星林居酸辣米線餐廳

營業中

休息中

自從睇咗韓國綜藝節目《新西遊記》，見到一班明星到香港星林居食米線之後，先知道呢間米線店原來一直好受韓國人歡迎。之前被一個好鍾意食米線嘅朋友捉我食過一次，個次食後感係可以再試。而最近又被同一個朋友捉去食米線，隔咗一個月左右又再幫襯，一於睇睇食物同服務有無唔同。上次叫咗魚皮餃、肥牛、雞中翼嘅小鍋米線。辣度係小辣，酸度係普通酸。由於肥牛印象中係細塊又唔多，碎碎地，所以今次唔叫。雞翼就正常嘅，不過今次想轉轉口味。今次都係叫小鍋米線，辣度轉咗小中辣，酸度係少酸。因為感覺小辣唔太夠辣，所以嘗試挑戰高一級。而我個人唔鍾意酸味太突出，所以就減咗級。餸菜方面，今次叫咗魚皮餃、腐皮角、菜肉餃。碗米線一上枱，我就循例搵下餸菜齊唔齊。點知發現魚皮餃消失咗，於是即刻同店員講。該店員聽完無講點處理/會跟進個類，零回應直接繼續做自己野。雖然隔咗一陣佢另外用碗裝返兩粒魚皮餃比我，但建議可以出一出聲，唔使好似個客對空氣講完野，又唔知佢聽唔聽到，等個客心裡有底會跟進返。至於腐皮角，佢一上枱個下我係呆咗。因為個樣好唔似平日見到嘅樣，大部分都好燶咁嘅樣，焦啡色。好彩味道係無咩影響，但令我疑惑咗一陣有無上錯餸。本來係想叫韭菜餃

大學開始已經好鐘意食呢到嘅酸辣米線🍜 係我覺得香港前3位最好食既米線😚因為依間啲米線湯底夠哂酸 感覺地道啲🤣（係少有既舖頭連酸度都有得簡 少酸 中酸同 非常酸）而且配料選擇都好多！😛 同埋有我最愛既肉碎粒加喺米線度我依隻食肉獸最鐘意食佢既辣腩肉同埋豬軟骨🤫近排有個韓國節目都去左介紹依間餐廳唔知係咪因爲咁 佢而家個menu連韓文都有？同埋而家出左名 好多人都慕名而來搞到我今日去食個時都排左好耐隊先有位 不過係值得架！

返工後放學，唔想食咁多就最好食番碗自選米線！點左豬軟骨、冬菇、油麥菜加韭菜，少酸，份量剛好，唔會食到超飽。豬軟骨賣相麻麻地，顏色唔好睇，我無食哂；冬菇及菜味道正常。湯底方面，酸度適中，配走辣都唔會怪，食完又唔會口渴，應該唔會有好多味精，難怪今次見有咁多外國遊客惠顧。

Seems many tourist go and try, shop is big with many table. Easy to have seat even in lunch hour. As a rice noodle lover, it is just a so so. Wondering why so many tourist visit, may be the social media said it is a must try item!? Don’t care about the cleanliness, just a quick meal is ok

間中都會有種心隱想黎食。。由大學時有一個朋友帶我黎食之後就有一排覺得好好食，之後成日黎食！餐廳坐位好迫，要坐到好直，但間位都算有好多卡位。。雖然服務態度麻麻，而且成日漏左俾某d配料，又周圍環境同餐具唔算超乾淨，但都真係覺得幾好味，同埋員工都一定會幫你處理！其實食過呢度，就覺得豬大腸、豬紅、豬軟骨係必食！但我今次因爲感冒所以無叫！其他必食既係雞翼、生根、蘿蔔，因為好少食米線/車仔麵既地方有得揀呢款！呢度既湯底好特別，只要揀左少少辣就會有肉碎，超喜歡！同埋個湯同米線和配料好夾，仲可以揀多芽菜、多韮菜、多莞茜、多蔥，好健康咁🤣全部味道都好夾！雖然咁多年款式都無變，不過都依然咁好味！以前蘿蔔會好大舊，叫左好多餸之後見個碗好滿滿，好開心，同埋多到食極都仲有好多，有點攰🤣🤣蘿蔔：好鮮甜再入左湯既味，好正雞翼：鹵水雞翼好入味，又大隻生根：有好多，好有打邊爐既感覺、又吸晒湯底、口感好米線：煮得岩岩好，唔太軟又唔太硬無黎一排，唔知點解多人左咁多，我夜晚9點後黎食，差唔多圍圍都滿，而且超多韓國人！超好奇，結果問左我對面2個韓國女仔，點得知呢度？佢話因爲向韓國既電視節目見到，佢地話個套唔係旅遊節目，類似綜藝

星林居米線係我至愛嘅其中一間米線鋪！有好多款嘅餸可以揀，又可以任你多芽菜，多韮菜，多蔥，多酸同埋辣度！任你自己揀想要嘅份量同口味！每次我都會多芽，普通酸同中小辣！紫菜同豬軟骨都係必食之選！豬軟骨好淋身，好大舊好好味！而蘿蔔水準就唔太穩定，有時有唔夠甜有時又有渣，豬紅就普普通通，可以唔就試！不過地方就有啲逼，坐得唔多舒服。啲姐姐服務態度都麻麻地，有時仲會大聲呼喝啲同事，感覺唔算太好！服務態度可以加以改善！

