明洞Express (已結業)

我地係晚餐時候到，人多係正常既，我地六個人但唔知點解比啲number後過我地個啲人先入去！問下企係門口個侍應佢又唔耐煩咁話就快等左成半個鐘有多終於入到去啦，咁個啲要自己去counter比錢叫食物，我地有個朋友叫左野食食住先，其餘就睇緊個meun，個侍應一行埋尼就話:咩話？你地叫一個咋？ 咁既態度都有，未試到啲野食已經知呢間餐廳既質素啦！我地點左人參雞湯，炒年糕，豬肉粉絲飯，紫菜包飯，乾同濕既炸醬麵等等。一食落口已經知道中哂伏，個雞湯零味道，紫菜包飯係硬既，炒年糕一啲辣都無。我地食淨左幾多野下叫佢幫我地打包，點知個侍應一野拌哂啲汁係個膠袋到，試問咁既服務同食物質素點樣可以令客人再一次尼食呀，以後都唔會再光顧呢間餐廳，比錢買難受

最近很愛來這餐廳用餐，覺得味道水準都能保持到，也很喜歡這裡前菜的味道，韓國街的餐廳試過好幾間，還是覺得這裡好。每次都一定會點炒粉絲，粉絲有很香的麻油味，加上韓式牛肉，味道很夾，粉絲吸收了牛肉汁，牛肉亦使整碟粉絲不會單調，令人一口接一口。經常看到隔離的客人點選一款有牛、有炸醬、有飯的餐，賣相相當吸引，但又不知道是餐牌上那一款，於是便試下點特上牛肉飯，類似的名字，果然中了。令人充滿期望的牛肉飯果然沒有令我失望，更有驚喜。牛味濃，肉質淋，不費力氣，便能享受它的美味，加上醬料，惹味非常，真的很好吃！一定要再試！旁邊的炸醬，其實可有可無，還是當炸醬麵比較好。

7點去到,唔洗等位! YEAH~ 上次食左泡菜豆腐煲，今次就試下上次見到都好想食既à雜錦泡菜冷麵。食到辣既人對呢個冷麵應該讚不絕口。但其實除左辣，呢個冷麵就無可取之處了。原來雜錦既意思係有半隻白烚雞蛋同埋蓋滿一碗飯既生菜~ 過下口癮，下次唔會再食冷麵了~另外，朋友仔既牛肉炒粉絲飯係好好食。其實飯既份量真係好多…我同佢一齊食都食唔晒!但佢個炒牛肉真係好甜，又有牛味，再加上炒洋蔥同炒椰菜。正啊!

睇完直航殺機就同朋友D黎咗呢度食 lunch。環境衛生服務：衛生OK，環境普通。因為係快餐形式，冇咩服務，水都係自己攞。味道及價錢：睇下Menu 價錢合理。我最後揀咗豆腐鍋（$55）。薯仔配菜好好食。豆腐鍋味道普通，豆瓣醬味重，有d辣。$55 咁大份，食到超飽，加上有d海鮮喺入面，真係幾抵。朋友D的牛肋骨（$60）。湯底清，牛都OK，不過有d韌。Final Verdict:味道普通，但價錢合理。

筆者早於韓風未於香港盛行之時，已被韓劇集、歌曲所吸引而令到衣著、進食習慣都有所改變，近期受到星星熱影響，將筆者喜愛的韓風的態度再已提升。本來筆者，對於任何油炸食物一向敬而遠之，雖然經油炸的食物香口，令人難卻，但如果食店的粉漿、油稀有差池，都會令食物大大失色。另一半卻偏偏喜愛香口食物，本想與另一半到李家一嚐炸雞之樂，但放工時份，店外的人龍已將筆者嚇走。晚餐時段已到，眼見其他韓食店外的人潮，遠處看到此店人潮尚未開始…不消一會，店者已帶領筆者入座。此店以快餐形式經營，就座後餐牌看準食物，在櫃檯點餐、結帳，店後隨後附上一個震動儀，快餐準備好震動儀隨即震動示意令食客將快餐取回座位享用。筆者與另一半合共點了三個餐，每個餐均有少量泡菜、青瓜，一碗肉湯，避免制做廚餘，最好衡量清楚個人食量多寡，而牛助湯($52)，亦會附上白飯一碗，筆者均將多出的泡菜、青瓜及肉湯退回，以免浪費。湯料足，每碗牛肋湯均有四至五塊在內，肉輕輕連著肋骨易咬開，肉質頗嫩，一口肉一口湯，清甜無比。在內亦有少量蛋花，蔥以及薯粉條，用料充足。而筆者點的是辣炒辛拉面年糕($65)，辣度可以於點餐前向店者提及，年糕量多有咬口，韓國年糕有別於

