日和号壽司料理 (已結業)

Food are ok ! But service absolutely bad ! Especially the shop manager. A very bad experience here 食物其實唔差，奈何服務質數十分差，店員由其店長毫無禮貌，實在令人失望！不會再去！！

平日中午去megabax真係好多人，每間店都要排隊，所以要12:30前到就最好啦！見「日和號」大大間，又無人排隊，所以即入，哈哈！點了兩個lunch set， 份量好大，每碟都應該足夠食兩餐，哈哈，好抵。先講日式咖哩芝士豬排飯，咖哩係普通日式咖哩味，無特別。豬排內釀了一層芝士，味道還可以，但豬排太乾，而且和這種芝士不太夾。太陽蛋也生了一點，蛋白未全熟⋯所以只吃了邊邊位。另一道係鰻魚炒飯，份量更驚人，兩個人食一定夠！至於味道就中規中矩啦，都算有幾多鰻魚粒。食到後期有啲辛苦，其實如果份量減少啲，價錢降低啲，我會覺得吸引啲囉。。。

日和號睇落伏伏地，開頭以為係爭鮮質素既壽司，不過有次同事帶過我去食後，就令我經常幫襯了。係價錢方面，日和號係九龍灣區算係幾抵食，午餐加一後都只係60，70蚊，而且坐得好舒服，每個餐都有前菜飲品。是日叫了一個火炙壽司飯，三文魚好厚身，左口魚好香好滑，另外蟹棒亦燒得岩岩好，再配上一隻生雞蛋，成個口感都好香滑，九龍灣區想平平地食日本野，算係唔錯選擇

見有位門口個mon d相ok吸引入去試一坐低個杯勁多跡，換完個杯勁臭，完全唔夠膽飲，一間咁既餐廳好意思收人$4茶錢叫左個豬柳撈烏冬，3件豬柳麻將咁大，烏冬係用麻醬撈，但係室溫，好難食「自家制蟹肉玉子燒」入面係蟹柳，係人都知蟹柳唔係蟹啦，玉子燒得蛋味，完全冇甜味再叫叫多左個飯，尚可兩個人埋單$220，d人唔願做野，收錢期間成堆人當你透明，係個疑似經理最後講聲多謝哂咁既價錢咁既服務咁既質素，真係世界之最

上星期去mega box 諗緊食哩間定隔黎個間 見哩間價錢唔平唔貴試下啦 仲有好多位淨都要搭枱 兩張枱痴埋 個經理同d職員 唔幫親去睇下佢地打扮都會覺得經典 黎左個刺身飯先 個職員黎到就咁放低 唔講係咩野食/問邊位既都算 未見過咁唔新鮮既刺身 兩隻蝦霉霉爛爛 三文魚淺橙色 真係爭鮮都好食過佢好多 黎埋個7味雞軟骨 仲有兩個小食未黎 d野真係難食到想截單埋單走 真係好 難 食！！！ 以後都唔會再去 走個陣比左幾張嗚門既coupon 我連嗚門都唔會去食

服務只1句1字:1字 : 差(經理 及 全員工)冇禮貌 x 1000%1句: 上樑不正下樑歪 服務態度真係一殼眼淚， 你哋可以嚟試下，試完你就知，真係好差好差好差好差，點解你哋仲要嚟嘥錢

帶位職員帶左我地去坐低，跟住無耐個地中海經理好差態度咁同我地講：呢度3-4人座跟住喝我地坐去第二度我地話係職員帶過黎佢唔應機就走左再叫第二個職員帶我地坐去第二度跟住餐牌又冇 嗌人勁耐先應 咩嘢食都話冇 迫人食丼飯

