明洞Express (已結業)

在尖咀，韓國區附近。於是，三口決定不飲茶食下其他野。評： 好多牛肉，同有肉汁，不用再放野已經好有味道。牛肉比看起來好味，同夠林。60幾蚊真係唔錯。比上次附近同類擊食的好味同抵食。8/10評：石頭飯，一般，無咩味道，牛肉不是很多。不斷加韓醬搞下搞下。6/10評：煎餅，不錯，四人食比較好D，因為三人食有點飽，太油膩。味道幾好，有CHEWING感覺。8/10除了位比較迫之外，食物其實試不錯。

又起韓國街搵食既我，今次就黎到明洞express 開餐。我最鍾意就係佢地既牛肉飯。 首先大大碗，真係食到好飽，填飽一個大食既我都無問題。 另外就係多菜，好健康。講番個飯，牛肉都算多，汁就唔算太多，係肉味都唔錯，起碼唔會太鹹先。 加個蛋同韓式辣醬，健康得黎又幾滋味。不過個湯就略為鹹左啲，成碗味精湯咁，淡番小小就更好。另外如果黎食，可以試下佢地啲粉絲飯，大件夾抵食！

韓國明洞是一個購物中心之外，小食檔子也不可錯過；這個晚上來到尖沙咀，乍見明洞EXPRESS，便二話不說前來試一試韓國風味的食物。這裡以自助形式售票，我們看好餐牌後，到外面結帳的地方點餐，再等待弄好食物便可拿回原位享用:這裡的套餐包括了湯，前菜和甜品:湯是白蘿蔔清湯，味道還可；當天的前菜是芽菜和泡菜，非太正宗，但可以接受；甜品是類似豆沙的糯米滋，不過皮太厚了，唯有只吃中間的豆沙餡來解辣吧。泡菜拉麵年糕:年糕有點兒生，而且味道過辣，但拉麵非常好吃，辣到流汗的感覺非常過癮。海鮮石頭窩飯: 材料豐富，飯雖然不太可以成飯焦，但這裡的辣醬非常美味，適合香港人口味，不太辣，非常惹味。海鮮煎餅:這個真的不錯，材料非常多，雖不及韓國的正宗，但過一過口癮也不錯。

同男朋友唔知食咩好，行過明洞 express 記得之前食過okay 就入咗去。叫左烤五花腩，石頭飯同kimchi pancake認真，之前黎過 express 知道佢係快餐店既模式，所以都期望控制左下男朋友。但我真係估唔到宜家 express 竟然係連燒肉既過程都唔俾你享受 (given 以前係真係有得自己燒)烤肉鐵板上都唔緊要！塊鐵板熱住咁上既話我無問題，但估唔到鐵板唔熱之餘，塊五花腩係廚房既時候已經燒到硬過我條命。算，express 唔好期望咁多。試下個 kimchi pancake 。一食落去，我真係呆左咁坐係度，塊野根本唔叫得上係pancake, 佢只不過係一堆又厚又熱又濕粉 (持平dd 佢係有啲kimchi 味既) 本身打算硬食，但食左半塊真係頂唔順，我走左去同廚房講 "pancake 好似未熟", 佢話再整過。好喇，第二塊pancake, 點知都係一樣！！ 我好灰，真係好灰。至於個石頭飯，我無咩 comment。呢餐飯，我無辦法再食落去，唯有用等男朋友食完既時間寫篇食評

唔得閒去唔到韓國又想食韓國野,唯有去尖沙咀睇下有咩啱食過下口癮~行咗陣結果入左明洞express.叫餐到拎野食都係自助式幾特別!有個牌好似去到韓國cafe咁~炸醬面係韓國正宗個隻唔錯,唔係度度都會用尼種面,而且個汁唔會太咸幾好味~!石頭鍋飯就一般, 太多地方有啦,出面和民個啲都食到, 唔算特別...仲有個牛x湯(唔記得個名..)睇落冇乜野, 原來下面仲有粉絲~清清地咁又幾好味又抵食!不過有啲又貴又唔係好味,好似年糕個啲冇乜味, 食得多又滯...餐牌咁多野大家就自己睇下邊啲抵食好味唔好味啦xd