星期六，18:00晚飯時間，行去金巴利道想食韓國菜，可惜每一間都大排長龍。最後選了這間，因為不是太多人排隊（但之後又係十分多人等位）這裡是快餐店型式經營，當安排好入座，自行看完menu, 選好心水食物，便行去收銀處排隊落單。然後收銀員會給你一你牌，你只需回自己的坐位等候便可。當你的食物ready, 那個牌便會震動，然後自己行去取餐處拎食物。水杯要自己去拎，然後自己斟水。每一個餐都附有兩樣前菜，芽菜和泡菜，還附有一碗湯，好像是牛肉冬瓜？這個湯出奇地好飲，清甜味道，不會太味精。辣年糕拉麵，年糕好煙韌，拉麵也不會太過淋，但略嫌不算太辣，喜歡辣的朋友，應該需落單時註明多辣韓式壽司有點兒失色，太硬了，一件放入口中，需要用很長時間來咬爛它，下次不會再食了。但原來叫這個也有湯和前菜附送，有點surprise後話，店鋪太過迫，坐位太密，坐得不舒服。。而且好嘈吵如果為求快，填肚而已我會推薦的。但若和三五知己談天，這不是一個好選擇

金巴利街因聚集形形式式的韓國餐廳及韓食素材店而有韓食街之稱當地聚集十數廿間韓食店及食品料理市場、小店，所以食材相當地道和新鮮。張誇雖不愛看韓劇，甚至每次看到facebook朋友們洗版式韓劇分享感到煩厭但對韓食的鐘愛有如滔滔江水，最愛就是韓國泡菜和年糕，亦僅次於日本菜。明洞Express為明洞屋燒烤嘅快餐副線品牌，主打套餐或單點小菜在非繁忙時段或閒日時，明洞屋亦會提供明洞Express的菜式但在晚市或繁忙時，明洞屋就改為只供韓燒，明洞Express就成了明洞屋的分流這可是相當聰明的做法呀，這就能吸納兩種不同的客源呢。是次晚市時段，因此門外聚了大量等候位子的客人，而店內因坐滿客人而十分擠擁等了大約半小時，終於等到兩個與其他人搭檯的位置拿了餐牌後是先出Counter位置點餐付款，然後拿著韓國常見的提示電子牌回坐位坐當提示牌響起時，就出Counter拿食物，有點像快餐店的形式，水和餐具也是自己取的呢。這次試的是港人大熱的炒年糕，紫菜卷及泡菜鍋不消二十分鐘就有得吃了，果然是快餐啊！^比明洞屋稍為便宜，價錢算是合理。年糕炒得煙韌有勁，惟醬汁味似辣番茄汁，扣掉少許分。紫菜卷飯太乾身，而紫菜不新鮮；似

牛肉粉絲飯: 份量十足 牛肉好夠味而且唔韌 粉絲軟硬程度煮得剛剛好 唔太硬 而飯嘅份量都好多 係食唔哂炸醬麵: 個人認為d麵太軟 醬唔夠''傑'' 份量都係好多 整體食物味道都好好 份量多嘅關係 我建議可叫一個飯另外再叫其他小食，而且環境都好寬躺 舒服

七點幾黎到間餐廳都坐咗九成客，服務態度尚和，不過佢好多四人檯，所以兩個人嘅話就預咗要share檯我哋叫咗泡菜鍋，炒年糕同雞肉炒飯泡菜鍋好好食，好多泡菜，而且好入味，湯汁同飯一齊食真係一流，而家佢個餐有包個湯，個湯清清哋都唔錯炒年糕唔會好spicy,睇你嘅接受程度啦，我覺得係大部份香港人都接受到嘅程度，唔會食兩啖就要飲水，啲年糕硬度啱啱好，不過份量唔算多炒飯就差少少，啲飯炒得太難，無咬口

