明廚

營業中

休息中

雖然，第一次到這家店，感覺尚算良好。服務員見我一袋二袋咁入去，都會幫我整頓下d行李，十分感動。服務員又細心向我家人介紹招牌菜，我一行8人，6大2小，點了兩隻火焰蟹（好大隻，多膏），小朋友要小心d,點火時，真係好大火，兩隻瀨尿蝦（勁大隻，有膏架！），我都未試過，瀨尿蝦起完殼之後，咁完整，仲擺到咁靚上碟，荀殼魚，啫啫通菜煲， 鹽焗泰國花落（粒粒都好大粒）， 椒鹽栗米，蜜餞雞翼等等等。。。記得去大众點評，點評後仲有小食送都算是一家有質素的菜館！推薦

約左幾個朋友仔到尼間人气小廚食小菜海鮮， 雖然唔係裝修豪華，但係夠地道小菜夠鑊氣炸牛坑腩 一啲都唔韌香脆可口蜜椒薯仔牛柳粒 香口好味豉油王炒麵 夠鑊氣 味道剛剛好重有金磚豆腐 避風塘粟米 拎嚟送酒一流見到隔離枱食火焰奄仔蟹真係流曬口水唯有下次先至再嚟

😡食左個二人海鮮餐食到不吐不快😡鹽焗花螺廿粒左右，有三個係臭既。椒鹽瀨尿蝦（只得一隻，以為二人餐兩隻）D肉係「梅」既，全無彈性。應該死左一段時間了。奄仔蟹瘦到...而且無咩膏（應該係被偷了），但而家唔係季節，只能表示遺憾。龍蝦炒飯，唯一可以。 但連+1服務費成$1800 個所謂2人海鮮餐就真係..絕對唔值！ 絕對唔值！絕對唔值！同場食飯既有兩檯普通話+一檯單拖鬼佬，個鬼佬埋單時都話you don't serve me good at all how dare you askfor such bug services fee ? 😂

朋友推薦這店幾款小食都確有驚喜金磚豆腐 避風塘粟米 蜜椒雞翼海鮮， 新鮮，一食就知鹽焗花螺 火焰奄仔蟹 豉椒炒蟶子地方企理清潔 服務員質素幾好確實真係香港地道風味有時間會再帶仔女嚟食

近期個個都話香港飲食點差點差，又貴又唔好食又無服務… 昨晚難得可以同老婆出去食飯，點都要支持下本地野，所以就去左開左都好耐的呢間主打大排檔風味的食店-明廚。呢間店近來見到佢擴張，銅鑼灣都開埋，仲要裝修到好靚，睇佢都係走高級中菜的路線，但我地就食番地道風味，所以就特登去番旺角店。入場當然同銅鑼灣店無得比，正常舊式食店，尚算整潔。坐底我地先叫左火焰奄仔蟹，然後再慢慢睇下餐牌，最後我地決定叫多3樣，冰火辣味魷魚、啫啫通菜、豉椒炒花蛤。我同太太商量的過程大約十分鐘左右加埋3樣餸，好驚喜地火焰奄仔蟹已經到啦。係咪見到都好想食呢？鹽焗火焰A級奄仔蟹呢隻奄仔蟹係本店其中一樣招牌菜，半隻的蟹身只係比我手掌心細小小，算得上係非常大隻，雖然大隻，但580一隻係我評價係算貴嘅。咁我地就睇下佢究竟值唔值呢個價啦。奄仔蟹本身用鹽焗，眾所週知，鹽焗海鮮可以保持住海鮮大部分的鮮味，而呢味餸最特別的地方就係食之前會落花雕玫瑰露然係點火，當酒精蒸發完，玫瑰露清香撲鼻的氣味立即衝擊住整個嗅覺系統。可以想像到玫瑰露的香已經完全同奄仔蟹的蟹膏混成一體。當火焰熄滅的時候，我地已經等唔切要立即享受下呢隻580蚊的奄仔蟹。可以見到

