易牙妙手 (已結業)

星期六兩點多到旺角易牙妙手吃下午茶,不用等太久便能入座!下午茶時間,有多款選擇最平廿多元便可交易。我ORDER了一個花枝湯飯 和 一個皮蛋豆腐上菜速度十分快。食物質素十分好。之前幫襯了數次,仍能保持水準,值得加許。花枝湯飯,花枝十分爽脆,新鮮。湯比較濃稠,十分入味。飯份量十足,十分飽肚。皮蛋豆腐,知道係用盒裝豆腐! 但肉鬆都十分多,木魚及皮蛋都有,如果蔥可以多一D就更好。由於此時客人不算多,不會趕客。 店員更加服務周到,其實只要不在人多的時候去,便能得到更好的服務!

去完台灣,,個心始終都仲響台灣未番黎@@所以我同男朋友今日就特登出左去旺角食台灣野! 我地去左呢間家樂商場食台灣野---易牙!我地叫左2個set dinner!而且仲加左錢轉台灣最出名既魯肉飯:-)首先就講下我叫果個雞啦--->全名係咩我已經唔記得 /_\呢個真係好好味! 份量又大wor,我自己1個根本就食唔曬佢唔會得5-6舊甘少..響相入面數到都有9舊啦!已經個汁真係好正!! 送飯一流!! 至於個魯肉飯就梗係無台灣正宗果d甘好味啦不過以港式黎講都算係甘上下..但係d魯肉真係少左d!!唔可以送曬1碗飯,,但係有其他送食都okay既!碗飯都幾大碗,,定唔知係珍珠米關係會飽d呢,,我食唔曬碗飯 呢個係我男朋友叫果個餐,,係排骨黎架排骨都幾好味,,不過d肉有少少"鞋",,好易會痴牙!但係都夠林既:-)雖然個魯肉飯都係一樣既,,不過照post埋上黎啦!!係呀! 要提一提個魯肉飯係有青瓜架如果好似我同我男朋友甘怕青瓜陣味,,記得記得落單果時要同waiter講明啦唔係個飯都會有陣青瓜味:-)每個餐都會有杯野飲既,,不過我唔記得左影相xddd我地響唔怕塑化劑之下,,大家都叫左珍珠奶茶黎飲,

上星期五諗住請朋友食飯, 去到旺角到處都要等位, 去到家樂商場見到這間"易牙妙手"無咩人等位便進去了。叫了2個定食: 紅燒排骨面 和 鹽蘇雞扒飯, 珍珠奶茶. 紅燒排骨面幾好味, 而推介鹽蘇雞扒飯 好脆, 但配白飯口感就比較乾, 如改配魯肉飯會比較好!但到了付款, 我拿了一張中資銀行的信用卡, 店員一看便說不收, 我真不明原因, 再詢問為何不收, 她回應: 總之這銀行出的信用卡就不收!!那時朋友看後馬上用了另一張卡付了款..但我真感到奇怪的是為何這店可以隨便拒絕客人使用某銀行的卡呢? visa卡不是有visa的標誌就可以用的嗎?我要求店員給予我解釋, 但因錢都付了, 我和朋友坐了幾分鐘都無人理會...唉!算了吧...

下個月就去台灣啦,今日先黎易牙妙手小試牛刀下,諗住俾自己可以比較下之後台灣既好味!!!一早電話黎book左位,安排坐左o係最埋面,我地咁嘈,岩o西,唔會嘈住人!好快之後,就有人送上熱茶及menu,很好我地4個女仔叫左3個餐(小食+主菜+菜+飲品)同2個小食!飲品先到,荔枝玉露同珍珠奶茶,簡直O嘴荔枝玉露,我真係覺得佢地打多左個「玉」字囉,無玉,成杯荔枝水.....好無奈,我頂唔順,所以我俾多$3叫waiter拎番加d椰果俾我......因為呢件事,覺得個waiter o係我地叫野飲之前既建議係正確!佢話珍珠奶茶最好,連咩茱香珍珠都唔好,普通珍珠奶茶就ok!麻辣牛肉面定食配ma辣豬耳同醉雞片個面朋友話太辣,我就話唔夠麻同湯唔陪滾,所以無左食辣個隻興奮感,大減分數!醉雞片好好,清清地有d麻油香,酒味唔重!麻辣豬耳,唔點醬係無味既,得個爽字。小食係海帶邊,唔爽唔un,超lum,唔好味.蒜泥白肉,超失望,蒜泥既份量只得2分,如果10分滿分...要另外叫個waiter拎d蒜泥黎,但佢俾既分量係另外1分既份量.....雖然之前大陸d人炒蒜頭遮,洗唔洗唔落蒜呀.......個蒜係靈魂囉,個鼓油實味架

今日同朋友要了個二人餐，味道好、份量足而且價錢合理!二人餐包括:1) 二人份量的台灣麵 湯底好味又足料！　2) 雞腎　都幾大碟，整得好淋而且味道好好！3) 皮蛋豆腐　唔知係加左咩汁料，呢個真係好好味呀！跟餐仲有兩杯珍珠奶茶。加一後都係$135，都算抵食。