由佢位處天文台道到而家金巴利道，多年來都有光顧，炆牛肋骨食o左無數次由$50食到而家$88，初時搬到新舖水準仲保持到，最近兩次去食，出品質素明顯下降. 味道冇太大外變但牛肋骨肉越來越韌，以前係炆得好焾，食起上來係享受，對上一次去，起碼一半出晒力都撕唔開，要拆o左舊骨成舊肉放入口o趙到咁上下成舊吞，今次就更差，一共五舊，三舊要拆骨o趙，有一舊係韌到o趙唔開，咁多年第一次要放棄。以前經常要等位，今次唔駛，去到見門口阿姐望住對面新開果間韓式快餐眼光有D怪人搶生意，顧客立場梗係去好食果間，你越做越差，D客梗係去另一間；食完呢餐我都會講為乜要貼錢買難受，咁o既質素仲要旺角開分店，我祗可以話佢唔再搞返好D質素連老尖呢間都保唔住。我都好難肯定下一次仲會唔會再幫襯。

同事介紹這一間，說是平又不錯，我們就去了前菜 , 泡菜：也算是很好，不太辣，也很韓國。人蔘雞 湯：淡淡的，就是水一般，雞也太少，沒肉的，真的沒有甚麼味，下了很多鹽巴。石頭飯：也是淡淡的。要下很多醬，而且肉比較硬又不夠香。如果性價比是可以，但就是不好吃。

入到去坐低先知道係快餐形式，膽粗粗就試試，點左海鮮炸醬麵，等左一陣有得拎比我想像中有出入，有D失望，醬汁好杰，味道普通，偏甜，食左陣都覺得好乾，唔想再食，會跟湯既，不過都係味精湯，無選擇才飲配菜方面泡菜都比較普通，唔係好入味，韓國餐廳有咁既質素真係麻麻

今年第二次食，真係覺得價錢OK,食物OK既，今次食終於見識到老闆娘嘅細心，佢見我想影相竟然企喺隔離幫我擺好食物比我影，真係貼心前菜 , 泡菜、薯仔片 (當時太飽沒食到)人蔘雞 - 人蔘湯 (較淡) 糯米、紅棗 (糯米好綿好甜)  雞(好瘦)牛肋骨、炸醬飯 (牛肋骨勁有牛味、炸醬唔係好得)牛肉石頭飯 - 牛肉(滑), 生雞蛋, 紅蘿蔔絲和芽菜(好甜好正)

女友突然嚷著要食韓國野,於是想佢開心就去左尖嘴既韓國街逛逛. 找到原本想食個間韓國野,原本已經等到佢12:30pm 開門,仲竟然話內部修理緊…  落住雨都無咩mood再搵, 就行前多幾步食呢間明洞express, 唸住撞下手神…入到去先發現原來系快餐店形式經型, OK Fine…攞起個餐牌, 看到個價錢… 唸住應該同連鎖店韓X家咁, 勝價比高啦…殊不知大失所望…兩個餐兩份share…是拍拖常識吧…於是先share左個韓食泡菜湯拉麵，少少辣，besides個泡菜,真心feel唔到有既咁韓式,個拉麵同公仔麵無咩分別, 5分鐘KO左我個面… 心唸不如去茶記食個餐蛋麵仲多1個餸呀…陰公豬…第二個餐係好少少既牛肉炒粉絲…真係正常到冇得再正常… 點知…先講牛肉..”鞋"到好似食煲完靚湯既瘦肉咁…最ridiculous既係呢個餐送上例湯, 裡面個牛肉十成十系用牛肉炒粉絲同樣既牛, how come 例湯個牛仲好味? 講番句公道話, 粉絲算係不錯, 量都okay…不過油左D真心講…若果你想食韓國野, 真係要check清楚開門時間, 唔係摸門釘就唔好啦!

早幾天晚上，朋友想吃韓國野，但已經十一點多，大部分在金巴利道的韓式食店已經關門，見到這間明洞還未關門，於是我們走進去，見到你餐牌上寫著韓文，以為是正宗的韓國菜，侍應有的是韓國人，以為是正宗的韓國食物，誰知……我點了一個韓式牛肉飯，我朋友點了一個牛肉炒粉絲，這裡的形式像快餐店一樣，先到檯面結帳，等待食物到來的時候，自己出去羅。我們點了這兩款餐，附送泡菜，有泡菜是韓式食品的常識吧，一定是必備的。我的牛肉飯味道……除了咸就是鹹，裏面味精的分量多得很，而那一個例湯味精的濃度更達到頂點，我沒有點飲品，吃完這個飯之後，滿口味精怪的感覺實在很差，我們立即到附近的便利店購買礦泉水。而我朋友的炒粉絲味道也是一樣，味精也是一樣，這間快餐韓式食店，味道的確令我們很失望。。

