮甜！甜豆好爽口！好有鍋氣！總結味道好好！價錢合理#尾中不足的是！沒有最尾的糖水送！

今個星期我升職諗住獎勵下自己 是日同屋企人去咗食龍蝦伊麵魚翅 朗口.✅上湯焗西澳澳洲龍蝦伊麵ok大大碟對得住個價錢龍蝦都唔算偷工減料 咬入去幾爽口芡汁落得重咗 好在個湯底OK伊麵都幾多 冇overcooked✅紅燒煲仔翅即叫即整 都幾良心 真係叫做淡淡翅 勁多翅 真心幾成本價cp值高 但麻麻地鍾意佢用芽菜伴魚翅✅金牌燒味雙拼燒腩仔係幾脆嘅不過應該係再焗過 但我接受到啲燒肉幾juicy 收貨蜜汁叉燒有燶邊 食入去有啲似美珍香嗰啲肉乾 全晚最好食嘅係佢✅士多啤梨大蝦球份量略嫌少咗啲 但個蝦球真係幾好味蝦肉好爽口 外層炸到脆卜卜士多啤梨好開胃.一行四人埋單人均四百蚊左右嗰次份量好多 龍蝦伊麵都收貨而家呢個市度嚟講 都算抵食