而家點解啲人咁鍾意北上消費，因為北上佢哋嗰啲服務真係好到呢？同香港嗰啲服務對比真係無得傾🥲，咁香港當然亦都有好多服務好好嘅，我哋啲朋友每個月都有聚會，不過今次去正呢間嗰啲服務真係🥲🥲🥲🥲🥲🥲如果你唔想受氣就真係🥲🥲🥲，或者你如果有被虐狂的話🤣🤣———————-我出嚟食嘢食咗咁耐真係第一係服務先囉，其次就係食物，如果唔係朋友今次話想喺旺角食嘅話，真係唔會喺呢度食囉！受難！！！！———————-鮑魚係好好食筍殼魚都係好食嘅咕嚕肉都是好食的生蠔煲都好食部份餸菜不過不失，當然有啲都係好難食嘅，而且食物大致上偏鹹，當然有啲好食有啲唔好食啦，不過嗰隻雞真係鹹到想嘔🤮，啲肉又嚡颯颯。不過咁嘅受氣服務以後都唔會再嚟㗎啦，算吧無嘢好再講———————-

喺這家餐館嘅一頓飯，真係令我開心到喊！🦐🔥👌🏻先講講嗰碟火焰斷片海中蝦，件件蝦仔呈金黃色，咬落去蝦肉爆汁，酒香味仲係唇齒間縈繞。搶眼到不得了嘅火焰表演，成個過程都好炫目！筍殼魚嘅部分，真係勁！又大條又肥美，肉質Q彈得嚟又咁滑，炸到外皮微微香脆，扒一塊沾少少秘製醬，啖啖肉嘅感覺，真係太滿足！薑蔥豬膶煲熱氣騰騰，豬膶軟綿得黎唔失嫩滑，同薑蔥嘅配合，食落去暖笠笠真是過癮。至於嗰個金銀蛋時菜，就真係煮得啱啱好，時菜爽口，金銀蛋滑溜溜嘅，呢個組合又鹹香又開胃，幾令人回味。朋友系呢度食得好開心，話味道正宗得滯，連連稱讚。多謝明廚嘅廚師同團隊，將普通好似平平無奇嘅食材煮出高水準嘅味道，真係令人讚唔絕口！下次記得要再黎試下其他菜式！

🍽️食物方面：🦀廿年陳釀醉奄仔蟹銅鑼灣分店推介新菜式 凍食 D膏好似🍦🔥油鹽焗香港火焰奄仔蟹旺角總店招牌菜 點火上 Igable🤳💪🏻手臂瀨尿蝦 真手臀size 比你打卡之後會剝埋殼 懶🐷必食🐮脆皮牛坑腩 外脆肉淋 有啲肥肉🦈雞煲翅二人份 價錢抵食⚱️金磚豆腐 勁脆食唔停🥚金銀蛋豆苗 均衡飲食要叫碟菜📷打卡方面：新鋪岩靚靚打卡 同MK總店完全唔同style記得去埋綠色北歐風裝修嘅廁所🤣🔈環境方面：有三間房可以食住飯唱k🎤好滿意個🚻洗手液係用Loewe💬其他資訊：明廚📍 堅拿道西15號安記海味旁邊ℹ️🍚 明廚小炒私房菜係假嘢💰成餐飯➕1枝酒💲3xxx

一定要點海鮮！一定要點海鮮！一定要點海鮮！重要的事情說三遍！而且越貴越好！并不是因為味道有多好，而是因為如果點的價格不到，你就會被曬在旁邊⋯⋯想先點幾道開味菜再來點海鮮，結果上三道菜（炸豆腐+花螺+白灼牛肉）花了50分鐘。點了的乾炒牛河一直都不來，最後只好退了。都沒心情繼續點海鮮了🤷🏻‍♂️後面來的客人點的菜都上得七七八八了，我們的菜都還沒來⋯⋯店內擁擠、服務態度不佳、菜品口味一般、價格就是來割韭菜的⋯⋯奄仔蟹拍拍照可以，但是真的沒必要特地來受罪。店家好自為之、食客自行斟酌吧😮‍💨

招牌油鹽焗火焰A級奄仔蟹: 係一道採用A級奄仔蟹，以油同鹽為主要調味料，通過焗烤或烘烤既方式製作既招牌菜餚。 呢種烹調方式突顯奄仔蟹既鮮美同原汁原味。蒜蓉粉絲蒸日本扇貝: 蒜蓉粉絲蒸日本扇貝係一道用蒜蓉同粉絲蒸製既日式扇貝菜餚。 咁樣既烹調方式能夠保持扇貝既嫩滑口感，並賦予其濃鬱既蒜香味。油浸野生筍殼魚: 油浸野生筍殼魚係一種用油炸製既野生魚類菜餚。 炸製令皮變得脆口，同時保持魚肉既嫩滑。椒鹽鮮魷： 椒鹽鮮魷魚係一道將新鮮魷魚裹上椒鹽混合物後炸製而成既菜餚。 呢種方式令到魷魚表面酥脆，椒鹽調味則為其帶來香辣既口感。

