星林居酸辣米線餐廳

營業中

休息中

上星期六，同女朋友行完街，行到好夜。又攰天氣又熱，想食啲湯粉。於是我哋就揀咗去星林居，上到去居然好多位唔使等。每人嗌咗碗小窩米線。分別係牛筋丸、腩肉、豬大腸，中小辣。另一碗就係貢丸、魚皮餃、火雞腎，小小辣，加底。豬大腸同火雞腎都係第一次叫，原來又幾好食👍🏼。每人叫咗罐汽水，跟米線叫每罐$6都算抵吖。不過，啲米線送到嚟嘅時候完全錯晒，中小辣就變咗小小辣，加底果碗就去咗另外一碗。見我哋兩個自己食，就算數冇叫佢換番。但同時間聽到隔離枱嘅客人，投訴話所有餸都錯晒🤦🏻‍♂。總括嚟講湯底夠濃，味道OK，餸料OK。耐唔耐去食下都OK嘅。