星林居酸辣米線餐廳

營業中

休息中

如果說到最喜歡的湯麵，真的非酸辣湯麵不可，在英國的日子沒有得吃，寧願辛苦麻煩，也要把所有材料通通買下來自己弄！所以當我回港後，又怎能不馬上與星林居聚一聚，吃的是出色的酸辣湯，想念的是以前在尖沙咀工作的一點一滴。每次都是一模一樣，生根、魚皮餃酸辣湯麵，偶爾可能會多加金菇，一如以往的令人垂涎三尺。私心推薦來這裡吃湯麵，一定要配上咸檸7，才算是真正的一大享受喔！！！不過，雖然很喜歡這裡的米麵，但都深知要找到好吃的酸辣沙麵，其實不難，所以真心覺得這裡的員工服務可以更好一點，讓顧客有更好的食用體驗～

是日是拍拖日，跟女朋友一起午餐，沒有想太多就決定去星林居，原因無它，就是為了他家的酸辣米線，但畢竟闊別2年，我想像中的味道還是那樣嗎，懷著怛愓的心情走進星林居。裝修依舊，但牆上多了不少韓文的poster，週遭的食客都是各方遊客，操著不同的方言，看來它的名氣比原來還大，我這樣想著。我們分別點了傳統的酸辣米線（小辣），和涼拌米線（小辣）；米線入口還算彈牙，整體味道變化不大，但心裡不奇然還是有點失望，這不知名的感覺，我知其然而不知其所以然，理論上，米線味道一樣，我應該感到滿足才是；繁忙的服務員、不同的遊客，不以為然的服務態度，看著看著心中卻是感到一絲絲的煩悶，所以匆匆吃完便結帳離開了。酸辣米線（小辣），不太辣，又略酸，但米線口感彈牙好吃，湯好渴，整體還可以。涼拌米線（小辣），不辣不酸，没有什麼味道，有點失望。

今晚去星林居食米線，想搵人落單，但無人理，成15mins 都無人幫手落單，要自己直接出去收銀枱落單！客人食完走人，枱枱都無人清理，衛生環境差！員工清理完枱上的碗碟，沒洗手，直接用手拎面黎煮面的質素更大不如前，確實差了很多，唔好食，勁酸！食緊時，伙計仲不斷研究我碗面是否下錯單，問左幾次，我話無錯，都仲要不停問！收錢時，更是離譜，入錯晒d 單，價錢是錯的，一個人收兩碗面錢，仲要等收銀自己慢慢找回下單的證明才可以付款走人! Bad Feeling!

一向係麻辣米嘅粉絲嘅我，金馬倫度呢間星林居係我特別情有獨鍾，重陽放假行到肚仔餓，上黎醫下肚先，一坐低，個冷氣好猛好凍，換個位至好dd。今次點左，麻辣+$1，小鍋米線中辣，唔叫餸⋯點解唔叫呢，因為以前點餐紙，如果點多芽菜多配料，真係會成座芽菜山俾我架，以前食配菜都夠，點知今次我已經點左多配料，睇圖都見唔覺呢，米缐份量係多嘅，不過配料少左好多，而且味道同以前有d唔同左，米缐口感亦林左d，我想搵番以前嘅味道呀！

本人兩年前開始每月都會到星林居吃至少一次 可算是這店的小粉絲 但今次的經驗真的令我大大失望 這次叫了三餸小鍋米線 豬大腸 雞翼尖 油麥菜 當米線送來時 有一兩條米線都延伸到桌上了 其中豬大腸及雞翼尖最為失望 圖中碗中左邊是豬大腸 $10只有三塊超薄片 其中一片(最上的一片)還是又乾又硬 圖中碗裏右邊是雞翼尖 好像全燒焦了一樣 亦是又乾又硬 完全嚐不到丁點肉 此外 店內的員工對客人說話的態度和聲線也是需要改善的 可以嘗試小聲一點 希望以後有所改善.

自從大學畢業之後，好少黎尖沙咀星林居食喇。以前成日黎，因為鍾意佢可以多蔥多芫茜。早前咁啱經過又自己一個人食，就去搵返呢個回憶喇。佢係好似車仔麵咁自己tick, 我就叫左蘿蔔同油麥菜，健康啲嘛啲蔥、芫茜、芽菜唔鍾意嘅話可以唔要架，好自由。啲蘿蔔好甜好大舊呀，又無渣油麥菜性價比都算高，因為$4 都有一碟仔米線嘅質地軟硬適中。整體黎講，尋找回憶的味道係成功嘅

炎炎夏日 都冇乜胃口食野 呢間餐廳以酸辣米線作招徠 有朋友好鍾意食啲酸酸辣辣嘅野 所以就介紹我嚟呢間食米線🤤 每碗米線都係用自己用紙落單嘅 可以揀唔同嘅餸 學生哥有另外嘅點餐紙 可以平三蚊😮 店員都好有禮貌 我點咗響鈴同魚皮餃米線 小辣 普通酸😛 我覺得小辣都唔算好辣 下次應該會嗌高一級 湯底有啲肉碎 酸菜 芽菜 韮菜作為配菜👍🏻 米線都好大碗 好夠飽🙊 響鈴好大塊 又好厚 我就鍾意浸晒件響鈴落個湯度 吸晒啲湯真係好正 如果唔浸落去 就脆卜卜 都唔錯⭐️ 下次都會再嗌 魚皮餃份量就少咗啲 但味道都唔錯嘅另外我仲加錢嗌咗一枝黑豆漿 樽豆漿出面都有得賣嘅 相信大家都有機會飲過 所以喺呢度唔特別介紹喇😉 好期待再嚟星林居食米線😻 下次叫多幾個餸 隔離檯嘅紫菜都好似幾好味😋

