昌發泰國粉麵屋

營業中

休息中

我覺得食評同講野應該一樣, 最緊要到point, 一針見血.lee度係泰國人主理, 食物又平又正, 夠正中! 感覺就好似去左Bangkok咁, 咁樣仲有mud多餘既野需要多講?好味!

第一次食鰤魽，食落口，肉質同蜆類無差別，我食得出佢係新鮮既，但無奈一滴滴的血水簡直令我邊食邊發麻，有點嘔心都係生蝦比較岩我，配上蒜同紅辣椒，去左d醒味，好有肉感@hehe配上泰式配汁，酸酸辣辣好醒胃，不過太多的話，會"擒"左蝦的鮮味，但食泰式野慣左手勢會"點"惟有靠蝦肉的口感黎test 佢新鮮程度!!! 都好新鮮bor@hehe食左一個叫 泰東生菜包，其實都係普通泰式肉碎，不過佢仲有一個係叫做泰北生菜包，問過負責人，佢話分別係在於泰東無咁辣wow，因為在場的buddies 都不太食辣，所以，揀左泰東，但香料味重，依然惹味@@其他串燒、粉麵都很一般，同九龍城其他泰菜館都差唔多，唔算好出色，但又唔係差個隻lor~!!叫左個咖哩海鮮，唔好睇佢咁紅噹噹，成碗冬陰公咁，其實佢一d都唔辣，所以成班人都好岩食，入面除左大蝦，都仲有d 配菜，都幾好食架，因為索埋d汁丫嘛^.^~~~btw 仲有叫蝦餅架，不過，係咁食，無影到，埋台都熱辣辣，要即刻食，!!!!都好啖啖肉@@@@

自從在上周生日局,同班朋友玩過"夢羅麗莎","船長"等遊戲,突然之間船長上身,帶朋友去遊船河,其實不是走去駕船,而是相約友人,去到九龍城"昌發",吃個遊船河而已.早前來過幾次,遊船河也遊過幾次,今次轉一轉口味,要一碗鴨肉湯河,而友人當然就係遊船河,放心,不是我駕船,保証安全.另外再要一碟咸蟹青木瓜沙律.很久沒有吃過咸蟹青木瓜沙律,記得早前在隆姐吃過的不錯.昌發做出來的,比隆姐更加好.木瓜絲切到每條幼細,伴以酸辣有致的辣汁,完全將味覺打開得燦爛,越吃越開胃,咸蟹的咸味,令到這個酸辣沙律多一份層次感.鴨肉湯河的湯底,有別於遊船河,除味道一樣濃甜之外,好像更多一點點藥材味,或者純是心理作用,湯河內的鴨肉質厚,但豬紅就淡而無味.落單之前忘記要求轉金邊粉,結果就是比較"黐"的河粉,見到友人遊著船河,一臉滿足的表情,更大讚金邊粉爽滑,只怪自己不夠"醒水".在紅牛受到可卡因的困擾之下,來吃一碗船河,一樣送到你一對翼,因為友人遊完船河之後,即刻充滿力量.大家不妨試下.

自上星期從泰國返港, 又開始對那些街頭湯粉麵產生種種掛念, 要在香港試到地道風味的, 來龍城一定是不二之選,是次來到昌發, 就是想試"遊船河". 店內牆上的各式食物相片, 令我不斷回想當地菜式, 光顧的食客, 大部份都是泰國人, 鄉里都來吃, 可見水準應該很不錯吧. 雖然有眾多東西想試, 奈何胃納有限.... 遊船河: 呈深歇色是豬血湯底, 但沒有想過是那麼濃郁, 估計用料很足加上長時間餚製之故. 配料還有豬膶, 豬肉丸, 豬肉片, 金不換共冶一爐, 感覺如十全大補酒一樣. 飲下濃湯, 直覺是非常補血, 對女性是否尤其合適呢??? 粉類可選河粉, 金邊粉, 米粉, 我就選擇幼滑金邊粉, 果然是沒錯. 入口有一股有微微彈力, 又爽又滑, 再吸了香濃湯汁絕對非常滋味. 如果不是怕肥, 我早就幹掉全碗精華! 友人的鴨肉湯河, 樣子亦不俗, 河粉是較寬的一種, 可惜沒有試吃 (太集中品嚐遊船河了), 留待下次一定再來. 青木瓜鹹蟹沙律: 經歷過在曼谷辣到狂灌椰青的一役, 抱著又要驚又要試的心態, 要求一個減辣沙律 , 第 一口都覺得有點辣度, 但青檸的酸香實在令人有愈食愈想食的開胃感; 第

