星林居酸辣米線餐廳

營業中

休息中

-🦄星林居酸辣米線餐廳-小鍋米線 Hkd28蘿蔔+$8唐生菜+$6Rating🌕🌕🌕🌑🌑-星林居其實一直都幾出名下🤭特別係佢上左韓綜之後仲出名🤣我今日去都見到唔少韓國🇰🇷既遊客去食但都唔需要等位上到去就可以入座但一個人去食就點都要疊檯架喇叫左個清湯小鍋米線加蘿蔔同生菜 蘿蔔真係好好食又大件🙀煮得好淋好軟熟 而且好鮮甜😌最緊要係就算佢吸曬湯底既味道🤭都仍然咁鮮甜而且冇渣🤯所以蘿蔔絕對係可以一試既然後佢既米線就係比較幼身個隻但好煙韌同埋唔叫少米既話份量都幾多架不過大食既我食完呢碗米線都唔飽點算我有圈到要普通酸不過其實佢係一啲都唔酸架🤣下次要叫多酸先得haha同埋叫左多芽菜多芫茜多蔥所以送到來其實都幾震撼下啲料好似就掉曬出嚟咁總括然而味道唔錯💫份量都多💫值得一試💫-

呢間米線我食左好多年..每次帶朋友去試，佢哋個個都讚不絕口！之後會自動波去食雖然好食但基本上咩時候去都唔洗等位！環境就正常米線店咁 少少迫，但都理解既逐碗煮雖然等得比較耐少少 但好值得有張紙你剔 落單唔洗講一輪 又清晰 我食咁多次未試過搞錯飲品就不過不失啦絕對冇茶餐廳咁好架喇！但尖沙咀 加$9咁大杯 又多款選擇 亦可以叫罐裝汽水 個湯甜甜地 唔會好多油 最重要係個味出面食唔到我見左肥牛豬紅 份量正常，豬紅幾結實絕對會keep住幫襯！

有一個老嘅阿叔服務態度好差勁。明明自己入錯單 收錢嗰時候態度惡劣又唔比新嘅單個客睇返 佢話幾錢就幾錢好聲好氣問佢攞黎睇 好似得罪佢咁側側膊 啲餸掉轉咗價錢又唔打返啱人哋唔睇單你點開價都得啦咁本身都有幫襯開經過今次後真係不了。除咗識呃旅客錢仲食咩大家香港人都咁樣好失望 啲餸又落錯晒單 已經見到唔係淨係我哋張枱咁嘅難怪你哋咁多劣評 好多嘢都有原因既。。。。。。。。。。。。。。。。。。。。。。。

好耐以前一個朋友帶我去食過之後就停唔到， 呢間真係超級好食。因為我唔食辣亦都唔食酸，每次去都只會揀小小辣， 記住一定要揀小小辣先會有肉碎（肉碎先係最大嘅重點！！）所以嚟過食過好多次，亦都帶過好多朋友嚟食，有啲話麻麻地，但有朋友話發現佢嘅酸辣冇咁好食，反而揀無酸會好啲（ 純屬個人口味）飲品方面我每次都係揀VOT 雖然而家寫住係陽光嘅檸檬茶，但其實都仲係維他，都係維他嘅最好飲重點一題嘅係店員嘅態度都麻麻地，老闆都幾囂張， 串串共咁樣㗎～不過佢嘢食好食就算啦，去食嘢又唔係食個老闆， 最緊要係碗麵好食，所以都黎左差唔多有三四年

我聽朋友講話尖沙咀星林居既米線好好食，咁我就去試下，估唔到咁失望 剛剛入到店內，無店員理我，之後我自己穩位坐低。 當我諗好食咩之後，舉左好耐手都無人理我，要我主動行過去穩店員 我叫左小鍋米線配炸醬、火雞腎、雞翼、雞翼尖， 哇!個d火雞腎同雞翼尖都好大陣雪藏味，食到有d想嘔！d炸醬好多肥膏，搞到好油膩！ 仲有d店員，服務態度差，成日當我視而不見，講野d語氣又唔好! 試過就好，無下次!

這是我第一篇食評，決定要獻給星林居。可是這是一篇帶著失望的食評。一間吃了9年的店，老實說9年來的食物品質不斷下降。從前的我，出尖沙咀的話必去星林居，也會推介給朋友同事，現在自己會吃，可能是習慣吧，但不會再推介給朋友了。老實說，現在的水準時高時低，就連湯底的辣度也不穩定，時辣時不辣。現在每次去吃就像在碰運氣，若運氣好，米線煮得剛剛好不會太淋，蘿蔔入味，腩肉正常分量不會只有2片。很可惜每次去吃的品質也不同。

尖沙咀多野食就係人都知，點解要食星林居呢！可以生存咁多年仍然屹立不倒，自然有佢嘅原因，自己黎試下咪知囉！我好鍾意食酸辣麵&車仔麵，成日都會捐窿捐啦搵呢啲小鋪，星林居係我其中一間鍾意食嘅酸辣麵佢地選擇種類係非常多，今次我就叫咗豬軟骨同牛筋丸。牛筋丸冇乜特別，豬軟骨就好入味&有小小偏鹹，我係一個重口味嘅人，所以好啱我胃口我鍾意嘅係佢哋個酸辣湯底，Keep到以前嘅水準。份量就少咗啲啲啦，啱啱夠食咋！得2粒牛丸，1舊豬軟骨睇嚟下次要叫多兩個餸！我下晝兩點幾到，餐廳冇乜人，任坐唔嬲。

