易牙妙手 (已結業)

好耐無食易牙妙手，係佢第一代銅鑼灣地舖(New York戲院個條街)，已經有食開。不過近期又差左D喎。我地一行兩人，叫左午餐醉鶏湯飯，大腸麵線同Lychee 玉露加椰果。醉鶏湯飯都有4/5片，但係佢唔知係咪D飯賣晒，得一匙份量，食左食似無食過，得D湯。個大腸麵線，杰杰"獻"，味道OK，但個杰杰"獻"好難頂個杯Lychee 玉露 同 飲糖水無分別差，去到唔好叫呢幾樣嘢

21-4-2009食完碗粉有點口渴, 又忽然想飲杯珍珠奶茶, 唔想「立飲」, 結果捨 700cc「奶蓋紅茶」0黎了家樂坊.Lunch hour 只叫一杯凍珍珠奶茶 ($22), 我真混吉 9 秒 9 0黎到, 賣相稀得令人卻步, 飲落都好稀, 真係.... 好在杯0野夠凍, 珍珠硬身度亦 ok, 算吧.招呼有點 hea, 不過環境叫做幾好坐, 是但啦.放低 $22, 唔多滿意, 叫做頂到0下癮吧.

尋晚同男朋友係mk行街, 7點幾想食野, 就行左去易牙原本以為會好多人, 話哂都係食晚飯既黃金時間, 點知冇咩人, 唔使等位~即入我地嗌左兩個定食同一個小食:沙茶魚柳飯 定食$60......前菜小食....ok既, 幾爽啦 清炒時菜.....冇咩特別 沙茶魚柳.....男朋友話個汁幾好, 但係好少汁, d魚柳就炸到乾左d.....麻麻地 珍珠奶茶.....冇咩味, 下次叫第二樣好過麻辣湯麵 定食$58........前菜小食....同上 醉雞 + 豬耳.....個醉雞幾好食, 又冇骨, gd! 男友同我都好鍾意食 ......d豬耳冇咩味...得個爽

急趕---難食---服務差一個排骨麵set(一個麵,幾片"淋"曬既菜,一杯無tea味既珍珠奶茶)一個牛肉麵一個鯊魚皮一個皮旦豆腐單叫一杯珍珠奶茶________________________________________________________有卡位有人排隊,2人唔安排坐卡位,要4-6人才可以安排卡位...叫野食,麵沒問題灼鯊魚皮--不知所謂,食過咁多灼魚皮都未試過"淋"到咁,好似鼻涕!!!又貴又難食又恐怖!!!皮旦豆腐--干既?!無汁但係又叫人撈勻來食,越撈越干,而且皮旦唔係糖沁!!!珍珠奶茶---無tea味,一睇就已經知另外桌上無調味料,叫人拿醋比2滴咁多...仲要係咁收野收枱抺枱,2個人食200幾蚊坐唔到一陣,呢世都唔會再去,就算有人請都係咁話!

lunch with bf this afternoon, wasn't that bad as people comment!其實之前去過cwb 0個間,叫個餐覺得馬馬,不過再試吓又無妨.We ordered:麻辣麵餐,滷水拼盤,木槺芝士,仲有兩杯洛神花茶同埋薑母奶茶.野飲ok.我地兩個都鐘意.洛神花茶開胃,薑母奶茶都好夠味.麻辣麵,我地要左乾麵,佢應該用左花椒粉.啖啖都好麻同辣!which is good!~haha餐個醉雞都幾好,加埋黑椒汁就更加好食. 反而個豬耳做就少左d同淡左少少.個滷水拼盤入面gei 牛肉最夠味,跟住係大腸都好正!腎唔係好soft but ok gei,蛋都幾好食,因為佢加左d滷肉汁0係上面.豆腐同雞翼就普通啦,無咩特別.個木槺芝士都好食!好似其實係雪糕黎gei,anyway,佢係一個幾好gei飯後甜品~又唔漏,正!自己未親身去過台灣所以唔知算唔算正宗,但overall我地都覺得好食~有機會會再黎gei.

