星林居酸辣米線餐廳

營業中

休息中

今晚屋企冇飯食，放咗工就諗住一個人去搵啲嘢食下，然後先至返屋企，諗起好耐冇去星林居，於是行吓行吓就上咗去啦，上到去，職員嘅態度好差，呼喝叫你坐邊個位，一啲禮貌都冇，自己畫紙仔，我叫咗小辣，豬紅，油麥菜，腐皮，飲黑豆漿，好健康呀！等左5分鐘到，有得食啦！咦？我已經係點左小辣，點解一啲都唔覺得辣嘅？以前點小小辣都已經好辣，係咪個廚師轉左？湯底好似甜咗啲，同以前唔同左嘅？豬紅一啲都唔似豬紅，係咪雞紅嚟㗎！油麥菜我見到有啲係啡色咗，即係枯左啦！枯左就擇左佢，唔好上碟啦，收6蚊一個餸嘅油麥菜俾啲枯左嘅客人食唔係幾好啊！下次冇晚飯食，我都係行遠少少入去厚福街裏面食好啦！拜拜啦星林居。