昌發泰國粉麵屋

營業中

休息中

這晚姨甥女男友生日，揀選了此店食晚飯，據說他們來過幾次，食物水準都可以保持，是一間較有水準的泰菜館，當晚她們先去取位，但我去到時眼見真是如何美味也沒關係，因為坐位實在擠迫得過份。當晚點了十二款食品，質素的確不錯，可惜真是迫得有點食而不知其味。鴨肉生菜包，鴨肉香淋，味道略帶辛辣，用生菜包裹一齊入口，清爽口感中帶有啖啖肉香，清甜味道中帶一點辛辣，十分開胃。鳳爪沙律，退骨雞腳醃製入味，鮮甜微酸，十分爽口，清新彈牙，沙律菜蔬新鮮青嫩也爽口。柚子沙律，柚子肉甚為豐富，入口多汁，口感水份充沛，可惜辣味太重，辣味蓋過了柚子的鮮甜味，令味道失去了平衡。炸皮蛋，用蝦膠包着皮蛋去炸，外皮香脆，中間蝦膠彈牙，內裏皮蛋爽口中帶漿淋，口感非常豐富，味道香濃中帶鮮味。炸春卷，春卷皮夠薄，但炸得有點過火，入口有點介口的感覺，餡料十分充足，味道清淡，蘸上甜酸汁食尚算可以。冬蔭海鮮湯，湯底辛辣十足，味道鮮美而辛辣，兩者十分平衡，海鮮非常豐富，盛上碗大部份是蜆和蝦等海鮮，單食海鮮都值回票價，加上海鮮也十分新鮮，配上各式菇類配料，可口美味。明爐鳥頭清湯，魚身略細，但肉地夠厚，配料也不少，湯底夠甜，魚無泥腥味，肉質尚算嫩滑。

這夜來到九龍城，自然就想吃泰國菜。泰國菜館多不勝數，於是隨便選間不用等位的小店。九龍城的泰式小店之中，昌發算是比較乾淨企理。在紙上寫上菜式的編號，自己落單，方便快捷。馬拉盞炒椰菜苗只知你愛吃豆苗，見苗字就點了。原來是完全兩回事，不要怪我無知。炒得幾香，馬拉盞的味道剛好，不會太咸。椰菜苗很爽口，幾好食，但可能有點硬。青咖喱豬肉青咖喱味很香，只有很微很微的辣。可惜，豬肉又嚡又不入味，早知要雞，起碼肉質易入口。雖然豬肉破壞了青咖喱的整體印象，幸好薄餅不錯，外層酥脆，內裡夠軟。淋上青咖喱汁，絕配。白灼獅蚶自從在old town吃過laksa裡那獨一無二的獅蚶後，對它的鮮味念念不忘。白灼又會是怎樣的效果呢？白灼令獅蚶自身的味道更突出，但這裡的獅蚶不夠肥美。雖然提供了泰色醬汁，但只要醺一點點，辣味已經完完全全蓋過獅蚶味，還是不用為妙。遊船河來到泰國粉麵屋，當然要試下粉麵的手勢。這個湯河還可以，河粉的口感不錯，湯的味道有而不濃，是個清清地的不錯之選。看上去不是很多，但已經很飽了。沒有花巧，平平實實，簡簡單單，卻幾好食的一餐。

士別一個月，剛去完旺角參加「活動」，晚上就與家人再次到來九龍城昌發成日都冇飲過野，飲返杯涼爽心既象啤先這次的昌發感覺上好似差了一點點，雖然整體上的presentation分別不大，但味道確是有少許不同先來的是菠蘿炒飯，腰果和肉鬆放在碟的一邊。炒飯裡面有魷魚、青口、蝦、菠蘿、臘腸、雜菜豆。雖然飯粒粒粒分明，但是乾了一點，沒有咖喱香。而且魷魚、蝦等配菜煮得有點過了時，變得有點老。但整體味道也OK，但是退步了一點。再來的是串燒，本來唔想食雞肉串，但由於沒有豬肉，只有雞和牛，所以都有啲失望地點了雞串雞肉串不夠嫩滑，味道一般;牛肉串有啲"鞋"，但沙嗲汁非常棒，甜中帶少少辣，非常開胃可口。配上醬汁後真是加了不少分今次炸蝦餅來到時只是微暖，雖然味道與上次相若，但質感卻少了一份火辣辣的感覺。這裡的炸蝦餅沾上酸辣醬非常美味，雖然沒有很「蝦」的味道由於老爹鍾意食糯米，所以今次點了糯米釀雞翼。但卻是有啲失望，這個味道非常淡，不但雞翼沒有什麼味道，連糯米也只有少少飯味，飯粒沒有質感，「痴」在一起。沾上酸辣醬後才有少少味道......確是失色燒雞的等候時間較長，食晒其他野先送到黎。燒雞的調味醬汁香濃，甜甜鹹鹹非