第一次去呢到食野，初頭都覺得唔錯。叫左３樣野：紅燒牛肉麵，皮蛋豆腐，燒牛肉飯＋珍珠奶茶。紅燒牛肉麵都唔錯，幾好食。豆腐就麻麻。但系，個燒牛肉飯Ｄ飯又生，牛肉又唔熟。我地問個仕應Ｄ飯係咪唔熟，佢竟然話Ｄ係珍珠米，所以咁硬。之後我地食到Ｄ牛肉紅色唔熟，再問翻果個仕應，佢勁晦氣咁話送Ｄ咩甜品比我地。隔左一陣，又走黎同我地講唔送得。哇！！佢玩晒啦！食緊果陣問佢，佢又話唔係生。食完問佢，Ｄ肉紅色，佢又話送甜品，勉為其難要，佢又話冇得送！！佢Ｄ態度真係！食野果陣又成日係度行黎行去，都唔只佢想點。呢間野真係好唔掂囉！！

上次食左第一張coupon, 今次就繼續用$29蚊買$100蚊ge 優惠價去食易牙妙手！叫左個鐵板牛肉定食同埋羊肉麵線～鐵板牛肉先上，上個陣仲卜卜聲，熱辣辣～～　前菜好油，感覺就係辣椒油浸粉絲加紅蘿蔔。油到唔敢食而且都唔係好好食菜係生菜，加得太多油，味道一般鐵板牛肉ge牛肉得幾塊細細地，見到人地隔離叫ge吉列豬扒同魚塊，好大舊，一對比就覺得好唔抵  但係個牛肉都幾好食ge，嫌個醬太重味，完全蓋過牛肉個鮮味羊肉麵線好好食！麵線唔會斷晒，仲係有d彈牙，有d彈性。湯底係用中藥煲ge，陣陣ge中藥香噗鼻而來，羊肉有鮮味又有中藥香，半肥瘦岩岩好～(可以見到有杞子同當歸浮係面ga!!!)洛神花茶(走冰少甜)，酸酸甜甜好開胃又幫助消化～唔錯唔錯埋單$117，用左coupon俾17蚊only，即係二人消費$46抵抵抵

叫左一個咖哩麵包盅（魚柳)，嘩~~包送麵包個底煨到黑嗮!咁都拎得出黎比客食,d魚柳仲衰,得两件仲要係魚皮成$55 架！加埋薯仔成碟得7件。。＂老＂肉飯多汁到好＂溜＂，唔記得叫左個唔知咩麵個湯底好似溝水,無味，得胡椒粉味，一個字講晒~~~~~劣。

2010-11-4大病初愈,,又難得做曬未來數天的工作,,,今晚就同咗A先生到旺角忙里偷閒,,購物一番,,xD行到差唔到,,又近家樂坊喔,,就到Fishball Affair試食一餐啦,,,話說早前途經就已說好下次經過要一試,,6:30入座,,人不太多,,但已冇曬卡位了,,要坐有點兒逼既2人枱(因為都買咗唔少野,,),,所以唔太舒服咁,,心情有些受影響,,看看餐牌,,發咁選擇唔算太多,,(但都唔少既xD)點了咖哩面包,,石頭窝飯,,麻辣涼寬面3款既味道都很好,,尤其係個咖哩面包,,A先生讃不絕口d面包烤到外面脆卜卜,,入面仲有小小"軟熟" wo,,所以口感好好,,個咖哩既味道唔會好濃,,配面包食就啱啱好,,,同埋d料都算足,,都幾多薯仔同雞肉噶,,(可選擇配魚柳)另外不得不提既係個麻辣涼寬面,,距個賣相都好赫人噶,,好多辣椒咁,,以為好辣啦,,但食落都唔係喔,,只係小小辣,,酸酸辣辣咁,,未食過呢個味道,,個人黎講好鐘意,,同埋係冷盤,,感覺都好開胃噶,,唯一要挑剔既係,,好似好多辣油咁,,女仔都怕油噶嘛xD但A先生話,,辣油唔怕會肥wo xDhaha~anyway,,I like t

今晚同FD出左旺角行街街, 行完潮區覺得肚餓, 本來想食板長, 但太多人, 就轉左去食易牙妙手.依間野出左名好服務, 有禮貌~因為上一次我想轉台, WAITER 都幫我轉~我地坐低左就開始叫野食啦~首先就點左我中意食既皮蛋, 叫左個皮蛋豆腐依個菜有肉鬆, 皮蛋同豆腐~我FD 一開頭用快子夾...=.=要撈完先食架~原來唔係好多人知要咁食第2樣必叫既一定係醉雞篇, 有酒味, 雞又滑又嫩, 酒又唔會好似酒樓醉雞咁重~最後既雞肉石WOR飯雞肉冬姑泡菜..中間仲有生雞蛋, 賣相一流, 味道都好好食~一開香氣飄揚, 好食~

