昌發泰國粉麵屋

營業中

休息中

食0左九龍城唔同的泰菜,試下依間啦又...yoyoyo! 好野來的! 又平又好味! 仲要唔洗等位~~~兩個人試0左雞飯-個汁好食,少少地spicy,酸酸地..d雞一般la..frozen chicken 貨色..炒椰菜苗- 第一次食椰菜苗,好味呀! 好爽口! 新鮮~辣鳳爪沙律- 超spicy! 勁多辣椒籽,辣到口都腫埋.遊艇河- 個湯睇上去唔好睇,因為好濁,但係食落d朱雜幾好,因為佢洗得好乾淨,又煮得剛好,唔會咬唔開or淋得滯。

昌發算是我在九龍城區云云食肆中比較喜歡的.喜歡店內只有泰國話,伙計,電視播緊既節目,放緊既音樂都係泰文,你聽極都聽唔明.其實已經來過數次,每次必點的便是乾撈麵($20).乾撈麵其實有幾家泰國食店也做得不錯,例如路邊街美食等但昌發乾撈麵就是多了一匙糖!!..吊起了整體麵的味道..一吃便愛上了.還有,它的泰式奶茶和咖啡是超好飲的~~~~~~~!!其他的鴨肉湯河($20),炸蝦餅($30)都是中規中矩.沒甚麼特別.有一客清邁拼盤算是有一些驚喜..味道也是一般.員工特別nice也是一個優點吧...哈哈哈~~九龍城的泰國食肆多就係人都知,可是有一些已經將味道特別調向符合香港人口味,這些我最怕怕.昌發算是其中未被完成污染的.這也是我喜歡它的其中一個原因.

自從近這年在九龍城返教會後，才開始在此處找吃~~每星期的聚會後，都會找地方去吃。有些是人家介紹的，而此處卻是在誤撞下路經而內進一試，竟然一吃就愛上。一個月至少到4次九龍城，大約也有2次去吃的。基於多是跟男友一起去吃，只有二人，所以我們基本上都會點的菜如下：海南雞飯-無骨的雞，雞肉也滑，最愛附上的湯，不是一般的\"味精湯\"，正！豬手飯-個汁好味，豬手又不肥，很合我口味。遊船河-至愛湯底，很特別，尤喜歡肉丸。扎肉湯河-清甜的湯底，另一推介。（湯粉改為金邊粉，更好吃）其他推介：炸蝦餅-新鮮即炸，香口鬆脆，在其他泰菜店未必有這水準。炒金邊粉-味道恰怡，不會太酸。可能是我們胃口較大，加上一碟飯的份量真的不算太多，所以每次大多選2碟飯+ 2碗湯粉才吃得滿足。這裡的泰菜跟在外面吃到的風味有點不同，因為他們煮的是近青邁的菜，所以較有特色。那裡地方不大，但有樓上座。有很多泰國人來幫襯的。有部LCD大電視播放泰MV，以供視聽，有些泰歌都不錯，不過MV就…隔壁就是他們的雜貨店。誠意推介。

最近周不時蒲龍城，主打食泰國同潮州野，泰式燒王食幾次都咁正(特別係個鰤魽，每次都隊兩碟！！)。是日同友人去完Flemingo/Shooter 88歎Hoegaarden，正諗緊晚飯食乜，突然泰菜癮起，又想起KC、專兄同南瓜都推介呢度，就搭過海巴來擦餐勁。友人踢完波，餓得如狼似虎，我就慣常果隻，幾擦得。兩個人，叫下叫下，竟然叫6樣咁多，你都咪話唔得人驚！鹹蟹沙律–超正，鹹香鮮辣，鹹蟹夠多，木瓜絲鮮甜爽脆，最緊要係夠哂辣，好過隆姐。不過此味友人麻麻，成碟差唔多我食哂，又唔拘播！炸蝦餅–熱辣辣，非常脆口彈牙，夠哂蝦味，勁掂。燒魚–呢個唔得了，好食到想喊。我係魚魔，逢魚必歡，魚本身肉嫩水份高，用來燒就最好。呢度就燒得好，鮮嫩清甜，肉汁得以保存，連因怕骨而唔好魚ge友人都夾多幾舊。船河–又係水準之作，配料十足，尤其個鴨血湯，濃甜鮮美，仲好過路邊街。海南雞飯–友人勁鍾意海南雞飯，所以想試(不過佢話勝利小ge海南雞飯唔錯喎.....@ @)。Anyway, 雖然係冰鮮雞，但都算嫩滑，個皮夠豐腴，飯雖唔夠光澤，雞汁味亦唔濃，不過勝在夠咬口，都收貨。個清湯放幾粒，簡簡單單，雖然有味精，但都算甜美醒胃。當