晚上係九龍城食, 想試新泰國食店, 經過幾間都唔啱心水經過昌發時覺得裏面都幾多人, 價錢又唔貴, 就試下感覺幾好, 環境乾淨, 枱上有齊泰式調味料, 魚露, 紙巾... ... 一入座就主動送上兩杯水, 好難得, 可知道大部份不設加一的泰式食店都唔願意俾水? 點了炸蝦餅及兩碗湯河 遊船河 $22 --鍾意遊船河係因為個湯底, 這兒係濃濃的豬血湯 (見牆上貼著的食評寫用豬血的). 之前係別處食船河係用鴨血, 反而這兒的豬血更香更濃更好味 --為提昇豬血湯的味道, 這兒用上不少金不換及少少辣椒, 好香!--餸 --- 豬肉片, 迷仔豬肉丸, 豬潤, 芽菜, 通菜: 豬肉片較鞋, 豬肉丸唔彈牙, 味淡--河粉轉了金邊粉: 好特別, 金邊粉好幼好煙韌 燒豬頸肉湯河 $30 --燒豬頸肉: 同泰式食店的小食 -- 燒豬頸肉一樣, 外層燒得香口. 雖然有湯浸住, 都不失其惹味. 豬頸肉本身肉味濃, 這兒更用上秘製的醃料, 甜甜的好好食 --湯底係清湯, 普通 炸蝦餅 $45--即炸夠熱, 蝦膠新鮮及夠彈牙 睇返OR食評, 原來這兒的船河有咁多fans, 實為鎮店之寶唯一缺點係湯河的份量少, 唔

行九龍城泰國雜貨街, 諗住自己買材料試吓返屋企煮冬蔭功食, 經過間叫昌發泰國粉麵屋的食店, 買左一碗泰式的魚旦河食呢碗魚旦河同食開的中式魚旦河完全唔同, 湯底呈粉紅色 之前係完全未見過的, dap 真 d, 原來係南乳的味道, 仲帶點甜甜酸酸, 味道雖然有些怪誕但越食就越好食, 好醒胃!河粉又幾滑, 再 dap 吓 dap 吓泰式的風味越嚟越濃烈, 好似香茅等等喺泰國餐館食泰式湯河的味道浮現, 只不過係加添左南乳的板本味道好得意, 加上之前未食過, 好有新鮮感, 更特別介紹俾大家試試

經過泰國雜貨店, 買甜點之如, 試吓呢間好似幾有特色嘅泰國粉麪, 因為佢門口有蔡瀾介紹的豬什河。係唔係好餓嘅情況之下, 我們要咗豬什河同生菜包豬什河果然無介紹錯, 豬什入味, 湯似濃但實清, 有誠意生菜包同出面唔同, 多咗些配料和香料, 偏辣, 生菜新鮮, 料足, 本人覺得唔錯

