影片
更多
2018-05-22
378 瀏覽
呢間餐廳屬中價而食物水準亦不過不失。今晚食過海膽牛乳乜乜丼亦算好吃，可惜太肚餓而無影到相。除此之外，呢間餐廳既服務質素冠絕全球，令到我千辛萬苦都要搵返個account出黎畀個讚👍🏻1. 提供長時間用餐時間 - 19:15向侍應落單後，30分鐘後才由收銀處櫃枱職員入機通知廚房。我們先向侍應落單點了一個烏冬，由於烏冬係畀2歲多小童吃的，等了約20分鐘時向灰衣侍應追問烏冬進度，由於沒有得到回覆，所以唯有於19:45直接向櫃枱曾入機既一般職員查詢烏冬係幾點落單。職員手執一張落單紙說「現在落單」。亦即是說，落單過程需要30分鐘，可想而知呢間餐廳並唔著重高效率高轉枱率，適合談心、做功課或傾談保險。2. 回應反應快捷的店舖經理 - 相信當你知道坐左30分鐘仍未入機，一個正常人自不然會問：「吓？仲未入機？我白等左30分鐘」是晚自稱為Anson店舖經理喺隔離忙緊其他野時聽到，二話不說對我講：「咁你仲要唔要？」3. 好好傾的店舖經理 - 由於呢間舖頭係拎單去櫃枱找數，埋單時免不了要再與Anson接觸。Anson佢好好傾，以下係一啲節錄：a. 我：「我落左單你地30分鐘仲未入機。」 Anson：「我地有好多
呢間餐廳屬中價而食物水準亦不過不失。今晚食過海膽牛乳乜乜丼亦算好吃，可惜太肚餓而無影到相。除此之外，呢間餐廳既服務質素冠絕全球，令到我千辛萬苦都要搵返個account出黎畀個讚👍🏻
1. 提供長時間用餐時間 - 19:15向侍應落單後，30分鐘後才由收銀處櫃枱職員入機通知廚房。我們先向侍應落單點了一個烏冬，由於烏冬係畀2歲多小童吃的，等了約20分鐘時向灰衣侍應追問烏冬進度，由於沒有得到回覆，所以唯有於19:45直接向櫃枱曾入機既一般職員查詢烏冬係幾點落單。職員手執一張落單紙說「現在落單」。亦即是說，落單過程需要30分鐘，可想而知呢間餐廳並唔著重高效率高轉枱率，適合談心、做功課或傾談保險。
2. 回應反應快捷的店舖經理 - 相信當你知道坐左30分鐘仍未入機，一個正常人自不然會問：「吓？仲未入機？我白等左30分鐘」是晚自稱為Anson店舖經理喺隔離忙緊其他野時聽到，二話不說對我講：「咁你仲要唔要？」
3. 好好傾的店舖經理 - 由於呢間舖頭係拎單去櫃枱找數，埋單時免不了要再與Anson接觸。Anson佢好好傾，以下係一啲節錄：
a. 我：「我落左單你地30分鐘仲未入機。」 Anson：「我地有好多野做逐個客要去處理緊。」
b. 我：「我等左30分鐘然後你喝我問我仲落唔落單。」Anson:「我問你仲要唔要落單都好正常姐。」
c.（因為當時晚飯時間周圍都要再等枱）我：「如果我有得揀我真係唔想喺度食。」Anson:「其實你有好多選擇。」
d. 我：「我主觀覺得你仍然覺得你自己無問題。」Anson:「你主觀感覺又點會知道我既主觀感覺係點丫。」
e. （埋單$305我放底$100x4，Anson停左兩秒）我：「夠唔夠畀呀？」Anson：「我數緊有幾多張姐。」
一句到尾，佢係無錯既。錯既係黎食野既人。
我好開心利用左人生寶貴既個零鐘頭去描述返成個咁勵志既故事出黎。希望呢間咁好既舖頭可以好好咁做落去，我一定會黎多多幫襯。
張貼