補睡睡醒, 已為午間三時許, 肚又餓, 走過龍城找吃的. 原想到清真牛肉館食羊肉餃, 怎知店子的名氣真那麼響, 下午茶時段, 雨濛濛, 路濕濕, 還是滿館. 預算亂了, 只好隨意晃, 看看有什麼愜意.至到昌發這雜貨店, 見隔壁的食店又叫昌發, 難道是同一店東?看下外頭的餐牌, 價錢不貴, 就入了去.點了個遊船河, 改金邊粉.製作需時, 於是四處張望.店內大部份都非港人, 且不絕有泰國人進來跟店員寒暄, 關係似乎幾好, 反觀港人就鮮會如此…遊船河上枱. 內有肉丸, 豬肉, 豬潤, 金不換, 芽菜, 冬菜, 通菜, 每樣少少, 連帶碗粉都份量不大.貫例, 先呷口湯, 好特別, 味濃亦鮮甜, 初不知是什麼, 後來得悉是豬血湯底.佐料方面, 肉丸彈牙, 豬潤切成寬條, 粉粉的, 芽菜粗壯, 應非本地種, 自己向來厭食的豬肉, 這煮法下也叫可口, 而金邊粉亦煙煙韌韌.不過最好的還是口湯.碗粉的確份量當正餐是略不足, 但作為小吃就剛好.於本地以18塊能一嘗泰國風情, 超值.

這間在龍城的泰國麵店,周日的早上已經營葉,門口有很多"信徒"在拜神,十足十菲/印傭在維園/皇后像開嘉年華.一早要個豬什河,豬血湯底濃甜,有人說香港人受不了這個味,小弟非常喜歡,難道我不是香港人?豬什有豬腸,豬紅,豬潤等等,一碗小小湯河,好像同隻豬"還原"一樣.底下綠色的河粉,名叫Shanghai,用綠豆製成.綠豆味就吃不出,質感就幾爽滑.如果這個豬什河,由濃甜的豬血湯,變成港人比較喜愛的豬骨湯底,大約會是什麼樣子?

還未帶過女朋友來九龍城食泰式粉麵，所以便選這間昌發先。去到八點幾，但冇乜人，得兩三抬客。叫左：1.彩虹金邊粉- 有墨魚丸、炒粉皮、豬紅、尤魚，個湯幾夠味，材料本身冇乜味，算係不過不失。2.泰式炒金邊粉- 炒得不乾身，吃落甜甜的，不太合我和女朋友的口味，不太推介。3.泰式炒通菜- 全晚最滿意的菜式。那個汁不太咸，卻很惹味！令人想一吃再吃！同其他九龍城既泰式菜館既炒菜唔同，這個再好吃多一點。P.S.這裡有部頗大的LCD TV播著泰國的MTV，有些真係幾難頂，請留意。

聽個名,應該係隔離雜貨店"昌發"開設的分支.同對面的路邊街遙遙相對.遊船河用豬血作主要材料湯底,並非人人受得起,但其既濃且甜的味道,包你一試便愛上,湯河的豬潤,肉丸,很爽口.到最後吃到一滴不剩.是否地道就不敢說,但真的好吃.門外的小食部,其泰式臘腸同潤腸,各樣打包一份,前者比較甜,後者微辣,一邊行一邊吃,再去七仔買罐泰象啤送腸,不亦樂乎.

除了地道，是日吃過幾味這裡的湯河，還是美味及便宜，喜歡吃此味的，值得來一試。本是與食友的每周例會，剛巧早上跟專兄msn談開，提議不如又齊齊來龍城吃個泰式湯河，想來很耐，正是理由。這裡樓下舖面不大，人客亦多，可幸還有樓上。我們一行四人，就坐了在上面風涼水冷的小圓檯，環境不知幾好。要了三碗湯河，分別是游船河、鴨肉河及椰汁雞麵，有雞有鴨有肉，有河有粉有麵，另外再要了青木瓜沙律及海南雞飯，一次過試勻幾樣。這裡的湯河賣相得意，碗很大，而粉料只及一半左右。當然份量不是我們關心的項目，最緊要味道好就夠。遊船河是一堆羅勒菜，配上蔥花及香菜，聞起來已香味十足。將之泑進豬血湯底內，味道是濃郁得來，帶點點醒胃的酸味，非常對辦。配料雖然零零碎碎，也很豐富，有豬什、泰式肉丸等，也新鮮及正宗，粉底選了金邊粉，煙韌好味。這個遊船河好味又地道，是我最喜歡的一味；椰汁雞麵用上不少的乾蔥加椰汁作湯底，伴以炸麵條，味道帶甜，幾特別亦味道不錯的；鴨肉河湯底也濃郁，同樣是豬血湯底，卻換上了寬鋒的河粉。雖然口感不算是很滑溜，個人而言很喜歡，不易吃得到這個索湯料的寬河粉的了。總括而言，三個河粉同樣有特色，只選一個，我會選遊船河，只

我做完泰式按摩都夜晚9點幾,本來冇諗過食野,但係見佢放係門口既相好吸引,而且店舖又唔係太多人,於是就入去食左一個豬肉xxx粉唔記得個名,太長了,只係記得($22 )同一杯飲品,個粉都幾好食,因為夠辣,而且好多料,但酸酸地,可能有酸菜啦,下次經過我都會再幫襯,因為我好喜歡食完辣野會流鼻水個種感覺