上星期五，心癮又起，好想食泰菜，於是就去九龍城食食食。見呢間野好多人讚佢d粉麵，於是就去試下。兩個人，叫了兩個粉share 食，再加多個青木瓜絲沙律。遊船河落單時話咗要河粉，點知變咗金邊粉，算啦，費事叫佢換咁麻煩。金邊粉反而有驚喜，好煙韌，一d都唔削，讚！個豬血湯底又係要讚，呈深啡色，味道好濃好正，金邊粉又吸晒濃湯，好味！但料就麻麻地，有幾粒泰國豬肉丸、豬潤同肉片。還有很多香草。青邁特色米線自問都算食得辣都辣到噴火！勁少湯，似辣油浸米線多點。米線份量少，又碎，好難夾。個湯除咗辣之外就咩味都無。料又弱，好多舊又鞋又無味嘅排骨。青木瓜絲沙律都很一般，青木瓜切得唔夠幼，唔入味。個醬味道偏淡，唔太辣，個唔香囉！整體麻麻地，反而係佢隔離間野買咗無骨鳳爪(番屋企食)又好味喎！個醬超大包，又夠酸又夠辣！

呢日帶上kulu寶同tama仔去食龍城最愛泰菜~昌發~算比較正宗的一間~價錢又reasonable~雖然黃珍珍都唔錯~但係貴到喊~其餘什麼金寶,小曼谷,泰苑,隆姐...........算了吧~好~講食物~來昌發要識叫野~唔好亂來~必食嘅係湯粉,咖哩炒蟹,炒菜,豬手同埋一d地道野(一進門左面小檔)~信不信由你~必不吃嘅係串燒(燒烤類),沙津,海南雞,咖哩蝦(唔係咖哩嘅問題~通常蝦唔新鮮)而佢嘅湯,其他咖哩則普通過得去~是次食左:咖哩炒蟹,脆豬肉炒椰菜苗,燒牛肉沙津,串燒(雞),椰汁雞湯,鴨肉河,遊船金邊粉,青咖哩海鮮,海南雞飯,豬手飯~七個人食左五舊水左右~抵!

再次同好友食家"乜都放入窿"食晚飯, 而地點就揀左九龍城, 好友食家"乜都放入窿"知道師傅冇食過呢間食店就帶師傅黎呢度一試!入到去唔算多人, 可能係平日嘅關係啦, 一坐底就睇下有咩好食, 而好友食家"乜都放入窿"知道呢間食店最出名嘅係豬血湯底遊船河, 就提議師傅一試, 於是師傅就揀左金邊粉, 而好友食家"乜都放入窿"就柯打左青邁特色米線(如果冇記錯), 再加多一碟炒椰菜苗!先講下個豬血湯底遊船河, 湯底係深啡色的, 賣相比算好吸引, 先試一啖湯底, 飲落味道濃鮮, 係鮮豬血, 好鬼正, 而金邊粉係幼身, 食落煙煙韌韌, 口感唔錯, 咬口一流; 配料有豬肉片, 口感帶鞋, 麻麻地; 豬潤都算爽口, 不過帶少少苦澀, 豬肉丸就冇咩味不過勝在彈牙, 可以啦啦! 而好友食家"乜都放入窿"嘅青邁特色米線師傅冇咩點試過, 不過都應該唔差; 而炒椰菜苗亦係一絕, 皆因椰菜苗唔係度度有得食, 而椰菜苗炒得唔算油, 加上椰菜苗鮮甜, 絕對好味!總括黎講食物質素不俗, 環境都算合格, 有泰國嘅感覺, 服務就一般, 不過都可以接受啦, 價錢就唔算貴, 廿二蚊一碗粉, 埋單每人都係四十蚊到, 抵食; 不過師傅

3 點幾落街搵 lunch (!) 食, 0黎了呢間泰國湯河店試試佢出晒名的豬血湯底「遊船河」, 轉了金邊粉 ($22).深啡色的湯底有少少似深色版維記豬潤水 (見 http://www.openrice.com/restaurant/commentdetail.htm?commentid=1874336), 有一撻撻啡色的「蛋白質」狀物體, 飲落味道沉厚濃鮮, 果然係鮮豬血湯! 幼身金邊粉食落煙煙韌韌的, 口感似薯粉多過金邊粉, 睇0黎叫河粉會仲正? 配角就有0鞋口硬實豬肉片, 粉粉0地又帶澀口的豬潤, 及彈牙而無味的「小丸子」狀豬肉丸, 仲有九層塔, 生芽菜及大量蔥花, 味道好豐富, 值得試試! 不過一碗船河係食唔飽的, 除非你係食兩啖飯就話飽的女仔, 又或係一聽到湯底係豬血煲成就作悶作嘔耍手擰頭愈叫愈走兼落閘放狗0個類人吧. 小店好街坊, 成間鋪得我一個 non-泰國人, 仲有泰文歌聽, 哈哈; 招呼無乜特別.幾滿意, 放低 $22, 下次再試其他湯河啦.