本來想吃板前壽司，不過要等成十幾張枱先有位，所以求其去隔離幫襯呢度算啦！其實以前都幫襯過呢度一兩次，感覺一般。今次去到，兩個人一人一個定食，主菜連一碟前菜、一碟津白，另加一杯飲品。1）汁燒雞肉飯：醬汁還可以，但d雞肉太硬了，not good。2）紅燒排骨麵：個湯甜了點，排骨就過得去啦！見介紹話呢兩個都係招牌菜，如果咁都算招牌菜，咁就真係爭d啦！

兩個人叫左燕肉餃貢丸冬粉、雞肉石頭窩飯、香芋珍珠奶茶、A菜。所謂推介嘅燕肉餃貢丸冬粉，同粉絲差唔多(唔知台灣人係咪叫粉絲做冬粉呢)，D粉嘅質感好淋、好糊口，個湯好傑(唔知係咪個冬粉影響到，定係開粉漿水啦~)，總之感覺有D核突。但係個貢丸又ok喎，幾彈牙，有貢丸味。個燕肉餃食唔出咩未，非常淡口，個質感淋淋地。總括…唔會再叫。仲有雞肉石頭窩飯就還可以，材料每樣少少，如果唔加D拌飯辣醬，就真係淡口到無倫，一D都唔出眾，都係去番食韓國野先叫呢個飯穩陣D。A菜就ok啦(如果呢樣都bad common就真係摺得啦)，不過份量太少，得幾條，我情願佢貴D多幾條都好呀，個look太鬼鼠啦~香芋珍珠奶茶，味道剛剛好。食左每人$75，食晚飯$75一位唔係貴，不過D質素咁樣，我就情願食麵店好過…No return~

本來是去對面的 California Kitchen , 點知要等好多張檯 , 哎 !我們叫了豬排定食 $65 , 蒜泥白肉 $40 , 雞肉石鍋飯 $50 , 麻辣雞肉寬粉 $38 , 麻辣豬耳 $32 .麻辣雞肉寬粉 , 還是一樣的辣 , 好好味 , 一定要連湯一起吃 . 豬排定食 , 可以改魯肉飯 , 不會太 "掛" , 豬排也好脆 . 蒜泥白肉 , 肥肉好多 , 可能硬硬地的關係 , 吃下去又不會太肥 , 也可以接受 . 雞肉石鍋飯 , 份量好多 , 一定要熱食 , 凍了飯就變得太濕 . 麻辣豬耳 , 麻辣味不多 , 普通 . 這裡的飲品好好味 , 又大杯 , 如果叫套餐的話 , 加 $3 就可以叫一杯 , 好抵 !

本來諗住食板前,點知朋友話唔食壽司,就去咗 Lee 間嘢食啦...紅燒牛肉麵 : 啲肉唔夠腍,都唔係入口即溶嘅... (可能我食開"大婆牛肉麵"嘅關係啦...佢哋嗰啲真係入口即溶架~~) 啲配料好奇怪...白蘿蔔,紅蘿蔔... = =炸蝦餅: 都 OK 嘅...士多啤梨珍珠奶茶 : (個真名我已經忘記咗啦...總之係士多啤梨味架囉...即係 Menu 照片中香芋珍珠奶茶前面嗰杯嘢) 完全無士多啤梨味,又唔甜...蒜泥白肉: OK 啦...D 服務態度真係麻麻囉~~落單嗰位姐姐一直黑面...諗住留一份 Menu 飯後叫甜品,點知轉個頭就比人收咗...

平時食開cwb果間,今次就試呢間,wa~試左就出事!叫左個巨人麵套餐,我同朋友初時見到個碗比佢呃左,個碗係就係巨人size,但裏面果d湯多到不得了,搞到d味淡哂,完全食唔到台灣風味,d料又小到小矮人都唔夠食,仲有d麵好冇口感,好似浸左好耐湯果種發哂脹ge麵,總之兩個字:呃稱!不過d冷盤都ok ge,起碼唔會好似d麵咁失望~