勁耐無入黎食野, 差d account都開唔到...今次食左個韓餐, 出山寫一寫文先!呢間係朋友介紹, 話係幾正宗既韓式餐廳~入到去感覺好似家庭式餐廳咁, 細細間, 除左一般飯餐同小食外, 重有得燒韓燒!要注意叫餐方法! 係攞左位, 坐低睇餐牌, 之後要自己行去櫃枱買餐,記得要帶埋銀包出去!之後會收到個接收器, 可以攞番位慢慢等!等個接收器響同震就出去攞得架啦~記得呢到係自助形式! 要杯水都要出去自己攞, 無人服侍~地方都少少窄, 所以行出行入都要小心撞到人叫左炒年糕! 好好味, 年糕好有咬口唔會太硬, 個汁就一開始食甜甜地, 食食下就辣味出哂黎!唔食得辣既人唔好亂試!麵就好似係辛辣麵個隻, 都入味唔錯, 但係放得耐會發脹...要快食!右面係豆腐窩, 冬天食就最啱!豆腐滑, 湯夠濃味, 有蛋黃既香油, 好惹味!重叫左牛肋骨飯, 整體OK, 但係分量有點少~牛肋骨有點硬...個汁比較清淡, 要加埋泡菜一齊食先夠味~整體食物唔錯, 不過環境真係有點小, 如果係去快食lunch會唔錯, 價錢都合理~

看來店面小小, 座位挺舒適的, menu選擇很多~ 店舖採用自助形式 - 客人選好食物, 自行到收銀處下單, 店員會給一個提示器, 當提示器閃燈和震動就即是食物已經準備好, 客人再去取餐就可以了. 而取餐處旁邊設有自助取餐具,醬料和飲用水的地方~ 每個餐都附送湯和伴菜, 伴菜是泡菜和薯仔片. 泡菜口味不算偏辣, 薯仔片爽口帶粉, 兩者的味道不是很重, 適合香港人口味. 湯嘛... 有點像雜菜湯, 但喝上口胡椒粉味濃, 喝不到蔬菜味(蔬菜也很少)... 兩口作罷.上圖是「牛肉石頭什錦飯($66)」, 一看到, 嘩很多菜~ 第一次看到韓式石鍋飯上是鋪滿菜的哩~ 菜下面是一般石鍋飯的材料: 牛肉, 生雞蛋, 紅蘿蔔絲和芽菜等, 一定要拌辣醬(自助取)!! 而且量要比一般的量用得多一圈, 因為整個飯都沒味道... 要靠拌醬才有味道啊~ 有夠熱的, 飯焦很多. ("飯焦"這個比起味道......應該不是重點?! 但這是"唯一"可以讚的地方......) 辣炒辛拉麵年糕($65) : 個人認為挺夠辣的! 拉麵彈牙, 可惜年糕稍硬.炸醬飯 ($48) : 一般都是會伴薯仔麵, 但伴飯卻是更好呢~ 炸

同朋友一早説好要再來這裡吃晚餐的因為上1次睇到別台的「燜牛肋骨定食」非常吸引XD今次1嚐 果然真系非常不錯 牛肋骨份量以1個女仔尼講好足夠 仲要配飯 牛肋骨炆得剛好 又太淋又吾太乾身---其實配菜(泡菜加薯仔)都好好食 我同朋友仔仲叫咗炒年糕加麵((無影到相可能加左麵所以年糕分量少咗好多 年糕都系好好食 煙煙un un不過下次就不會再揀加麵嚕。但總括成餐飯都系好okay

由天文臺道跟佢跟到而家，最like食佢呢度個既牛肉粉絲飯，分量十足，有湯，又有前菜，都真係算係咁，不過今次飯不夠熱，好在粉絲溫度ok，撈埋食真係幾過隱，但牛肉份量偏少，而且可以做返嫩一些比較好。

餐廳細且窄，作自助式快餐店，食客不斷出出入入自取食物很危險。而且服務極差，伙計竟然跟客人爭餐具。用同樣價錢，可以在附近食到更好的韓國菜。點了紫菜卷，泡菜湯及炸醬麵。紫菜卷：差！飯太乾及淡而無味。泡菜湯：差！味道跟羅宋湯一樣，但只有辣，沒有酸味及泡菜味，是一個失敗的羅宋湯扮泡菜湯。炸醬麵：差！麵沒彈性，醬沒甜味。

姐姐之前食呢間話好味，所以呢日帶我來encore!叫左泡菜豆腐湯同辣醬撈麵（煙un版）！泡菜豆腐湯：不算辣，但很香，豆腐亦好滑，送飯一流！沒有太多肉，食落清清地，又夠飽，好滿足！辣醬撈麵（煙un版）：d 汁唔夠辣，d 麵實在太煙un, 感覺好難消化，亦好快覺得膩，冇咩配菜，有點單調，可能要普通麵會好d!