假期 同麻甩佬book 左場去九龍城打羽毛球 既然黎到九龍城  就緊係要去食下泰國野 所以我地就㨂左是但一間泰國野試試店員全部都係泰國人 都識講廣東話 餐廳兩邊貼上食物既相 下角有齊編號 餐牌亦有中英泰文 方便大家溝通溝通 我地唔係太肚餓 所以兩個就叫左海南雞飯 木瓜沙律同青檸梳打海南雞飯-普普通通 有咩特別 雞都算滑唔咸 飯唔太油 不過整體似港式多過似泰式 令我諗番起以為去泰國做野時坐係街邊食既海南雞飯 雞冇肥膏好白好滑 側邊仲有舊雞紅木瓜沙律-係泰國菜最喜歡既其中一樣 青木瓜從好爽好清甜 個汁酸酸辣辣 幾醒神開胃 不過豆角可能太生 有浸好強烈草腥味 青檸梳打-好解渴 不過我地見到有兩隻有腳有足騷既小昆蟲 算啦 應該好難避免 抱住大菌食細菌心態飲左去

今晚朋友帶路黎到九龍城食泰國野，由於閒日關係，唔需要等位就直接入座 (聽講平時都要等15-30分鐘 )。由於鋪位較細既關係，所有野都好mini，例如枱凳細細張，想坐直條腰都比較困難，而且好有壓逼感，因此環境扣分比較多 我地一共點左４個菜  Plus 兩支大象啤 :- 菠蘿炒飯: 遠處已傳來香濃的咖喱味道，炒飯尚算足料，包括蝦、魷魚、青口、臘腸、肉鬆仲有腰果 蝦和魷魚非常新鮮，且只是剛剛熟透非常嫩滑彈牙 ，可是青口就確實被比下去了。炒飯微濕，滲透咖喱香，非常讚 - 酸辣鳳爪: 這是餐前小食吧。。酸酸辣辣幾開胃，但味道真的沒什麼特別。可是洋蔥太多，鳳爪太少是死穴吧 - 鴨肉生菜包: 呢個應該系用鴨肉碎、辣椒、洋蔥加上其他配料及調味料炒成。香料味道特別 (食得多會有小小唔習慣，似系果啲中東印度風味)，而且偏辣，但配上生菜食能中和一下，飲啖冰凍啤酒簡直爽透心  PS: 唔食得辣既朋友真系真系唔好點生菜包 。- 炸蝦餅&魚餅: 由於只有二人，所以寧願叫拼盤好過全食炸蝦餅甘單調。炸蝦餅＆魚餅剛剛炸起，出晒煙非常熱騰騰。炸蝦餅味道清新，配上酸辣醬非

九龍城出名多泰國菜，是日行開呢頭，揀左呢間openrice排得最前既昌發。六點去到本舖已冇位，上左去分舖二樓。由於我地唔係好餓，所以只叫左三樣野：馬拉盞炒椰菜苗好少地方有得食椰菜苗，炒得幾香口！正遊船河鴨肉湯底幾正！幾樣配菜係豬肉片、豬潤同豬肉丸。點解全豬會叫遊船河呢？炸蝦餅香口又唔太油膩不過有d熱氣，食左兩舊個嘴就損左……下次一定會餓住個肚黎，試多d野食嘛

一直是Thai food的fans，特意來試下泰國地道的粉麵～這裡的冬蔭功太合我心意，湯夠濃，而且不會好酸，以往去其他地方食也會必叫冬蔭功，可惜總是遇上好酸的湯底，使我只會求其飲少少。但這裡卻極出色，蝦的份量不少，而且夠爽口，酸辣得宜，推介！男伴的豬雜湯河，不只足料，更鋪得很美，外表已好吸引。呷了口湯底，果然夠味！有在泰國時吃的味道～被名字吸引了，可惜味道清淡，魚蛋不彈牙，米粉是超力那種。惟有將米粉伴以冬蔭功一拼吃，wowowowo 好味得多！！ 來這裡必定order 冬蔭功！！

期望過高，失望之選專誠今日走去試下。幾多人，本來已坐下,個待應叫我地可否過隔離坐,因有人3位,話隔離有位,本來冇所謂喇,居然要我地坐門口位勁熱位,問返個待應,又唔理你.服務差到冇人有.既然來到都算吧!叫左:鴨粉,冬陰功湯河鴨粉:鴨肉好嚡又小,湯底好鹹,食完好口渴,不吃也吧!冬陰功湯河:帶少少酸辣，好油,辣椒碎太碎唔小心入左喉嚨,咳到好辛苦,而且河粉又粗又嚡，完全唔係泰國河粉,用D粗嘅料做.如果信食評,真係有下次囉! 

