日和号壽司料理 (已結業)

又黎到mega box食野喇！因為朋友有coupon就到期，要急急用埋佢呢。平日七點到，地方好大，不過唔多人，唔洗等位。2人坐4人car位，有獨立空間。有小食，湯鍋，壽司等等，種類都算多。牛肉湯鍋有雜菜，半熟蛋，肥牛，冬菇........肥牛肉質有少少靭。湯底好鮮甜喎，飲完唔會好口渴。炸蝦手捲炸蝦炸得好脆，冇乜油。 蝦肉都算彈牙！外面嘅紫菜亦都好脆口。三拼壽司有赤貝，北寄貝，帆立貝。刺身夠新鮮，飯軟硬度適中。

點了壽司卷和其他小食, 玉子燒唔好食,朋友食完覺得似蒸蛋, 味道和口感都差, 以食物質素來說性價比低, 魚生亦唔新鮮。得罪講句，全餐最正嘅係支波子汽水...服務方面如多則食評所講麻麻，工作人員帶完位之後完全被忽視，茶都冇一杯。而枱面亦放了多隻豉油碟，但明明只得兩個人食。當日的二人枱size已經唔大, 再放多十隻豉油碟，感覺超壓迫。衛生方面都惡劣！每人一隻放食物的碟有豉油漬，洗不乾淨。本人唔係接受唔到，但呢個價位的餐廳，應該要做好基本工吧！

有同事話想去食日式野，所以我哋就去咗megabox 9樓食日式餐。剛到12：30多啲，唔駛等位就可以直入坐低。望一望餐牌，就見到有壽司餐同普通日式餐，韓式韓可供選擇選，最後經過多番討論，都係決定要溫泉玉子牛肉餐讚歧烏冬， 高菜燒雞扒飯。店員好快就把餐送到餐桌前，首先到嘅係我最鐘意嘅讚岐烏冬，烏冬本身好爽口彈牙 ，再配一個清湯底，加濃厚肉汁真係好夾。之後職員再送上高菜燒雞扒飯，雞扒本身多汁，軟身，好易切，食落有新鮮感。整體食物質素都幾好。只係有關味噌湯嘅湯太熱，個碗蓋好難開， 最後需要請店員幫忙至可以飲到個湯。今日我哋都食得好滿意

同屋企人去UA Megabox睇戲，媽咪話之前食過呢間「日和号壽司料理」，話唔錯，廢事再揀於是攞位等食。唔知係咪我地早，等左10分鐘都唔洗就有得入去啦。—佢裡面座位其實好多，成餐飯都見到仲有位係未有人既。午餐黎講選擇算多。—刺身‧壽司定食我同媽咪都揀左呢個，有刺身，壽司，仲有個細烏冬，貪心既藍妹揀呢個就樣樣都食到啦。🤤佢既刺身唔係超級新鮮果種，但勝在厚切，亦冇乜雪味，食落去有好豐富既感覺😝烏冬好彈牙，牛肉雖然好薄，但份量都唔少。整體夠飽之餘，味道亦達到要求。😊—吉列炸生蠔 + 炸芝士年糕藍妹淨係食左炸芝士年糕，皮好薄，平時食開放題果啲都好厚皮，淨係食完皮都飽啦😰但呢到既唔會，芝士熱辣辣做到少少流心既效果，滿意啊👍—味付螺肉份量OK，味道不過不失—陶板芝士饅魚炒飯等左都有10-15分鐘佢先上，陶板燒住所以一路食都keep住溫度😉幾欣賞佢有隻蛋係面，吉穿蛋黃，蛋汁仲會流出黎，撈埋本身已經比饅魚既油分炒得好香既飯，真係一種滋味😋 撈埋芝士去食，一開始食好正嫁，可惜愈食就愈漏啦😣食到尾仲有少少飯焦，唔錯🤪 不過藍妹略嫌飯粒太林，食落去太黏，冇左口感之餘，仲會令到人好快就唔想食😧—好多食評都提到