中秋節個晚揸車入到西貢先知爆到要等個半鐘先有得食.但又約左X睇戲.無法.迫住出番旺角是但食D野算.見依間新野就試下啦.環境都算坐得幾舒服.唔迫打開MEAU.台式飲品當然唔少得.但依度全部都要散叫.我地叫左牛肉麵.雞肉石頭窩飯.炸蝦餅.牛肉麵.個湯好濃WO諗住好咸啦.點知又唔係WO...個湯啱啱好.但比較油.牛肉肥瘦均勻.又軟又入味.30幾蚊真係食得過.我覺得比起毓民好食好多...雞肉石頭窩飯.材料都幾多.但味道唔出眾.鬼咩...食台灣既地方我又叫韓國野...但都唔難食既.我覺得味道唔夠囉.炸蝦餅.依個真係有驚喜呀!!!咬落去真係食到有蝦既口感.味道又非常好!!!5舊真係唔夠食呀.但依度小食既選擇唔太多.咁既價錢.環境同食物.我覺得滿意!P.S: 多謝OPENRICE誠邀我出席「慢食意菜學堂」既活動. 如果時間許可.我1定會出席嫁!

今日行過呢間易牙妙手見都有幾個人排隊等位，橫掂都肚餓，就不如試！我叫左一個唔知咩醬汁雞套餐，跟躁肉飯，先講d雞，嘩！難食到你唔信，我夾硬先食左兩舊仔，又乾又鞋，好差難食，果碗躁肉飯一d都唔好食，跟餐我叫左檸檬梳打，唸住最簡單點知甜到飲唔倒咁濟！仲有果d所謂叫米粉嘰，明明係米線，叫咩米粉呢？唉！好食都無所謂，果d米線好似荳腐做嘰一樣，真係入口即溶，最適合d無牙嘰公公婆婆食，所以一次交易無下次。

本來諗住食呢間嘅鄰居pizza店嘅, 點知係無book位嘅情況下要等成25張枱, 都係轉軚穩陣d. 呢度細枱都要等12張先到, 不過可能人嘅流量快d, 所以只係等左半個鐘已經有位啦. 兩個人叫左一個推介嘅燕肉餃貢丸冬粉, 有d酸酸辣辣feel, 啱晒我口味. 個冬粉好似平日食嘅粉絲, 不過就粗d同淋d. 加上個湯幾糊口, 所以都幾飽肚. 仲叫左個雞肉石鍋飯, 雞肉就幾"鞋", 不過d伴飯嘅配菜就好好味, 尤其係個辣泡菜, 好味過好多韓國舖頭. 仲有個卥水蛋配卥水豆腐, 18蚊一小碟有一隻卥水蛋開邊同幾件豆腐, 都幾好味. 特別係個卥水蛋入晒味, very nice. 野飲就試左桂圓珍珠蜜, 甜甜地都唔錯.

今日下午2點幾去左呢間野諗住食妟, 見佢下午茶餐無咩好食, 甘我同朋友叫返午餐啦~ 侍應態度好差... 等左好耐, 終於有人幫我們落單。叫左"百香果紅茶"及"香芋奶茶"; 一d味道都無... 仲落錯單, 黎左"香芋珍珠奶茶"...之後, "咖喱魚柳飯" 得幾點咖喱汁, 點用來撈飯呀? 炸魚柳只吃到一堆炸粉, 魚柳... 一d都吃不出; 另外一個 "肉鬆茄子飯" 好一般... 叫侍應埋單, 好耐無人應... 問係咪可以免費泊車, 個個黑口黑面, 好似無水洗面甘。叫又無人應, 問野又比d侍應"啤"到行... 甘既服務態度及食物質數真係好差... 請都唔會再去。

見板前咁多人排個肚仔又好餓喎依度又有位就入去喇環境都算幾好幾寬敞又坐得幾舒服叫左個餐食燒汁雞塊+滷肉飯前菜一般雞塊都幾多件下,,,個燒汁都ok好味滷肉碎撈埋D飯,,,,岩岩好而伴係滷肉旁的青瓜,,,,酸酸的好開胃整體都接受得到唯一既係餐入面既娃娃菜好似好求其烚一烚不過價錢唔多合理