日新鮮豆漿 (已結業)

今日突然好想食饅頭，但人在中環，除了茶樓可能有饅頭賣外，那裡還有呢?這時想起日新鮮豆漿，不如去碰碰運氣吧。哈!果然有，真好彩不過價錢有d貴，$5一個，記得包點先生亦只係$3.5，這家不是以中式包點作主打的店舖，竟然還賣得貴過包點先生，難道味道會.....一咬，其實無咩特別，鬆軟，食落有d甜味，我想當中有一半價錢是屬於地產商的。

向上環呢頭返新工.....聽阿姐講後面好多野食...前兩日就去睇下.....買完生記經開呢度....就買黑豆漿黎試下....真係唔太甜同好有豆味.....第二日再幫襯飯盒....係菜甫炒蛋飯+豆漿....好屋企feel....唔錯....會再幫襯~~見到好多人買炒米粉....好大盒下...都係10蚊...下次一定要試下....

我係上環返工,豆漿+飯都係$20.非常抵.可以上環中午食飯時用$20.物超所值.公司女仔經常幫襯.讚過豆漿好過出面鋪頭,健康D.意米豆漿和甘筍菜飯一流.$7豆漿好好飲.

淨係買左杯薏米豆漿, 一飲落口, 唓! 味淡味既豆漿+薏米, 其實煲淋d薏米, 加山水豆漿重好味過佢啦! 又無豆香味, 跟本就係外面交黎的貨色.大家唔洗山長水遠去試啦! 去supermarket買普通果d都好過佢! 重要$7一杯!

早知之裡的自制豆漿豆味四溢，可惜幾次來到時間不相就，都是吃閉門羹！是趟經過，剛好仍未收舖，就進來要杯。全部都是外賣密封杯裝的，幾款不同的豆漿，在西米豆漿及杏仁豆漿中選了後者；豆漿豆味濃鬱、而中間淡淡的杏仁香味亦不錯，而不太甜亦是自已的那杯茶，果然名不虛傳，而七元一杯，經濟超值！

d豆漿好似淡o左d同稀o左d....秶飯好好味, 不過對女孩子來說分量多了點....最大o既問題係早上排隊o既時候好多人插隊..d staff又唔理照賣......所以大家去幫襯前要留多d時間....

自從在雜誌上來了一篇文章說牛奶是給幼牛喝的﹐並不適合人類的消化系統便改了和荳漿。最近我媽媽都是來這裡買荳漿給我們喝﹐$7 一瓶有600ml。我最欣賞的是它們有無糖的荳漿供應﹐合符我健康要求﹗一次半次喝甜荳漿沒關係﹐但天天都喝就不成了嘛﹗另外雖然它的荳漿不比自己家裡做的荳漿有那麼濃的豆味﹐但是就比較幼滑可口﹐而且就算無糖都不會有那種“旱”味﹐算做得不錯﹗

去完生記食粥, 唔夠飽, 來一杯豆漿!好好味呀~豆漿本身不太甜~ 好有豆味,唔似得其他所謂豆漿咁溝勁多糖水lor~呢d地方賣七蚊, 算係咁啦~出面好少會用薏米加落去黎賣~ 好健康~美中不足o既係d薏米, 飲到最尾啜唔到, side哂~阿姐勁好人, 見我拎住咁多野摷散紙包, 幫我拎住~笑容可加, 值得一讚!其實呢間野有冇得堂食o既呢? 我見佢裡面冇枱冇椅咁...

個日行過買左個薏米豆漿，豆漿本身好普通，加左d薏米係好食既..但係好多係個底度又食唔倒喎........個蓋又係密晒個隻，meet 唔開既.....另外買左黑豆槳..都好普通jeh..

悶熱的天早上非常想喝些凍凍的飲品, 最健康的選擇都應是這兒的豆漿了.一大枝豆漿+ 腸份都只收$12, 又平又健康去邊搵? 豆漿不太甜且有淡淡的豆味, 真的不錯. 雖然腸粉不夠熱及實實的, 但個人應為他們的豆漿巳夠俾滿分了.

食過哩間店ga豆腐花，覺得真係好滑好味，唔會話"鞋"口。豆漿本身冇咩甜味，似呼唔煮ga時候唔係加左好多糖黎增加豆漿的味道，不過就有豆味，都唔錯ga！

我差唔多隔日/每日都有飲佢地既豆漿架....佢地有意米、西米、紫米、紅豆(7蚊)選擇....我最鍾意意米...因為有好似食緊糖水咁既feel....總之好味....最佳拍擋....餈飯(7蚊)d炸菜spicy架...好野味.....唔似其他冇味唻.....而佢地既炒面係非一般架....有咩用油...所以唔會好肥.....個四眼哥哥都好nice呀....

之前o係蘇杭街返工，食lunch好多時都一個人o係呢度搞掂，最初比佢o既西米、薏米豆漿吸引，發現佢o既豆漿好正，好有豆味而又唔太甜，每日就算唔o係度食野都要黎買番杯黎飲，其實佢除左豆漿正之外，其餘d「痴」飯同炒米粉都幾好食架，順帶一提果度負責鋪面個女仔好nice好好人架，可能因為佢鋪仔細細啦，加埋個好nice姐姐仔好有屋企feel，樣樣野都好好，不過如果鋪位可以大多少少，多少少位就perfect喇

成日行過都想試佢地o既豆漿，因為見佢有意米、西米、紫米、杏仁... 好多選擇，如果早餐杯豆漿加埋餈飯呀咁都係十零蚊，都幾抵丫~ 我又好好好鍾意飲豆漿o既~ 咁尋日中午上完堂行返中環返part time，已經食左蛋糕同十字包ga啦，但係行過呢度，忍唔住去裝下，見到中午佢原來有賣埋飯ga~ 有4款，6味齋飯、菜脯煎蛋、甘筍菜飯，仲有個唔記得啦... 我就係俾個甘筍菜飯吸引左入黎(鋪面就好細，得３張檯)，有另一個女仔都係一樣，點知居然仲整緊... 結果要左個齋飯，份量都幾足，女仔食o既話應該要叫少飯，味道就普通啦，我口味淡，覺得鹹左少少，不過足料啦... 有甘筍、金針、豆腐、木耳、磨菇同腐竹，叫得齋都預係呢d，唔通想佢有煎炸野咩~ 食食下見佢地d甘筍菜飯整好，真係有d唔開心，不過我下次會再去食，到時可能有得試下啦~坐左差唔多大半個鐘，見佢真係好旺下，好多人食完飯黎買豆漿豆花，當然都有外賣lunch o既，睇黎有好多係熟客，d伙記都幾好親切咁，不過實在太多人啦，叫野o既時候可能要等一等佢地先應到，但係佢地好快手快腳o既~ 我臨走買左杯意米豆漿tim，要唔甜o既，唔... 豆漿唔算好濃，都可以啦

今天午飯後來買豆腐花食，$１０買了兩碗外買取走。返到公司即刻取出來食，一食就。好怪呀，一D都不似平時在豆腐檔買的豆花，完全無紋。好滑但是似大菜糕制的滑，豆腐味很少，全無口感。只覺食緊豆腐啫喱咁，下次一定不再買豆花，但會比多次機會，試豆漿。