就係尋晚，我一位朋友購買左一碗大概70蚊嘅拉麵打算係外面food court位享用，拎完麵個啲湯唔熱之餘麵係林曬，我地總共5位一齊食，而當然我地四位都有嘗試我朋友嗰碗拉麵。難食嘅程度係我朋友最後放棄進食而選擇進食我食剩嘅飯。最後當然我地有向餐廳反應意見，但只得到一聲"哦！得啦！"嘅回覆。 明白到佢地唔係廚師，所以冇話想特別評論佢地嘅味道 (但嗰碗拉麵真係唔值70蚊奉勸大家唔好點)，但係服務太到令人感到不快，俾錢買難受！

去mega box睇恐龍仔，影下相。比想像中人多，曾幾何時megabox已是一個死城。攪親子舖和活動，可以話同dinosaur一樣，翻生左。超多食市，每層都有，真係花多眼亂。行行下見到裝修都幾可愛的“日和号”。食物都多元化,睇相賣相不錯。6:40pm左右不用等位，行入去就可以，裡面好多枱。裝水的不銹網杯，裡面不太清潔，有待改善。炙燒三文魚蟹柳，份量夠大。但無炙燒的效果全部無味除了沙律醬呑拿魚沙律都大碟，牛油果一大片係面。底的醋小小酸最安全是雪糕. $30杯芒果雪糕綠茶雪糕$30餐紙有心思

點了海鮮丼及三文魚親子壽司卷, 前者$118後者$98, 以食物質素來說性價比不高, 其中海鮮丼賣相可以, 但魚生唔鮮。另外芥辣係: 沒有芥辣味。服務方面如多則食評所講麻麻, 帶位的阿叔全程黑面無問題, 自問都食慣茶餐廳, 唔會要求伙記全部笑笑口, 但叫他加茶竟然成壺茶拎起搖, 示意下屬去加, 但期間壺裡僅餘的茶飛濺在桌上, 一句唔好意思都無。此外每人一隻放食物的碟有豉油跡洗不乾淨, 桌上除了壺裡無茶之外, 豉油樽只剩餘好少豉油, 芥辣亦是, 職員無諗過要refill, 地板都有好多垃圾。另一重點是要收茶錢, 盛惠2蚊一位, 雖然好少錢, 但第一次見日本餐廳收茶錢(仲要準備收人錢但個壺無茶的)。$118個海鮮丼唔係話好貴, 但係有更好選擇。

野食普通，兒童餐係芒果啫喱加白飯，蟹籽雜菜沙律同炸薯塊。其他嘢食嘅份量足夠，但職員態度極差，沒禮貌，不只一位，所指的是全店職員！點菜要自己寫紙，但接特處冇講過，坐低到想點菜時都無人提過，但一叫點菜，就同我講呢度自己寫個喎！注意尾音係喎，唔係台灣嗰種親切嘅哦。香港地，服務業冇笑容都預咗，但喎字都出講得出口，有冇咁厭客呀？咁既態度極度影響食慾囉，何況質素只是普通，價錢亦唔係平，侍應咁趕客，唯有如她所願，不會再有下次機會。大家可以慎重考慮配合侍應的心願。其實唔止我地呢枱客，隔離張枱都忍唔住寸佢哋。劣劣劣！

中午係Ｍegabox既food court食lunch，lunch time 好多人，大概等左20分鐘到有位，環境係幾大幾舒服，坐低左就好快落單，我叫左個什錦魚生飯，配杯汽水就唔駛加錢。野食都好快到，什錦魚生飯賣相係幾吸引，仲有塊樹葉係面裝飾，但唔知食唔食得，我就冇食既。三文魚味道唔錯，但係有啲刺身款好少，又有筋，碗飯份量又少，男仕食一碗一定唔夠飽，價錢又貴左少少，有加一服務費，完全唔抵食，唔會考慮再幫襯。

Lunch with Postpet in the restaurant:1. Novel Japanese x British fusion cuisine, good for someone who is adventrous2. Fresh hot deep fried chips, thick ones3. Juicy fish4. Typical non-spicy Japanese curry5. Al Dante udon