好想食壽司，本來諗佳食元氣，但諗起呢間壽司店９點後有半價，就去左試下。９點鐘準時入座。宵夜半價有另一張Order form，指定壽司，刺身，連飲品都有半價，選擇都算多。啲野食好快就到，三文魚腩刺身好肥美，都算新鮮，另外仲叫左吞拿魚刺身同帶子刺身，都係新鮮既。之後仲叫左我最鍾意既軟殻蟹手卷，半價後既軟殻蟹份量都好足料，好正！仲有火灸左口魚壽司，油脂豐富，超好味！呢兩樣係我既大愛！除左呢啲之外，仲叫左原條燒饅魚壽司，海膽軍艦...數數下，其實都叫左好多野食！其實仲有甜品叫，不過我已經飽到食唔落，唯有下次再食！今日食到咁飽，一個人都係$120，算抵喇！期待下次再食！

一入餐廳感覺好靚，全場印有post pet ，周圍都係粉紅色，座位是火車卡位，坐得舒服。Order 左赤蝦海鮮丼跟熱菊花薑蜜，而且有跟沙津，同事叫左溫泉玉子牛肉讚岐烏冬跟凍零茶，再跟2件加洲卷。份量足，魚生又新鮮，好滿足的一餐。

性格比都高嘅深夜半價壽司（星期一至四 九點後，星期五六日 九點半後）一個人食叫咗8碟，除三文魚麻麻地之外，其他壽司都好味，芥速八爪魚特別出色。正價食就會覺得貴，但半價都會吸引到我再食。

經過見餐牌都好多款式選擇就諗住試試食物賣相普通，味道不予置評。比食客飲用既杯裡面好污穢，地面都多垃圾。壽司飯多料薄啲飯都係暖 軍艦黎到紫菜都已經淋哂，可能飯係暖而個手卷黎到個紫菜都淋哂，完全無口感，難食！我諗這間餐廳應該係多飯為主。另外點咗樣叫明太子三文魚加州卷，唔知點解啲三文魚係白色肉。唯一滿意就係燒玉子，軟殻蟹子沙津，冷盤八爪魚同蜜桃乳酸梳打。服務態度差唔主動，食完空碟唔收仲要自己執位比佢放食物👎🏻不如免加一兼無禮貌。今餐就咁食咗$58X, 完全不值，一定唔會再試多次！

無人等位，周圍都係吉枱，要求坐列車位但佢話好忙叫我地搭枱，但明明有格列車係無人都唔比人坐，係都要我地坐方枱，眼見全店有五成枱都無人坐囉！咁唔食啦！個男人仲即刻講byebye！未見過咁差服務態度！

唔想同人逼，嚟megabox食飯係一個唔錯嘅選擇。商場唔多人，食肆好多時都唔使排隊就有位。平時經過呢間日式餐廳好多次，今次終於都入嚟試一試。環境唔錯，兩個人都可以坐4人嘅卡位。餐牌都有幾多唔同種類嘅嘢食，有好多選擇。牛肉火鍋 牛肉嘅塊數唔多，不過都可以接受。個鍋有好多雜菜，又有粉絲，豆腐，金菇等等，都算有好多種類。味道不錯。鐵板燒魷魚鬚個燒汁味道就一般啦，魷魚鬚又唔算好硬，分量都幾多。叉燒拉麵 有4塊叉燒，都唔算少啦。個拉麵都幾彈牙，湯底唔太咸。

二人晚餐，點了豚肉生蠔泡菜火鍋，火炙明太子沙律三文魚親子卷加杯Detox香橙果茶，埋單要二百四十幾，是中價消費。豚肉火鍋主要以蔬菜為主，生蠔只有三隻，豚肉六小片，以$88來講有點兒細份，如果可以追加配料，例如烏東，拉麵，份量多點便更好。親子卷與相中相比細份，但味道確實不錯。但吃不到明太子味道，飯也比較鬆散，難夾。最後杯水果茶好fresh，不過唔建意食埋入面既水果，因為是磄水水果，雪到冰再放入飲品中，比較甜。

到Mega Box 購物, 想食日本野, 就揀左呢間餐廳. 點知叫極都冇人點餐…叫左幾次先有人理下我地…果下都已經有點不耐煩.之後黎左個刺身飯又唔俾豉油碟人...又要搵人問..我發覺佢地係聽到都扮聽唔到, 繼續係度傾計…究竟發生咩事?!! 咁樣食一餐真係好累…