是咁的～成年無食過星林居....經過諗住食下啦 以前質素都ok ge點知............野食一到 嚇死寶寶🤢十蚊2塊生既肥牛...都算啦🤔D米線又淋到呀媽都唔認得.....D員工完全無心機做 見到有單又唔收......倒瀉野又唔抹......仲要收野成碗米線跌左落地恐怖到一個點🤦🏻‍♀️環境污糟. D野又難食.估唔到只係一年既時間 就變成咁🤢我以前仲好鍾意食嫁 依加我寧願食X記 X仔既米線 都唔會再食星林居🤦🏻‍♀️

以前真心好鐘意食呢間米線，仲要嗌非常酸既湯底，再加大量芫莤，超級惹味。不過近來又食左幾次，味道的確係每況愈下，份量都愈黎愈少，價錢就好似愈黎愈貴，而且開曬風扇勁凍。重點係，我黎過呢間食過至少20次，基本上每一次都見到啲員工比人呼呼喝喝，而員工比人呼喝完，又鬧返個客，個老闆又唔理，個服務質素係非常惡劣。而且店員拎米線既時侯，張單仲浸係碗湯度，啲手指又會掂到啲食物，衛生情況實在糟透。個湯底係支持我忍受如此劣質服務既原因，真心希望老闆可以體諒下員工，客人，唔好再亂鬧人😮😮

朋友們講左想食米線好耐，但係又唔想食來食去都係果幾間，所以今次我地去左試新野。坐低冇幾耐，我地就各自拎左張點餐紙，係度睇同埋揀野食，開頭都掙扎左好耐到底叫三餸定兩餸，咁諗住第一次食都係試下三餸，可以試多點，咁我就揀左豬紅，豬膶，同埋魚皮餃米線。點知一開始食，見到啲豬膶好似overcooked ，好難咬，魚皮餃就好淋，豬紅就勉勉強強都算OK，可能之前朋友講到好好食，同我expect既有少少唔同。不過勝在人唔太多，我地食完都可以坐好耐係到傾計。

其實我真係好中意食米線，成日食譚Ｘ都會悶，所以搵過第二間，星林居。我叫左貢丸油麥菜酸辣米線。湯底係普通的酸辣，唔辣。米線有好多，食極都仲有，只食米線都飽。貢丸一般，唔彈口，有點腍，唔知咩口感。偷左朋友一件魚腐食，魚腐好食，少少彈。飲品就要加＄６，有汽水。尖咀尼講都算平，咁樣就＄３５，好飽，野飲都唔洗叫。

同朋友諗住快快手搵個地方食野，然後再去間飲品舖長聊，於是就黎到星林居食米線。係尖沙嘴工作既我有時食lunch都會過黎，黎呢度貪佢夠平又好食。有幾平？睇張單就知了。平均叫3個餸都係四十幾蚊度。我鍾意食拌麵所以叫左拌麵，不過真係無湯咁好食。偏油而且無芽菜個D。而且睇落去硬係覺得湯麵大碗D haha~~不過份量都係好足夠就是了。呢度既辣係幾辣的，今次拌麵嗌左小辣，不過又OK，下次可以試下食番中辣。如果你未食過呢間，建議揀比你平時食開個個低一級試下先。

只剩下失望 在外留學，經常想起呢間嘅味道。食左起碼8，9年，儘管d味道真係每況越下。但今日又山長水遠特意來食。叫左碗粉。黎到唔辣又唔酸，甜到死，會唔會太貨不對辦。同佢哋講，居然就西口西面俾左辣椒油同醋我叫我自己加。之後佢囉返張單話我唔記得圈酸，所以當我走酸。真係冇嘢好講。冇圈你係咪應該問下我，就算唔問，你賣酸辣米粉，點都係默認普通酸唔係走酸掛。同埋辣我有圈，點講都唔係好似清湯米線咁嘅味掛。算啦 唉或者緣分完了

作為米線lover，點可以無食過星林居？不過我發現原來好多朋友都唔識星林居或者無食過😔可能因為無乜分店。但哩間嘅酸辣小鍋米線係我米線店嘅至愛夜晚次次都唔洗等位，不過環境係有d迫，都要share table。得一張menu，揀自己想食嘅材料，之後再揀辣度同埋酸度就ok每次我都係揀小小辣再加普通酸因為本身唔係好食得辣，小小辣唔辣嘅但令到碗米線更加有味。佢個湯底唔算好濃，我好鍾意佢酸酸地嘅湯底味。配料方面我就揀咗墨魚丸同魚皮餃。一碗來講份量都OK都夠飽。其實碗米線又唔算好特別，但係唔知點解就係鍾意食😂係尖沙咀揾間平平地又簡單好食嘅餐廳哩間係個唔錯嘅選擇！

如果有人問我尖沙咀有咩推薦，我一定會推薦食呢間抵食又好食又唔使等位，最緊要價錢親民既星林居米線店！次次有外國朋友黎我都介紹佢地黎食。呢間野唔知點解成為左韓國人來港打卡既網紅店（可能因為都近韓國街）次次幫襯親都有韓國人係度用膳。佢電梯度已經貼埋韓文。不過佢個點餐紙就無韓文，只有中英對照。我每次去食都係剔明火小鍋米線普通酸，中辣，再加兩個餸（加咩餸就睇心情）豬潤最好叫佢煮耐d，因為我成日唔記得提會仲見血，不過都好食，辣度我就建議唔好食辣既都要試下佢既小小辣，因為佢唔算辣，而且佢湯入面d辣味肉碎好香！配菜係有韮菜芽菜😋可以揀走菜。而且一碗兩餸都係三十幾，左手邊個排坐位仲有插頭叉電，係我既飯堂之一！