以前成日聽人講星林居米線正、湯底好食。雖然近期都聽講質素差咗（偏酸&肉碎少咗），但某日經過都試試佢。大約三點幾四點到，唔駛等位，不過都坐咗半場客。叫野食要自己拎order紙，一人一張，好似畫六合彩咁畫。$28麵，續樣餸+$6到$12，基本上兩三個餸都$40以上，可以接受。但餐廳無提供紙巾，一包要$3（係張紙的右下角圈）。唔慣帶紙巾出街就要俾幾多蚊喇🤣叫完好快就有嘢食。我叫咗豬紅、雞翼、唐生菜。湯底真係好濃，但米線好淋。豬紅ok，但係好碎；雞翼有兩隻，但肉少「鞋」；唐生菜分開用細碟上，有少油少苦。第一次食，真係一般。然後隔咗幾日，再去試試清湯！感覺同上次食唔同味。紫菜配清湯非常好味，超推薦😋 左上角個碗，同我第一次食一樣，都係少酸少辣，但個湯嘅顏色都唔一樣。今次整體比上一次食好食好太多，會想再食過。不過米線都係太淋！

有兩個月左右冇食喇，今日去開尖沙咀辦完事就買外賣返屋企食啦，接近2點去到都幾多人，拿拿聲劃好就比錢啦，比錢時同收銀姐姐講走餐具，佢話打唔到飛要我同入面講，不過我行入去見唔到職員，到見到一個就同佢講51號外賣飛走餐具，點知佢好surprise咁問我點解要走(好似問佢攞錢咁驚呀)，我話環保嘛，佢話可以留黎下次用，我話拎到返屋企會沾到啲湯水之後留唔到，佢依然唔肯放棄話唔會沾到湯汁，我冇聲再拗就話是但啦，原來香港要求走餐具都仍然係咁困難架。返到屋企仲熱嘅，都仲係咁好味呀～題外話~我見有網友話要行三層上黎食，其實嚮樓梯左邊果到有lift架~

前幾日同老婆做完body check喺尖沙咀附近想食底線諗起星林居於是想去幫襯不過今次真係中伏首先等嘅時間已經好長，一碗米線等成30幾分鐘米線啲餸嘅量真係好少，豬腩肉同豬大腸得壹塊，蘿蔔又勁苦啲質素真比起以前攞獎嗰陣時相差太遠食埋今次真係冇下次

今日相約朋友到尖沙咀逛街, 順道道這一間位於尖沙咀的米線店吃晚餐。記得以前還在大學臉書時也經常光顧， 跟當時比現在店裏的人流明顯比較少， 而且大部分光顧的客人也是操普通話的遊客。是次光顧我點了一份 豆卜生根炸醬腩肉米線， 這裏的小鍋米線是以偏甜的湯底為主要味道， 豬肉碎和脂肪在湯底則提供了一種濃厚的口感。 中菜當中的生根和豆卜沒有什麼亮點， 但招牌菜的腩肉尚算保持到當年的水準。 薏米線 的分量是偏小， 女生 吃的話應該剛剛好。整體來說 質素比以往差了， 但味道還是可以接受的。

星林居好食唔多講但近年D酸度同辣度有D亂黎~~不過~大家可以叫下呢個古惑魚蛋雖然$8/2粒有啲貴但又幾好食不過真係要熱食先好食入面好多汁~不過肉唔叫多~--📍星林居雲南米線餐廳尖沙咀樂道23號地下A舖

星期六下午去食落單等勁耐，賣相好核突，叫咗普通酸，係勁酸，老公叫咗韭菜餃，另上的，賣相好削，奀瘦少餡，個皮穿咗一放落啲湯度，啲餡漏晒，都算，仲要係凍的，枉我哋行三層梯級上嚟食

明火小鍋米線（小小辣，小酸）揀了金菇+雞中翼$37。佢地個碗好細，好彩有隻碟托底，但送到過來d湯都倒到隻碟滿曬，員工送餐危險之餘，食客又會覺得好污糟。明明點了最小酸，但湯底都是偏酸反而辣度很正常，真係小小辣。一度猜測是廚房重手落酸了，點知同事一食佢果碗（正常酸）係再酸d，甘我就知，應該冇整錯啦。星林居的湯底是偏酸。最後食到一半，完全酸到食不下去但其實米線質素是高，夠滑夠軟。而加餸的價錢都好平，$5元-6元，可惜個湯底就毁了一碗米線。

前排睇韓國綜藝節目<新西遊記>見到佢地去尖沙咀食間米線.有時都喺到諗究竟米線係咪香港菜黎? 話就話係雲南野但去過雲南旅行之後覺得香港既米線仲勝過當地既米線.......是但啦~ 不過見到星林居喺香港有兩間...... 就唔清楚佢地究竟去邊間啦.....專成黎試 見到張紙已經勁興奮 諗起節目入面既走米線走肉.....啲餸既選擇真係好多 多過平時食米線..仲有車仔麵不過黎到之後真係失望至極.... 睇落勁污糟都算啦米線係勁淋 無口感 仲有啲碎 夾唔到 而且個湯都唔係好飲不過我揀咗要非常酸 就做到個效果既同埋份量好大 最尾食唔哂 (同埋唔係咁想食........)真係試完就算 應該唔會再黎...........

同朋友大概兩個月去一次尖沙咀，都會黎食星林居，所以唔係第一次試。米線本身會煮得比較淋身，而口味就根據自己選擇，每次我都會選擇唔同辣度同酸度，不過咁多次食都覺得米線酸度係偏酸既，所以唔好酸味既朋友建議只好揀小小酸。至於餸菜方面，每次都會揀個菜食，基本上必定係白烚另上，用小盤子裝住，好岩食米線中途轉換口味，而羅白都係每次必點，真係軟冧好味架。肉類都係不過不失咁喇。而去食既朋友，由於店舖店員人手不足，亦唔會有太親切的服務，所以等候人收單落單都會比較耐，趕時間真係唔好去。所以，米線依然可以，服務就不要考慮了。