星林居酸辣米線餐廳

營業中

休息中

I tried this “hk noodle restaurant “ many times many years ago, I used to think it was a good noodle restaurant. I used to think it was one of my recommendations for friends. Yet, after this dinning experiences, I totally change my thought!First of all, the service here are very poor! The waiter keep me eating in a hurry and rush way! Seem like I am holding their table, which hinder their business. Yet I was only simply eating alone, I think I didn’t spend much of the time there. I really feel l

提起酸辣湯米線 星林居都會佔一席位很久沒吃星林居 想念它的酸辣湯底這碗點了魚皮餃+魚腐湯底點了普通酸 小小辣初頭擔心酸度會太酸 只選了普通酸但吃後覺得下次要點非常酸酸辣湯可以更酸更惹味失望的是魚腐只是這些像魚蛋的東西 這碗是蘿蔔+雞翼 走辣走辣湯底沒有肉碎 所以湯底比較起來 沒小小辣的濃郁蘿蔔切得太大件 並不入味雞翼正正常常大概兩點多來到 很少人客 不用排隊另外，座位有充電線，方便很多機不離手又電量低的人尖沙咀來說 仍然是經濟飽肚之選 但希望材料質素有改善

星林居，以前真係好鐘意食佢既米線，第一次食既時候係好味到嚇親我！曾經覺得佢係全港最好食既米線....但而家，不了。每次去都見到勁多韓國遊客拎住本旅遊書去食😂 .今次嗌咗明火小鍋米線，揀咗油麥菜，金菇，肥牛湯頭同之前已經唔同，好稀好淡，同以前完全唔同味。。。菜係分開上的，幾好，唔洗浸住星林居既好處係可以自己揀酸度，芽菜蔥份量自己揀，所有野係ticktick紙圈好就得！因為我好鐘意食酸菜，次次都係非常酸，好正！

幫襯左好多年 由讀書到而家 試過好多唔同嘅米線 最後都係唔可以唔食星林居 每次喺尖沙咀我都會去星林居食 多年來冇變嘅係星林居既味道 每次我都會叫超酸嘅湯底 喺外面真係食唔到呢種酸酸辣辣嘅感覺 食材方面亦都有好多嘅選擇 而且估唔到份量依舊都係咁大份 我一個女仔每一次其實都食唔晒 哈哈我覺得如果男仔食一定夠好多人都話覺得星林居唔同咗 但我覺得呢度冇變嘅始終係呢度嘅人情味 拎咁多獎真係並非浪得虛明 大家都多啲去試吓 因為真係好鍾意食哈哈

約了朋友行街太夜見肚餓，5理三七廿一就上左去，原來有lift搭，等我地仲行左3層樓梯，當做運動入到去無人招呼又無講點坐，問左句原來係自由坐既，我地一行4人就搵到cashier 後面，落單用點心紙，飲品就睇反張枱指示，其實都5錯，大家都知自己要做咩不過寫好5代表即刻落到單，叫左3，4次姐姐都叫我地等等，真係等等等等等等等等等到姐姐得閒先落到，但野飲野食都上得算ok, 5係特別慢我叫左中小辣，豬紅豬軟骨，大致味道都5錯，又未去到特別好食，但舊豬軟骨真心5抵，12蚊先得果1舊... 朋友叫左多酸小辣都話5錯，有個傻豬豬就叫左麻辣加中小辣，食到出晒汗

幾年前成日都去星林居，果陣好鐘意食~ 同埋超多人去，特別係遊客👩‍🦱👨‍🦱。食到最後一次覺得差左好多之後就無再去過...果日行開果邊又夜媽媽就試下啦~ 睇下咁多年之後會唔會變番好😼！上到去光猛左好多，但人都少左好多，完全唔使搭檯，甚至有吉檯既出現😦估唔到幾年變化咁大，即係意味住味道服務無改善過?🤔今次叫左豬軟骨🐽+蟹包丸🦀+金菇菜🍄..好大碗，感覺好豐富，有開心左一下🍲~ 豬軟骨比較乾身同硬，不建議選擇。米線係幼身偏硬既，鐘意食比較淋身既朋友就可能不適合了。至於湯底呢，好濃味，開頭食果陣都還可以配合到個無味米線，但到後期D米線開始索左湯，再配合埋個濃味湯，個腎有點受不住🤦🏼‍♀️🤦🏼‍♀️🤦🏼‍♀️，如果喜歡濃味既朋友可以去試下。服務方面，一如概往，無變好亦無變更差。🤷‍♀️🤷‍♀️🤷‍♀️

以前成日都會黎星林居食米線，雖然近年佢好似無以前咁好食，但係係尖沙咀有時想食米線都會照去！早兩日我去食，5點幾唔算太多人。我叫左米線走芽走韮菜，點知黎左之後係咩都無走，同職員講，咁佢話幫我換過！等左都10-15mins，拎出黎，一睇！貌相非常差，勁似左撈右撈完咁！好明顯同一碗，仲要d芽菜果d仲係到🙄如果佢唔方面換佢都可以講聲，但就應承換過都仲係果碗，仲要等左15mins先拎返出黎🙃 以前星林居都仲有少少服務，而家既服務真係差！

復活節最後一日假期去左尖沙咀玩，回程之前當然要買返碗外賣返去食啦，假期比較少人等左5分鐘就得啦，今次分左湯唔多濃，下次都係唔分啦，味道依然係咁好味，返到去都仲係熱辣辣呀～

