日新鮮豆漿 (已結業)

早兩日放工去生記食完粥,經過見到有黑豆漿$6一杯,天氣又熱,見佢舖頭都幾乾淨,都係買杯試試,佢事先已將豆漿入杯, 然後封蓋,好似以前沙冰咁做法,味道幾淡口,豆味如果可以濃d更好,不過天時暑熱,能夠再凍d就好啦!可能出面少見黑豆漿買,感覺怪怪地~~~~~^^

味道幾好有淡淡豆味, 不太甜, 夠凍, 喝後無肚痛, 應該幾乾淨.

見到好評諗住去試試, 豆漿果然真係好好味($5)!!雖然間舖唔大同簡陋, 但係服務態度好好, D店員好nice~途中殺出一個大衰人........因為呢度o既豆漿係$6一支, $10/2支, 個人買3支, 照理應該$16, 佢竟然因為區區o個$1而瘋狂咁鬧店員唔識做生意..... 又點點點咁.........講真我覺得佢真係極度cheap同人格有問題, 唔滿意個價錢可以唔買, 又冇人迫你, 何況係o個$1, 至乞人憎係佢身邊個女人只係係度笑, 係唔係心理唔平衡ga????算啦! 呢個世界咩人都有!! 呢度o既店員只係笑笑口o既回應, 所以容忍力好勁!! 佩服............

豆漿算是高危食品....而且不正當做法有好多....購買時小心品質....

今日有事要到呢頭,搞掂後在附近閒逛,記得之前惡男兄同KC兄都大力推介呢度的豆漿,橫掂經過,就順便買了兩支來'隊'(小妹身形唔細,大熱天時特別易口渴,'飲'已不足以形容我的速度).$10有兩支,但每支有成700ml,比起普通綠茶仲要大支.飲落有淡淡豆味,滑滑的,一點粉都無,好正,其他舖頭簡直無得比!雖然之後搭左電車去北角行街,但飲完一支都覺幾飽肚,最後都係將另一支帶回家慢慢喝

芝麻湯丸係自家製，粉皮加西米去搓，見到一點點西米好得意，一碗有五粒，都幾大粒，薑湯勁好味，唔係太辣，又唔會太甜，顏色又清，美中不足係芝麻餡略甜。豆漿好滑，又有豆味，如果唔鍾意甜，仲有唔甜可以揀。豆腐花滑嘟嘟，正!

見惡男兄報料話呢度開左間即磨豆漿，見今朝喉涸涸，來飲杯豆漿都好，起碼有益過飲咖啡丫。呢度外表新淨光猛，全店只設外賣不設堂食，係有少少唔方便。未行近果兩個阿姐已大聲招徠，相當殷勤呢！有多款以豆漿做膽的早晨套餐選擇，見腸粉是剪開在蒸籠內焗熱的，好食極有個譜。炒麵又不能一路行一路食，唯有要了秶飯，至少見個阿姐在舖內完緊，會好D。豆漿唔係好甜，豆味淡淡的，是不錯。呢度標榜豆係加拿大來的，又唔加糖，又自家製造，問個阿姐係真唔係，咁勁？佢二話不說指一指地下的兩大麻包黃豆同店內的大台製豆漿機，好似係幾堅，又或者流極都有個譜呢！栥飯普普通通，但食完一定夠飽。總共12蚊，無疑係經濟又抵食。差唔多返到公司，發覺無杯咖啡到肚都係頂唔順，唯有途經荔香園買番杯。

吃完生記的麵,有點兒口渴說,見這裡新開了一間豆漿店,與是抱著一試無妨的心態一試,這裡標榜用加拿大精選黃豆,及不加糖,是否真與其說,真的不得而知。買了一支豆漿,味道並非十分突出,但有淡淡的豆味,而甜度適中,不錯。除了豆漿這裡還有紅豆豆漿、豆腐花及一些小吃,小吃加豆漿餐價錢約是10-15左右,另外豆漿一支$7,兩支$10元十分廉宜。