之前好中意食呢間，耐不耐都會黎食。但近呢兩次，已經覺得水準大不好前，每款餸都少得可憐，冬姑得兩粒，乜都得兩舊，但收 6-8蚊，又冇以前甘好味，係個湯底係幾好味。不過D服務態度真心差到...今日去左食小窩米線，食完打算坐多一陣先走，個侍應打算收走我杯菊花蜜，點知打瀉左我個杯，D水和冰倒左係我身上，一句道歉都冇，最後係我自己係手袋拎紙巾抹，個侍應就走左，一張紙巾都冇比過我，好似當冇事發生過甘，今時今日甘既服務態度真的不值得再幫襯！食完都一肚氣

天氣焗熱就會想食酸辣開胃的食物。剛巧行完尖沙咀新開的shopping mall，突然想食酸辣野食，於是就選了到星林居食酸辣米線。因為早到所以很快便有位。是次叫了中辣的生菜墨丸酸辣米線。星林居的酸辣湯底是本人頗喜歡的味道，而且米線煙韌不會過林，熱騰騰的米線連湯底食挺入味而可口，夏天食好開胃；生菜是分碟上的，可惜已冷卻，若果可以稍稍灼熱就比較好；米線的墨丸不過不失，咬開丸入面可見有幾粒墨魚肉，但只有2粒就有點少了。整體而言，星林居的酸辣湯底入味惹味所以值得推介，但比較大食的食客就未必夠醫肚了。

係尖沙咀想搵雲南米線食，一諗之下，就諗起星林居。有一排聽朋友講，星林居差咗好多，但我都想去試吓，睇下係咪真係咁大分別。一上到去，侍應就即刻打招呼同帶我埋位。叫左大約10分鐘就有得食啦～紫菜腩肉小窩過橋小小辣普通酸煮久（$36）一黎到影張相先，望落個樣正正常常，食落同之前黎食嘅味道都差唔多，湯底酸中帶好少好少辣，岩哂我唔多食得辣。我覺得喺尖沙咀，已呢個價位食米線，真係算係咁另，員工態度好好，我覺得食得幾開心

今日一早同哥哥去尖沙咀做牙齒檢查同洗牙。由於我同哥哥都係酸辣米線愛好者，睇完牙醫之後，我地就決定去食星林居。一如以往，我叫咗星林居最出名嘅明火小鍋米線，今次揀咗3個餸，分別係牛𦟌、腐皮角同埋蟹籽包。辣度我就揀咗小辣，而酸度就揀咗普通酸。我今次仲特別request咗要多䓤同埋多莞茜。碗米線個酸辣度同配菜加埋個味道真係好正我哥哥碗米線其中一個餸揀咗生菜，生菜好大碟、好抵食。明火小鍋米線生菜以優惠價配飲凍檸檬茶

係尖沙咀附近行開，想隨便食返碗米線，就諗起之前係金馬倫道呢條街上樓有間星林居，雖然印象中間店服務態度麻麻，上餐又慢，但印象中味道都食得下，就俾多次機會～今次我係一個人食，要搭枱都無辦法，但係袋都無位放，設計真係好差......畫紙仔落單，我揀左小鍋米線，金菇、墨魚丸同豬膶，配菜有芽菜、莞茜、韮菜同蔥～湯底係酸酸地咁，幾開胃～但我想講既係啲豬膶好難食，又細嚿、又粉、又煮得梅爛，乾爭爭咁，未食過咁難食既豬膶，邊值$8！

#中意嘅請分享請點讚🍻----------😋明火小鍋米線 $28呢度單點米線28蚊再自己加餸，我今次就揀咗 芝士腸($7)同蟹子包($8)，湯底少少辣普通酸。湯底好濃好夠味，鍾意食酸辣米線嘅可以試下，不過少少辣唔係好夠味，下次可以試下小辣/中辣。米線煮到岩岩好，但又唔會太過淋，米線係比較幼身。芝士腸有2條，蟹仔包有2粒，如果係大食嘅就要叫多幾個餸。湯底配菜有酸菜、芽菜、韭菜，如果叫辣嘅會有肉碎，但放哂係底差d以為唔記得加，配菜分量都算多食到最後都仲有。----------🚩星林居雲南米線餐廳🔎尖沙咀樂道23號地下A舖

明火小鍋米線米線太"林"火雞腎 正常雞翅 唔係好入味 d 肉有d 老菜肉餃個皮勁厚 無咩涵蘿蔔唔夠"林" 不過都算入味好嘅就係佢個菜會另上如果唔畫蔥/芫茜，淨係圈左韮菜，咁就無蔥無芫茜但跟餐嘅嘢飲都係around$6~$13 都平過出面飲汽水最抵

上星期六，同女朋友行完街，行到好夜。又攰天氣又熱，想食啲湯粉。於是我哋就揀咗去星林居，上到去居然好多位唔使等。每人嗌咗碗小窩米線。分別係牛筋丸、腩肉、豬大腸，中小辣。另一碗就係貢丸、魚皮餃、火雞腎，小小辣，加底。豬大腸同火雞腎都係第一次叫，原來又幾好食👍🏼。每人叫咗罐汽水，跟米線叫每罐$6都算抵吖。不過，啲米線送到嚟嘅時候完全錯晒，中小辣就變咗小小辣，加底果碗就去咗另外一碗。見我哋兩個自己食，就算數冇叫佢換番。但同時間聽到隔離枱嘅客人，投訴話所有餸都錯晒🤦🏻‍♂。總括嚟講湯底夠濃，味道OK，餸料OK。耐唔耐去食下都OK嘅。