以前都會黎食，但今次食完唔會返轉頭。食物退步左，連服務態度都劣。我叫左杯凍菊花薑蜜，没有给飲管也算，我只要求给我spoon去搞杯飲品。個帶位阿叔给我飲管( 我拒絕因環保理由), 阿叔叫我用筷子搞，好似用自己杯飲品洗筷子。兒童餐又唔提供餐具。飲品又漏落單。真係失望，bad bad

食物一般，服務員超差，一柸飲料七喜可以半小時都不來，直到追單先知留單，真不知道怎樣可以這樣。以前來mega box 一定來這裡用午餐，因為價格合理，我想以後不會再來。

呢間餐廳屬中價而食物水準亦不過不失。今晚食過海膽牛乳乜乜丼亦算好吃，可惜太肚餓而無影到相。除此之外，呢間餐廳既服務質素冠絕全球，令到我千辛萬苦都要搵返個account出黎畀個讚👍🏻1. 提供長時間用餐時間 - 19:15向侍應落單後，30分鐘後才由收銀處櫃枱職員入機通知廚房。我們先向侍應落單點了一個烏冬，由於烏冬係畀2歲多小童吃的，等了約20分鐘時向灰衣侍應追問烏冬進度，由於沒有得到回覆，所以唯有於19:45直接向櫃枱曾入機既一般職員查詢烏冬係幾點落單。職員手執一張落單紙說「現在落單」。亦即是說，落單過程需要30分鐘，可想而知呢間餐廳並唔著重高效率高轉枱率，適合談心、做功課或傾談保險。2. 回應反應快捷的店舖經理 - 相信當你知道坐左30分鐘仍未入機，一個正常人自不然會問：「吓？仲未入機？我白等左30分鐘」是晚自稱為Anson店舖經理喺隔離忙緊其他野時聽到，二話不說對我講：「咁你仲要唔要？」3. 好好傾的店舖經理 - 由於呢間舖頭係拎單去櫃枱找數，埋單時免不了要再與Anson接觸。Anson佢好好傾，以下係一啲節錄：a. 我：「我落左單你地30分鐘仲未入機。」 Anson：「我地有好多

九龍灣嘅午飯時間好寶貴 ，所以公司放12點lunch是一項德政。我同同事們去食飯嘅時候， 唔洗點等位，當中我們選擇左 一間日本嘢，諗住應該穩打穩紮，點知就出事。來籠好大好多座位， 上菜唔算耐，我 叫咗一個需要12點45分前埋單先可以享用嘅平餐，約45蚊， 叫咗個滑蛋豬扒飯。正常滑蛋豬扒飯唔會難食， 問題不外乎豬扒太硬， 太細件，但我低估了呢度嘅廚房。蛋咸左d，不過唔緊要我都食得重味， 香菇有啲臭水味落左飯度 豬扒又薄，又有雪味， 搞到我午飯都係㗎食咗一半ja。 十二點半追埋單，埋左張單,唔使找錢，但佢又冇俾番receipt 我。 搞到我地想離開嘅時候， 驚有人覺得我地未埋單就走咗去，因為完全係一種自出自入嘅狀況

放工喺Megabox 睇完復仇者聯盟已經9點多,見到呢間日式餐廳宵夜時段壽司刺身有半價,就諗住隨便點d 野食~ 一坐低見到餐具籃既筷子有汁, 就叫店員先換。點左Ｄ壽司，先來特大赤海蝦，都正常既。要開餐啦~ 唔見有wasabi ,問店員啦, 然後比左d 外賣既wasabi 我~好吧，唔緊要啦，都係點少少啫。油甘魚，劍魚腩，香蔥吞拿魚腩都麻麻，無咩魚味可能宵夜時間快要收工，店員都比較hea，無收碟之餘，新上檯既食物會放上原先黎既碟上~ 再望一望碟上既赤海蝦...咦!! 條尾去左邊呢?  回心諗吓,真係未試過食日本野,蝦刺身係無尾既.. 然後到芥辣八爪魚軍艦起航上檯... 未知是否八爪魚喺海捲左一條紅蘿蔔絲上軍艦, 所以加料嗎?!心想好又一餐,唔好又一餐,飽肚就算吧!