今晚屋企冇飯食，放咗工就諗住一個人去搵啲嘢食下，然後先至返屋企，諗起好耐冇去星林居，於是行吓行吓就上咗去啦，上到去，職員嘅態度好差，呼喝叫你坐邊個位，一啲禮貌都冇，自己畫紙仔，我叫咗小辣，豬紅，油麥菜，腐皮，飲黑豆漿，好健康呀！等左5分鐘到，有得食啦！咦？我已經係點左小辣，點解一啲都唔覺得辣嘅？以前點小小辣都已經好辣，係咪個廚師轉左？湯底好似甜咗啲，同以前唔同左嘅？豬紅一啲都唔似豬紅，係咪雞紅嚟㗎！油麥菜我見到有啲係啡色咗，即係枯左啦！枯左就擇左佢，唔好上碟啦，收6蚊一個餸嘅油麥菜俾啲枯左嘅客人食唔係幾好啊！下次冇晚飯食，我都係行遠少少入去厚福街裏面食好啦！拜拜啦星林居。

附近返工成日諗唔到食咩，都會嚟咗呢度食米線，叫左少酸小辣，味道岩岩好。快靚正。推薦呢一度嘅豬軟骨。另外，今次仲叫左腸仔魚旦同菜。不過唔好喺呢度期望有咩服務質素同埋環境都係麻麻地。

做左咁多年人第一次黎食星林居，都有啲自愧不如！我唔舒服話唔要食熱氣野，佢就帶左我黎呢到食啲酸酸辣辣既野。餐廳好有啲廟宇風味，有啲竹呀佛呀咁，都幾特別既。本身想食金菇，點知無晒貨，唯有食下其他野。我朋友大推蘿蔔加上見到台台都有佢，我都嗌左黎食。真係又甜又入味，細問之下先知係老闆朝朝親自動手去整既蘿蔔，難怪咁好食啦！湯底都好足料，大量肉碎同酸菜加埋真係無敵，好好飲好開胃☺️

d餸菜太少，叫左菜肉餃裡面冇乜料，薄過灣仔碼頭水餃三陪以上。叫左小中辣不過似係大辣。我聽到格離枱都有講辣得唔正常。唔會考慮再食。米線方面軟硬度煮得正常。環境衛生比教差

今日經過尖沙咀，諗起好耐無食星林居，以前去開樂道嗰間，但2年前去過一次，成間店勁大陣廁所香精味，之後我就怕左好耐無再食，所以今日第一次去呢間分店！老實說，而家真係好難食！星林居10年前真係好食架！今日我俾左6x蚊，叫左蘿蔔、豬大腸、腩肉米線！蘿蔔正常，但只得2舊；豬大腸軟林林，完全不用咬，感覺好怪，似乎煮得太耐？腩肉硬同埋怪味！我揀了普通酸中小辣，但碗麵真係勁酸無辣味，成碗都唔好食，好唔掂！態度方面，侍應無態度可言，收銀個阿伯直頭唔掂！

話說琴晚帶咗個女去接老公收工，平時食開間日式燒肉執咗！咁好啦，見近近哋有間星林居，咪上去囉，食食下我個女話要去廁所，咁我哋去完廁所之後見到佢個職員倒垃圾，地下有張地氈，咁張地氈仲要鋪喺女廁門口，又有垃圾水～咁其中一個男職員就鋪返番好張地氈俾我哋兩母女出去，其實睇到呢個舉動我仲覺得好窩心～之後戲肉就嚟喇，咁我哋出到去都未知咩事，咁就繼續食嘢啦，鋪地氈個男職員之後拎住兩杯凍檸水同我講話係佢沖嘅～大佬，我由女廁跟住佢尾出嚟無見過佢洗手囉！最後我女喺琴日返屋企程車差D嘔出嚟（好彩我有膠袋喺身），返到屋企又痾到七彩老公叫涼拌米線，其中加咗響鈴，但其實係咪可以淥一淥先比客人食？我就幫女女叫咗碗小窩米線走酸走辣，加咗腩肉，芝士腸用腸仔，阿女碗麵一到嘅時候，老公食咗條腸仔（佢哋啲腸仔唔係原條上），點解條凍嘅？我叫咗碗加酸勁辣嘅小窩米線，上面嘅生根，響鈴基本上係packing拆封之後直接擺上碗～我諗唔係咁做生意呀嘛，點解你啲食物可以係凍嘅？定係個食法真係咁？係我太無知？雖然我無跟入廚房睇嗰個男人有無洗手，但至少當時後門出嚟，經過男廁，我都覺得佢應該洗返乾淨隻手，雖然我明白飲食業都係咁上下，但有D嘢係寧比

一個字差同媽咪一黎，因為佢食唔落一碗，就諗住2個人share一碗，可以叫多幾樣餸叫左5樣餸黎得4樣金菇，蘿蔔，豬潤，豬大腸，雞腎搵黎搵去都唔見豬潤同侍應講唔理你，每樣餸加$6-$8，但除左蘿蔔之外，其他得2-3小件，金菇得2條，可憐到，加埋紙包飲品話要$78，出到櫃面賣單話少樣餸又發老脾，話之前又唔講，係你地無理我咋喎，而家出面既小鍋米線食$70都唔會係咁既質素同份量以前味道幾好份量又合理，而家野食差份量少，服務又惡劣，一句話無下次，拜拜