$13/杯青檸梳打，甜味中帶點咸酸，很能解渴，物有所值。遊船河$22，一直對它有點好奇，用豬血做的湯是帶甜味的嗎?天氣明媚的這天，總有機會試試。先看看湯底，粒粒佈滿湯底中，想便是煮豬血出來的效果。見碗面有數條生芽菜，趕緊將它們壓進湯內，免得吃了未熟的蔬菜會打冷陣。再仔細看看，有我喜歡的泰國香葉、蔥花跟豬肉、肉丸、豬潤、雞肉，材料很豐富，反之金邊粉份量不多，適合女孩子口味。著實對豬血湯底這東西感覺有點點不安，作一番研究後，心想，豬潤湯、豬紅我也經常吃的，這跟豬潤湯和豬紅又有啥分別?就此，起筷了。先喝湯，帶點甜味，濃淡適中，金邊粉軟滑有咬口和湯送進口是最好的，反之，除豬肉丸彈牙討好外，其他豬的餸菜頓變了配角。好美味的一碗遊船河。蒜容炒椰菜苗$40，熱騰騰的上桌，已相當吸引，椰菜苗很新鮮爽脆(比小曼谷、泰式燒王新鮮爽脆)，菜苗中央的菜芯很有質感，願中國菜農捨棄菜芯生菜，改種椰菜苗!天氣漸涼，親切的夏日又要過去了。。。

在龍城入面要吃碗泰式粉麵，從來就只懂到這裏，或是對面馬路的路邊街...太座對這裏一直很有興趣。是日到街市買菜之先，就先來個light lunch...正宗泰式粉麵一向是份量少而巧的。對於小弟及太座這等食量的人來說，要吃得尚飽，一次過來兩碗，自是少不了的...遊船河是每次來的指定動作。是次吃到的河粉比前數次來的都來得粗，吃落更有口感。湯底依然是主角，色沉鬱，帶着濃濃的豬血味，但又不失鮮味，再加上大量芽菜及香葉，更是好喝得緊。其他的配料如豬肝及瘦肉等，當然只是配襯品...只淺嘗了一口太座的扎肉湯河，普普通通，未有甚麼驚喜...當然未夠喉，吃過湯粉，自然要來個乾撈麵了。麵爽口，吃到尾帶有少許鹼味，不過不太過份，已收貨。配料當然不是最好吃的部份，"配醬"才是此品的主角 --- 吃之前先加上辣椒、魚露、糖等多樣醬料，之後來個大撈特撈。吃進口，甜、酸、辣兼而有之，才是精彩之處....要吃泰式粉麵，還是要在這裏吃

Went to Cheong Fat for the first time after reading many rave review from Openrice. We went there for lunch on a weekday and the place was not busy. We select a table against the wall and the 2 of us ordered following:Boat noodleDuck meat noodleChang Mai curry chicken noodleWhlie waiting for the food I noticed quite some small ant on the wall.But that didn't bother me too much cause I was expecting a great meal. I was not disappointed when the food arrived. They looked and tasted good.Both the B

鴨肉湯粉的確好味！湯底濃而不膩，看食評説是混了豬血，雖然不吃豬紅之類的食物，但這個湯底自己卻甚爲喜愛，一開始就連喝幾口，有點欲罷不能之感。鴨肉數片放於碗底，滔了熱湯後仍然香嫩。金邊粉很滑，沾了濃湯，再配上芫茜芽菜，果真色香味俱全。湯粉看似很少，吃起來實際是蠻多的，一碗下肚，剛剛好。二十二塊錢，超值！