昌發泰國粉麵屋

營業中

休息中

車媽媽從來也是怕搭車,搭船的人遑論去遊船河但都唔係冇辦法嘅一於去昌發泰國粉麵屋吃碗遊船河還是可以啦~如果你們好似車媽媽一樣怕搭船又想玩水那10/4便要到九龍城喇是關那天係泰國的"潑水節"預備了濕身沒有呢haha!這天氣溫高漲先來碟{青木瓜沙律}$45,沙律吃下辣勁十足而且爽口非常作為開胃菜稱職得很~{燒豬頸肉}$78肉質軟淋有彈性沾上伴碟的辣汁好吃到停不了口,記得那豬頸肉汁要加上烤米粉先夠正宗這兒合格了^0^沙嗲(豬,牛,雞)$68試了雞肉串肉質頗淋沒有散收收的,沙嗲汁略帶甜口但我還是愛較辣的口味多點!!{椰青青咖哩海鮮}$108賣相優雅萬分,海鮮有青口,大蝦,魷魚等十分豐富但也未算最吸引,最吸引我係附滿青咖哩的椰青肉軟滑香甜帶幽幽咖哩香味迷人得很^0^{豬什湯河}$38材料豐富得很有泰式燒肉,豬腸,豬紅,豆卜而組成用上我愛食的粗身河粉,湯底深褐色濃香好喝不禁令人輕易愛上它^0^壓軸終於到{遊船河}$35出場,這碗比起豬什湯河更加濃郁的湯底用上花椒,八角,豬骨,芫荽根等多種香料淆製,但最

九七前，九龍城最多的是飛機；九七後，九龍城最多的該是泰國餐廳和泰國人了！每年四月份九龍城特別熱鬧，皆因潑水節是泰國新年的大日子，當天各種形式的水槍、水桶及水柱等雲集街頭，在街道上施展「亂舞」的攻勢，尤其是城南道一帶，不管您是食客、參觀熱鬧的遊客，又或只是剛巧路過，建議您事前做好「濕身」的心理準備。在此一連兩篇以九龍城兩家泰美味的餐廳為題，在潑水節前給大家卒先介紹在泰好玩的日子，也可順道品嚐美食應節，讓感受更加充實及完滿！在九龍城的泰國餐廳大多沒有豪華裝潢，反而形象更加地道及親民，「昌泰」也亦然，不過牆上食物相片大抵可比媲花斑斑的牆紙，而相片的右下角更附上一個數字，有點奇怪！原來餐牌的設計也是圖片與數字並茂，目的是為減少泰籍侍應與食客在溝通方面的誤會，客人只需自行在點菜單寫上菜式的數字，寫好後直接交予侍應便可。此方法果然方便、快捷，又奏效！椰青 HK$32我特別喜愛椰青，不過椰青的質素要視乎質量和新鮮程度，而「昌發」的椰青清甜，帶有淡淡的幽香，絕對達標！泰式木瓜絲沙律 HK$45第一道嘗試的是泰式木瓜絲沙律。木瓜絲爽口帶嚼感，伴上自家特製的醬汁，不消一會，胃納便被打開了！沙嗲 HK$68

能在九龍城芸芸泰菜中站穩陣腳的老字號，自有過人之處。星期天專程來個小小泰菜之旅，喜歡昌發性價比高樸實無華，同時感覺地道。到達時已是下午茶時段仍然滿座，在隔壁的新舖兜一圈回來才剛好有位。我與同伴都為湯粉而來，選了必備的遊船河、豬雜湯河、馬拉盞炒椰菜苗和清邁豬肉生菜包。以爲湯粉快到想不到是生菜包先來，不知道餐牌上的清邁豬肉生菜包與泰東豬肉生菜包有甚麽分別，清邁豬肉生菜包除了肉碎，還有一點豬潤和豬皮，加入青檸汁清新醒胃，辣度不強，生菜新鮮水嫰，是個很不錯的惹味菜式。然後是馬拉盞炒椰菜苗，在家弄馬拉盞炒菜總炒不好，不及在外吃泰菜狠狠下重手調味，這裏的椰菜苗比較結實，馬拉盞鹹香配蝦米的鮮美，幾乎每次光顧也會點。遊船河的湯底加入豬血所以較濃郁，配料有肉丸、豬紅、豬潤等，金不換和芽菜等自不可少，河粉滑身連同鮮甜的湯底及滿滿的配料同吃，每一口也很滋味。我的豬雜湯河最遲來，原來是潮洲人愛吃的粿汁，雖然粿看來很像腸粉，不過水份較少，所以比較爽滑及沒河粉油膩，用筷子夾起有時會散開而掛上更多湯頭，更添滋味。而汁，則是滷豬肉和內臟之後剩下的湯。豐富配料有豬脷、豬腸、豬紅、豬潤、豆泡和滷蛋等，滿足感十足。吃飽飽結

去到九龍城，多數都是食泰國菜，不過今天個人的壯態不是太好，都晤想食得太辣太刺激，最後都是食番碟海南雞飯作晚餐。昌發泰國粉麵屋的海南雞飯($45)我都是第一次食，雞肉晤算太嫩滑，雞味一般，此外油飯就不夠香!另外有一配例湯，可是好淡味好似飲水! 把雞肉蘸上汁醬伴食都不錯，汁醬較酸而辣，所以我都晤敢食太多!最後點多個椰青解下辣，椰青夠冰涼，真是解渴又清甜!最後結論是....下次都是order番咖哩、金邊粉、沙嗲串燒等.....此等食物水準會較好，而海南雞飯的質素真是麻麻!