螃蟹和鱼很好吃，还有鱼翅汤很鲜！强烈推荐，可惜我们到得有点晚了，没有吃饭皮皮虾！下次一定要早点到，一定要吃到皮皮虾！支付方式也很友好，支持在大众点评买优惠券！也支持大陆的支付宝！

海鮮個樣呃得下人，但唔值依個價。其他餸都ok，但都係偏貴。餸式：火焰奄仔蟹味道：好唔掂，d膏好似另外唧落去，極貴餸式：泰國瀨尿蝦味道：好唔掂，咁細隻要4百幾，極貴餸式：脆皮牛坑腩味道：肉質唔錯，但炸個吓畫蛇添足餸式：麻辣雞煲味道：出色，好食餸式：西蘭花班塊味道：出色，好食餸式：脆皮豆腐味道：出色，好食餸式：魚湯野菌浸時菜味道：垃圾，魚湯似清湯，野菌少到震餸式：銀芽肉絲伊麵味道：垃圾中既垃圾，叫伊麵比炸麵底

這家大排檔開業很多年了，海鮮風味獨特，口感惹味，花螺新鮮大隻，螃蟹肥美多糕！（不過記得留意價錢，一隻螃蟹🦀️需要400多，一隻瀨尿蝦都要四百幾！）服務到位，幫你開埋瀨尿蝦！環境舒適，有閣樓！

日日返工放工無限loop 都係想生活過得好啲，今晚就黎明廚一家人食返餐好既！冰火辣味魷魚首先黎個冷盤，魷魚爽脆，個汁又夠入味，辣就慢慢沈出黎果隻，好惹味金磚脆皮豆腐個皮食落好脆好薄，但係個豆腐就好滑，仲好重豆味，唔洗喼汁都夠味油浸野生筍殼魚成條魚用油浸既方式做真係好少見，做出黎魚皮卜卜脆，魚肉依然幼嫩再另外加少少蒸魚豉油同香蔥一齊食，同平時食蒸石斑個味都好似，但就多左種炸魚皮既風味，好好味鹽焗火焰A級奄仔蟹見到隔離叫我地又叫，因為睇到佢個size，太震撼，十兩重，開邊鹽焗，上菜時店員再係煲邊倒上酒，啲酒既香味一聞就知係玫瑰露，勁香。開蓋後啲火仲燒緊，隻蟹拎上手就好熱，但太多膏，都唔理得咁多，要開動了。啲膏又多又鮮甜，蟹肉肉質結實，好鮮甜，份量又足脆皮牛坑腩呢個餸都好值得提，因為又試到佢唔同既炸漿，唔可以唔講，佢炸既所有野火喉都掌握得好好，個牛坑腩本身肉質已經腍，佢炸一炸炸脆左個面之後再加埋佢個蛋黃芥辣醬真係冇得頂。坑腩肉味香濃，個醬有啲芥辣，食完都唔覺膩，好好味

今日黎到旺角一間好有心思既小菜館，係正朗豪坊斜對面，夠曬方便。餐廳唔算大，但都算舒服！點解話佢有心思呢？睇菜牌見到食材介紹，都知道老闆係用心挑選過，蔬菜都係選用香港既無公害水耕蔬菜。🔹火焰奄仔蟹 $438菲律賓既奄仔蟹，蟹身非常大，膏多肉厚。首先用鹽焗熟先，上台時加入玫瑰露酒，點燃火焰，整道菜色香味俱佳，讓人十分驚艷。火焰都唔係普通效果，而真係可以逼左玫瑰露酒既香味入蟹身度！🔹 油浸野生筍殼魚 $380餐廳每日新鮮到店的泰國野生既筍殼魚，肉质厚实鲜嫩，據稱係河魚界既石斑。野生筍殼魚肉厚沒有骨。油浸的方式令魚肉更加鮮美，口感極佳。🔹涼拌花甲皇 $168店家只選用花甲公，肉質非常嫩滑，沒有筋，搭配上酸酸辣辣的調味汁，口感非常開胃。🔹鮮牛肉炒台灣快菜$168快菜遮係潮州白菜，水耕既菜菜味比較濃郁，而且好爽脆！牛肉都好大塊，好食的