好日先有機會嚟發掘下九龍城d好嘢 今匀選擇泰國菜 出曬名啦呢樣嘢喺九龍城揀咗 昌發 ！以下證明我哋選擇無錯 ！鴨粉啖湯好正飛天通菜～食咗曉飛芒果糯米飯 強烈推薦！食完5滯 芒果新鮮！冬陰功必試～完全泰北味道 泰式雞腳 開胃之選！椰青好甜 下次一定會再嚟 期待海南雞飯！！

依排好少食泰國野呀,唔係成日都有得食，但今日黎到九龍城當然要食下泰國野。最後朋友就揀左依到,昌發泰國粉麵屋。幾個人分別叫左咖哩椰汁雞絲伊麵,青咖哩牛,雜錦河同埋肉碎生菜包,叫左差唔多20分鐘左右,D野就開始黎喇,先黎就係一個咖哩椰汁雞絲伊麵,睇落唔錯嫁,都算好香,之後我個青咖哩牛肉就黎喇，依個青咖哩撈埋飯食都真係唔錯,不過青咖哩就係會甜少少唔會太辣,要辣就唔太岩你喇。之後朋友就要左個彩紅金邊粉,賣相都好靚夠哂特別，成個金邊粉都係紅色嫁，朋友就食唔出係咩湯底，有D似酸辣,最後大家都未夠飽,，叫多個肉碎生菜包,個辣味好香好濃下。生菜夠哂新鮮,又夠爽,包埋佢D炒肉碎，好正, 雖然唔算話好好味道,不過兩樣夾埋就唔錯,都值得試,平平地唔錯嫁。

男朋友見我肚餓，去九龍城買左份鴨粉俾我吃初初聽到鴨粉兩個字冇好感，我又唔揀飲擇食，返到黎，個湯分上嘅，加落面道，啲米粉好快林返，我習慣會飲湯先甜甜地一啲都唔咸鴨肉亦都嫩，整體黎講係好配合，good

是夜入9龍城食泰菜，一心想找一間較地道的來試，所以選了這間。這裏的侍應全是泰國人，可能他們的廣東話不太好，落單時要自行寫上菜式號碼。1.首先點了雞肉湯粉，湯底ok, 加上泰國的香料配料，so far so good.2. 再點了個燒豬頸肉，燒得有點老，還有是甜甜的。可能切得太薄的關係，吃了幾片就食晒，吾太抵。3. 甜品當然選了我的最愛芒果糯米飯啦。糯米暖暖的，芒果也夠甜！

濃香美味鴨湯係自己隔離開多間擴充九龍城泰國鋪多，不過有鴨湯粉既就唔多，湯粉部通常10點之後就完,即使你入到間鋪未關門，佢地都只係可以賣炒野俾你呢間鴨湯粉一直保持水準鴨湯一定夠味香濃游船河 同 豬雜河 都係用鴨湯，金邊粉唔會太淋太痴，夠滑有咬口，粉既份量因為要配合湯既份量(配出出色味覺比例),男士一碗應該係6-8成飽，當然d 送份量都係配合la濕炒海鮮河都係推介河粉爽滑濕炒既湯汁美味，汁多過油好多，唔太多油海鮮都唔係下價貨鮮魷厚肉彈牙，蝦鮮，青口滑，芥蘭入味唔係白拾配埋杯青檸冰, 正!

昨晚雖然下著雨，也不忘友人的約會，一同三人相約在九龍城食泰國菜，「昌發」名字對我來說一點都不會陌生，朋友也曾經介紹過我來食泰國菜，我也曾經食過一次，對我最深刻印象就是「冬蔭公」。此店的冬蔭公真是好濃郁，而且配料足份量。 坐下來之後，店員已奉上一些用公雞碗仔盛裝的調味料。有泰式醋、辣椒粉、糖......打開餐牌一看，食物款式都不少，海鮮類、燒烤、粉麵、炸物、咖哩......例如沙律款式都有十幾款，木瓜沙律、酸辣鳳爪、柚子沙律、生菜包......選擇的食物真是應有盡有  枱上有點菜紙，可以寫上自己想點的菜式，點菜前我們點了些飲品，分別有青檸梳打、椰汁珍多冰及龍眼冰，各款飲品甜度都剛好。其後食物也逐一上枱，生蝦刺身的賣相也擺設得好美，蝦肉好爽口新鮮又彈牙，加上泰式的醋汁真是令人開胃。 酸辣鳳爪沙律的鳳爪也是好入味，幸好又不是太辣，酸辣度都適中，酸酸辣辣好醒胃唔會搶喉兼多汁，可是份量較少。 泰式木瓜絲沙律也是好新鮮，木瓜絲也是入口爽口，味道淡然清新，木瓜絲清甜又不會太辣，好有咬口。 因為本人又不喜愛食牛肉，友人與我點了雞肉及豬肉串燒沙嗲，兩者串燒沙嗲入口都好有肉香及juicy，可是不

Went at 11:30am.  No pad thainoodle, no tomyum soup.  What???!   Apparently kitchen not open.   So oreder curry noodle soup and satay.curry noodle soup only 1/3rd full, rest of bowl was empty.   had super tiny portion of noodle. plastic bowl edge was dirty brown color compared to my green curry soup.  hard to wash cleanly due to other dark colored soups.   Taste was forgettable, nothing special.cost $38 for small, dirty, tasteless noodle soup.satay $58.  Six pieces of meat. Meat was ok, rubbery,