有唔同派系嘅泰菜呢個唔同出面食到架多特色嘢考牌都係 冬陰公蝦餅魚餅因為有比較魚蛋過咸但係好好味食得出佢用咗different herbs味道比外面嘅重味彈牙蝦餅反而 煮得好似酒席的蟹鉗咁冇咩特別春捲炸得太耐有d裂開最特別係雞春捲or雞餅已經唔記得叫咩名但係真係好好食冬陰功加辣 都唔夠辣但係都係普通冬陰功味喇合格椰香雞翼湯麵一d辣都冇唔好比佢外表呃到好重椰香味但係上面紅色一層油又真係唔知係乜野呢個派系既野都係偏甜有啲甜味嘅湯麵食唔慣豬手撈面有大量菜啱哂我仲有各種唔同'混醬'調較自己最愛口味口水都流埋麵條彈牙豬手悄肥

九龍城既泰國街果然名不虛傳 今次去坐昌發試下d 河粉，真系好正！！非常正宗！！ 食完有置身於曼谷既感覺 泰國河粉點少得呢款游船河（我轉左金邊粉，比較幼身，純碎個人喜好）！湯底非常濃郁，配上非常香既羅勒葉同豬肉、肉丸等材料，非常豐富而且仲非常平！只系$35！！ 超級大推介！ 呢款咖喱雞翼麵唔系好辣，而湯底同樣非常濃郁，好重椰汁味。雞翼亦都非常入味，再加上一點點酸菜，微酸帶甜，配上椰香咖喱湯底一流 哈哈食泰國野點少得PADTHAI 泰式炒金邊粉。我只可以講，昌發所有粉麵都好出色 呢味炒金邊粉濕度及調味適中，配料非常多，有大蝦，炒蛋，加上花生及青檸，而且分量亦都幾多，適合幾個人share，正！ 生菜包亦系我其中一個最中意既泰國菜色，我叫左個比較無咁辣個款。肉碎、洋葱及豬肝炒成既餡料比例非常好，洋葱可以平衡小小濃味既豬肉，而豬肉肉汁非常豐富，生菜非常新鮮，好好味！ 所有野食都好正！下次有機會一定要試埋其他野。最重要系非常價廉物美，推介推介！

在九龍城的地區，好多人都會想起舊啟德機場，對我來說，是我最愛食泰國菜的好地方，今天我去了一間差不多開咗廿年的老店《昌發泰國粉麵屋》，慣常我都喜歡點鮮蝦金邊粉及冬蔭公，但是今天晤想食辣的東西，點了鮮蝦金邊粉($58)之外，還點了一杯椰汁珍多冰($30)，今晚是星期六，餐廳中的客人都不少，所以等待食物的時間都較耐了一點，大約15分鐘後，珍多冰上枱了，七彩繽紛的粉條都好美，粉條軟腍帶微微煙韌，帶些椰汁香味，晤會太甜入口順滑。而鮮蝦金邊粉都是即叫即做，有三隻去了蝦頭的蝦肉，蝦肉鮮味彈牙，金邊粉又不會煮過腍，再加上青檸汁到花生碎，口感更豐富又帶有清新的青檸酸香，味道同事偏濃味，可讚是份量十足，都好抵食。店中大部份都是泰國姐姐，招呼就冇，一支drinking water一早放在枱上，都晤知是否乾淨!

好耐無食泰國野，星期日特登早少少去九龍城食個早飯，唔想同人迫嘛，未夠6點就坐低，好彩唔駛等位，2個人，乜都想食，最後叫咗5樣，串燒豬牛雞，紅咖哩牛肉，炸蝦餅，蒜蓉包同豬手撈麵。串燒味道普普通通，紅咖哩味道不錯，椰漿唔太多，幾好，炸蝦餅，新鮮炸起，幾彈牙，蒜蓉包，ok，餸咖哩好食，豬手撈麵，第一次食，好有喺泰國食嘅味道，豬手好林，個汁撈麵好夾，好好味呀～～～整體嚟講，昌發都幾抵食同好食。

叫左炸蝦餅拼魚餅 同冬蔭功海鮮麵先講魚餅 好香香料味 食落口味道好有泰國味道 味道似炸魚蛋 好彈牙 而且魚餅唔癬而蝦餅超脆 炸漿唔厚 好似天婦羅咁 食落口蝦味濃 彈牙 食落唔似有太多粉去做 蝦餅味道微辣 唔配酸辣醬都ok冬蔭功湯麵 正！冬蔭功比較適合香港人口味 較酸 唔太辣 香茅味唔太重 飲落好暖胃同開胃 蝦好入味 配料都多 有咬勁 麵又唔會太硬同太林 而且幾大碗 麵吸哂冬蔭公湯好味道似豆卜吸哂味