漏夜去九龍城搵食，其實都鎖定了幾個target去搵，呢間之前有雜誌介紹過，係好多粉麵類，好吸引。全部都有相睇，餐牌有d項目無翻譯，唔識睇。我叫了彩虹湯金邊粉，來到係好紅的一碗粉，應該叫彩紅先係。暖暖豬吃的是普通什丸湯粉，我覺得佢果碗好味d，而野飲選擇不多，所以無叫。見佢d飯類都幾吸引，同埋有個叫”遊船河”的，很得意。呢度好泰feel，侍應係泰國人，播放著泰歌mtv。鄰店亦是昌發，售乾貨同醬料等。臨走前見佢有部份湯底會用豬血做，好恐怖，再光臨的指數即時下降。

忽然想食泰國湯河。記得忍食男女較早時介紹過九龍城有一家專賣北泰豬肉湯河的﹐便專程前往一試。店子不算小﹐坐得也還算舒服﹐環境比想像中企理。店員遞上兩份餐牌﹐一份有字有價錢﹐一份則只有相片﹐但相片上沒有菜式名﹐到底是甚麼跟甚麼﹐無從稽考﹐真奇怪。我要了雜誌介紹的"遊船河"﹐太太要了鴨肉湯河﹐另外還要了一碟獅蚶。遊船河因河粉賣完﹐換上了貴刁﹐湯底是深啡色的﹐味道頗濃厚略帶甜﹐本身未算很香﹐但配合大量金不換葉去吃﹐也吃得津津有味。配料除了金不換葉﹐還有泰式肉丸﹑瘦肉片及豬閏﹐但整體份量不大﹐可能是賣得便宜吧﹐但我覺得份量及配料多一點更好﹐賣貴多一兩元﹐應沒有問題。鴨肉湯河同樣地換上貴刁﹐湯底跟"遊船河"的差不多﹐少了些金不換﹐卻多了一點滷汁味道﹐鴨肉是連骨的泰式滷鴨切件﹐肉不多﹐但味道不俗﹐還是吃得過的。另外要的獅蚶﹐是中等大小﹐頗新鮮﹐肉質鮮甜而爽口﹐配上泰式醬汁﹐是地道的泰國口味。雖然跟我在布吉吃到的﹐無論大小或鮮味還是有點距離﹐但在香港的泰國菜館來說﹐已算是合格有餘。不過﹐我叫了杯香茅水﹐碎冰中找到兩隻死蟻﹐似乎衛生有待改善。這裡的湯底味道跟我在泰國吃過的相似﹐應該是相當的正宗。而眼見店

尋日同姑姐去昌發試試久仰大名的"遊船河"，個湯底深啡色，無咩油浮面，味道甜甜哋都幾清．個麵底用金邊粉（可選河粉或米粉），我覺得配料唔算多，數粒豬肉丸，數片豬膶，芽菜同好多好多ge香草．我估唔受得香草味ge人可能會唔鍾意．份數唔多，一個女仔食剛剛好．叫咗個東陰公湯，似酸辣蕃茄湯多啲．好濃ge蕃茄味，一啲都唔辣．配料有”海鮮”，不過就一啲都唔鮮，因為係干貨．最後嚟咗個泰式炒米粉，其實係將各種香草加辣椒加魚露同米粉撈埋一齊，辣到飛起．好家常，去食ge都唔係香港人，有外籍庸工同東南亞人．食品種類唔多，不過這種泰式風味小店可以一試．

本來呢part係唔應該小曼谷page出現，但係呢間昌發係一間好新食肆，新到連openrice都唔到，最衰自己又唔記得哂間details(淨係知道佢城南道)，所以唔能夠為佢開一個新page。過我真係覺得呢間鋪幾得，而且食完佢之後我又真係去小曼谷擦過，所以就將昌發食評寫呢度。第一次知道呢間鋪係蔡san專欄。睇見裏面介紹一隻叫"遊船河"粉食，名字夠晒有綽頭，於是呢間鋪成為我今日覓食第二站。一入去間鋪，就感受到濃濃泰國氣氛--- 廚師、侍應、客人都係made in thailand，牆上裝有一部LCD TV，斷播放泰文Karaoke MTV，真係夠晒mood。但最重要當然係食物la..馬上叫了一碗"遊船河"，另外本想叫一個類似海鮮盞物體，但泰籍侍應話夜晚先有得食。之後約略描個menu，發覺主食大部份係粉麵飯，係明符其實泰式小食館，好明顯係做鄉里生意。碗粉終於送到，先係嗅到一陣濃烈金不換香味，十分地道，亦睇見有好多芽菜，主要配料有泰式魚蛋、豬肉片及豬潤。泰式魚蛋跟我食普通魚蛋好唔同，比較袖珍及煙韌，D豬肉片及豬潤就無乜特別。至於個湯底顏色就非常深，有幾濃烈牛骨味，D金邊粉亦幾煙韌。唯一美中足係份