一向對台灣這地方有情意結，太多太多的方面令我很喜歡台灣這個地方，最基本的一人一票，民主進程，包容力，無障礙城市，閱讀文化，滿街咖啡館的氛圍等等等等，都令我很喜歡這個地方，所以我一向承認... 我係崇台份子。為何說這些係因為是日黎呢度食下午茶，覺得佢用料都幾好，真係有D似係台灣食既味道，所以幾鍾意呢度，但可能會因為我自己崇台既緣故而對佢讚多左，所以都係報定案好D。大概 3 點幾，正宗下午茶時間，因為要搵個近地鐵站既地方，所以就黎左呢度。黎到既時候全場計埋我地只有 3 檯客人，非常安靜，環境夠哂寬闊舒適，坐得好舒服喎。下午茶分別叫左菜肉雲吞新竹米粉，同埋煙鴨胸三文治，個別再跟一杯飲品。菜肉雲吞新竹米粉黎到覺得幾油下，不過我好鍾意食佢個米粉呀，好滑有d似粉絲咁但比粉絲煙靱有口感，菜肉雲吞個皮厚左D，不過菜既份量幾多食落幾香，味道都OK。煙鴨胸三文治個麵包烘過所以好脆口，材料食落全部都新鮮爽口，鴨胸就無咩特別，不過重點係我幾鍾意佢個沙律醬~ 同我地平日食個D唔同，食落感覺無咁油膩，輕巧D，味道微甜，好味喎~~ 唔知呢D係咪叫美乃滋呢？另外佢呢度既飲品都OK的，我地分別叫左奶茶同咖啡，奶茶就好似

基於當日我早已經食到飽飽所以只係同朋友夾份食一個set...揀左魚魚果個要肉燥飯另外再加左杯巨峰提子梳打先講魚魚味道唔算好特別不過汁就真係少左d油菜就真係好油菜囉都比唔到d咩評價肉燥飯算幾唔錯汁幾夠而且d肉無又乾又老既感覺我都幾鐘意依個肉燥飯野飲方面朋友叫左杯台式奶茶個樣都唔差...幾香我叫左巨峰提子梳打明顯就係提子汁加梳打水不過比起汽水果d提子汁佢無咁甜Nice服務算幾唔錯起碼應得好快不過整體未算好吸引未有想一試再試既衝動....

同同事食個晏,燕餃麻辣湯面辣而不麻,行貨凍珍珠奶茶加胚芽要加3蚊,點知上台杯奶茶無珍珠叫佢當珍珠轉胚芽又話唔得,就叫上番兜珍珠比我... 唔通叫我就咁食不論服務同食物都唔掂,請我都無下次

易牙已經不是第一次到訪，令我們再一次到訪不是因為它很有特色，只是間中想吃台灣菜的時候，就會想起它，因為它坐立於旺角這個鬧市。不過我們聊天的時候發現，當我們最近到台灣旅行的時候，竟然沒有正正式式地吃一頓台灣菜，可是當我們回來之後，卻突然對台灣菜有興趣，真有趣。話說回來，我們三人各叫了一客午餐，午餐包一客主菜和一杯台式飲品。我的烤牛肉飯($38)最先送上，是比所有飲品更早送上。牛肉比較薄片，而且沒有任何燒焦的痕跡，只是表面多了一層油光。牛肉質感比較自然，沒有任學特別化學的現象出現，而且口感軟中帶韌。至於茄子，在餐牌上沒有特別指名有茄子，不過既然送上，那就不仿一試。茄子有燒汁和芝麻相伴，惹味非常，不過熱吃還是要比較小心。飯粒黏性比較高，吃下去飯都黏在一團，感覺比較差。其後送上友人的燕餃魯肉羹飯($32)，由於這並不是一般的湯底，所以看上去已經覺得很飽了。這個羹上面鋪滿黑胡椒，是對自己的信心不夠，還是這裡的特色，無從考究。喝一口，當然是黑胡椒味先當道，其後便覺得滿口獻汁味，實在令人有飽意。飯應該不是泡了很久，所以飯粒仍見完整，而且帶有湯羹味。燕餃不是包得太飽滿，餡料的肉味也十分單薄，唯一可取的

因為開會開到九點，又唔知去邊度食，友人就提意去呢間試下。（如果係我的話呢間不一定係我首選…）不過，勝在唔駛等位，一埋去就話執緊枱，肚餓，唔理咁多。見到其實都幾多人…打開餐牌，幸而都唔係冇野想食…鹵水拼盤、一個湯飯、一個紅燒牛肉麵、再黎多個雞肉石頭飯…鹵水拼盤－－略鹹。雞翼浸左好耐、淋哂，個人係OK的，雞腎好靭，大腸OK，其他都幾好。湯飯－－無乜驚喜、我記得好似有酒味。紅燒牛肉麵－－咦？呢個反而OK 架喎…我未試過其他店的牛肉麵…（事實個人來講不是太喜歡在香港吃台灣菜…完全不是台灣的味道嘛！）味道係有（味精唔少啩？），牛肉幾淋、蘿蔔都幾淋，整體係配合得幾好。