店名:昌發泰國粉麵屋地址：九龍城城南道27號地下好味指數：8.2/10價錢：$35遊船河鴨血湯底色澤深沉，味道濃而鮮，配料有肉丸，肉片，豬潤，芽菜，通菜，金不換等。河粉用了粗的那種，吸收了湯底味道，非常入味。肉丸吃不出味道，份量太小。店名:昌發泰國粉麵屋地址：九龍城城南道27號地下好味指數：8/10價錢：$55香葉肉碎撈飯（雞）味道突出，份量足夠，非常惹味。順帶一提，還有香葉肉碎飯選擇，不喜歡炒飯的可選擇這個。店名：昌發泰國粉麵屋地址：九龍城城南道27號地下好味指數：8/10價錢：$58冬蔭功湯(小)冬蔭功湯味道不太辣，味道不錯，份量亦足夠。唯一不足的是可以加上火爐加熱，讓客人慢慢品嘗，湯放涼了味道立即打折。店名:昌發泰國粉麵屋地址：九龍城城南道27號地下好味指數：7.5/10價錢：$15椰汁西米糕香葉味道不夠突出，香濃椰汁味配合西米和芋頭是不錯。 

首先係蒜蓉包，非常脆，咬落去sok sok聲，牛油味超濃，蒜蓉味還可。炸蝦餅拼魚餅，魚餅一般，香葉味強勁，有條魚骨，睇尼的確係用魚刴成蝦餅入面有食到蝦碎，睇尼落足料燒豬頸肉湯河同泰式炒辣肉碎湯河，河粉唔錯，湯底幾濃味，豬頸肉唔錯不過單叫燒豬頸肉會更美味。串燒豬牛雞各兩串，三樣都好食，尤其是牛肉，好林唔會有筋或者太un配上沙爹醬非常美味。椰汁珍多冰，睇尼係成罐椰漿冇開稀過，好傑同好甜，原汁原味

今日好早到了九龍城，怕之後人多，所以準備食個早飯。我係第二枱客人光顧晚市時段，可以選擇比較大的2人座位，不消20分鐘，這間小小的店舖已擠滿了客人。可惜有點冷氣不足，除非坐走廊位對於兩碗麵的湯底，實在值得一讚，咖哩湯底好重椰香味，雖然湯底紅噹噹，但一點都不會覺得辛辣，反而有陣甜香，好開胃。喜歡清湯的人，對呢碗雞湯河湯底想必會滿意，清清甜甜，有雞味，不似落味精，可飲多幾啖。燒雞份量不算很多，等了20分鐘才上菜，一上枱都只是微暖，有點失望幸好味道還可以，偏甜，似蜜糖燒雞味。

泰式生蝦無蝦味不新鮮只有六只仲要八十八蚊有點貴，冬蔭公湯太多椰醬味需然六十八蚊但吾好飲。豬頸肉湯河豬頸肉ok但湯底無味三十八蚊合理。綠咖哩只有椰醬味。椰汁三色珍多冰ok。

同一晩食第二個晚餐，今次揀左昌發，食兔仔最鍾意既軟殼蟹。我地點左螄蚶、咖哩炒軟殼蟹、蒜茸包、珍多冰。螄蚶$68 - 份量比想像中少，而且太熟了！冇左食螄蚶果種帶血既口味～咖哩軟殼蟹$208 - 一上枱已經覺得有些唔妥，咖哩汁太多了，完全蓋過炸的軟殼蟹。食落口d軟殼蟹已經淋晒，而且咖哩汁有少少偏咸，送白飯就一流了。蒜茸包$25 - 全晩最滿意，焗得香脆又有蒜茸味，一客真係唔多夠

當冇錢去旅行，但係又身痕，你會點解決？我會去九龍城扮去泰國旅行。九龍城簡直係一塊福地，能夠滿足晒你想去泰國嘅慾望。先嚟個泰國人泰式按摩，然後食個芒果糯米飯，再去泰國小店Shopping，仲可以去生果檔買榴槤，最後當然係食泰國菜醫醫肚啦！昌發係其中一間好鍾意嘅泰國菜。通常都要等位，除非好似今日咁夜啲9pm先去。今晚簡簡單單食咗少少嘢：生蝦刺身，馬拉盞炒芥蘭，龍眼冰。生蝦刺身絕不欺場的前菜，隻隻生蝦都又厚肉又爽甜，中間開邊連生蒜食，又辣又爽真係好過癮。而且靈魂在於鮮魚露，中間切碎嘅辣椒一食就辣到冇朋友。越辣越想食，次次都食到咀唇痲痺。馬拉盞炒芥蘭逢吃泰菜必食！咸咸香香鑊氣十足，芥蘭新鮮，條條都脆卜卜，炒埋一碟好惹味。師傅刀工亦不錯，每條都厚而短，容易入口。份量亦足夠，唔會唔夠食。龍眼冰飲品有點失色，凍飲旨在止辣。全杯都是罐頭龍眼加糖水，而且超多冰，不喝也罷。