本來和朋友打算吃李家 但由於排隊太長 看到openrice的食評說明洞不錯便來了叫了一客紫菜飯卷和泡菜豬肉飯紫菜飯卷的賣相很一般 味道也普通得很 飯粒硬身 紫茶不是韓國紫菜 飯卷中的料很少 完全不值得一試泡菜豬肉飯的味道尚可 但豬肉只有數塊 泡菜和飯也很多 泡菜味道可以接受 算是不錯的了 而泡菜豬肉是偏辣的當我和朋友吃到一半，那時泡茶豬肉飯至少還有半盤，我們剛好同時在看我的手機，韓國老闆娘(？）即走過來叫我們吃完便走，而對面好心的顧客就叫我們不要理會，後來我們快快吃了幾口，老闆娘又走過來詢問我們走未，於是我們也只好離開便罷。其實食物很普通，最主要態度很差，我們絕對是吃了不久，而且食物還未吃完，而且我們也深明外面有人等候亦趕緊吃完便走，但態度和語氣都過份不友善，所以絕對不會再光顧。

同朋友去完行街街，夜晚7點半，一心諗住去食喜來稀肉先去e頭食飯，不過人龍實在太長，結果就簡左附近既明洞。好好彩，唔使等位就入到去， 第一次去去食，以自助形式買完排隊自己拎，水，碗，醬都有，其實都算係好方便，不過鋪頭空間感真係好細，攪得自助既，條路就唔好單程線啦！行得入又行唔到出，仲要行出行入咁拎野食 出野食速度都快既，不過食物就麻麻地喇 每款主菜佢都會比湯同前菜你紫菜飯卷，卷得d飯太實，而且又冇咩味炸醬麵，唔知係咪凍左我地先撈，已經變左一pat pat，而且味道麻麻泡菜拉麵年糕，年糕仲未稔，唔知係咪為左配合香港人口味，唔太辣，想食正宗既就唔好簡佢喇 牛肋骨湯，算係今晚最好食既野，牛肉稔身，而且仲有少少肥，湯唔會過濃，送飯一流 去到夜晚8點半，個老闆娘同門口個帶位，開始不斷問我地食完未 由拎完野食，到佢問，中間得9個字，而且我地每樣野食都仲有一半囉 第一次我朋友話飲埋杯野，第二次個老闆娘走黎話人多，叫我地如果唔食，就讓番張枱出黎，我地話食埋少少先，5分鐘後老闆娘就已經拎埋托盆過黎收野 喂，如果係咁，下次不如寫明繁忙時間只可以坐一個鐘啦！總括黎講，食物質素普通，又冇服務可言

今次黎試下 果然真係非常唔錯既, 依間快餐店設有一個自助吧，比你自己去拎調味料同餐具。除左餐具我要拎既就係韓式辣醬，因為我陣間一定要食石頭鍋飯。因為唔係間間既石頭鍋飯都會落辣醬，如果係到想食辣，就要自己行下去自助吧拿拎醬撈飯。咁樣就方便好多，唔食辣既人都可以試下佢個石頭鍋飯。落完辣醬撈好自己既牛肉石頭鍋飯。自己決定落幾辣醬，可以以自己的喜好去落，我自己就唔落太多。如果想有飯焦吃，就要等下,我自己就唔食,所以一到就撈佢，整體都幾好味,個辣醬加埋D飯好好味,個牛肉都唔錯,不過個湯就普普通通,咁係正常既我覺得,食完D濃野再去食番啖野會好D。整體黎講都算唔錯。 

這天到尖沙咀外出工作，突然想吃韓國料理，就來到頗有名氣的「明洞Express」來試試看。我點了特辣雜菜海鮮湯麵，跟一杯凍柚子茶，總共85元，算是蠻貴的。這個價位，我可以到hungry korean吃到石鍋飯加紫菜飯卷再加飲品。 因為名字有「特辣」，我怕太辣，所以收銀姐姐建議我改小辣。但我發現我錯了，因為一點都不辣!!比辛辣麵更不辣!!! 我後悔了!! 整個麵頓時變得毫無特色，而麵條比在家煮的辛辣麵差好多，很軟，一點都不是彈牙口感。 但它的配料也蠻多的有超多蔬菜及海鮮，超多料又很大一碗，只是我行錯一步就整個變調了。所以怕辣都唔好叫小辣!!